ဖေ့စ်ဘုတ် သတင်းစုံ

ဖေ့စ်ဘုတ် သတင်းစုံ သတင်း ဗဟုသုတ ရသစုံ

ဆီစျေးတတ်တော့မယ်ကြားလို့ ဆီတွေဝယ်စုထားတဲ့ ထိုင်းအမျိုးသမီး
12/03/2026

ဆီစျေးတတ်တော့မယ်ကြားလို့
ဆီတွေဝယ်စုထားတဲ့ ထိုင်းအမျိုးသမီး

မြန်မာနိုင်ငံ သဘင်အစည်းအရုံး(ဗဟို)မှ အကြောင်းကြားစာနှင့်အတူ ယနေ့မှစ၍ #အောင်ဇမ္ဗူ ဇာတ်သဘင်အား ပွဲကပြခွင့် တစ်နှစ်တိတိ ပိ...
27/02/2026

မြန်မာနိုင်ငံ သဘင်အစည်းအရုံး(ဗဟို)မှ အကြောင်းကြားစာနှင့်အတူ ယနေ့မှစ၍ #အောင်ဇမ္ဗူ ဇာတ်သဘင်အား ပွဲကပြခွင့် တစ်နှစ်တိတိ ပိတ်လိုက်ပါသဖြင့်
ယနေ့ ကပြမည့် သင်္ဃန်းကျွန်း ရန်မျိုးအောင်ဘုရားပွဲအတွက် ဖျာ/ထိုင်ခုံ လက်မှတ်ကြိုတင်ဝယ်ယူထားသူများ ဇာတ်ရုံတွင် ယနေ့ည ၇ နာရီမှ စတင်၍ ပြန်လည်လာရောက် ထုတ်ယူနိုင်ပါပြီတဲ့

မယုံနိုင်ဘူး အခုမှ တိုးတတ်နေတဲ့လူငယ်လေးကိုကွယ်

လိုင်းပေါ်မှာ ဟိုးဟိုးကျော်သွားတဲ့ သိမ်ထဲကကိစ္စ။ ဟုတ်တယ်... မှားတယ်၊ မသင့်တော်ဘူး၊ နေရာရွေးမှားသွားတာ လက်ခံတယ်။ ဒါပေမဲ့ ...
23/02/2026

လိုင်းပေါ်မှာ ဟိုးဟိုးကျော်သွားတဲ့ သိမ်ထဲကကိစ္စ။ ဟုတ်တယ်... မှားတယ်၊ မသင့်တော်ဘူး၊ နေရာရွေးမှားသွားတာ လက်ခံတယ်။ ဒါပေမဲ့ ဒီကိစ္စကို အကြောင်းပြုပြီး အသားထဲက လောက်ထွက်နေတဲ့ "ဗျူးတောင်းစား" အောက်တန်းစားပေ့ခ်ျတွေ နဲ့ သာသနာ့အရေးထက် ဖုန်းကင်မရာကို ပိုမြတ်နိုးတဲ့ ကတုံး အကြောင်းကို ခပ်ကြမ်းကြမ်းလေး ပြောပါရစေ။

ဒီကိစ္စမှာ အပြစ်အရှိဆုံးက ကာယကံရှင်တွေမဟုတ်ဘူး။ လူကြည့်များပြီး ရှဲလ် (Share) များမှ ထမင်းစားရရှာတဲ့၊ ကိုယ်ကျင့်တရားမဲ့တဲ့ အောက်တန်းစားပေ့ခ်ျတွေပါ။ သူတို့အတွက်ကတော့ တစ်ဖက်လူ ဘဝပျက်ပျက်၊ ကိုယ့်ကိုယ်ကိုယ် သတ်သေသွားသွား ဂရုမစိုက်ဘူး။ ဗျူးရရင်ပြီးရော ဆိုတဲ့ စိတ်နဲ့ တဆိပ်ကို တအိပ်လုပ်၊ ပုံတွေ ဗီဒီယိုတွေဖြန့်ပြီး အရှက်ခွဲနေကြတာ။ ဒါဟာ သာသနာကို စောင့်ရှောက်တာမဟုတ်ဘူး၊ သာသနာ့နယ်မြေကို အသုံးချပြီး စီးပွားရှာနေကြတာ။

