https://www.facebook.com/290470671494652/

Nyi Saw Lwin, No,21 ေျမညီထပ္၊ဓမၼစိႏၲာလမ္း၊ေက, Yangon (2026)

02/03/2024

ဤဖေကိုတို့ဆီမှာ ခွေးတွေ တိုက်ပေါ်မွေးတယ်၊အပေါ့အလေးစွန့်ချိန်မှာအောက်ကိုဆင်းကျောင်းတယ်၊
Dog food စားထားတဲ့ အီးအီးအတုံးကြီးတွေ ကို နင်းမိကြတယ်၊
တော်ပါသေးရဲ့၊အတို့ရွာက ခွေး ချီးအနံ့လောက် အနံ့မနံဘူးလို့ဆိုရမယ်၊နင်းမိတဲ့ဘိနပ်နဲ့လိုင်းကားပေါ် တက်သွားရင်လည်း ခပ်တည်တည်ဘဲ။
အဲခွေးတွေက အခြားနေရာသေးမပန်းဘူး၊ခြေထောက်တစ်ဖက်ထောင်ပြီး ကားတာယာတွေကို လိုက်ပန်းတယ်၊
ခွေးကျောင်းတဲ့လူက ကိုယ့်ကားမဟုတ်ရင်ပြီးရော့၊ခွေးသေးပန်းတာကို ဇိမ်ခံအလှကြည့်နေတယ်၊
ပြီးတော့မှ ကြိူးတုတ်ကာ တိုက်ပေါ်ခေါ်သွားတယ်၊

🥳အဲဒါခွေးအလှ မွေးခြင်း အနုပညာ တစ်ရပ်၊

ကားဆရာတချို့
အိပ်ငိုက်မှာစိုးလို့တဲ့••ဆေးပြင်းပြင်း ကွမ်းယာကို ဝါးကာ ပေတစ်ရာ လမ်းမပေါ် ကွမ်းတံထွေး ပက်ကနဲ ပက်ကနဲ ထွေးကာ မြို့တော်ကြီးအား အလှဆင်နေလေရဲ့••
တချို့ လူတွေလည်း ထို့အတူပါဘဲလေ၊ကွမ်းယာဝါး ဂုဏ်ရှိသတဲ့၊အတွေးအခေါ်ကောင်းသတဲ့ ၊လူမူ့ဆက်ဆံရေးကောင်းသတဲ့၊

🥰စုတ်ချက်ကောင်းသော စည်းကမ်းမဲ့ ကာလာများ•••

စားကြွင်းစားကျန် အစို ကြွတ်ကြွတ်အိတ်အထုတ်များ လူခြေတိတ် အိပ်မော ကျတဲ့အချိန် ဘောင်းကနဲ ဘောင်းကနဲ တိုက်ပေါ်မှ နောက်ဘေး လမ်းကြားထဲ ပစ်ချလိုက်တာ အိပ်မောကျနေသူတောင် နိူးသွားသတဲ့။
‌အလုပ်ကပြန်လာ၊မအားသလိုလို ၊ပျင်းသလိုလိုနဲ့ စောစောထ ထမင်းချက်တော့ ထမင်းကျံ ဟင်းကျံတွေကို ကြွတ်ကြွတ်အိတ်နဲ့ထည့်ကာ ပစ်ချပါလေရော၊တချို့ နောက်ဖေးလမ်းကြားဆို ၃ ပေအမြင့်လောက်အမိူက်‌ တွေ တောင်ပုံလိုပို့နေကြပြီ။
ကြွက်တွေပေါတာလည်းမပြောနဲ့၊တော်တော်တန်အကောင်ဆို ကြောင်ပေါက်စလောက်ရှိတယ်၊ကိုး လက္မ အုတ်ရိုးကိုတောင်ဖောက်နိုင်တာနော်••
အဆိုတော် မာမာအေး ကို လွမ်းသလို့ သူ့ရဲ့ လက်သုံးစကားကို ငှားပြောရရင်ဖြင့်•••

😃"ပြောစရာတွေလည်းတပုံကြီးကျန်သေးတယ်"တယ်တဲ့ကွယ်။

07/02/2024

မိုးမြင့်အာကာ ဖေဖေ
----------------------------------
မည်သူမဆို ကလေးဖေဖေဖြစ်နိုင်ပေမယ့် အချို့လည်းကံမကောင်း၍လား? မျိုးရိုးဗီဇကြောင့်လား ကလေး အဖေ မဖြစ်နိူင်ဘဲ မိန်းမရော ယောင်္ကျားပါ ကလေးအရမ်းလိုချင်ကြသည်။

အဖေတစ်ယောက်ဖြစ်ဖို့တော့ တစ်သက်လုံး အချိန်ယူရပါတယ်။ အခြားသူများ မဖြည့်ဆည်းပေးနိုင်သော ကလေးတိုင်း၏ဘဝတွင် ဖခင်များသည် အခန်းကဏ္ဍမှ ပါဝင်ပါသည်။

ဤအခန်းကဏ္ဍသည် ကလေးတစ်ဦးအပေါ် ကြီးမားသောအကျိုးသက်ရောက်မှုရှိနိုင်ပြီး သူ သို့မဟုတ် သူမကို သူတို့ဖြစ်လာသည့်လူအဖြစ် ပုံသွင်းရန် ကူညီပေးနိုင်သည်။

ဖခင်များနှင့် စိတ်ပိုင်းဆိုင်ရာ ဖွံ့ဖြိုးတိုးတက်မှု••••

ဖခင်များသည် မိခင်များကဲ့သို့ပင် ကလေး၏ စိတ်ပိုင်းဆိုင်ရာ သုခချမ်းသာကို ဖော်ဆောင်ရာတွင် မဏ္ဍိုင်များဖြစ်သည်။

ကလေးတွေက စည်းကမ်းတွေချမှတ်ပြီး လိုက်နာဖို့ ဖခင်တွေကို မျှော်ကြည့်တယ်။ ရုပ်ပိုင်းဆိုင်ရာရော စိတ်ပိုင်းဆိုင်ရာပါ လုံခြုံမှုရှိစေဖို့အတွက် သူတို့ရဲ့ဖခင်တွေကိုလည်း မျှော်ကိုးပါတယ်။ ကလေးတွေက သူတို့ရဲ့ဖခင်တွေကို ဂုဏ်ယူစေချင်ကြပြီး ပါဝင်ပတ်သက်တဲ့ဖခင်က အတွင်းစိတ်ကြီးထွားမှုနဲ့ ခွန်အားကို မြှင့်တင်ပေးပါတယ်။ လေ့လာမှုများအရ ဖခင်များသည် ချစ်ခင်ကြင်နာတတ်ပြီး ဖေးမကူညီပါက ကလေး၏ ဉာဏ်ရည်ဉာဏ်သွေးနှင့် လူမှုရေးဖွံ့ဖြိုးမှုကို များစွာထိခိုက်စေကြောင်း လေ့လာမှုများက ဖော်ပြသည်။ ၎င်းသည် အလုံးစုံသော စိတ်ချမ်းသာမှုနှင့် မိမိကိုယ်ကို ယုံကြည်မှုကို တိုးပွားစေသည်။

အချို့ဖခင်များသည် အခြားသူများနှင့် ဆက်ဆံရေးအတွက် Limit တစ်ခုကိုသတ်မှတ်ပေးသလို့အချို့ဖခင်များမှာ လွတ်လပ်စွာ ပေါင်းသင်းဆက်ဆံခွင့်ပြုသည်။

