https://www.facebook.com/401602206962636/

Artist Khin Maung Bo, Sanchaung, Yangon (2026)

20/10/2025

#မိုးညရွှေတိဂုံ Oil on canvas. 36" x 26"
တခါတရံကိုယ့်friendတွေကိုကိုယ့်ပန်းချီကားတွေအပြင်မှာပြချင်မိတယ် ဓါတ်ပုံဆိုတာတကယ့်လက်ရာရဲ့တဝက်လောက်သောအရည်အသွေးတွေကိုသာပြပေးနိုင်တာ ဓာတ်ပုံကမပြပေးနိုင်တဲ့ကင်းဗတ်ပေါ်ကအသေးစိတ်လုပ်ဆောင်ချက်တွေကိုအပြင်မှာကြည့်လိုက်မှဆေးသားထုထည်နဲ့ကြွတက်နေတဲ့ ၃ဖက်မြင်အရသာမျိုးကပြပွဲမှာလာကြည့်မှခံစားရတာမျိုးပါ ဓာတ်ပုံထဲမှာဆေးသားအရောင်ကွက်လေးကအပြင်မှာလာကြည့်မှစုတ်တံ/knifeနဲ့ကလော်တင်ထားတဲ့ဆေးသားအပုံလိုက်ထုနဲ့ထည်နဲ့ကိုမြင်ရတာမျိုးပါ ပန်းချီဆရာရဲ့ရေးချက်(Workmanship)ဟာဓါတ်ပုံကင်မရာကမဖေါ်ထုတ်ပေးနိုင်ပါဘူး ဒါကြောင့်လဲပန်းချီဆရာတွေဟာတကိုယ်တော်ပြပွဲတွေကိုလုပ်ကြတာပါ ကျနော်တကိုယ်တော် ပြပွဲမလုပ်နိုင်တာဆယ်နှစ်မကတော့ပါဘူး ရေးသမျှကစုဆောင်းသူမိတ်ဆွေကြီးတွေလက်ထဲတန်းရောက်သွားတာများနေတော့publicအတွက်နစ်နာတယ်လို့မြင်မိပါတယ်😁 သူတို့ကပြောရှာပါတယ် တကိုယ်တော်ပြပွဲကျပြန်ငှားပေးပါ့မယ်တဲ့ One man show လုပ်နိုင်အောင်ကြိုးစားနေပါတယ်လို့ဘဲပြောပါရစေ။
20-10-2025

03/10/2025

ကျွန်တော်တို့၏ကျေးဇူးရှင် ပန်းချီဆရာကြီး ဒေါက်တာ
ဦးလွန်းကြွယ် (အသက်၉၆နှစ်) ကွယ်လွန်သွားပါပြီ။🙏 2-10-2025

29/09/2025

တောင်ခြေရေစပ်(၂)
Oil. 36" x 26"
Collection of U Soe Myint.

08/08/2025

ပန်းချီကားဝယ်သူအချို့မှာသူစုဆောင်းမဲ့ပန်းချီကားဟာဘယ်လိုအကြောင်းအရာမျိုးမဖြစ်ရဘူးဆိုတာမျိုးသတ်မှတ်ထားတာမျိုးရှိတတ်ပါတယ်'နိုင်ငံခြားသားတစ်ဦးကလည်းမင်းတို့ဆီမှာဘုန်းကြီးကိုရင်သီလရှင်ပုံတွေသိပ်များလွန်းနေတယ်ဆိုပြီးပြောသွားတာလည်းကျနော်ကိုယ်တိုင်ကြားခဲ့ဖူးပါတယ်'ဒီအကြောင်းအရာမျိုးသူမဝယ်ဖူးလို့ပြောတာပေါ့။
ဒီပန်းချီကားကိုဘုရား'ဘုန်းကြီး'သီလရှင်ပုံတွေသူ့ကိုလာမပြဖို့ပြောထားတဲ့collecterကစုဆောင်းသွားတာပါ။ အကြောင်းအရာကအကြိုက်ကိုဆန့်ကျင်နေပေမဲ့ပန်းချီကားကိုဖန်တီးထားတဲ့elementတွေဖြစ်တဲ့ color'texture'tone'workmanship(ရေးချက်)'compositionအထားအသိုဖွဲ့စည်းပုံ balanceအမြင်အာရုံမျှခြေအစရှိသောအချက်အလက်တွေကအရသာ(ရသ)ပေးနေ တဲ့အခါမျိုးမှာမျက်စိကျသွားတတ်ပါတယ်။ ပန်းချီကားမြောက်များစွာစုဆောင်းထားရှိတဲ့collecterတွေကိုအထင်မသေးဖို့လည်းအကြံပြုချင်ပါတယ် ဘယ်နိုင်ငံကသူဌေးတွေမဆိုကိုယ်တိုင်ပန်းချီမရေးဆွဲပေမဲ့ပန်းချီကားကြိုက်တတ်ကြသူမှန်ရင်အကဲဖြတ်ရွေးခြယ်တတ်ကြပါတယ် ပန်းချီဆရာအစွဲတော့ကိုယ်စီရှိတတ်ကြတာပေါ့ (ပန်းချီကားပြပေးသောပန်းချီကိုအောင်မြင့်ဦး'ကျေးဇူးပါခင်ဗျား)
8-8-2025
တောင်ပေါ်ကဘုရား
Oil on canvas 32" x 24''
Collection of U Win Htin Kyaw.