ဗီဒီယိုရိုက်တဲ့ ကတုံးကို မေးချင်တယ်။ မင်း တကယ်သာသနာကို စောင့်ရှောက်ချင်တာဆိုရင် တွေ့တွေ့ချင်း မသင့်တော်ကြောင်း ပြောပြီး မောင်းထုတ်လိုက်ရုံပဲ။ အသံပေးလိုက်ရင်တောင် သူတို့ ရှက်ပြီး ထွက်ပြေးကြမှာ။ အခုတော့ အနောက်ကနေ တိတ်တိတ်လေး ချောင်းရိုက်တယ်၊ မျက်နှာကို အမိအရ လိုက်ဆွဲတယ်၊ ပြီးတော့ လိုင်းပေါ်တင်တယ်။
ဒါလား... သာသနာပြုတာ? ဒါလား... ရဟန်းအလုပ်? သူခိုးနောက် လိုက်သလိုမျိုး တစ်ဖက်လူ ရှက်လို့ ထွက်ပြေးနေတာကို ဇွတ်လိုက်ရိုက်နေတာဟာ ယုတ်ညံ့တဲ့ စိတ်ဓာတ်ပဲ။ မင်းရိုက်လိုက်လို့ သာသနာကြီး ရုတ်တရက် သန့်ရှင်းသွားတာလား? မဟုတ်ဘူး... မင်းလုပ်ရပ်က သာသနာကို ပိုပြီး အော့နှလုံးနာစရာ ဖြစ်အောင် လုပ်လိုက်တာပဲ။

ကဲ... သာသနာကို တကယ်ချစ်တဲ့သူတွေကို မေးပါရစေ။ အခု သိမ်ထဲမှာ နေရာမှားမိတဲ့ ကလေးမလေးကိုတော့ ဝိုင်းပြီး အရှက်ခွဲ၊ မြို့ကနှင်ထုတ်ဖို့အထိ ဖိအားပေးနေကြတယ်။ သာသနာမှာ တကယ်အဆိပ်အတောက်ဖြစ်နေတဲ့ ဘုန်းကြီးတွေ ငွေကိုင်တဲ့ကိစ္စ၊ မဟနတွေ ငွေဆွမ်းလောင်းတာကို သာဓုခေါ်နေတဲ့ကိစ္စ၊ တောင်တန်းသာသနာပြုဆိုပြီး ငွေမရှိရင် သာသနာပြုလို့မရဘူးလို့ ဟောနေတဲ့ သာသနာဖျက်တွေ ကျတော့ မင်းတို့ ဘာလို့ အသံမထွက်ရဲကြတာလဲ?
ငန်းရူး မိုင်းဖုန်းဘုန်းကြီး ထင်ရာစိုင်းနေတာကျတော့ လက်အုပ်ချီပြီး အခုကျမှ သာသနာ့နယ်မြေဆိုပြီး ဇွတ်သိတတ်ပြနေတာဟာ အတော်လေးကို ရွံစရာကောင်းတဲ့ ဟန်ဆောင်မှု ပဲ။

