JBJ Entertainment

24/03/2022

Coming Soon 🌟

#ဝှက်ထားတဲ့ကြယ် #ရင်ခုန်ခြင်းအပိုင်းအစများ

ကြယ်ကလေးကို ဘယ်မှာ ဝှက်ထားခဲ့ကြသလဲ ?

#ဝှက်ထားတဲ့ကြယ် #ရင်ခုန်ခြင်းအပိုင်းအစများ

14/11/2021

JBJ Entertainment အနေဖြင့် ကိုရီးယားနိုင်ငံတွင် ကျင်းပခဲ့သော ပထမအကြိမ် Global Entertainment Expo ၌ ပါဝင်ဆင်နွှဲကာ အောင်မြင်စွာဖြင့် အဆုံးသတ်နိုင်ခဲ့ပါတယ်။ မြန်မာနိုင်ငံ၏ K-Pop အပေါ်ထားရှိကြတဲ့ စိတ်အားထက်သန်မှုကို ကိုရီးယားနိုင်ငံထံ ထပ်မံ၍ အသိပေးနိုင်ခဲ့တဲ့ အဓိပ္ပါယ်လေးနက်သော Event ဖြစ်ခဲ့ရပါတယ်။

13/11/2021

2021 ခုနှစ် ပထမအကြိမ်မြောက် Global Entertainment Expo ပထမနေ့

13/11/2021

JBJ Entertainment အနေဖြင့် ကိုရီးယားနိုင်ငံတွင် 2021ခုနှစ် နိုဝင်ဘာလ 13ရက်နေ့(စနေနေ့)မှ နိုဝင်ဘာလ 14ရက်နေ့(တနင်္ဂနွေနေ့) အထိ ကျင်းပသော ပထမအကြိမ် Global Entertainment Expo ၌ ပါဝင်ဖြစ်ခဲ့ပါတယ်။

11/11/2021

အသိပေးကြေငြာချက်
မင်္ဂလာပါ။ JBJ Entertainment မှဖြစ်ပါသည်။
ကျွန်ုပ်တို့၏ ကုမ္ပဏီသည် Kira နှင့် BoBo တို့၏ ALFA အဖွဲ့မှ နှုတ်ထွက်ခြင်းအကြောင်းအရာနှင့် ပတ်သက်၍ အခြေအမြစ်မရှိသော ကောလဟာလများနှင့် အတုအယောင်လှုံ့ဆော်မှုများအတွက် ကုမ္ပဏီ၏ တရားဥပဒေဆောင်ရွက်ရေးဆိုင်ရာ မိတ်ဖက်ကုမ္ပဏီမှ တစ်ဆင့် တရားဥပဒေအရ အရေးယူ ဆောင်ရွက်ခြင်းများကို ပြုလုပ်သွားမည် ဖြစ်ပါသည်။
အချို့သော ပရိသတ်များအနေဖြင့်လည်း တစ်ဖက်သတ် စကားများကိုသာ နားထောင်ပြီး ကုမ္ပဏီမှ အနုပညာရှင်များနှင့် ပတ်သက်သော လှုံ့ဆော်ပြောဆိုမှုများကို ရပ်တန့်ပေးပါရန် ပြောကြားချင်ပါသည်။
ကုမ္ပဏီအနေဖြင့် ရှေ့ဆက်၍ ကုမ္ပဏီမှ အနုပညာရှင်များအား ကာကွယ်ရန် လိုအပ်သောကြောင့် အခြေအနေများကို စောင့်ကြည့်ကာ တည်ဆဲ ဥပဒေများနဲ့အညီ တရားဥပဒေများအရ ဆောင်ရွက်သွားမှာဖြစ်ပြီး အမျိုးမျိုးသော တရားဥပဒေဘောင်ပြင်ပမှ အပြုအမူများအပေါ်တွင် လုံးဝသည်းမခံတော့ပဲ ပြင်းပြင်းထန်ထန် တုံ့ပြန်သွားမည်ဖြစ်ကြောင်း အသိပေးအပ်ပါသည်။
ကျေးဇူးတင်ပါသည်။