ဖခင်များသည် ကျွန်ုပ်တို့အတွင်း၌ရှိသောသူများကို လွှမ်းမိုးရုံသာမက ကျွန်ုပ်တို့ ကြီးထွားလာသည်နှင့်အမျှ လူများနှင့် ကျွန်ုပ်တို့၏ဆက်ဆံရေးကို မည်သို့လွှမ်းမိုးနိုင်မည်နည်း။ ဖခင်တစ်ဦးသည် သူ့ကလေးကို ဆက်ဆံပုံသည် အခြားသူများထံ သူရှာဖွေသောအရာကို လွှမ်းမိုးလိမ့်မည်။ သူငယ်ချင်းများ၊ ချစ်သူများနှင့် အိမ်ထောင်ဖက်များအားလုံးကို ကလေးက သူ့ဖခင်နှင့် ဆက်ဆံရေး၏ အဓိပ္ပါယ်ကို ရိပ်မိပုံပေါ် မူတည်၍ ရွေးချယ်မည်ဖြစ်သည်။ ဖခင်တစ်ဦးမှ သားသမီးများနှင့် ဆက်ဆံရေးတွင် ချမှတ်ထားသည့် ပုံစံများသည် အခြားသူများနှင့် သားသမီးများ မည်သို့ ဆက်ဆံပုံကို ညွှန်ပြပေးမည်ဖြစ်သည်။

ဖခင်များနှင့် သူတို့၏သမီးများ

ငယ်ရွယ်သော မိန်းကလေးများသည် လုံခြုံရေးနှင့် စိတ်ပိုင်းဆိုင်ရာ ပံ့ပိုးမှုများအတွက် ၎င်းတို့၏ ဖခင်များအပေါ် မှီခိုနေရပါသည်။ ဖခင်တစ်ဦးသည် သူ့သမီးအား ယောက်ျားနှင့် ဆက်ဆံရေးကောင်းကြောင်း ပြသသည်။ ဖခင်တစ်ဦးသည် ချစ်ခြင်းမေတ္တာရှိပြီး နူးညံ့သိမ်မွေ့ပါက၊ သူ့သမီးသည် စတင်ချိန်းတွေ့ရန် အရွယ်ရောက်သောအခါတွင် ယောက်ျားများ၏ အရည်အချင်းများကို ရှာဖွေလိမ့်မည်။ ဖခင်တစ်ဦးသည် ထက်မြက်ပြီး ရဲရင့်ပါက၊ သူမသည် တူညီသောစရိုက်လက္ခဏာရှိသော အမျိုးသားများနှင့် နီးကပ်စွာ ဆက်ဆံလိမ့်မည်။

အဘတို့သားတို့

သူတို့၏ဖခင်၏စရိုက်ကိုအခြေခံ၍ အခြားသူများနှင့် ၎င်းတို့၏ဆက်ဆံရေးကို ပုံသက်သေပြသော မိန်းကလေးများနှင့်မတူဘဲ၊ ယောက်ျားလေးများသည် ၎င်းတို့၏ဖခင်၏စရိုက်ကို အတုယူကြသည်။ ယောက်ျားလေးများသည် ငယ်ရွယ်စဉ်ကတည်းက ၎င်းတို့၏ ဖခင်များထံမှ ခွင့်ပြုချက်ကို ရယူကြလိမ့်မည်။ လူသားများအနေနှင့် ကျွန်ုပ်တို့ပတ်ဝန်းကျင်ရှိသူများ၏ အပြုအမူကို အတုယူခြင်းဖြင့် ကြီးပြင်းလာပါသည်။ ဤနည်းဖြင့် ကျွန်ုပ်တို့သည် ကမ္ဘာပေါ်တွင် လုပ်ဆောင်ရန် သင်ယူသည်။ ဖေဖေက လူတွေကို လေးလေးစားစား ဆက်ဆံတတ်ရင် ကလေးက ဒီအတိုင်းကြီးပြင်းလာလိမ့်မယ်။ ဖခင်မရှိသည့်အခါ၊ ယောက်ျားလေးများသည် ကမ္ဘာပေါ်တွင် မည်သို့ပြုမူနေထိုင်ရမည်အတွက် “စည်းကမ်းများ” သတ်မှတ်ရန် အခြားယောက်ျားလေးများကို ကြည့်ရှုကြသည်။

ထို့ကြောင့် ဖခင်များသည် ခိုးခိုးကြည့်သော လမင်းကြီးသဖွယ် မိုးမြင့် အာကာ
အပေါ်၌ သာယာ နေပေတော့သည်။

29/09/2023

ဖေဖေ
______
အနွေးဓါတ် ငွေ့ငွေ့ လေးကျန်နေသေးသော အဖေ့ ၏ ကြမ်းတမ်းသော လက်တစ်စုံကို ဆုတ်ကိုင်ထားရင်း ရင်ထဲမှ မျက်ရည်ခိုးများ အလိပ်လိုက် ပျို့တက်လာသည်၊

အဖေ••အဖေ••လို့ တိုးတိုးလေးခေါ်သံကို မကြားတော့••

အဖေ၏ နောက်ဆုံးထွက်သက်အတွက် မရဏမင်းနဲ့ တိုက်ပွဲဝင်အံကြိတ်ခံရင်း•••

အဖေ၏ ဇောချွဲ လေးများ မျက်နှာပြင် ပေါ် နှင်းစက် လေးများသဖွယ် စိုရွှဲကာ
နောက်ဆုံးထွက်သက်အား မျက်ဝန်းတစ်စုံမှ မျက်ရည်ပူများ စီးကျလာပြီး ကမ္ဘာ၏ အပြင်ဖက်တစ်ခြမ်းသို့ သားသမီးတို့နဲ့ ဝေးရာ အဝေးဆုံးတစ်နေရာသို့ မဟာတံတိုင်းကြီးဖြိူ၍ ထွက်သွားလေပြီ။

#ငယ်စဉ်တောင်ကြေး
ငယ်စဉ်တောင်ကြေး ကလေးဘဝ လူမမယ်ရွယ် ရွာဦး ဘုန်းကြီးကျောင်းတွင်စာသင်ရင်း ကျောင်းနေဖက်သူငယ်ချင်းဖြစ်သူ မောင်ပေါ်ထွန်းနှင့်အတူ ကိုရင်ဘဝဖြင့်ပင် ရန်ကုန်သို့ ပညာတော်သင်တက်ခဲ့သည်။

ရန်ကုန်တွင် အလယ်တန်းပညာကိုစာသင်ရင်း နေပြည်တော်ရဲ တပ်ဖွဲ့သို့ဝင်ခဲ့သည်။

#ရှက်တတ်သောဖေဖေ
ဝါကျွတ်ပြီဆို အဖိုးမှ သားသမီးများအား လုံချည် အင်္ကျီ အသစ် ဝယ်ပေးတတ်သည်။
ပွဲလမ်းသဘင် လျောက်လည်ရန်အတွက်
လုံချည်အသစ်၊အင်္ကျီအသစ် ဝတ်ဖို့အလွန်ရှက်တတ်သော ဖေဖေ ဖြစ်သည်။
ဝတ်ပြီးသွားလျင်လည်း လူကြားသူကြားမှမသွား၊လူမမြင်သူမမြင်ရအောင် ရွာအပြင်ထွက်ကာ လယ်ကန်သင်းရိုးမှ သူငယ်ချင်းတစ်သိုက်ခေါ်ကာ လျောက်သွားကြတာ ကြားဘူးသည်။

