29/04/2026
အတားအဆီးတိုင်းက ကျွန်တော်တို့ကို ပိတ်ဆို့ဖို့ လာတာမဟုတ်ဘူး..."
မနေ့က... ချောင်းရေကျနေတဲ့အချိန် ကားတစ်စီး ရေစီးထဲ မျောပါသွားခဲ့တဲ့ ဖြစ်ရပ်။ 😱
• ကားပေါ်မှာ ပါသွားတာ အသက်ပေါင်း (၁၉) ချောင်း။ စက္ကန့်ပိုင်းအတွင်း သေမင်းက ချောင်းထဲကို အတင်းဆွဲခေါ်ဖို့ ကြိုးစားနေတဲ့အချိန်၊ ငိုသံတွေ၊ အော်ဟစ်သံတွေနဲ့အတူ လူတွေအားလုံးဟာ ကံကြမ္မာရဲ့ အဆုံးအဖြတ်ကို ရင်တထိတ်ထိတ်နဲ့ စောင့်နေခဲ့ရပါတယ်။
• ဒါပေမဲ့... အဲဒီအချိန်မှာပဲ အံ့ဩစရာ ကံတရားတစ်ခု ပေါ်လာခဲ့တယ်။ 😳
လမ်းဘေးမှာ ကန့်လန့်ကြီး ရှိနေတဲ့ "ကွန်ကရစ် ဘလော့တုံးတွေ" ပါပဲ။ သာမန်အချိန်ဆိုရင်တော့ လမ်းကျဉ်းစေတဲ့၊ ခရီးနှောင့်နှေးစေတဲ့ အတားအဆီးလို့ မြင်မိမယ့် အဲဒီအတုံးကြီးတွေက အခုတော့ အသက် (၁၉) ဦးရဲ့ "ကယ်တင်ရှင်" ဖြစ်လာခဲ့တယ်။ 🙏
🌊 ရှင်ခြင်းနဲ့ သေခြင်း အားပြိုင်မှု 😳
ရေစီးက ကားကို ချောင်းထဲတွန်းချဖို့ အားကုန်သုံးနေပေမယ့်၊ အဲဒီကွန်ကရစ်တုံးတွေက "ငါရှိသရွေ့တော့ မင်းတို့ မပါသွားစေရဘူး" ဆိုသလိုမျိုး အတင်းခံထားပေးတယ်။ ကံဆိုးခြင်းက ရေစီးနဲ့အတူ တွန်းချနေချိန်မှာပဲ၊ နောက်ထပ် ကံကောင်းခြင်းတစ်ခုက အတားအဆီးအသွင်နဲ့ ပိတ်ဆို့ ကာကွယ်ပေးထားတဲ့ မြင်ကွင်းဟာ တကယ်ကို ထူးဆန်းလွန်းပါတယ်။
တစ်ဖက်မှာလည်း မိမိအသက်ကို ပဓာနမထားဘဲ၊ ရေစီးသန်သန်ထဲမှာ ကြိုးတစ်ပင်နဲ့ အသက်စွန့်ကယ်တင်ခဲ့တဲ့ မီးသတ်ရဲဘော်တွေရဲ့ စိတ်ဓာတ်ကလည်း ကြက်သီးထစရာပါ။
"အတားအဆီးတိုင်းက ကျွန်တော်တို့ကို ပိတ်ဆို့ဖို့ လာတာမဟုတ်ဘူး..."
တစ်ခါတလေ ဘဝမှာ ကျွန်တော်တို့ ဖြစ်ချင်တာတွေ မဖြစ်ဘဲ လမ်းခုလတ်မှာ အတားအဆီးတွေ ကြုံရတဲ့အခါ၊ တစ်ခုခုက ပိတ်ဆို့ကန့်လန့်လုပ်နေတယ်လို့ ခံစားရတဲ့အခါ... ဝမ်းမနည်းပါနဲ့ဦး။
အဲဒီအတားအဆီးက သင့်ကို ရှေ့ဆက်မသွားနိုင်အောင် တားဆီးနေတာ မဟုတ်ဘဲ၊ သင့်ရှေ့မှာ ရှိနေတဲ့ အန္တရာယ်တစ်ခုခုကနေ "ကာကွယ်ပေးနေတာ" လည်း ဖြစ်နိုင်လို့ပါပဲ။
ကားပေါ်မှာပါတဲ့ ၁၉ ယောက်လုံး အသက်ဘေးက လွတ်မြောက်သွားတာဟာ သူတို့ထဲကတစ်ယောက်ယောက်ရဲ့ ကုသိုလ်ကံကြောင့်လား၊ ဒါမှမဟုတ် အားလုံးရဲ့ စုပေါင်းကံကြောင့်လားတော့ မသိနိုင်ပေမယ့်... ဒီဖြစ်ရပ်က သင်ခန်းစာတစ်ခုကိုတော့ ကျယ်ကျယ်လောင်လောင်ကြီး ပေးသွားခဲ့ပါပြီ။
"တချို့ အတားအဆီးတွေက ကျွန်တော်တို့ကို ပိတ်ဆို့ထားတာ မဟုတ်ဘူး... ကာဆီးပေးထားတာ၊ ရံပေးထားတာပါ။" 💪🙏
🦋 ဘဝရဲ့ အခက်အခဲတွေကို အမြင်သစ်နဲ့ ပြန်ကြည့်လိုက်ပါ။ ! 👤🍂
" သင့်ကို လမ်းပိတ်နေတဲ့ အရာက သင့်အသက်ကို ကယ်တင်နေတဲ့ အရာလည်း ဖြစ်နေနိုင်ပါတယ်။
