24/09/2026
🎨 ပန်းချီရေးသူတိုင်း မသိမဖြစ် လေ့လာရတဲ့ "အရောင်သဘောတရား" တွေရဲ့ နောက်ကွယ်က ဆရာကြီး ဦးသစ်လွင်စိုး... 🖌️
ပန်းချီစရေးဖူးတဲ့သူတိုင်း အလင်းအမှောင်နဲ့ အရောင်စပ်နည်းတွေကို လေ့လာရတဲ့အခါ "အရောင်သဘောတရား (Color Theory)" ဆိုတဲ့ စာအုပ်ကို ကြားဖူး၊ ဖတ်ဖူးကြမှာပါ။
ဒီစာအုပ်အပါအဝင် ပန်းချီအခြေခံဆိုင်ရာ တန်ဖိုးရှိတဲ့ စာအုပ်ပေါင်းများစွာကို စနစ်တကျ ရေးသားပြုစုခဲ့သူကတော့ "ဆရာကြီး ဦးသစ်လွင်စိုး" ဖြစ်ပါတယ်။
ဆရာကြီးရဲ့ ပညာရေးနဲ့ အနုပညာခရီးစဉ်ကတော့ -
✨ ပညာရပ်ဆိုင်ရာ စာအုပ်များ ပြုစုခြင်း
• ပန်းချီလေ့လာသူတိုင်းအတွက် မရှိမဖြစ် အရောင်သဘောတရား (Color Theory)၊ ပန်းချီအခြေခံသဘောတရား၊ ပန်းချီပညာရပ်ဆိုင်ရာ ဒီဇိုင်းအခြေခံသဘောတရား ၇ ချက် စတဲ့ စာအုပ်များကို စနစ်တကျ ရေးသားပေးခဲ့ပါတယ်။
• ဒီဇိုင်းပိုင်းမှာလည်း ယဉ်ကျေးမှုစာစောင်ကြီးရဲ့ စာမျက်နှာ ၅၀၀ ကျော် ဒီဇိုင်းအပါအဝင် ဂျာနယ်၊ မဂ္ဂဇင်းများစွာမှာ Graphic Designer အဖြစ် အားဖြည့်ပေးခဲ့ပါတယ်။
🎓 နှစ်ပေါင်း ၃၀ ကျော် သင်ကြားရေးအတွေ့အကြုံ
၁၉၈၄ ခုနှစ်မှာ ပန်းချီပန်းပုကျောင်း (ရန်ကုန်) နည်းပြအဖြစ် စတင်ခဲ့ပြီး အမျိုးသားယဉ်ကျေးမှုနှင့် အနုပညာတက္ကသိုလ်ရဲ့ ဒုတိယပါမောက္ခချုပ် (သင်ကြား) အထိ ပန်းချီမျိုးဆက်သစ်ပေါင်းများစွာကို လက်တွဲခေါ်ယူ သင်ကြားပေးခဲ့ပါတယ်။
🏅 အနုပညာဆိုင်ရာ ဂုဏ်ပြုခံရမှုများ
ပန်းချီပညာရပ်ဆိုင်ရာ ပြောင်မြောက်သော လုပ်ဆောင်ချက်များကြောင့် ဝဏ္ဏကျော်ထင်ဘွဲ့၊ အနုပညာထူးချွန်တံဆိပ် (ပထမအဆင့်)၊ စက်ထူးဆောင်မဟာဝိဇ္ဇာဘွဲ့ M.A Honoris Causa (Painting) နှင့် အမျိုးသားယဉ်ကျေးမှုနှင့် အနုပညာတက္ကသိုလ်မှ ချီးမြှင့်သည့် Doctor of Letters (Painting) ဂုဏ်ထူးဆောင်ပါရဂူဘွဲ့ တို့ကို ရရှိခဲ့ပါသည်။
လက်ရှိမှာတော့ မြန်မာနိုင်ငံ ရိုးရာပန်းပညာရှင်များအစည်းအရုံး (ဗဟို) ၏ ဥက္ကဋ္ဌ အဖြစ် အနုပညာလုပ်ငန်းများကို ဆက်လက် ဆောင်ရွက်လျက် ရှိပါတယ်။
ပန်းချီပညာကို လေ့လာလိုက်စားသူများအတွက် ဆရာကြီး ဒေါက်တာ ဦးသစ်လွင်စိုး၏ အနုပညာမှတ်တိုင်အချို့ကို ဝေမျှပေးလိုက်ပါတယ်။ 🙏✨