#ကိုယ့်ဒူးကိုယ်ချွန်
အဖေအမြဲ ဆုံးမခဲ့တဲ့စကားက "ငါက ကိုယ်ဒူးကိုယ်ချွန် လာတာကွ၊
မင်းတို့လည်း ကြိူးစားရမယ်၊ချွေတာရမယ်၊ဝင်ငွေနဲ့ထွက်ငွေ ချင့်ချိန်သုံးရမယ်၊

စစ်ရဲ(နေပြည်တော်ရဲ)ဌာနတွင် ဦးနု၏ ကိုယ်ရံတော်အဖြစ် ကိုယ်ဒူးကိုယ်ချွန် ချွေချွေတာတာ ကြိူးကြိူးကုတ်ကုတ် ကြိူးစားထမ်းဆောင်ရင်း လုပ်သက် (၂၈)နူစ်တွင် ပင်စင်လစာမယူဘဲ အလုပ်မှထွက်ခဲ့သည်၊
အလုပ်ထွက်ခါစအချိန်တွင် ရေစုသလို စုဆောင်းထားသော ဆိုက္ကား (၂၈)စီးအားရောင်းကာ မိဘများရှိရာ မွေးရပ်မြေသို့ ပြန်လာခဲ့သည်။

#အ‌မေအားတောင်းရမ်းလက်ထပ်ယူ
အဖေ့တွင် ချွေးနှီးစာဖြင့် မစားရက်မသောက်ရက် စုဆောင်းခဲ့သော ရွှေ (၂၈)ကျပ်နှင့်အတူ အမေအား လူကြီးစုံရာ ရှေ့တွင် တောင်းရမ်း လက်ထပ်ယူကာ နေပူပူ ဘဝခရီးလမ်းကို ကြမ်းတမ်းချင်သလောက်ကြမ်းပါစေ၊
အမေနဲ့အတူတူ ရာသက်လုံး ရိုးမြေကျသစ္စာရှိရှိ ကြင်ကြင်နာနာဖြင့် လက်တွဲလျှောက်ခဲ့သည်။

#အဖေ့ချွေးမျက်ရည်•••
လောကဒဏ်ကို မဟာတံတိုင်းကြီးသဖွယ် ကာရံ၍ သားသမီး ၊မိသားစုအတွက် ရှေ့က မားမားမတ်မတ်ရင်ဆိုင်ရင်းမကုန်ခမ်းနိုင်တဲ့မေတ္တာတရားကို ရင်ဝယ်ထားကာ ခရောင်းလမ်း ကြမ်းချင်လောက်ကြမ်းပါစေ၊
ကျောပူကာ ရင်မှာပမ်း နွမ်းချင်လောက်နွမ်းပါစေ•••
ရခိုင်ရိုးမကြီးကို လှည်းတစ်တန် ရေတစ်တန် ကျော်ဖြတ်ကာ တောရဲတိရိစ္ဆာန်တို့၏ ကြားမှအန္တယ်ရယ်အသွယ်သွယ်ကိုကာကွယ်ရန်အတွက် မီးတောက်မီးလျံတွေဖြစ်အောင် မီးဖိုရင်း ရိုးမ ပေါ် ညအိပ်ခဲ့တဲ့ ရက်တွေက အဖေရဲ့ တရေးနိူးအတွေးထဲ ပျောက်ပျက်သွားမှာမဟုတ်ပါဘူး။
မေတ္တာ လမ်းတစ်စုံ ခင်းပေးခဲ့တဲ့ဖေဖေ၊
အဲဒီ လမ်းတစ်စုံကိုအမာရွှတ်ခံ နေတဲ့ကြမ်းတမ်းတဲ့လက်တစ်စုံနဲ့အတူ၊ #ဆင်ကြယ်တံဆိပ် အမြီးပြတ် ဖိနပ်တစ်ရံကိုအ ဖော်ပြုဖောက်ခဲ့တဲ့ ဖေဖေပါ။

#ခိုးခိုးပြီးသာတဲ့လမင်း

သားသမီးတွေ နူတ်ခမ်းစူကာ လိုချင်တာမရခဲ့လျင် •••စားချင်တာမစားရလျင်•••
ဝတ်ချင်တာ မဝတ်ရလျင်•••
အဖေ ••အမေ့နားကပ်ပြီး တိုးတိုးလေးမေးလေတယ်၊
ရန်ကုန်ကပြန်လာလျင် သားတွေသမီးတွေအတွက် အဝတ် အစားအသောက်ပါလာသည်၊
အစားဂျီးထူသော၊ဂျီကျတတ်သော နတ်နာသည် သားကြီး ဩရသ အတွက်တော့
ပြောင်သားကင်၊ဂျီသားကင်ပါလာစမြဲ၊
သားသမီးတွေကို ပညာတတ်တွေဖြစ်စေချင်တဲ့ဖေဖေ••
အပြောကြမ်းသလောက်•••
#အမှောင်ကမ္ဘာတစ်ဖတ်ခြမ်းမှာခိုးခိုးပြီးသာတဲ့လမင်းဖေဖေပါ၊

#အဖေ့မှာတမ်း
ကမ္ဘာကုန်သရွေ့ ဘိုးဘွားအမွေအနုစ်တွေကို စောင့်ရှောက်ပေးပါသားရယ်•••
ဖေဖေ တိုးတိုးလေး နူစ်ကိုယ်ကြား မှာတမ်းချွေခဲ့တာကို မြေဝယ်မကျ ရင်နှင့်အမျှ နှလုံးသားထဲ သိမ်းဆည်းထားတယ်ဖေဖေ••
ဖေဖေ••စိတ်ချ လက်ချ •••သွားလိုရာ သွားပါတော့နော်••
ဖေဖေအား ဦးညွတ်ကန်တော့ရင်း အဖေများနေ့မှာ အဖေ့ဂုဏ်ရည် အားဖော်ကျူးလိုက်တာပါ။

18/02/2023

သားသား မီးမီးတို့အတွက် အားဆေးတစ်ခွက်
**********************************
မကြာမီ လက်တစ်ကမ်းအလိုမှာ ဆယ်တန်း အတန်းတင်စာမေးပွဲ ဖြေဆိုကြမည့် ကျောင်းသား/သူ များအတွက် အားဆေး တစ်ခွက် ပို့လိုက်ပါတယ်။

ဆောင်းအကုန် နွေအကူး လေရူးပွေမြူး
နွေဦးကာလမှာ လေတိုက်တိုင်းကြွေတဲ့
သစ်ရွက်ဟောင်းများလို စိတ်တေလေလွင့်ကာမျော လွမ်းသလို ဆွေးသလိုလို ဘယ်ဟာကို လွမ်းရမှန်းမသိဘဲ စာဖတ်မရဖြစ်နေပါသလား?

ရပြီးသား စာတွေတောင် သစ်ရွက်ကြွေသလို တစ တစ လွင့်မျောကာ မေ့ပျောက်သွားပြီ လား?