04/07/2025

တောင်ခြေရေစပ်
Oil on canvas.36" x 26"
Collection of U Soe Myint.
4-7-2025

06/06/2025

ဆီဆေး၂ကားရေဆေးတစ်ကားထွက်'ဆီဆေး၁ကားကရေးနေစဲမပြီးသေးတာကိုကြိုပွိုင့်နဲ့ဝယ်'အလားတူအင်းလေးရှုခင်းနောက်ထပ်တစ်ကားဆွဲဖို့အပ်သွားပါတယ်။
ဆရာကြီးဦးလွန်းကြွယ်ပြောဖူးတယ်'သူကိုယ်တိုင်အတွေ့အကြုံ-စေတနာကောင်းရင်ကံကောင်းတယ်ဆိုတာကိုပြောပြတာ'ဆရာကြီးတို့ဇနီးမောင်နှံ၂၀၀၀ခုနှစ်မတိုင်မီကတစ်ခုသောသာသနာ့ရိပ်သာလေးမှာအဆောင်တခုလိုနေချိန်'လိုအပ်သည့်ကုန်ကျငွေမှာလည်းဆရာတို့မှာရှိသမျှပိုင်ဆိုင်သမျှငွေလေးနဲ့အတိအကျဖြစ်နေတာကိုတစ်ပြားမကျန်လှူလိုက်ပါတယ် အဲ့ဒိရိပ်သာရဲ့သံဃာနဲ့ယောဂီတို့လိုအပ်ချက်များကိုလည်းဖြည့်ဆည်းလှူဒါန်းလာတာယနေ့တိုင်ပါ။ပိုင်ဆိုင်မှုအကုန်မချွင်းမချန်သဒ္ဒါတရားအပြည့်ဖြင့်လှူဒါန်းမှုနောက်ပိုင်းဆရာကြီး၏အောင်မြင်မှုဟာအတိုင်းအဆမရှိတိုးတက်လာခဲ့ပြီးဒေါက်တာဘွဲ့လည်းရရှိခဲ့ပြီးပါပြီ။လျှမ်းလျှမ်းတောက်အောင်မြင်နေသောမြန်မာ့ထိပ်ဆုံးတန်းပန်းချီဆရာကြီးဖြစ်နေပါပြီ။ ဆရာကတပည့်တွေကိုအလှူဒါနမတွန့်ဆုတ်ဖို့သူ့ဖြစ်ရပ်ကိုနမူနပြပြီးတိုက်တွန်းဆုံးမခဲ့ပါတယ်
ကျနော်တို့သူ့လောက်မရဲရင့်သော်လည်းနေ့စဥ်ပုံမှန် ဒါနကုသိုလ်တစ်ခုကိုတော့အားထုတ်ပြုလုပ်လာတာနှစ်တွေအတော်ကြာပါပြီ။ဆရာကဘာဝနာအလုပ်ကိုကိုယ်တိုင်လည်းလုပ်ကျနော်တို့ကိုလည်းတိုက်တွန်းနေပါတယ်။ အကျိုးလိုလား၍ပြုသောအမှုများမဟုတ်သော်လည်းနှစ်တွေအတော်ကြီးကြာမှကိုယ့်ကိုသတိထားမိတာကကပ်ဘေးကြီးများကိုကောင်းစွာကျော်လွှားနိုင်ခဲ့ခြင်း'ခက်ခဲကြပ်တည်းမှုရှိလျင်ယာယီမျှသာဖြစ်ခြင်း'စသည်တို့မှာကျေနပ်ဖို့မသင့်ပါလားဟုဆင်ခြင်မိပါတော့သည်။