31/10/2021

17/02/2021

မင်္ဂလာပါ။ JBJ Entertainment မှ ဖြစ်ပါတယ်။

Chase Your Dream Season 5 Auditionကို မြောက်မြားစွာသော ပြိုင်ပွဲဝင်များ ပါဝင်ယှဉ်ပြိုင်ခဲ့ကြပြီး ပထမအဆင့်ကတော့ ပြီးဆုံးသွားခဲ့ပြီ ဖြစ်ပါတယ်။ ကျွန်ုပ်တို့မှ မထင်မှတ်ထားသည့်တိုင်အောင် များစွာသောလူငယ်များက ပါဝင်ယှဉ်ပြိုင်ပေးခဲ့ကြပါတယ်။ အကဲဖြတ် သုံးသပ်ပေးကြသူများမှ ပါဝင်ယှဉ်ပြိုင်သူများ အားလုံးအား စစ်ဆေးအကဲဖြတ်ပေးပြီး ဖြစ်ကာ ပထမအဆင့် Online Audition အရွေးချယ်ခံရသူများ ကြေငြာခြင်းကို ရက်သတ္တပတ် တစ်ပတ် နောက်ကျ၍ ယနေ့မှာ ကြေငြာအသိပေးတော့မှာ ဖြစ်ပါတယ်။ ပါဝင်ယှဉ်ပြိုင်ပေးကြသောသူများ အယောက်ဆီတိုင်းကို ကျေးဇူး အထူးပင်တင်ရှိကြောင်း ပြောကြားလိုပါတယ်။

ပထမအဆင့် Online Audition အရွေးချယ်ခံရသူ 26 ဦးရဲ့ အမည်စာရင်းကို အောက်ပါအတိုင်း အသိပေးကြေငြာလိုက်ပါတယ်။
(ပြိုင်ပွဲဝင်များ၏ Privacy အရ ပြိုင်ပွဲဝင်များရဲ့ နာမည်နံဘေး၌ အတည်ပြုနိုင်သော သက်ဆိုင်ရာဖုန်းနံပါတ်များကို အပြည့်အစုံမဖော်ပြထားပဲ နောက်ဆုံး ဂဏန်းလေးလုံးကိုသာဖော်ပြပေးထားပါတယ်။)

ပထမအဆင့်မှ အရွေးချယ်ခံရသူများရဲ့ ဒုတိယအဆင့် offline ဖြင့် ရွေးချယ်အကဲဖြတ်ခြင်းကို လက်ရှိနိုင်ငံအတွင်းဖြစ်ပေါ်နေသော အခြေအနေများအရ ရွှေ့ဆိုင်းထားမှာ ဖြစ်ပါတယ်။ ဤအချက်အား နားလည်ပေးပါရန် မေတ္တာရပ်ခံအပ်ပါတယ်။ အရွေးချယ်ခံရသူများအနေနဲ့ကတော့ ပထမအဆင့် audition တွင် ပေးပို့ခဲ့သည့် အချက်အလက်များထဲမှ မပြည့်စုံသေးသော အချက်အလက်များ၊ ကျွန်ုပ်တို့မှ ထပ်တိုးအနေဖြင့် စစ်ဆေးလိုသည့် အချက်အလက်များရှိပါက တစ်ဦးချင်း သီးခြားစီ ဆက်သွယ်အကြောင်းကြားမည်ဖြစ်ပြီး ဒုတိယအဆင့် online ဖြင့် ရွေးချယ်အကဲဖြတ်ခြင်းကိုလဲ ပြင်ဆင်လျက်ရှိပါတယ်။

ထပ်တိုး ဓါတ်ပုံများနှင့် သတ်မှတ်ပေးမည့် သီချင်း နှင့် အက အစရှိသော အချက်အလက်များကို ထပ်တိုးအနေဖြင့် ပြိုင်ပွဲဝင်များ၏ အရည်အချင်းများကို ပို၍ အကဲဖြတ်စစ်ဆေးနိုင်ရန် တစ်ဦးချင်းစီ သီးခြား ဆက်သွယ် အကြောင်းကြားသွားမှာ ဖြစ်ပါတယ်။

ဆက်သွယ်အကြောင်းကြားမှုများကို ဖေဖော်ဝါရီလ 23ရက်နေ့မှ 25 ရက်နေ့အထိ (နံနက် 10 နာရီမှ ညနေ 5 နာရီအတွင်း) တစ်ဦးချင်းစီ ဖုန်းဖြင့် သီးခြားဆက်သွယ်အကြောင်းသွားမှာ ဖြစ်ပါတယ်။ (သို့ရာတွင် လက်ရှိ အခြေအနေများအပေါ်မူတည်၍ ဆက်သွယ်အကြောင်းကြားခြင်းများမှာလဲ ကြိုတင်အသိပေးခြင်းမရှိဘဲ ရွှေ့ဆိုင်းခြင်းများ ဖြစ်ကောင်းဖြစ်သွားနိုင်ပါသည်။)