(၁)တရားထိုင်ပါ
•••••••••••••••••••••
မနက်အိပ်ရာက စောစောထပါ၊ကိုယ်လက်သန့်စင်မျက်နှာသစ်ပြီး လေကောင်းလေသန့်ကို အားရပါးရ တဝကြီး ရူလိုက်ပါ၊စိတ်အာရုံထဲ ဘါကိစ္စမှမရောက်ပါ‌စေနဲ့။

နောက်ပြီး လေ့ကျင့်ခန်း လုပ်သလို လက်နှစ်ဖက်ကို အပေါ်မြှောက်ကာ လေကိုတဝရူပြီး "လောကတွင် ဘယ်အရာမှ အမြဲမရှိဘူး၊ဘယ်အရာမှလည်း အလကားမရဘူး၊ကိုယ်ကြိူးစားမှ ကိုယ်အောင်မြင်မည်"ဟု နူတ်မှရေရွက်ကာ မြောက်ထားသော လက်နှစ်ဖက်ကို ချ၍ အကြောအချဉ်များလျော့ကာ စိတ်ကိုပေါ့ပေါ့ပါးပါး လန်းလန်းဆန်းဆန်းထားလိုက်ပါ။
ပြီးနောက် ဘုရားရှေ့ သွားပြီး ငါးပါးသီလခံယူ စိတ်တည်ငြိမ် သမာဓိရအောင် နှာသီးဖျား ထွက်လေ ဝင်လေ
(၁၅)မိနုစ်ခန့် ရူ့မှတ် ပြီးမှ ဦးစားပေးကျက်မှတ်ရမည့် ဘာသာရပ်ကို ကျက်မှတ်ပါလေ၊

(၂)ဝိရိယအကျိုး
•••••••••••••••••••••
လောကတွင် ဝိရိယရှိသူတိုင်း အောင်မြင်ကြစမြဲပင်ဖြစ်သည်၊
#စောစောထသောခွေးသည် ချီးပူပူစားရတတ်၏" ဟု ဆရာ အင်ယာမူးတစ်ယောက်ဆုံးမဘူးသည်။

တသက်လုံးနှလုံးသားထဲတွင်မှတ်ကျောက်တင်သွားအောင် ခေါင်းထဲရိုက်သွင်းခြင်းဖြစ်သည်။

ဝိရိယ အကျိုးကို ဖော်ပြ ဆုံးမတာဖြစ်သည်။

သားသားမီးမီးကို တိရိစ္ဆာန်နဲ့ နိုင်းတာမဟုတ်ပါ။

စာမကျက်ချင်လျှင် စိတ်ဝင်စားရာ တစ်ခုခု လုပ်နေလိုက်ပါ၊ပြီးမှ စိတ်ဝင်တစား အားတက်သရော ကျက်ပါ၊

အောက်စဖို့ တက္ကသိုလ်မှာ မျက်မမြင် ဘွဲ့ရ ပညာတတ်တွေအများကြီးထွက်သည်။

လက်တစ်ဖက်မသန်စွမ်းလေတောင် မြန်မာ စာပေလောကမှာ ထိတ်တန်းစာဆိုကြီး စလေ ဦးပုည လို့ ထင်ပေါ် ကျော်စောခဲ့တာပဲ၊

သားသား မီးမီး တို့မှာ ခြေအစုံ လက်အစုံရှိရက်နဲ့ ဘာလို စာမေးမအောင်မြင်ရမှာလဲ?

လယ်တောထဲ နွားကျောင်းနေတဲ့ လူမမယ်ကလေးက ဒီပဲယင်းနယ်သား သမိုင်းတွင်ရစ်တဲ့ မဟာသတ္တိရှင်စစ်သူကြီး "မဟာဗန္ဓုလ" ဆိုတာ ပေါ်ခဲ့သေးတာပဲ၊

အတန်းထဲမှာ ကျပ်မပြည့်တဲ့ ကောင်လေးလို့ ဆရာ/မ တွေက သတ်မှတ်ခံရတဲ့လူမမယ်လေးက သောမတ်အယ်ဒီဆင် ဖြစ်လာခဲ့သေးတာပဲ။
အယ်ဒီဆင်အကြောင်း တပိုင်းတစပြောရအုန်းမယ်။

သားသား မီးမီး တို့ အခုလို လင်းထိန်၍
စာဖတ်လို့ရအောင် လျှပ်စစ်မီးရဖို့အတွက် တီထွင်ခဲ့တာ အကြိမ်ပေါင်းတစ်ထောင်ကျော် ကြိူးစားခဲ့ရတယ်။

အဓိပတိ ဝိရိယအားကြိူးစားမှ လောက ကောင်းကျိုးအတွက် ထွန်းပေါက် အောင်မြင်နိုင်တယ် သားသား မီးမီးရယ်၊

စာဖတ်ရန် မီးမရှိလို့ မီးပုံနားဘေးမှာ ညစဉ်စာဖတ်ခဲ့ရတဲ့ လူမမယ်ကလေးက အမေရိကန် နိုင်ငံရဲ့သမ္မတ အေဗရာ ဟင်လင်ကွန်း ဖြစ်ခဲ့ရတာပဲ၊

လောကြီးမှာ ဘာဖြစ်လို့ မဖြစ်ရမှာလဲ?
"ကြိူးစားရင် ဘုရားတောင် ဖြစ်တယ်"ဆိုတဲ့စကားရှိတယ်မဟုတ်လား?

စာမတတ် ပေမတတ် တဲ့ အသိုင်းအဝိုင်းက ပေါက်ဖွားလာတဲ့ လူတစ်ယောက်ကတောင် ကမ္ဘာကျော် ပြဇတ်စာရေးဆရာကြီး "ရှိက်စပီးယား"ဖြစ်လါခဲ့သေးတာပဲ မဟုတ်လား?

စာမေးပွဲ အောင်ရန် ကြိူးစားဖို့ စိတ်ဆန္ဒအဓိက ကျပါတယ်၊

စာမေးပွဲအောင်ဖို့သည် ပထမ
စာမေးပွဲအောင်ဖို့သည် ဒုတိယ
စာမေးပွဲအောင်ဖို့သည် တတိယ

"ဆန္ဒကို စိတ်အစဉ်ထား
ဝိရိယကို ကျောမှာကပ်
စိတ်ဓါတ်နှင့် ရှေ့သို့ ချီကာ
ပညာကို အကြီးအမူးထား

"ဂုဏ်ထူးရဖို့ဆိုတာ" မြေကြီးလက်ခတ်မလွဲပါ"

မိဘ အပေါင်းအသင်းကို စိန်ခေါ်လိုက်ပါ။

ဂုဏ်ထူး တစ်ဘာသာကို ဘယ်လောက်ဆုချီးမြင့်မလဲလို့
ကြိူးစားသူတစ်ယောက်အတွက် ပန်းတိုင်ဆိုတာ ရောက်စမြဲပါ။

သားသားမီးမီးတို့ D စာလုံး တွဲရက် အောင်မြင်ကြပါစေ။

21/01/2023

♏ဤဖေကိုနဲ့ အိမ်သာ ♒
အပိုင်း(1)
---------------------
(က)ဖျင် ♏အိနြေပျက်ခြင်း♈ အနုပညာ♓
******************
ဤ ဖေကို အပြင်ထွက်လျှင် အိပ်ကပ်ထဲ သတင်းစာ စက္ကူ တစ်ရွက်လောက်တော့ သေသေသပ်သပ် ငွေအကြွေတစ်ချို့နဲ့ ရောကာ ထည့်ပြီးသွားစမြဲပင်။