မိတ်ဆွေအပေါင်းကိုမျှဝေလိုသည်မှာစိတ်ထားကောင်းဖို့ကမူလပထမ'ထပ်ဆင့်အနေဖြင့်သူတပါးကိုမဆင်းရဲစေလိုသောဆန္ဒနှင့်စေတနာတို့ကိုအမြဲကျင့်သုံးနေဖို့ပါ။
အခုတင်ပြခဲ့သည်မှာအလွယ်အနှစ်ချုပ်ဖြစ်သော်လည်းတကယ့်နေ့စဥ်ဘဝမှာ အားထုတ်ရသည်မှာစစ်ပွဲတပွဲဆင်နွှဲနေသလိုခက်ခဲကြမ်းတမ်းမည်'အားစိုက်ထုတ်နေရမည်ဆိုသည်ကိုလည်းမမေ့ကြပါနှင့်။ကောင်းမှုပြုရာတွင်အတိုက်အခံတွေတွေ့ကြုံရမည်မှာလည်းရှောင်လွှဲ၍ရမည်မဟုတ်'သက်သက်သာသာဖြင့်ချောင်လည်မှုကိုမမြှော်လင့်ပါနှင့်' comfort zone ထဲမှာနေလျင်ဘာမှရလဒ်မရှိဆိုတာကိုတော့အသိပေးချင်ပါသည်။
ဆရာကြီးဦးလွန်းကြွယ်ကတခါကတပည့်တွေကိုမေးဖူးပါသည်။ တပည့်တို့'ပန်းချီဆရာတစ်ယောက်မှာသူ့လက်ထဲပန်းချီကားပေါင်းဘယ်မျှလောက်ရှိအောင်ရေးထားရမည်ထင်ပါလဲ?တပည့်တွေကတယောက်တပေါက်ဖြေကြ-တစ်ရာလောက်တော့ရှိရမယ်၊၃၀၀လောက်တော့ရှိမှရောင်းထွက်ဖို့လုံလောက်မယ်စသည်ဖြင့်။ ဆရာက-တပည့်တို့ ပန်းချီဆရာတယောက်မှာပန်းချီကားချပ်ရေတစ်ထောင်ရှိရမယ်ဗျ'တစ်ထောင်တစ်ထောင်လို့ပြောလိုက်ရာကျနော်တို့ပါးစပ်တွေပြဲကုန်ပါသည်။Jaw dropping ဖြစ်ကုန်ပါသည်။ဆရာကြီးဦးလွန်းကြွယ်ဟာပြောသည့်အတိုင်းလည်းပန်းချီကားရေးအားကောင်းလွန်းလှပါသည်'ကျနော့်အတွက်မဖြစ်နိုင်လောက်အောင်ပါဘဲဆရာရေ။
အပေါ်တပိုဒ်မှာတင်ပြခဲ့သည်မှာ'ကံ'ကိုစီမံခန့်ခွဲဖို့နှင့်နောက်အပိုဒ်မှာတော့ဆရာကြီးပြောစကားအရဝီရိယနှင့်အားထုတ်မှု
ဤ၂ပိုင်းပေါင်းစပ်ပြီးနေ့စဥ်ဘဝရှင်သန်ရမည်ဖြစ်ပါကြောင်း။ဆရာကြီးအဆုံးအမကိုအမှီမလိုက်နိုင်သောကျနော်-တင်ပြလိုက်ပါသည်။ 6-6-2025
(ဆရာအားတပည့်များကအခါအားလျော်စွာရှိခိုးပူဇေါ်မှုပြုလုပ်သင့်သည့်အကြောင်းရင်းကိုဆက်လက်ရေးသားပါအုံးမည်။)

