13/09/2025
အိမ်ပြန်ရက်ဟာဝေးရပါအုန်းမယ်၊
တချို့ရက်တွေမှာ ရင်ထဲဟာတာတာ
ကျွန်တော်အိမ်ပြန်ချင်ပါတယ်။
အိပ်မက်တွေနောက် တစ်စတစ်စနဲ့လိုက်ခဲ့ရင်း၊
လွှတ်ခဲ့ရတဲ့လက်၊ ဆုံးရှုံးခဲ့ရတဲ့ ကိုယ့်ကိုကိုယ်၊
အိမ်ကထွက်လာမှန်းမသိ၊ ပြန်လှည့်ကြည့်ရင်
ကျွန်တော်ဟာ အိမ်နဲ့ တော်တော် လှမ်းခဲ့ရပါပြီ။
ထမင်းပူပူ ကို လက်ဖက်သုတ် နဲ့ စားခဲ့ရတဲ့ရက်တွေ၊
ဆေးပေါ့လိပ်ကို သူငယ်ချင်းတွေနဲ့ ဖွာခဲ့ရတဲ့နေ့တွေဟာ နိဗ္ဗာန်။
လူတန်းစေ့ဟာ ကြားကောင်းပေမယ့်၊
ဒီပတ်ဝန်းကျင်က ကျွန်တော်နဲ့မသက်ဆိုင်ဘူး။
အိမ်ပြန်လာရင်လည်း ပြောင်းလဲသွားတဲ့ အရင်နေရာဟာ ကျွန်တော်နဲ့သက်ဆိုင်ပါအုန်းမလား။
ပျော်ပါတယ် ကျွန်တော်ပျော်ပါတယ်၊
ကိုယ့်ကိုကိုယ်တော့ ဆုံးရှုံးလိုက်ရပါတယ်။
အားတင်းထားပေမယ့်
အိမ်ပြန်ခရီးဟာ ဝေးရပါအုန်းမယ်။