ကိုယ်ဖျင်ကို ကိုယ် စိတ်မချ။
အကြိမ်ကြိမ် ဖြစ်•••
အိနြေပျက်ခဲ့ပေါင်းများပြီလေ။

ရန်ကုန်မြို့ထဲသွားလျှင် လဘက်ရည်ဆိုင် ဘယ်လမ်း ဘယ်နားမှာရှိ စားသောက်ဆိုင်ဘယ်နားမှာရှိ အများသုံးအိမ်သာဘယ်နားမှာရှိတယ်ဆိုတာ မြို့နယ်အလိုက် လမ်းအလိုက် ဤဖေကို ခေါင်းထဲတွင် မင်မိုရီ စတစ်(16gib)
တစ်ချောင်းလောက် စိုက်ထားရသည်။

အပြင်မထွက်ခင် အိမ် ကတည်းက ကြို တင် စာရင်းရှင်းသည်။
ဒါပေမဲ့မရ••••

ကျိတ်ကျိတ်တိုး ကားတိုးစီးရလျင် ပိုဆိုးသည်။

တစ်နေ့တွင် ဤ ဖေကို အလုပ် နောက်ကျမှာမို့ လူကြပ်တဲ့ကားကို တိုးစီးခဲ့ရသည်။

ကြပ်ဆို လေကို ခေါင်းမော့ရူရသည်။အရပ်ကလည်း ပုသည်ကိုး။
ဘေးနားကလူ တွေကလည်း အရပ် ဗလ ကောင်းကောင်း ချွေးသံရဲရဲနဲ့
ဘယ်မှတ်တိုင်က တက်စီးလာသည်မသိ
ပါတ်ဝန်းကျင်အနံ့အသက်မကောင်းတော့•••

အသက်ရူရန် အောက်ဆီဂျင်အပြည့်အဝမရတော့
ဗိုက်က တရစ်ရစ်•••
ဝမ်းထဲက တကွီကွီ•••
လေဆိုးထုတ်ပေါက်က တဘူဘူ ထွက်လေတော့သည်။

ဤဖေကို ဘေးပါတ်ဝန်းကျင် မရိပ်မိအောင် အသက်ရူ လေ့ကျင့်ခန်းလုပ်ရသည်။

ခြေမ နှစ်ဖက်ကို ကုတ်ရသည်။
စိတ်ကို အဝေးတစ်နေရာ လွင့်ပြီး ကီသွင်းကြည့်သည်။

အစပိုင်းတော့အဆင်ပြေသည်။
ခဏကြာတော့ ဗိုက်က ပို ပို ရစ် လာ သည်။

မနေ့က ဤ ဖေကို မည်သည့်ဟင်းနဲ့ စားခဲ့လေသနည်း။

ပြန်စဉ်းစားကြည့်သည်။

စိတ်ကို တစ်နေရာသို့ လွင့်လိုက်သည်
သဘောပင်•••

အော် •••••••• သိပြီ၊

မနက် ငပိရည်နဲ့ တို့စရာ ဝက်သားပုန်းရည်ကြီး ၊ညနေ သခွားသီးသုတ် ငရုပ်သီးနန်းခြင်းနဲ့ ယောက္ခမရဲ့ အကောင်းဆုံးလက်ရာ တနှစ်တပိုး စားခဲ့တာကိုး•••

လေဆိုးထုတ်အပေါက်က တစ်မိနုစ်တစ်ကြိမ်လောက် ကာဗွန်မိုနောဆိုဒ်ဓာတ်ငွေ့
လေပူထုတ်ခြင်းကလည်း အနုပညာဆန်သည်။

ဘေးနားက ပရိတ်သတ်တွေ မသိအောင် မရိပ်မိအောင် မျက်စိစုံမှိတ်ထားလိုက်သည်။

အိုက်ငိုက်နေသည့်အလား၊ထင်ယောင်ထင်မှား၊

ဘေးနားကပရိတ်သတ်တွေ သံသယစိတ် လုံးဝမရှိသည့်အသွင်ဆောင်ရသည်။

ဤဖေကို လေပူအနံ့တွေကြောင့်လားမသိ
ဘေးနားက ချွေးနံ့ နံ လူကြီး တွေ ဘေးဘယ်ညာကြည့် ခွာစ ပြုလာသည်။

အသက်ရူကြပ်ခြင်း ဒုက္ခမှ တဒင်္ဂ လွတ်မြောက်လာသော်လည်း
မနေ့ က အသကုန် စားခဲ့သော အစားတွေကြောင့်
ဤဖေကို လေနဲ့ ဝမ်း မကွဲတော့•••
လေဆိုးထုတ်အပေါက်က ခပ်စိုစို လေးတွေ ထွက်လာတာ သတိထားမိလာသည်။

ခက်‌ပြီ ••ဤဖေကို ကား လက်ကိုင်တန်းကို တင်းကြပ်စွာ ဖျစ် ညှစ် ဆုတ်ကိုင်ကြည့်သည်။ ထိန်း၍ မရ။

လေဆိုးထုတ်အပေါက်ကို လွတ်နေသော လက်ချောင်းဖြင့် ပိတ်ကြည့်သည်။

ပိတ်၍ မရ ။

လက်ချောင်းမှာ အီးအီးတွေပေလေပြီ။
ဟန်ဆိုတာ ကိုယ့်ဖို့လေ•••

ကားဆရာကို တိုးတိုးလေးအကူအညီတောင်းရပ် ခိုင်းကာ ဆင်းပြေးရလေတော့သည်။
တော်သေးတာပေါ့•••

ဤဖေကို ကားပေါ်က ဆင်းခဲ့တဲ့နေရာက အများသုံး အိမ်သာ ရှိတဲ့နေရာ•••

ရှယ်ဘဲပေါ့ ကံကလည်းကောင်းသေးတယ်ထင်တာဘဲ••

ဘာတဲ့••••

"ရေနူစ်သူ ဝါးကူထိုး'
အိမ်သာစောင့် လိုင်စင်ရ အမကြီးကို မျက်ရိပ် ပြ အိမ်သာထဲ အတင်းဝင်ပြေးရသည်။

ပြီးပြီး ကိုယ်လက်လန်းဆန်း ပေါ့ပါးသွားပြီပေါ့လေ၊

ပြီးလည်းပြီးရော
ရေဆွဲချမယ်လုပ်တော့
ရေဆွဲ ကိုင်းတံက ကြိူးကမရှိ ပြတ်နေသည်၊
ကြိူးမရှိလည်း ဖြစ်သလိုလုပ်ကြည့်မယ်ပေါ့
ကိုင်းတံကို လက်နဲ့ ဖိချကြည့်သည်
ရေက ဆင်းမလာ။
ခက်ပြီ။ အီးအီးတွေ ဆေးတဲ့ စပရေး ကို ဖိကြည့်သည်။
ရေပိုက်ခေါင်းကို စစ်ကြည့်သည်။
ရေမဆင်းတော့။ပို၍ ခက်ပြီ။
အရှက်နဲ့ လူလုပ်လာတာ။
ဘယ်လောက်ဆုံးရူံးမှာမို့လဲ။
အကောင်းစား အတွင်းခံဘောင်းဘီ ချွတ်ကာ သုတ်သင်လေတော့သည်။
အဲဒီ အတွင်းခံ ဘောင်းဘီ ကိုတော့ အစောင့်မသိအောင် ပြူ တင်းပေါက်က တိတ်တိတ်လေး လွင့်ပစ်ခဲ့ရတာပေါ့နော်။

