Artist Khongorzul.L

04/11/2022

33 EXPRESSION

29/08/2022

"ЗАРИМДАА ОЮУН УХААН, ЗҮРХ СЭТГЭЛД ӨРНӨЖ БУЙГ ҮГЭЭР ИЛЭРХИЙЛЭХ АРГАГҮЙ БАЙДАГ УЧРААС ЧИМЭЭГҮЙ БАЙХ ЁСТОЙ БОЛДОГ"

29/07/2022

31/05/2022

Би ээж хүн🌸🌸🌸
Хүү минь 💓💓💓


Эгэлгүй ариун зүгээс ертөнцөд туссан цав цагаан өнгө
Ээжийн бор хүү урт наслаарай!

Ум дари дүдари дүүрий сууха

Энгүй гэнэн хайраас сэтгэлд ивэлсэн хав халуун сүү
Эрх нялх хүү минь энх амьдраарай.

Ум дари дүдари дүүрий сууха

Цэвэр цэврийн дээд нь юм шүү
Цэх ариуны биелэл юм шүү
Цээжинд минь мандсан нар юм шүү
Нарнаас ойрхон од юм шүү

Алс зам чинь гэрэлтэй байг!
Асан дүрэлзэхийн ерөөлтэй байг!
Өөдлөн дэвжихийн хишигтэй байг!
Өлзий буянаар дүүрэн байг!

Сайхныг зорьсон хүсэл чинь саадгүй байг!
Сайныг урьсан сэтгэл чинь амгалан байг!
Саруул цэлмэг байг, үр минь жаргалтай байг!
Салгуу холын холд ч өнөд мэнд байг!

Ээжийнхээ хайранд дэлгэрч яв
Эцгийнхээ нөмөрт дэрвэж яв
Тэгш дүүрэн амьдар
Уулс өндөр ч чамд минь л өндөргүй!
Тэнүүн цэх алх
Ус хүйтэн ч чамд минь л хүйтэнгүй!

Энэ орчлон баян, амьдрал дэндүү сайхан
Ээжийн хүү бат итгэлтэй зогс, бат итгэлтэй зорь!
Эгцэлж харсан бүхэнд чинь хайр энэрэл дүүрэн
Эвий, нялх мод минь салхи сөрөн урга, тэнгэрт тултлаа урга!

Ум дари дүдари дүүрий сууха.

(Л. Өлзийтөгс: Ногоон дарь эхтэй хамтран бичсэн шүлэг)