23/04/2025

ရေပေါ်စျေးကမြေးအဖွား
18'' x 15''
Oil on Holbein canvas.
23-4-2025

29/03/2025

လက်ရှိကြုံတွေ့နေရသောငလျင်ဘေးဒါဏ်ကိုခံစားရသောပြည်သူများ(သို့မဟုတ်)နိုင်ငံအမွေအနှစ်များသာသနာ့အဆောက်အအုံများတခုခုတဒေါင့်တနေရာသို့ပါဝင်လှူဒါန်းနိုင်ရန်အတွက်အောက်ဖော်ပြပါကျွန်တော်၏လက်ရာပန်းချီကားကိုရောင်းချပြီးရောင်းရငွေအပြည့်အဝကိုလှူဒါန်းပါမည်။ ရောင်းချရရှိပါကလည်းရောင်းရတန်ဖိုးအမှန်'လှူဒါန်းလိုက်သောအဖွဲ့အစည်းနှင့်အထောက်အထားများကိုပွင့်လင်းမြင်သာစွာကြေငြာတင်ပြပါ့မည်။

ပန်းချီကားအမည်-မြေနီကုန်းလမ်းဆုံ

Medium-Watercolor on Arche300gsmpaper

Size-29.5" x 20"

မှန်+ဘောင်ပါပြီး

ရောင်းချတန်ဖိုး-2,500,000/-MMK

ကျပ်၂၅သိန်း

29-3-2025

ဝယ်ယူအားပေးချင်ပါက Page Messenger သို့ဆက်သွယ်ပေးပါခင်ဗျာ။
--------------------------------
To support those affected by the earthquake and to contribute to the restoration of national heritage and religious buildings, I am selling the painting below and will donate 100% of the proceeds to the cause.

Once sold, I will transparently announce the final sale price, the recipient organization, and provide proof of the donation.

Painting Details:

Title: Mye Ni Kone Intersection

Medium: Watercolor on Arches 300gsm paper

Size: 29.5" x 20"

Includes: Glass + Frame

Price: 2,500,000 MMK (25 Million Myanmar Kyats)

📅 Sale Date: March 29, 2025

If you are interested, please contact me via Page Messenger.