ပြီးတော့ လူညစ်ပါတ်တွေအတွက် ကဗျာတစ်ပုဒ် ထိုင်ပြီး အိမ်သာအဝင်တံခါးတွင်ရေးလိုက်သည်။

"သမုဒ္ဒရာ ဝမ်းတစ်ထွာ"
"နေ့စဉ်စားသုံး ဒီမှာ ဆုံး"
"သင့်ရဲ့ ချီးအား လူတိုင်းမုန်း"
"ရေလောင်းခဲ့ပါအုန်း"

ဤဖေကို ဘဝ မှာ ဖျင် ဒုက္ခတွေ ခဏ ခဏ ပေးလို့လေ။
ပိုက်ပိုက် အဆင်ပြေ လာရင် တစ်နိူင်ငံလုံး အိမ်သာမရှိတဲ့ နေရာတွေ မှာ လျူ ရင်ကောင်းမလားလို့ စဉ်းစားရင်း စာရေး‌ နေရင်း အော် ခက်ပြီ••
ဘိုက်ထဲက တရစ်ရစ် နာလာပြန်လေတော့သည်တကား။

09/09/2021

အမ်ဗပါလီ
-------------ဝေသာလီ၏ ပြည့်တန်ဆာမ
လှသည် နွဲ့သည် ညုသည် ရင်ဖိုသည် ကွေးသင့်သောနေရာတွင်ရင်သပ်ရူ့မောစွာကွေး၍ ကောက်သင့်သောနေရာတွင် အိစက်ညက်ညောစွာ ကောက်ပြီး မောက်သင့်သောနေရာတွင် ရှိုက်ဖိုကြီးငယ်အသွယ်သွယ် အသက်ရှု မှားမတတ်
တုန့်ဆိုင်းသောခြေလှမ်းမျာပင်ဖြစ်ခဲ့ရသူများသည်။

ဝေသာလီ တစ်တိုင်းလုံး ပုရိသများ သည်းသည်းလူတ်
အချို့မင်းညီ မင်းသားဆိုလျှင် ပွဲတော်မတည်ဘဲ စွဲလန်းစိတ်ဖြင့် တစ်မိူင်မိူင် တထွေထွေ ဖြစ်ကာ ရူးသွားကြသူများလည်းရှိကြသည်။

ပြည့်တန်ဆာမ ဟု ဆို သော်လည်း တော်ရုံ တန်ရုံ လူတွေ ကပ်နိူင်ခွင့်မရှိ။
တစ်ညတာ ပျော်ပါး ချစ်ကြည်နူးဖို့ အသပြာ တစ်ရာ ဆက်သရသည်။

နဲနဲနောနော အသပြာမဟုတ်၍ မင်းညီမင်းသား ကြေးရတတ်များသာလျှင် ပျော်ပါးကြည်နူး အိပ်မက်မက်ခွင့် ရကြသည်။

ထိုအထဲတွင် ဟာဇ ဘုရင် ဗိမ္ဗိသာရ လည်း ပါဝင် မြူးထူးပျော်ပါး ခင်မင် ချစ်နယ်ကျွံခွင့်ကို သံယောဇဉ်ကြိူးဖြင့် အမြဲတမ်း ချည်တုတ်နှောင်ခွင့်တစ်ပါးတည်း ရခဲ့သူ ကံထူးသူ တစ်ဦးတည်းဖြစ်ခဲ့သည်။

ဝေသာလီ တစ်တိုင်းလုံးတွင် မဟာ ကံထူးရှင်တစ်ပါးဟု အမ္ဗပါလီ အပါးသို့ကပ်နိူင်သူမင်းညီ မင်းသားများက ချီးကျူးထောပနာပြုကြပေသည်။

ဗိမ္ဗိသာရ မင်းကြီးနှင့် မထင်မှတ်ဘဲ သားတော်တစ်ပါးထွန်းကားခဲ့ကြသည်
ဝိမလ အမည် ရှိသော သားတော်မှာ နောင်တစ်ချိန် တွင် မြတ်ဘုရားသာသနာ၌
ဝိမလကောဏ္ဌည ဟု ထင်ရှားသော ရဟန္တာ တစ်ပါးဖြစ်ခဲ့သည်။

အမ္ဗပါလီသည် သားတော် ဝိမလ၏ အဆုံးအမကြောင့် သာသနာတော်တွင်း ထေရီမကြီးဖြစ်ခဲ့သည်။
ရဟန္တာမကြီး မဖြစ်မီ ပြည့်တန်ဆာမအဖြစ် ဝဋ်ကြွေး ပေးဆပ်ခဲ့ ရသည်မှာ
ဝစီ ကြမ်းတမ်း နူတ်သရမ်း မူ့ကြောင့်ဖြစ်သည်။

အမ္ဗပါလီအရှင်မမှာ ကဿပ ဘုရားရှင် လက်ထက် သာသနာတော်၌ အထုံပါရမီ ရှိသူ
ရဟန်းမ အဖြစ် ကျင့်ကြံ ခဲ့သူ ဖြစ်ခဲ့သည်။

ဗုဒ္ဓဝတ် ဓမ္မဝတ် သံဃဝတ် ကို ကျေပြွန်သူ တစ်ဦးး ဖြစ်ခဲ့သည်။

တစ်ရက်သော အခါ
ဘုရား စေတီပေါ် တက်ရောက်ကြည်ညိုစဉ်
ရင်ပြင်တော်ပေါ်၌ ညစ်ပတ်နေသည် ကို တွေ့ရလေသည်။
ထိုအခါ ••••••••••••နူတ် သရမ်းတတ်သည့်
အမ္ဗပါလီ •••••••••• အလောင်းအလျှာက ပြောလိုက်သည်မှာ
ဘယ်အမျိုးယုတ် •••••••••စွန့်ပစ် ထားသလဲ
ပြည့်တန်ဆာမ•••••••••••သာ ဒီလို အမူ့မျိုးပြု သည် ဟု
ဆဲရေးတိုင်းထွာ လိုက်သည်။

သူ ဆဲရေး တိုင်းထွာ လိုက်သည် မှာ ကိလေသာ ကင်းပြတ်သော ရဟန္တာမ တစ်ဦး ဖြစ်နေလေတော့သည်။
သွေးလေ ဖောက်ပြန် သလိပ်ထနေသော တံထွေးကို ရင်ပြင် ပေါ် အမှတ်တမဲ့ စွန့်မိခဲ့လေသောကြောင့် ဖြစ်သည်။

အမ္ဗပါလီမှာ ဝစီဗေဒထိတိုင်းရှ၍ ပြည့်တန်ဆာဖြစ်ခဲ့ရလေတော့သည်"
Face Book ပေါ် ဝစီကြမ်း နူတ်သရမ်းကျသူများသတိထားကြပါကုန်။

31/08/2021

🤗အပြင်ထွက်စားဖို့အဆင် မပြေတဲ့ချိန်မှာ မိတ်ဆွေတချို့ လာပြောထားတဲ့ အခုလို special Home make အသင့်ချက်စား
👉ဒံပေါက်ထုတ်၊
👉ထောပတ်ထမင်းထုပ်၊
👉ကြက်ဆီထမင်းထုပ်၊
👉အုန်းထမင်းထုပ်လေးတွေ နဲ့ မိတ်ဆက်ပေးပါမယ်နော် ☺️

👋ဆန်ထည့်မယ်ဆို နို့ဆီဗူးနဲ့ဆို ၂ လုံးပါ
ပေါင်းအိုးချင်ခွက်နဲ့ဆို ၃ ခွက်ပါ
ကျန်တာက အညွှန်းအတိုင်းလေးချက်ရုံပါပဲ 🥰

