07/06/2026
လူ့အဖြစ်မှ တစတစ ယိုကျခြင်း
လူ့အဖြစ်မှ တစတစ ယိုကျခြင်း
အခန်းထဲမှ ကမ္ဘာကြီးရှိရာသို့ တမ်းတမ်းတတ ရုန်းထ ထကြွနေရာ
စိုက်ပျိုးရန်မြေနေရာများ၊ အမဲလိုက်ရန်သားရဲများ၊ ခူးဆွတ်ရန်သစ်သီးများ
စွန့်ခွာခဲ့ပြီး အခြားတစ်ယောက်ဆီမှ လုယူရန်နည်းလမ်းများ
အစာအိမ်ထဲသို့ လောင်စာများထိုးသွတ်ရန်စိတ်ကူးများ
မနက် မနက်။
လူဆိုးတွေကိုရှာဖွေတိုက်ခိုက်ပြီး ဆင်းရဲသားတွေကိုကူညီ
ကျောက်သားလက်နက် သံလက်နက်များ ကျည်ခွံထမှတွန်းအားတစ်ခု
ဆာလောင်မှုနောက်ကွယ်သို့ အမှန်တရားများဖုံးကွယ်ထားသော
လိုအင်စိတ်နောက်သို့ တကောက်ကောက်လိုက်ရန် အပေါ်ယံများခေတ်စားချိန်
နာရီများ တရွေ့ ရွေ့။
ဒေါသဟာအရှေ့အနောက်ပြေးနေတယ် ထွက်သွားစမ်း
အပေါစား၀တ္ထု၊ အသင့်လုပ်ပစ္စည်း၊ ယဉ်ကျေးမှုအမည်ခံအနံ့ဆိုးများ
ပျက်သွားသောမီး ထုတ်မရသောအစွဲအလမ်းတစ်ခု
လူများများထံတွင် ပိုက်ဆံရရန်လှုပ်နေသော
အချိန်။
အချစ်တော်၊ လိင်တူဆက်ဆံမှု၊ Living Together, S*x Friends
ခေတ်မျက်နှာစာမှ ဆင်ဆာမဲ့လူမှုရေးပြဿနာများ၊ ပစ္စည်းများ
အခန်းထောင့်မှလူတစ်ယောက်နှင့် အသံထွက်ရေဒီယို၏ ၈၇.၉ မန ္တလေး FM
အသံများ။
လူမှုရေးဆန့်ကျင်ခံစားမှု၊ ကိုယ်ကျင့်တရားဆိုင်ရာ အပြုအမူပြုပြင်ပြောင်းလဲရေး
လူတစ်ယောက်၏နောက်ကွယ်မှ ပြန်မကြားနိုင်သော စကားသံများ
မြန်မာပြည်မြောက်ပိုင်း၊ စိတ်ပညာ သမိုင်း၊ အနာဂတ် မျှော်လင့်ချက်
လွဲမှာယုံကြည်မှုများအောက်တွင်
နံရံတိုင်းတွင်နားရှိသော ကမ္ဘာမြေပေါ်မှ မြေစာပင်လေးတစ်ပင်။
၉.၁.၂၀၁၀
မြတ်ဝေ
