Poetry Fellows

04/05/2026

Бид энэ удаа Хөх Нар орчин үеийн урлагийн төвийн дэргэдэх САВ контемпорари арт орон зай-д "НИСЭН ОДОХ ЦАГ ХУГАЦАА" сэдэвт чөлөөт уншлагийг зохион байгууллаа ✨️🤍

Цаг хугацааны урсгалд алдагдсан, хадгалагдан үлдсэн, шинээр төрөн мэндэлсэн мэдрэмжүүдээ
шүлэг, үгсээрээ төдийгүй зүгээр л оршин буйгаараа хуваалцсан найргийн нөхөд та бүхэндээ чин сэтгэлийн талархал илэрхийлье.

Эл үдэш бидний дунд хэлэгдсэн үг бүр, мэдрэгдсэн агшин бүр нисэх мэт өнгөрсөн ч дурсамж болон үлдлээ~

Удахгүй дахин уулзахын ерөөлийг өргөн дэвшүүлье 🤍

Photo credit:

27/04/2026

Агшин, хором бүр нисэн одох хэдий ч дурсамж, мэдрэмж, үгс бүхэн үлддэг билээ.

Энэ удаагийн уншлагаар бид цаг хугацааны урсгал дунд алдагдсан, хадгалагдсан, шинээр төрсөн мэдрэмжүүдээ шүлэг, үг, урлагаар дамжуулан хуваалцах болно.

Найргийн нөхөд минь хүрэлцэн ирж сар өдөр дамнан бичсэн шүлгүүдээ уншиж эсвэл зүгээр л сонордоорой✨️

📅 2026.04.30, Пүрэв гараг
⏰ 19:00 цагт
📍 .cab
📌+21

📩Суудлаа баталгаажуулахыг хүсвэл DM бичээрэй🤗

18/04/2026

Айдсын ангал

Айсаар айсаар
Ангалын харанхуй үзүүрт
Бодит үнэнээс зугтан
Балмагдсан билээ би

Гэрэл харагдах мөчид
Гэнэт муу зүйл болох вий гээд
Дахиад л ангалын үзүүр лүүгээ явсан
Дэндүү эрх би

Айдас руугаа тэмүүлсэн хүн л
Амар жимэр гэгч нь амьдардгийг
Хэдий том болсон ч
Хожуу хойно ухаарсан би

Айгаад л айгаад л
Айсаар л айсаар л ирлээ
Одоо би босъё
Ойлгоогүй бүхнээ ухааръя

Хэдий хэцүү байсан ч
Хэдий буцаад дулаан, тухтай ангал руугаа буцмаар байсан ч
Тэр бол үхэл
Тэгээд би энд байна

Би амьд
Би хүчтэй

Найргийн нөхөр Г. Хатансайхан

18/04/2026

Цэг таслалгүй хүмүүс

Цэг таслалгүй хүмүүс явж л байдаг
Цээжинд нь шаналал, нүдэнд нь гуниг
Өчигдөр, өнөөдөр, маргааш гурав
Өргөлгүй өгүүлбэр шиг
Цэг таслалгүй хүмүүс хаа сайгүй
Цээлхэн дуугардаггүй чимээгүйхэн алхдаг

Өгүүлбэр бүрийн төгсгөлд цэг байдаг сан
Өдөр бүрийн эцэст амсхийх амралт шиг
Харин тэдний амьдрал тасралтгүй үргэлжилдэг
Хавар, зун, намар, өвөл дундаа нийлдэг
Тэдний инээд ч цэггүй
Уйлах нь ч таслалгүй
Зүрхэндээ цэг тавих завгүй
Зүг чиггүй мөрнүүдийг туулж л байдаг

Хааяа л тэд зүүдэндээ таслалаа хайна
Хайр эсвэл гуниг мэт нэг л үг хэлэх гэж
Чимээгүйд хураагдсан өнгөрсөн шөнүүдийг
Чимэггүй цэг таслалаар амилуулах гэж
Гэвч тэр хүртэл тэд бичсээр л байна
Гэмшилгүй чимээгүй өгүүлбэрээр

Найргийн нөхөр Ц.Зундуй-Ёндон

16/03/2026

энэ жилээс эхлэн уншлагынхаа байршлыг тэлж, өнгөрсөн сарын 26-нд .cab орчин үеийн урлагийн орон зайд эвентээ зохион байгуулсан билээ.

Энэхүү орон зай-д уншлага зохион байгуулснаар яруу найраг, яриа хөөрөө дэлгэх шинэ танилуудтай учирч хамтдаа илүү удаан, чөлөөтэй цагийг өнгөрөөж чадна гэж найдаж байна!

Цаашид хэдэн сар тутамд эл газарт уулзах тул найргийн нөхөд та нар минь .cab -г тогтоогоод аваарай✨️

24/02/2026

Улаанбаатарын хөх тэнгэр дор, өөр өөрийн дотоод нарыг тээж яваа найргийн нөхөд та бүхнийг 2026 оны хамгийн анхны уншлагадаа урьж байна!

