13/07/2025
ကျနော်ငယ်ငယ်က
ကရင်ပြည်နယ်မှာ နေတုန်းက
ဓာတ်ဆီတွေကို ရေသန့်ဗူး ၁လီတာဗူးနဲ့
ထည့်ရောင်းကြတယ် ။
အဲ့တုန်းကတော့ မှတ်မိသလောက် ၇၀၀ကျပ်ဗျ၊
မော်တော်ဆိုင်ကယ် စီးတဲ့သူတွေက
အဲ့ဓာတ်ဆီတွေ ထားတဲ့နဲ့ ဆိုင်ကယ်လေးရပ်
တူးဘောက်ကိုဖွင့် ကတော့နဲ့ထည့်၊
တချို့ဆို ဒီတိုင်း တေ့ထည့်လိုက်တာပဲ ။
ပြီးတော့…..
အဲ့တုန်းကဆို EPC မီးတွေ မရသေးဘူးဗျ၊
ကျနော်တို့နေတဲ့ ကျေးလက်ဒေသလေးက
အဲ့အချိန်မှာ ရုပ်ရှင်ဇာတ်ကားကြည့်မယ်ဆို
ခွေထိုးပြီး ကြည့်ရတဲ့ အချိန်ပေါ့ဗျာ ။
အဲ့လိုနဲ့ ရုပ်ရှင်ဇာတ်ကားကြည့်ဖို့ဆို
ကလေးတွေဖြစ်တဲ့ ကျနော်တို့ကို
မီးစက်မောင်းဖို့အတွက် ဓာတ်ဆီ ဝယ်ခိုင်းတာပေါ့ဗျာ ၊
ဓာတ်ဆီတစ်ဗူး ၇၀၀ကျပ်ဆို
၁၀၀၀ကျပ်တန်လေးပေးပြီး
ပိုတဲ့ ငွေ၃၀၀ကျပ်ကို မုန့်ဖိုးအနေနဲ့ ပေးကြတာ
ပိုတဲ့ငွေ သွားဝယ်ပေးတဲ့အခ ပိုတဲ့ဟာ သုံးဆိုသလိုပေါ့ ။
တဖြေးဖြေး ဓာတ်ဆီတစ်ဗူး ၇၀၀ကျပ်ကနေ
၈၀၀ကျပ်၊၉၀၀ကျပ်၊၁၀၀၀ကျပ် စသဖြင့်
ခုဆို ၁လီတာတစ်ဗူးကို ဘယ်လောက်လဲမသိတော့ဘူး။
Gas station
Ink sketch
