21/03/2012
“Принс Уорлд” Төв нь 2009 оноос хойш оюутан залууст зориулсан соёл солилцооны хөтөлбөрөө хэрэгжүүлж эхэлсэн ба энэ хугацаанд 400 гаруй оюутан залуусыг 8-н өөр төрлийн хөтөлбөртөө хамруулж АНУ- руу зуучилсан билээ. Тус төв нь 2011 оны 3 сард “Мөрөөдлийн нислэг” хэмээх нэртэйгээр 100%-ийн тэтгэлэгт уралдаант хөтөлбөрийг их дээд сургуулийн оюутнууд дунд зарласан болно. Энэ тэтгэлэгт уралдааны гол зорилго нь Англи хэлний мэдлэг сайтай, сурлага хөдөлмөрөөрөө амжилт гаргадаг хэдий ч амьдралын боломж бололцоо тааруухан нэг хүүхдийг Америкийн нэгдсэн улс руу “Summer Work and Travel” хөтөлбөрөөр 100%ийн тэтгэлэгтэйгээр явуулах нөхцөлтэйгээр шалгаруулалт явагдсан билээ.
Энэхүү тэтгэлэгт арга хэмжээгээ бид ETV телевизтэй хамтран шалгаруулалт тус бүрийг ЕTV сувгаар дамжуулан олон нийтэд цацаж байсан билээ. Хөтөлбөрт нийт 41 хүүхэд бүртгүүлсэнээс 5 үе шаттай шалгаруулалт явуулж эцсийн шатанд 11 хүүхэд үлдэж өрсөлдсөн болно. Сүүлийн шатанд үлдсэн нийт оюутнуудаар “Summer Work and Travel хөтөлбөр миний амьдралд” сэдвийн дор 5 мнутын шууд илтгэл тавиулсан. Шалгаруулалт тус бүрээс авсан оноог нэгтгэж мөн байгууллагаас тавьсан шаардлагад тэнцэхүйц оюутныг сонгон авч тэтгэлэгт хөтөлбөртөө хамруулсан билээ. “Summer Work and Travel” Хөтөлбөр нь их дээд сургуулийн 1-3 р курсийн өдрийн ангийн оюутнууд зуныхаа амралтаа АНУ ажиллаж аялах боломж олгодог ба хөтөлбөрт хамрагдсанаар, Англи хэлний ярианы чадвараа дээшлүүлэх, Олон орны найз нөхөдтэй болox, Биеэ дааж амьдрах чадвартай болдог билээ. Ялагчаар ШУТИС- ЭХИС-СЭХ 1-р курсийн оюутан А.Оюун-Эрдэнэ шалгарсан болно. А.Оюун-Эрдэнэ тус төвөөс DELEWARE Мужийн Mc’Donalds- ийн Crew member ажлыг сонгон авсан. Тэрээр 2011.06.10-нд Чингис хаан ОУ-ын нисэх онгоцн буудлаас АНУ-ыг зорисон билээ. Сонгосон ажлаа 3 сарын турш амжилттай гүйцэтгэж 09.01нд Монголдоо эргэн ирсэн. Одоо тус байгууллагад ажиллаж байгаа бөгөөд 2 дахь жилдээ АНУ- руу явахаар зэхэж байна.
Одоо энэхүү тэтгэлэгт хөтөлбөрийн нэр шинэчлэгдэн “American Dream” нэртэйгээр 2 дахь жилдээ зарлан явуулж байна.
А.Оюун-Эрдэнэ-ний тэмдэглэлээс:
Баярлалаа “Принс Уорлд”
Намайг Алтан-Очирын Оюун-Эрдэнэ гэдэг. Би ШУТИС-ын Эрчим Хүчний Инженерийн Сургуулийн 2-р курсийн оюутан. 2011 онд “Prince World” LLC-ээс оюутнуудын дунд зарласан “Мөрөөдлийн нислэг” тэтгэлэгт уралдаанд оролцон тэргүүн байрт шалгарч “Work and Travel” хөтөлбөрт 100%-ийн тэтгэлэгтэйгээр хамрагдсан.
Би DE (Delaware) мужийн Rehoboth beach-дэхь Macdonald’s-ийн нэг салбарт цагийн 7.75$ цалинтай ажилласан. Би үйлчлүүлэгчидтэй их ойр ажилладаг байсан учраас олон хүмүүстэй монголын тухай ярилцах боломжтой байлаа. Үүнийгээ дагаад олон танилтай болсон. “We will miss you”; “Hope to see you next year” гэх мэт дулаан үгсийг үйлчлүүлэгч нараасаа сонсох нь их сайхан санагдсан, би мөн хэд хэдэн дурсгалын зүйлс хүлээн авсан.
Би Монголд ирэхээсээ хэд хоногийн өмнө АНУ-ын Washington DC, Pennsylvania, New-York-оор явж музей, жүжиг, тоглолт их үзсэн. Хамгийн сонирхолой нь Pennsylvania мужид очиж “Amish people” (Германаас шашинаасаа болон дүрвэн ирсэн хэсэг хүмүүс ба тэд тог цахилгаан, машин техник гээд орчин үеийн гэх юу ч хэрэглэдэггүй.) -ийн музей байсан.
Би энэ хөтөлбөрт хамрагдсандаа үнэхээр сэтгэл хангалуун байна. Миний англи хэлний ярианы болон сонсголын чадвар маань ахиж, олон сайхан хот, мужуудийг үзсэнээс гадна биеэ даах, хариуцлагатай байх, өөрөө өөртөө эзэн болох гээд олон зүйлийг энэхүү хөтөлбөрөөс ойлгож авсан. Нүдийг минь нээж, ирээдүйд минь хөрөнгө оруулсанд “Принс Уорлд”-ийн ах эгч нартаа чин сэтгэлээсээ баярлалаа.
Алтан-Очирын Оюун-Эрдэнэ