Энэ удаа ч гэсэн бид урлагаас холдолгүй Хөх Нар орчин үеийн урлагийн төвийн дэргэдэх .cab контемпорари арт орон зай-д "ХӨХ НАР" сэдэвт +21 уншлагыг зохион байгуулах гэж буй юм.

Найргийн нөхөд минь хүрэлцэн ирж өвлийн турш сар өдөр дамнан бичсэн шүлгээ уншиж, сонордохын сацуу Монголын орчин үеийн урлагийн нэгэн шив шинэ орон зайг таньж мэдээрэй✨️

🗓 2026.02.26, Пүрэв гараг
⏰️ 19:00 цагт
📍.cab
📌+21

📩Суудлаа баталгаажуулахыг хүсвэл DM бичээрэй 🤗

04/12/2025

Хөдөө талд нуруу тэнийн хэвтэх нэг л аятай
Хөөрүү ардын сэтгэл ганцхан үгэнд нугдайж сэргэх нь урамтай
Хойд айлын банхар баавартай нь аргагүй бархирахад
Хормойн дээрээ гишгэчин гүйх дүүг минь айлган том том алхуулах нь нэг л учиртай
Хэзээд миний хоолойг сонсоод
Хоёр чихээ соотолзуулах морь минь
Авир аашаа даран духтай эвшээх нь сэтгэлд нэг л таатай
Ай даа миний нэг өдөр

Найргийн нөхөр Г.Отгонбилэг

03/12/2025

Үнэн

Үнэн чи хаана байна, хаана оршино?
Үхэр тэрэгний доогуур уу?
Үүлэн туурга дээвэр дээр үү?
Үнэлгээ тавьсан шалгалтын цаасан дээр үү?
Үлэмжийн чанар төгөлдөрт үү?
Үнэн чи юуг өгүүлрүүн?

Дэлхий яг бөөрөнхий юу?
Дэнлүү яг гэрэлтэй юу?
Далай лам яг ариунтан уу?

Бороо яг усан уу?
Бөртэ чоно, гоо марал тэнгис далайг гатлав уу?
Тэнгэр яг цэнхэр үү?
Тэртээх харагдах уулс яг бодит уу?

Мэдэхгүй ээ, би мэдэхгүй.
Үнэн хэмээн яаж батлах вэ?
Үнэн гэдгийг надад
мэдрүүлээч, сонсгооч, үнэртүүлээч.

Миний хувьд төрөх бас үхэх л үнэн.
Энэ бол үүрд үнэн.
Харахад ч үнэн
Бодоход ч үнэн
Мэдрэхэд ч үнэн.

Үнэн чи хаана байна, хаана оршив?

Найргийн нөхөр Н.Цовообаатар

20/11/2025

14/11/2025

.heritage болон найргийн нөхдийн хамтрал болсон "Монгол яруу найраг - Миний яруу найраг" сэдэвт өртөөт сургалтыг зохион байгууллаа.

Бидний урилгыг хүлээн авч өөрийн үнэтэй үгсийг хуваалцсан МУИС-ийн утга зохиол, урлаг судлалын профессор Г.Галбаяр болон хүрэлцэн ирсэн нөхөд бүрд чин сэтгэлийн талархал илэрхийлье!

✨️ҮГСИЙН ШИДЭЭР ХҮН ӨӨРИЙГӨӨ ХӨГЛӨХ УВДИСТАЙ✨️
Багш: Г.Галбаяр

12/11/2025

Галаа багшийн хичээлд суусан оюутнууд амьдралын нарийн нандин учир зангилаа, зүй тогтлыг эрэх аялалд мөнхөд хөтлөгдсөн мэт сэтгэлдээ ямархан нэг очийг бадраасаар хичээлээ дусгадаг ажээ. ✍🏼

Зурагт хуудсан дээр буй зүйлс нь багшийн иш татаж ярьсан, өөрийн хэлэх дуртай гээд олон өнгөтэй үгс буй. ⭐️

МУИС-ийн уран зохиолын багш, эдийн засагч, доктор Г.Галбаяр багшийн монголын яруу найргийн үүсэл, түүх, амин чанар, сонсохгүй өнгөрч үл болох шүлэгс, бодол тэтгэх их зохиолчдын түүхүүдээс сонсохын сацуу өөрийн өврийн дэвтэртээ тэрлэсэн өнгө өнгийн шүлгүүдээ дуудах ойн ээлжит өртөөт сургалт яруу найраг мэт орой!

Маргааш буюу пүрэв гарагт 18:00 цагаас .heritage өвийн өртөөнд уулзацгаая! 🐎

Бүртгүүлэх: Бо хэсэгт буй холбоосоор бүртгүүлнэ.