🍛ဆန်၂ဘူးခွဲပါအသင့်ချက် ဒံပေါက်ထုပ် ၅၀၀၀ကျပ်
🍛ဆန် ၂ ဘူးစာ အသင့်ချက် ဒံပေါက်(အရသာ)ထုပ်သီးသန့် ၄၀၀၀ကျပ်

🥑ဆန်၂ဘူးပါအသင့်ချက် ထောပတ်ထမင်းထုပ် ၅၀၀၀ကျပ်
🥑ဆန် ၂ ဘူးစာ အသင့်ချက် ထောပတ်ထမင်း(အရသာ)ထုပ်သီးသန့် ၄၀၀၀ကျပ်

🍈ဆန်၂ဘူးပါအသင့်ချက် အုန်းထမင်း ၅၀၀၀ကျပ်
🍈ဆန် ၂ ဘူးစာ အသင့်ချက် အုန်းထမင်း(အရသာ)ထုပ်သီးသန့် ၄၀၀၀ ကျပ်

🍗ဆန်၂ဘူးပါအသင့်ချက် ကြက်ဆီထမင်း ၄၅၀၀ကျပ်
🍗ဆန် ၂ ဘူးစာ အသင့်ချက် ကြက်ဆီထမင်း(အရသာ)ထုပ်သီးသန့် ၃၅၀၀ ကျပ်

တာရှည်ခံဆေး ဆိုးဆေးမပါဝင်လို့ ကလေးလူငယ် နှင့်အသက်ကြီးဘိုးဘွားများပါ စိတ်ချစွာတည်ခင်းနိုင်ပါသည်။

👍ဝယ်ပြီး ၆ လထိအထားခံပါသည်။

နောက် ၄ - ၅ရက်အတွင်းရောက်မှာပါရှင့်

ရှမ်းခေါက်ဆွဲ
မြီးရှည်
တို့ဗူးနွေး အသင့်စားချင်သူတို့အနေနဲ့ ဒုတိယအသုတ်ကို မနက်ဖြန် ရောက်မှာပါနော်
5ထုပ်နဲ့အထက်ဆို ပိုတန်ပါတယ်

ဒါ့အပြင် အသင့်စား
ကြေးအိုးဆီချက်၊ အရည်
မုန့်ဟင်းခါး
အုန်းနို့ခေါက်ဆွဲ
အာပူလျှာပူ ရှိပါသေးတယ်

0943056077
အမှတ် 16, ဗန္ဓုလလမ်း၊ မြို့မရပ်ကွက်၊ မာန်အောင်

06/08/2021

အက်ဒမင် တင်ခွင့်ပြုပါ ခင်ဗျား၊

🍵ရေနွေးသောက်ခြင်းက ကိုယ်ခန္ဓာအပေါ် ကောင်းကျိုးများစွာရစေပါတယ်…
ခုလိုကာလမှာလည်း ရေနွေးခဏခဏသောက်ပါလို့ ဆရာဝန်တွေတတ်သိပညာရှင်တွေ များစွာက တိုက်တွန်းနေကြတာတွေ့ကြမှာပါရှင်….

ရေနွေးသောက်ခြင်းက….

🌿နှာခေါင်းပိတ်ခြင်းကိုသက်သာစေနိုင်တယ်.ခုကာလ နှာစေးနှာပိတ်သမားတွေ ရေနွေးငွေ့ရှုကြပါ လို့ ပြောကြသလို ရှူလည်းရှူနေကြရတာပါရှင်…

🌿နှာခေါင်းနဲ့လည်ချောင်းမှာရှိတဲ့အကျိအချွဲတွေရေနွေးပူပူလေးသောက်လိုက်တာနဲ့ လည်ချောင်းရှင်းပြီးသက်သာသွားစေပါတယ်…

🌿ရေနွေးပူပူလေးသောက်သုံးပေးခြင်းဖြင့် နှာစေး ချောင်းဆိုး လည်ချောင်းနာတာတွေကို သက်သာစေတယ်

🌿ရေနွေးပူပူလေးသောက်ရင် အစာချေစနစ်ကိုလည်းအထောက်အပံ့ဖြစ်စေတယ်.ခန္ဓာကိုယ်ကချေဖျက်ဖို့ခက်ခဲနေတဲ့ အဆီတွေ အခြားအရာတွေကို ရေနွေးက ပျော်ဝင်စေတယ် ချေဖျက်ပေးတယ်..အဲ့လိုချေဖျက်ပေးခြင်းက အညစ်အကျေးတွေကောင်းကောင်းစွန့်ထုတ်နိုင်တာမို့ ဆီးဝမ်းမှန်စေတယ်.ချွေးလေးတစိုစိုနဲ့ ကျန်းမာစေတယ်.

🌿ရေသောက်ခြင်းက ဦးနှောက်လုပ်ဆောင်ချက်တွေကိုလည်းကောင်းမွန်စေတယ်.ရေဓာတ်အလုံအလောက်မရဘူးဆိုရင် စိတ်နဲ့ဦးနှောက်လုပ်ဆောင်ချက်တွေကိုထိခိုက်နိုင်ပါတယ်.

🌿ရေနွေးသောက်ခြင်းက ရေဓါတ်ကိုအလုံအလောက်ရရှိစေတာမို့ ရေနွေးပူပူလေးသောက်ပေးရင် ဆီးဝမ်းလည်းမှန်မယ်အအေးဒဏ်ခံနိုင်မယ်ကိုယ်ခန္ဓာကိုနွေးထွေးစေမယ်သွေးလည်မှုအားကောင်းစေတယ် ညဘက်မအိပ်ခင် ရေနွေးပူပူလေးသောက်တာ ရေနွေးနဲ့ရေချိုးတာဟာ ညဘက်ကိုနှစ်ခြိုက်စွာအိပ်ပျော်စေတယ်..

🌿ရေဓါတ်အလုံအလောက်ရရှိဖို့ အမျိုးသမီးတွေက နေ့စဉ် ရေ(၂.၃)လီတာနှင့် အမျိုးသားမျာ:က (၃.၃)လီတာသောက်သုံးသင့်ကြောင်း ဆေးဌာနတွေကအကြံပြုထားတာတွေ့ရှိလေ့လာရပါတယ်.

⭐️လဘက်ခြောက်ရေနွေး ကို သောက်တော့မယ်ဆိုရင်တော့ သဘာဝရတနာ ထူးထူးရှယ် ရှမ်းပြည်ပင်လောင်းလဘက်ခြောက်ရေနွေးကိုပဲ ကျိန်းသေရွေးချယ်လိုက်ပါရှင်။

ကိုညီညီ+မမိမိ

☎️0943056077
အမှတ် 16 ဗန္ဓုလလမ်း မြို့မရပ်ကွက်
#မာန်အောင်မြို့၊

22/07/2021

နေ့တိုင်းတင်မယ်💪💪💪

👉ငါတို့ သေချာပေါက် အကြောတင်းစွာကျန်ခဲ့ရမည်။

☺️မနက်မိုးလင်း ကိုယ်လက်သန့်စင်
ဘုရားဝတ်ပြု ကန်တော့ ပြီးတစ်နေ့တာကို စတင်ဖြတ်သန်းပါတယ်။

လက်ဆေးတယ်။🙌
Mask တပ်တယ်။😷

🍵ရေနွေးပူပူ လဘက်ရည်ကြမ်းကိုအလုပ်လုပ်ရင်း 15 မိနစ် တစ်ခါ သောက်တယ်။ ဒင်းဒီလည်ချောင်းထဲ နေနိုင်အုံးမလား