ပထမအဆင့် Online Audition အရွေးချယ်ခံရသူများကို အလွန်ပင် ဂုဏ်ပြုပါကြောင်းနှင့် ပါဝင်ယှဉ်ပြိုင်ပေးခဲ့ကြသောသူများ အယောက်ဆီတိုင်းကို အထူးပင် ကျေးဇူးတင်ရှိပါကြောင်း ထပ်မံ ပြောကြားချင်ပါတယ်။
JBJ Entertainment အနေနှင့်လဲ ရှေ့လျှောက် ပို၍ များပြားလှသော လူငယ်များနှင့်အတူတူ လက်တွဲသွားနိုင်ဖို့ရာ ကြိုးစားသွားမှာ ဖြစ်ပါတယ်။ ကျေးဇူးတင်ပါတယ်။

"Chase Your Dream, Show Your Passion"

10/02/2021

မင်္ဂလာပါ JBJ Entertainment မှ ဖြစ်ပါတယ်။

ကျွန်ုပ်တို့၏ ကုမ္ပဏီမှ စီစဉ်ပြုလုပ်သော Chase Your Dream Audition Season 5 ၌ ပါဝင်ယှဉ်ပြိုင်ခဲ့ကြသော သူများအားလုံးထံ အထူးကျေးဇူးတင်ရှိပါကြောင်း ပြောကြားလိုပါသည်။
သို့ရာတွင် ဤပထမအဆင့်မှ အရွေးချယ်ခံရသူများ ကြေငြာအသိပေးခြင်းမှာ ယခင်တွင် ဖေဖော်ဝါရီလ ၁၀ရက်နေ့(ယနေ့) ညနေ ၆နာရီ ဖြစ်သော်ငြား လက်ရှိမြန်မာနိုင်ငံအတွင်း ဖြစ်ပေါ်နေသော အခြေအနေများအရ ရက်သတ္တပတ် ၁ ပတ်ခန့် ရွှေ့ဆိုင်းကာ ဖေဖော်ဝါရီလ ၁၇ရက်နေ့(ဗုဒ္ဓဟူးနေ့)တွင် ကြေငြာသွားမည် ဖြစ်ပါသည်။ ဒုတိယအဆင့် ZOOM test နှင့် Interview နေ့ရက်များမှာလည်း အခြေအနေအပေါ်မူတည်၍ နောက်ပိုင်းတွင် တစ်ဦးချင်းစီအား အသိပေးကြေငြာသွားမည် ဖြစ်ပါသည်။

ကျေးဇူးအထူးတင်ရှိပါသည်။

26/01/2021

uab ဘဏ်နှင့် SAM (Singapore Association of Myanmar) တို့ ဦးဆောင်၍ မြန်မာနိုင်ငံ၏ COVID-19 ကာကွယ်ဆေးဝယ်ယူရေးအစီအစဥ်အား တိုးမြှင့်ကူညီသွားမည်ဖြစ်ပါသည်။

ထိုအစီအစဉ်တွင် ALFA 1st Anniversary Donation မှရရှိထားသောအလှူငွေများကို ထည့်၀င်လှူဒါန်းခဲ့ပါသည်။ ယခုကဲ့သို့လှူဒါန်းဖြစ်အောင် ထည့်၀င်ပေးခဲ့ကြပါသော ALFAVERSE များကို JBJ ENTERTAINMENT မှ ကျေးဇူးတင်ရှိပါသည်။

21/01/2021

[𝙊𝙁𝙁𝙄𝘾𝙄𝘼𝙇] "𝘾𝙃𝘼𝙎𝙀 𝙔𝙊𝙐𝙍 𝘿𝙍𝙀𝘼𝙈" 𝘼𝙪𝙙𝙞𝙩𝙞𝙤𝙣 𝙎𝙚𝙖𝙨𝙤𝙣 𝟱 𝘼𝙣𝙣𝙤𝙪𝙣𝙘𝙚𝙢𝙚𝙣𝙩
မင်္ဂလာပါ။
JBJ Entertainment မှ ဖြစ်ပါတယ်။

Songwol Towel နဲ့ One Aid တို့ရဲ့ စီစဥ်မှုဖြင့် 2021 ခုနှစ် မှာတော့ Official JBJ Trainee 5 ကြိမ်မြောက် ခေါ်ယူမှုအဖြစ် Online Audition ကို ကျင်းပသွားမည် ဖြစ်ပါသဖြင့် လူအများမှ စိတ်ပါဝင်စားစွာ ပါဝင်လျှောက်ထားကြပါရန် ဖိတ်ခေါ်လိုက်ပါတယ်။

