26/05/2026
"ТЭСГЭЛ" үзэсгэлэнгийн уран бүтээлч Буянтогтохын Бадралыг танилцуулж байна.
Уран бүтээлч Буянтогтохын Бадрал (1985).
Буянтогтохын Бадрал нь орчин үеийн дүрслэх урлагийн чиглэлээр ажилладаг уран бүтээлч бөгөөд хүний дотоод ертөнц, сэтгэлзүйн хөдөлгөөн, нийгмийн оршихуйн эмзэг мэдрэмжийг уран бүтээлдээ тусган илэрхийлдэг. Тэрээр 2007 онд Монгол Улсын Соёл Урлагийн Их Сургуулийн Дүрслэх Урлагийн Дээд Сургуулийг Уран зураг мэргэжлээр төгссөн. төгссөн. Түүний бие даасан үзэсгэлэнгүүдэд “Patience” (2026, B Contemporary Art Gallery), “Confined” (2024, Red Ger Art Gallery), “Voiceless Emotions” (2024, West End Art Space, Австрали), “Inner Reflections” (2024, Red Gallery, Австрали), “Beyond Reach” (2023, Red Ger Art Gallery), “The Wings Never Spread” (2017), “Untyable Knot” (2014), “The Extra Object” (2009) зэрэг үзэсгэлэнгүүд багтдаг. Мөн Тэрээр Монгол болон олон улсын олон хамтарсан үзэсгэлэн, төсөлд оролцож байсан бөгөөд үүнд “Art Week Ulaanbaatar”, “Contemporary Mongolian Art 2”, “Thinking Landscapes in Mongolia”, “Urban Narratives” (Хонконг), “Unread”, “New Arts”, “Golden Brush” зэрэг үзэсгэлэнгүүд багтана. 2010 онд БНСУ-ын Jeju Contemporary Art Museum-д зохион байгуулагдсан “Time and Space” артист резиденс хөтөлбөрт, мөн 2009 онд Өмнөговь аймгийн Даланзадгад хотод хэрэгжсэн “Nomadic Arts Residency Program”-д оролцож байв. Буянтогтохын Бадрал тосон будгийн техникээр голлон ажилладаг бөгөөд зотон дээрх дүрслэлээрээ дотоод мэдрэмж, бие хүний оршихуйн тухай эргэцүүллийг илэрхийлдэг. Тэрээр Монголын Урлагийн Зөвлөлийн гишүүн, Монголын Урчуудын Эвлэлийн гишүүн юм.
Уран бүтээлчийн дотоод мэдрэмж, чимээгүй тэсвэр, эмзэг оршихуйн өнгийг “ТЭСГЭЛ” үзэсгэлэнгээс мэдрэхийг урьж байна.
ҮЗЭСГЭЛЭН 2026.5.8-аас 5.31- ны өдрийг дуустал үргэлжилнэ.
ЦАГИЙН ХУВААРЬ: Мягмар-Ням 11:00-19:00 /Даваа гаригт амрана/
БАЙРШИЛ: Улаанбаатар хот, СБД, 7-р хороо, 11-р хороолол, МУЭ-н Б урлангийн өргөтгөл, Б Контемпорари арт галерей.
ХОЛБОО БАРИХ ДУГААР: +(976)-9899-9989