Your support can make a difference to Myanmar. Thank you! 🙏

23/03/2025

ခုတလောပန်းချီရေးဆွဲကြရာမှာပထမဆုံးအဆင့်အောက်လိုင်းကိုလက်တန်းfree handရေးမှလားgrid line ဆိုတဲ့အကွက်ချပြီးကူးရေးနည်းသုံးတာကောမှန်ရဲ့လားဆိုတာဝေခွဲမရအငြင်းပွါးနေကြတာတွေ့နေရပါတယ်။
ပန်းချီဆရာလုပ်မယ်ဆိုကထဲကမိမိလက်ထဲမှာမျဉ်းတိုမျဉ်းရှည်စက်ဝိုင်းဘယ်အရွယ်အစားလာလာလက်တန်းရေးဆွဲနိုင်တဲ့ကျွမ်းကျင်မှုရှိရမယ်ဆိုတာအခြေခံသဘောပါ။ဒါပေမဲ့အထောက်အကူပြုပစ္စည်းတွေသုံးစွဲမှုကိုလည်းပန်းချီပညာမှာတားမြစ်ထားတာမရှိပါဘူး'သူ့နေရာနဲ့သူအသုံးချရတာပါ
gridလိုင်းသုံးပြီးရေးဆွဲတယ်ဆိုတာလည်းသူ့နေရာရှိပါတယ်။ အချိန်အကန့်အသတ်ပေးထားတဲ့အပ်နှံရေးဆွဲရတဲ့အလုပ်တွေမှာမှန်ကန်မြန်ဆန်တိကျဖို့အတွက်သုံးသင့်ပါတယ် ဥပမာပေးရရင်ရုပ်ရှင်ပိုစတာတွေကိုရုံတင်ရက်အမီလက်နဲ့ရေးဆွဲခဲ့ကြရတဲ့ခေတ်တုန်းကသေခြာပေါက်gridချပြီးဆွဲရတဲ့အပြင်လူအင်အားကလဲ၅ယောက်ကနေအထက်ပါဝင်ဝိုင်းဝန်းရေးဆွဲရတာပါ။ နောက်တမျိုးကဧရိယာကျယ်ဝန်းသောနံရံဆေးရေးပန်းချီများ ဥရောပဘုရားကျောင်းတွေကပန်းချီမျိုး အဲကားသေးသေးကြီးကြီးရှုခင်း'ပုံတူမရွေးgridချရေးနေရပြီဆိုရင်တော့လွဲနေပါပြီ gridချတာကိုပြောနေတဲ့အချိန်မှာgridထက်ဆိုးတဲ့pentographနဲ့ကူးရေးတာမျိုး'ကာဘွန်စက္ကူနဲ့ထပ်ကူးတာမျိုးတွေလည်းရှိပါသေးတယ်'အထက်ကပြောတဲ့လုပ်ငန်းကိစ္စတွေမှာမလွှဲသာမရှောင်သာသုံးရတဲ့နေရာတွေရှိပါတယ် အဆိုးဆုံးကစက္ကူသို့မဟုတ်ကင်းဗတ်ပေါ်မှာprintထုတ်ပြီးထပ်ရေးတာပါ'ဒါတော့အချောင်ခိုလွန်းရာကျပါတယ်
ဒီတော့လုပ်ငန်းလိုအပ်ချက်နဲ့အချောင်ခိုစိတ်ဟာခွဲခြားရခက်တဲ့ကိုယ်ကျင့်သိက္ခာကိစ္စဖြစ်နေပါတယ် မိမိအကြောင်းမိမိသာအသိဆုံးပါ'ရေးသက်ရင့်အတွေ့အကြုံရှိသူပညာရှင်တွေကလည်းအကဲဖြတ်နိုင်ပါသေးတယ် မသင်္ကာစရာကောင်းလောက်တဲ့ဓါတ်ပုံဆံလွန်းနေတဲ့(photographic perspactive ဝင်နေတဲ့)drawingတွေကိုယနေ့အများအပြားတွေ့နေရပါတယ်။ ယနေ့ခေတ်မှာနိုင်ငံတကာပန်းချီပညာရှင်တွေနဲ့အတူလက်တွေ့ရေးဆွဲပြသရတဲ့work shop ပွဲတွေအများအပြားလုပ်နေကြပါတယ် အဲ့ပွဲမျိုးမိမိကိုဖိတ်ကြားတယ်ဆိုတာကလဲပန်းချီဆရာချင်းအကဲခတ်ကြတာပါ' လာကြည့်သူဝါသနာရှင်တွေရှေ့မှာလဲမိမိတကယ်ကျွမ်းကျင်တတ်မြောက်မှုကိုပြနိုင်ရပါလိမ့်မယ်။နိုင်ငံတကာကျရင်ညာလို့မရပါဘူး
ခေတ်ပေါ်ပစ္စည်းအထောက်အကူတွေကိုသုံးတာကတော့ရှေးကထဲကရှိခဲ့တဲ့အစဉ်အလာပါ။ ဒါကိုမိမိရဲ့ကျွမ်းကျင်မှုနဲ့သာပေါင်းစပ်သုံးစွဲရတာပါ။ ပန်းချီပညာဆိုတာမြန်မာနိုင်ငံကလွဲရင်အနဲဆုံး၁၀နှစ်ကြာအောင်ပန်းချီကျောင်းတွေမှာသင်ယူရတာပါ။ ကူးချအထောက်အကူပစ္စည်းတွေချည်းသုံးကြစတမ်းဆိုနှစ်တွေအကြာကြီးသင် နေကြမှာမဟုတ်ဘူးဆိုတာလဲမမေ့ကြပါနဲ့
23-3-2025

23/03/2025

https://www.facebook.com/share/p/1BSJ74G2Hr/

28/09/2024

ပုပ္ပါး၂မိုးကုတ်ဝိပ္ပသနာတရားရိပ်သာ
ပဓာနနာယကဆရာတော်ဘဒန္ဒဦးသောဘနပုံတူ။
(Still in progress)
29-9-2024

Artist Khin Maung Bo

20/10/2025

03/10/2025

29/09/2025

08/08/2025

04/07/2025

06/06/2025

23/04/2025

29/03/2025

23/03/2025

23/03/2025

28/09/2024

Address

Telephone

Website

Alerts

Contact The Establishment

Shortcuts

Share

Category