JBJ Entertainment CHASE YOUR DREAM Audition Season 5 ရဲ့ audition လျှောက်ထားရမယ့် နည်းလမ်းနဲ့ ပတ်သက်ပြီး အောက်ပါအတိုင်း လမ်းညွှန်ပြပေးချင်ပါတယ်။

𝟏. 𝐀𝐩𝐩𝐥𝐢𝐜𝐚𝐭𝐢𝐨𝐧 𝐏𝐞𝐫𝐢𝐨𝐝
- 2021ခုနှစ် ဇန်နဝါရီလ 22ရက်နေ့(သောကြာနေ့) မှ 2021ခုနှစ် ဖေဖော်ဝါရီလ 5ရက်နေ့(သောကြာနေ့) အထိ 15 ရက်ကြာ register လက်ခံပေးသွားမှာ ဖြစ်ပါတယ်။

𝟐. 𝐀𝐩𝐩𝐥𝐢𝐜𝐚𝐭𝐢𝐨𝐧 𝐂𝐚𝐭𝐞𝐠𝐨𝐫𝐢𝐞𝐬
- Vocal / Rap / Dance / Instruments (စသည့် အခြား အားသာချက်များ)

𝟑. 𝐀𝐩𝐩𝐥𝐢𝐜𝐚𝐭𝐢𝐨𝐧 𝐐𝐮𝐚𝐥𝐢𝐟𝐢𝐜𝐚𝐭𝐢𝐨𝐧
- 1996ခုနှစ်မှ 2004ခုနှစ်အတွင်း မွေးဖွားသူများ (အသက် 17နှစ် မှ အသက် 25 အထိ)အတွင်းမှ မည်သူမဆို ပါဝင်လျှောက်ထားနိုင်ပါတယ်။
အသက် 18နှစ်အောက် အသက်မပြည့်သေးသူများ အနေဖြင့် အုပ်ထိန်းသူ၏ သဘောတူ ခွင့်ပြုလွှာကိုပါ တစ်ပါတည်း လျှောက်ထားရမှာ ဖြစ်ပါတယ်။

𝟒. 𝐀𝐩𝐩𝐥𝐢𝐜𝐚𝐭𝐢𝐨𝐧 𝐑𝐮𝐥𝐞𝐬
- Solo အနေဖြင့် သော်လည်းကောင်း Group အနေဖြင့် သော်လည်းကောင်း ပါဝင်ယှဥ်ပြိုင်နိုင်ပါတယ်။ သို့သော် Group အနေဖြင့် ပါဝင်ယှဥ်ပြိုင်သည့်တိုင် အကဲဖြတ်သုံးသပ်မှုမှာ တစ်ဦးချင်းစီအား ပြုလုပ်သွားမှာ ဖြစ်ပါတယ်။
- သီချင်း ၊ Dance နှင့် Instrument တို့မှာ သတ်မှတ်ထားသော အကန့်အသတ်မရှိပါသဖြင့် လွတ်လပ်စွာ ပေးပို့နိုင်ပါတယ်။
- Own Tune သီချင်းများလည်း ပါဝင်နိုင်ပါတယ်။
- ပါဝင်ယှဥ်ပြိုင်သူ၏ ကိုယ်ပိုင်အရည်အချင်းကို ပြသနိုင်သည့် မည်သို့သော အရာဖြင့်မဆို ယှဥ်ပြိုင်နိုင်ပါတယ်။
- ယခုအကြိမ် Audition မှာ Online အနေဖြင့် ပြုလုပ်သွားမည် ဖြစ်သောကြောင့် နယ်ဝေးမှာရှိသူများ အနေဖြင့်လည်း ပါဝင်ယှဥ်ပြိုင်နိုင်ပါတယ်။

𝟓. 𝐀𝐮𝐝𝐢𝐭𝐢𝐨𝐧 𝐫𝐞𝐪𝐮𝐢𝐫𝐞𝐦𝐞𝐧𝐭𝐬
Audition တွင် ပေးပို့ရမည့် အချက်များမှာ အောက်ပါအတိုင်း ဖြစ်ပါတယ်။
- Vocal / Rap / Dance / Instruments (စသည့် အခြား အားသာချက်များ) အတွက် ကြာမြင့်ချိန် 2မိနစ် မပိုသော video ဖိုင်။
- ဓါတ်ပုံ(မျက်နှာ အနီးကပ်ပုံ၊ ခန္ဓာကိုယ် အပေါ်ပိုင်းတစ်ဝက်ပုံ၊ ကိုယ်လုံးပေါ်ပုံ) ပြုပြင်ထားခြင်းမရှိရ။

