26/04/2026
🦋2026 оны 4 дүгээр сарын 25-нд Марифоса бүжгийн сургалтын дэргэдэх “Марифоса-7” Гоо охид хамтлагийн тайлан тоглолт амжилттай, өргөн хүрээнд зохион байгуулагдаж, үзэгчдийн сэтгэлд хүрсэн гайхалтай үдэш болж өнгөрлөө.
🫂Энэхүү тоглолтоор сурагчид маань нэг жилийн хугацаанд сурч мэдсэн ур чадвар, хөдөлмөр, хичээл зүтгэлээ эцэг эх, хамаатан садан, найз нөхөд, багш нартаа толилуулж, тэвчээр тууштай байдал хүнийг ямар өндөр үр дүнд хүргэдгийг тод харуулж чадлаа.
Тоглолтод урилгаар оролцсон уран бүтээлчид үзүүлбэрээ өргөн барьж, үдэшлэгийг улам чимсэн юм. Үүнд:
* ЦДБЭЧ-ын ардын найрал хөгжимчид
* UB Drums хамтлагийн галтай бөмбөрийн үзүүлбэр
* “Авьяаслаг монголчууд” шоуны алтан базерын эзэд Батөлзий, Батжаргал нар
* ЦДБЭЧ-ын бүжигчин Эрдэнэбаяр
* Тоглолтын хөтлөгчөөр ЦДБЭЧ-ын Сургалт, соёл, маркетингийн албаны дарга, дэд хурандаа Р.Өнөржаргал
Мөн Марифоса бүжгийн сургалтын 1, 2, 3, 4, 5, 6, 8-р хамтлагууд оролцож, авьяас чадвараа харуулсан нь тоглолтыг улам баялаг болголоо.
“Гоо охид” хамтлагийн гишүүд:
* Монголын Хүүхдийн ордны дээд шагнал болох “Эрдэм” хүрэл медаль-аар тус бүр шагнагдаж,
* Марифоса бүжгийн сургалтын “Талархал” цомын эзэд болсон бахдам амжилтыг үзүүллээ.
Хамтлагийн багш нар болох Н.Хунтогос, З.Ууганцэцэг нар “Хөдөлмөрийн хүндэт” шагналаар, харин хамтлагийн удирдагч багш “Багшийн алдар” медаль-аар тус тус шагнагдсан нь энэ өдрийн онцлох үйл явдлуудын нэг байв.
Мөн тоглолтод оролцсон хүүхэд бүрт бэлэг бэлдсэн Гоо охид хамтлагийн эцэг эхчүүдэд чин сэтгэлийн талархал илэрхийлье.🤗
Энэхүү тайлан тоглолт нь авьяас чадвар, хичээл зүтгэл, хамтын хүчийг нэгтгэсэн дурсамж дүүрэн, үнэ цэнтэй үдэш байлаа.❤️
