03/07/2024
Dear Romance
မပိုင်ဆိုင်ရလည်း ချစ်နေဆဲပါပဲ
ကိုယ်ချစ်တဲ့သူကို ဘယ်သူကများ မပိုင်ဆိုင်ဘဲနေချင်ပါ့မလဲ ...။ ဒါပေမယ့် အခြေအနေတွေ ပေးမလာတဲ့အခါ စွန့်လွှတ်လိုက်ဖို့ကိုသာ ကိုယ် ရွေးချယ်လိုက်ပါတယ်။
အရင်က ကိုယ့်ချစ်သူပျော်ရဖို့ စွန့်လွှတ်ပေးလိုက်တယ်ဆိုတာကို သိပ်သူရဲဘောကြောင်တဲ့စကားလို့ ကိုယ်ထင်ခဲ့တာ …. ချစ်တယ်ဆို ၊ အတူတူရှိနေဖို့ ဘယ်လိုနည်းနဲ့ဖြစ်ဖြစ် ကြိုးစားရမှာပေါ့၊ တခြားသူနဲ့ ပျော်ဖို့ လက်လွှတ်ပေးရမယ့်အစား ကိုယ်က ပိုကြိုးစားပြီး ကိုယ့်ချစ်သူပျော်အောင်ထားရမှာပေါ့ ဆိုပြီးတော့လေ ၊ ဒါပေမယ့် ဒီအတွေးက ကိစ္စရပ်တိုင်းမှာ မှန်မနေဘူးဆိုတာ တကယ် နှဖူးတွေ့ဒူးတွေ့ကြုံလာရမှ ကိုယ်သိလာခဲ့ရတယ်။ မင်းက ကိုယ့်ကို ကြိုးစားခွင့်တောင်မပေးခဲ့ဘူးလေ ။
Dear Romance True Love1.jpg
ကိုယ့်ရဲ့ စံပယ်တင်မှဲ့လေး၊ ကိုယ့်ရဲ့ ဆံရှည်မလေး ၊ ကိုယ့်ရဲ့ ဂျုလိုင်မိုးဖွဲလေး ၊ စတွေ့ခဲ့တဲ့ ဂျူလိုင်လမှာပဲ ကိုယ်တို့တွေ ခွဲခွါခဲ့ရပြီ ၊ မင်းကတော့ ပျော်နေမလား မသိပေမယ့် ကိုယ်ကတော့ အမှတ်တရတွေအားလုံးကို ရင်ထဲသိမ်းပြီး နေ့ညမပြတ် လွမ်းနေဆဲပါ။
တစ်နေ့ပေါ့ … တစ်နေ့နေ့တော့ မနက်နိုးလာလည်း မင်းကိုမလွမ်းဖြစ်တော့တဲ့ တစ်နေ့တော့ ရောက်လာဦးမှာပါ။ မင်းလည်းမင်းအချစ်သစ်နဲ့မင်းပျော်နေသလို ကိုယ်လည်း ကိုယ့်ဘဝနဲ့ကို ပျော်မယ့် တစ်နေ့နေ့တော့ ရောက်လာဦးမယ်ထင်ပါရဲ့ ။ ဒါပေမယ့် အခုတော့ ကိုယ်သိပ်ကြိုက်မိတဲ့ "W. H. Auden" ရဲ့ ကဗျာလေးထဲကလိုပေါ့ …
Dear Romance True Love2.jpg
"If equal affection cannot be,
ချစ်ခြင်းတရားတွေသာ မတူညီနိုင်ခဲ့ဘူးဆိုရင် …
Let the more loving one be me.
ပိုချစ်ရတဲ့သူက ကိုယ်ပဲ ဖြစ်ပါစေ "
ရယူခြင်းမဟုတ်တဲ့ အချစ်နဲ့ပဲ ကိုယ်ဆက်ချစ်နေပါ့မယ် ။ ပျော်ပါစေ ကလေးရေ …။
Crd//