ငပိရည်ကြိုနဲ့ထမင်းကိုနယ် ကြက်ဥပြုတ်နဲ့ ကြက်သွန်နီ တို့စားတယ်၊ ငရုတ်သီးစိမ်းလေးကိုက်☕ ရေနွေးလဘက်ရည်ကြမ်းလေးနဲ့ 😁

🏘️အကုန်အကျသက်သာ ရောဂါလည်းကာကွယ်ပြီးသား ဒင်းအစာအိမ်ထဲမှာ မာလကီးယားနေလောက်ပြီ။

🤫ရေခဲရေ လုံးဝ မသောက်
အအေး လုံးဝမသောက်နဲ့
မိုးချုပ် ရေမချိုးနဲ့ ခေါင်းမလျှော်နဲ့
ဖျားနိုင်မယ့် အကြောင်းအရာ အကုန်ရှောင်တယ်🙅
ဒင်းလာမယ့်လမ်း လုံးဝမခင်းပေးနိုင်ဘူး🙅

👍ကြောက်လားမေး လုံးဝ မကြောက်ပါဘူး
တရားသဘောတော့ ရှိတာပေါ့။

🥳ဘုရားတရားလေးလုပ်မယ်
စိတ်ကောင်းလေးထားမယ်
ချစ်တဲ့သူတွေနဲ့ ပျော်ပျော်ရွှင်ရွှင်နေမယ်
✴️အသက်ကို ဉာဏ်စောင့်တယ်လေ✴️

🥳ကိုယ်လုပ်နိုင်တာတွေအများကြီးရှိနေတာကိုသေမှာကိုပဲ ကျော်ပြီးတွေးတွေး ကြောက်နေကြတာ
စိတ်ဓါတ်တွေကျနေကြတာတွေ လုံးဝ လုံးဝ မဖြစ်ကြပါနဲ့ နော်။

🪄အတူတူကျော်ဖြတ်ကြမယ်။
🥳တစ်နေ့ အတူတူ ရယ်မောကြမယ်
ငါတို့သည် ဒီကမ္ဘာမြေပေါ် အကြောတင်းစွာ ကျန်ခဲ့ရမယ်။

12/07/2021

နောက်ဆုံးအနမ်း
_______________
ဆယ်သက်ဆယ်ကမ္ဘာ
တစက္ကန် လေးတောင်မဝေးချင်ဘူး
မရှိအတူနေ ရှိအတူပေ
လက်ရည်တပြင်တည်း
လက်တွဲမဖြုတ်စတမ်းကွဲ့
အာခံတွင်းထဲ ငုံထားတဲ့ချစ်သူ
ဘယ်သူမှမငြူစူ ချစ်ပွဲဝင်ခဲ့ ဘဝတူ
တမိုးအောက်ကနှစ်ယောက်တအိပ်မက်
အပြုံးများများသွယ်ယှက်
အချစ်မပျက်ခဲ့ ဒို့ မောင်နှံ
ပင်လယ်ပြင် လက်ပစ်ကူးမတဲ့
မောင်ခေါ်ရာ လိုက်ခဲ့ပေါ့ချစ်သူ
ဓူဝံကြယ် ခူးကာဆွတ်မတဲ့
ညွှတ်ကာကြွေဆင်းခဲ့ရချစ်သူ
စံအိမ်ဖော်ဆင်မြန်းထားသကွဲ့
နန်းဆန်ဆန်သိုက်မြုံတစ်ခုလေမို့
မေကြိူက်လျင် မောင်ကြိူက်တာလို့
ဘဝအဖော်လေး ချစ်အဖော်လေးလည်း
အတူမနေရ အသည်းကြွေဘဝမှာ
သဲမြေချ အနိစ္စ သင်္ခါရ အနတ္တ
ကြေကွဲကြ လူ့ဘဝ မျက်ရည်ပင်လယ်ကြော
ကူးချည် သန်းချည် ခေါက်တုန့်ခေါက်ပြန်
ဘဝအဖန်ဖန် ကျင်လည်နေကြရတဲ့
သံသရာခရီး သွားဖို့ဆဲဆဲမှာ
နောက်ဆုံးအနမ်း ဖွဖွလေးနမ်းလိုက်မယ်
ရှေ့က မင်းသွားနှင့် တော့ ချစ်သူ။

06/07/2021

💙Admin တင်ပြစေ
🤗ချစ်မိတ်ဆွေ

အကြံကောင်း 🤔တစ်ချက်လိုချင်လျှင်
🪄 ရွှေမန်းသူ ဆေးပေါ့လိပ် တစ်ဖွာလောက် ဖွာလိုက်ပါ။

💙🥳 မင်္ဂလာ အတွေးများ ချစ်မိတ်ဆွေထံသို့ အပြေးအလွှား ရောက်လာပါလိမ့်မည်။

🤗ချစ်မိတ်ဆွေ

💙😱 မိုးအေးအေးမှာ ချမ်းစိမ့်စိမ့်ဖြစ်နေပါသလား 😎

🤗ရှမ်းပြည် ပင်လောင်း ထူးထူးရှယ်လဘက်ခြောက်စစ်စစ်ကို ပူပူနွေးနွေး သောက်ရင်း🎊🎊🎊

🚬 ရွှေမန်းသူ ဆေးလိပ် တစ်ရိူက် လောက် ပြင်းပြင်းရိူက်လိုက်ပါ။

💙🫂‌ အေးစိမ့်နေသော သင့်ခန္ဓာအား နွေးထွေးမှု ရစေပါလိမ့်မည်။

🤗ချစ်မိတ်ဆွေ

💙😎အပေါင်းအဖော်တွေကြားဂုဏ်ယူချင်ပါသလား။

အရွယ်နဲ့ဆိုက် (Size)ကအနေတော်လေး
ဆိုတော့ လက်ကြားညှပ်ရတာ စမတ်ကျပြီး ဆေးသားကလည်းကောင်း အနံ့ကလည်းသင်းနေလေတော့ မိတ်ဆွေများကြားထဲ နာမည်ကြီး စီးကရက်တစ်လိပ်ကို စတိုင်ကျကျ ရှိုးထုတ်နေသလိုပါဘဲလေ။😎😎😎

ကဲ...
✴️ #ရွှေမန်းသူရဲ့ အားသာချက်က 💯ထူးထူးရှယ်!

🤗ချစ်မိတ်ဆွေ စမ်းဖွာချင်နေပြီ မဟုတ်လား။

ဒီမှာရော့ 👉
အခုဘဲ စမ်းသောက်ကြည့်လိုက်ပါ။

ရခိုင်ပြည်နယ် တစ်ဦးတည်း ကိုယ်စားလှယ်

ဆက်သွယ်ရန် လိပ်စာ
ကိုညီညီ၊မမိမိ
📲 09 - 43056077 , 09 - 263495965
🏘️အမှတ် 16 ၊ ဗန္ဓုလလမ်း ၊မြို့မ ရပ်ကွက်. #မာန်အောင်မြို့။ရခိုင်ပြည်နယ်။

Nyi Saw Lwin

02/03/2024

07/02/2024

29/09/2023

18/02/2023

21/01/2023

09/09/2021

31/08/2021

06/08/2021

22/07/2021

12/07/2021

06/07/2021

Address

Website

Alerts

Shortcuts

Share

Category