Dak Li Int Tqis Ħrafa

13/08/2015

Il-qari tal-iscript 'Dak Li Int Tqis Ħrafa' - l-aħħar fażi tal-proġett fi ħdan il- Premju tal-President għall-Kreattivita' lil Stephanie Bonnici. Dan seħħ nhar il-Ħamis 16 ta' Lulju 2015 fil-Ġonna Privati tal-Palazz ta' San Anton fil-preżenza tal-President ta' Malta Marie Louise Coleiro Preca nnifisha.

Il-lejla bdiet bil-qari tal-iscript minn grupp ta' atturi stabbiliti u oħrajn żgħar, imbagħad sezzjoni ta' rispons lill-kittieba minn dawk preżenti, u festin żgħir fl-aħħar.

17/07/2015

Grazzi lil dawk kollha li aċċettaw l-istedina lbieraħ. Kienet lejla verament interessanti, grazzi għall-Premju tal-President għall-Kreattivita' u l-Eċċellenza Tagħha l-President ta' Malta Marie-Louise Coleiro Preca nnifisha.

Ritratt grazzi għal Pinwheel Productions - Charles Falzon.

16/07/2015

Waslet il-ġurnata mistennija! Illejla nippreżentaw il-qari ta' dan l-iscript wara xhur ta' żvilupp grazzi għall-Premju tal-President għall-Kreattività, fil-preżenza tal-Eċċellenza Tagħha l-President ta' Malta Marie-Louise Coleiro Preca, fil-Ġnien Privat tal-Palazz tal-President.

16/07/2015

Grupp ta' atturi stabbiliti, u oħrajn żgħar, ingħaqdu flimkien għall-provi tal-qari tal-iscript 'Dak Li Int Tqis Ħrafa'.

Grupp ta' atturi stabbiliti, u oħrajn żgħar, ingħaqdu flimkien għall-provi tal-qari tal-iscript 'Dak Li Int Tqis Ħrafa'.

Ritratti grazzi għal Fiona D'Amato.

11/07/2015

X'inhi eżatt 'Dak Li Int Tqis Ħrafa'?

Fit-tielet u l-aħħar minn din is-serje ta' filmati, Stephanie Bonnici titkellem u tirringrazzja lil dawk l-individwi li kienu strumentali fl-iżvilupp ta' dan l-iscript, fosthom l-Eċċelenza Tagħha l-President ta' Malta Marie Louise Coleiro Preca għall-Premju tal-President għall-Kreattività.

07/07/2015

X'inhi eżatt 'Dak Li Int Tqis Ħrafa'?

Fit-tieni minn din is-serje ta' filmati, Stephanie Bonnici titkellem dwar l-iscript, x'wassal għalih u l-għan warajh.

02/07/2015

X'inhi eżatt 'Dak Li Int Tqis Ħrafa'?

F'din is-serje ta' filmati, niltaqgħu ma' Stephanie Bonnici li titkellem dwar kif il-Premju tal-President għall-Kreattività għenha tiżviluppa l-kitba għat-teatru.

30/06/2015

"Iżda dawk ma jeżistux. Dawk biss ħrafa. Ħrafa bħal dak il-ħsieb li jidwi f’moħħok u li int twarrbu. Twarrbu bħal ma titwarrab l-innoċenza tiegħek, hekk kif idduq ftit mill-velenu li jkun hemm lest għalik, mingħajr ma int biss taf. Il-fantażija sempliċi. Ara r-realtà. Dik differenti."

23/06/2015

Inti tfajla ta' bejn 20 u 24 sena?
Jinteressak it-teatru u fluwenti fil-Malti?

Jekk tixtieq tkun parti minn proġett differenti, ibgħat e-mail fuq [email protected] bid-dettalji tiegħek u esperjenza fit-teatru.

Aħna nikkuntattjawk b'aktar dettalji.

22/06/2015

Inti tfajla ta' bejn 16 u 19-il sena?
Jinteressak it-teatru u fluwenti fil-Malti?

Jekk tixtieq tkun parti minn proġett differenti, ibgħat e-mail fuq [email protected] bid-dettalji tiegħek u esperjenza fit-teatru.

Aħna nikkuntattjawk b'aktar dettalji.

16/06/2015

Barnuża Ħamra, Blanchette, jew kif nafuha aħjar, Little Red Riding Hood. L-istorja tal-lupu, tat-tfajla, u tan-nanna. Storja li smajniha b***a drabi. Storja li tqanqlek hekk kif timmaġina lil dan il-lupu li jiekol lin-nanna.

Iżda l-istorja tal-lupu mhix biss ħrafa. Il-lupu jeżisti u jħuf madwarna. Il-lupu jilbes maskra u jistaħba warajha, bħalma staħba taħt il-friex. U bħalma Red Riding Hood ħasbitu n-nanna, hekk ukoll b***a tfajliet madwar id-dinja, ta' kuljum jiġu mqarrqa. Iżda bħall-istorja tal-lupu u n-nanna, din titqies fantażija tal-moħħ - ħrafa bħal dik li kienu jgħidulna meta konna żgħar.

Dak li int tqis ħrafa, għal ħaddieħor jista' jkun l-akbar realtà.

11/06/2015

Il-ħrafa ta' Cinderella lkoll nafuha. Smajniha b***a drabi id-dar jew l-iskola. Qrajniha fil-kotba li kienu jagħtuna meta konna żgħar. Rajna l-b***a verżjonijiet tagħha fuq it-televixin u fiċ-ċinema. Għexna l-istorja ta' dik it-tfajla li batiet, iżda li imbagħad għexet ferħana flimkien mal-prinċep tal-ħolm.

Iżda hemm verżjoni oħra ta' din it-tfajla. Tfajla li forsi rajt fuq tal-linja jew taqsam it-triq, u li għaddejt kumment fuqha. Tfajla li fis-skiet ta' dinjietha, batiet u ma sabitx il-prinċep tal-ħolm. Minflok, it-tfajla spiċċat vittma għax għal ħafna, dak li kienet qed tgħix, kien biss ħrafa bħal dik li kienu jgħidulna meta konna żgħar.

Dak li int tqis ħrafa, għal ħaddieħor jista' jkun l-akbar realtà.