+ Vocal / Rap / Dance / Instruments
Video ကို ရိုက်ကူးသည့် အခါတွင် လင်းသောနေရာတွင် ခန္ဓာကိုယ် အပေါ်ပိုင်း ပေါ်အောင် ရိုက်ကူးပေးပါရန်နှင့် တီးလုံးအလွတ် မဟုတ်ပဲ MR အသုံးပြုခြင်းကို အကြံပြုချင်ပါတယ်။

+ ဓါတ်ပုံ
Photoshop အစရှိသော Graphic tool များဖြင့် retouch ပြုလုပ်ထားခြင်းများအား တားမြစ်ထားပါတယ်။ Retouch ပြုလုပ်ထားသော ဓါတ်ပုံထက် မိမိတို့ရဲ့ ပင်ကိုယ် အသွင်အပြင်ကို တွေ့မြင်ချင်မိပါတယ်။

𝟔. 𝐀𝐩𝐩𝐥𝐢𝐜𝐚𝐭𝐢𝐨𝐧
အားလုံး အဆင်သင့် ပြင်ဆင်ပြီးပါက အောက်ပါ Link မှတစ်ဆင့် ဝင်ရောက်ပြီး Application Form များကို လျှောက်ထားပေးပို့နိုင်ပါပြီ။
Application Form Link: https://forms.gle/rPYY69KwchxaYxzT9

𝟕. 𝐀𝐮𝐝𝐢𝐭𝐢𝐨𝐧 𝐒𝐜𝐡𝐞𝐝𝐮𝐥𝐞
Online Audition မှာ JBJ Audition ရဲ့ ပထမအဆင့် ဖြစ်ပါတယ်။
ဤ Audition မှ အရွေးချယ်ခံရသူများ အနေဖြင့် အောက်ပါအတိုင်း စီစဥ်ဆောင်ရွက်သွားကြရမှာ ဖြစ်ပါတယ်။

▶ ပထမအဆင့် Online Audition အရွေးချယ်ခံရသူ ကြေငြာခြင်း
2021ခုနှစ် ဖေဖော်ဝါရီလ 10ရက်နေ့(ဗုဒ္ဓဟူးနေ့) ညနေ 6နာရီအချိန်တွင် JBJ Entertainment Official page ၌ ကြေငြာသွားမှာ ဖြစ်ပါတယ်။

▶ ဒုတိယအဆင့် Online Judgement
2021ခုနှစ် ဖေဖော်ဝါရီလ 17ရက်နေ့(ဗုဒ္ဓဟူးနေ့) နေ့လယ် 1နာရီအချိန်တွင် ZOOM test (ZOOM App မှတစ်ဆင့် တွေ့ဆုံ အကဲဖြတ် စစ်ဆေးမှု) အနေဖြင့် ကျင်းပပြုလုပ်သွားမှာ ဖြစ်ပါတယ်။

▶ ဒုတိယအဆင့် Online Judgement အရွေးချယ်ခံရသူ ကြေငြာခြင်း
2021ခုနှစ် ဖေဖော်ဝါရီလ 19ရက်နေ့(သောကြာနေ့) ညနေ 6နာရီအချိန်တွင် JBJ Entertainment Official page ၌ ကြေငြာသွားမှာ ဖြစ်ပါတယ်။

▶ တတိယအဆင့် Interview အကဲဖြတ်ခြင်း
2021ခုနှစ် ဖေဖော်ဝါရီလ 24ရက်နေ့ (ဗုဒ္ဓဟူးနေ့) နေ့လယ် 1နာရီအချိန်တွင် ZOOM Interview ပြုလုပ်သွားမှာဖြစ်ပါတယ်။

▶ နောက်ဆုံး အရွေးချယ်ခံရသူများ ကြေငြာခြင်း
2021ခုနှစ် ဖေဖော်ဝါရီလ 28ရက်နေ့(တနင်္ဂနွေနေ့) ညနေ 6နာရီအချိန်တွင် JBJ Entertainment Official page ၌ ကြေငြာသွားမှာ ဖြစ်ပါတယ်။

20/01/2021

[OFFICIAL]"𝘾𝙝𝙖𝙨𝙚 𝙐𝙧 𝘿𝙧𝙚𝙖𝙢": 𝗦𝗲𝗮𝘀𝗼𝗻 𝟱 𝗢𝗻𝗹𝗶𝗻𝗲 𝗔𝘂𝗱𝗶𝘁𝗶𝗼𝗻 𝗧𝗲𝗮𝘀𝗲𝗿
The long wait is over.
JBJ Entertainment Official audition season 5 is coming!