ညီမလေး... မင်း ဘယ်သူလဲဆိုတာ တို့မသိဘူး။ မင်းလုပ်ရပ်ကို အားမပေးပေမယ့် မင်းရဲ့ အမှားထက် ပိုယုတ်ညံ့တဲ့သူတွေ ဝန်းကျင်မှာ အများကြီးရှိတယ်ဆိုတာ သိစေချင်တယ်။ မင်းဟာ လူသတ်ထားတာမဟုတ်ဘူး၊ နိုင်ငံကို ရောင်းစားထားတာမဟုတ်ဘူး။ ချစ်သူနဲ့ အတူရှိနေတာဟာ လူ့သဘာဝပဲ။ နေရာရွေးမှားသွားတာဟာ အမှားတစ်ခုဆိုပေမယ့် ဒါဟာ မင်းတစ်ဘဝလုံး လူတောမတိုးရဲလောက်အောင် ဖြစ်စရာ အကြောင်းမရှိဘူး။
မင်းက ပညာတတ် ကျောင်းဆရာမတစ်ယောက်လို့ သိရတယ်။ ကလေးတွေရဲ့ အနာဂတ်ကို ပုံဖော်ပေးရမယ့်သူ။ ဒီအမှားလေး တစ်ခုကြောင့် မင်းရဲ့ တန်ဖိုးရှိတဲ့ ဘဝကို အဆုံးမခံပါနဲ့။ မင်းဟာ လူလိုသိလို့ လက်အုပ်ချီတောင်းပန်ပြီးပြီ။ ပေးဆပ်မှုက လုံလောက်ပါပြီ။
"မထချင်၊ မရွချင်တဲ့သူ ဘယ်သူရှိလဲ?" အခု ကဲ့ရဲ့နေတဲ့သူတွေ၊ သာသနာအကြောင်းပြပြီး နှိပ်ကွပ်နေတဲ့သူတွေထဲမှာလည်း အခွင့်မသာလို့ ဟန်ဆောင်နေကြသူတွေ အများကြီးပါ။ ကိုယ့်ကိုယ်ကိုယ် ပြန်ကြည့်ရင် အားလုံးဟာ အမှားနဲ့ မကင်းကြတဲ့သူတွေချည်းပဲ။ ဒါကြောင့် စိတ်ပျက်အားငယ်ပြီး သတ်သေဖို့ စိတ်ကူးထဲတောင် မထည့်နဲ့။ မင်းရုပ်ရည်က ကြည့်ပျော်ရှုပျော်ရှိတယ်၊ မင်းမှာ ပညာရှိတယ်။ မင်းချစ်တဲ့သူနဲ့ ဘဝကို ရဲရဲကြီး ဆက်ရင်ဆိုင်လိုက်စမ်းပါ။

လူလိုသိတဲ့သူတွေဆိုရင် သူတို့အမှားကို ဝန်ခံတောင်းပန်ထားတာကို မြင်ပြီး ပိုစ့်တွေကို ပြန်ဖျက်ပေးကြပါ။ ဗျူးတောင်းစား ပေ့ခ်ျတွေကတော့ ဖျက်မှာမဟုတ်ဘူး။ ဘာလို့လဲဆိုတော့ သူတို့မှာ "လူလိုသိတဲ့အသိ" မရှိလို့ပဲ။
ဒီကိစ္စကို ဟာသတစ်ခုလိုပဲ သဘောထားလိုက်ပါ။ မင်းတို့ထက် အဆပေါင်းများစွာ မှားနေတဲ့သူတွေ၊ သာသနာကို အလွဲသုံးစားလုပ်နေတဲ့သူတွေ လည်ပင်းနားအထိ ရှိနေတာမို့ မင်းတို့အနေနဲ့ သိမ်ငယ်နေစရာ မလိုဘူး။ ရှေ့ဆက်ပြီး ကိုယ့်ဘဝကို ဂုဏ်သိက္ခာရှိရှိ ပြန်တည်ဆောက်ပါ။
Crd

🐦 စင်ကာပူမှာ ခိုစာကျွေးတဲ့ အမျိုးသမီးကြီး ဒေါ်လာ (၃၂၀၀) ဒဏ်ရိုက်ခံရ(မြန်မာငွေနဲ့ဆို သိန်း ၁၀၀ ဝန်းကျင်)စင်ကာပူနိုင်ငံမှာ...
11/02/2026

🐦 စင်ကာပူမှာ ခိုစာကျွေးတဲ့ အမျိုးသမီးကြီး ဒေါ်လာ (၃၂၀၀) ဒဏ်ရိုက်ခံရ
(မြန်မာငွေနဲ့ဆို သိန်း ၁၀၀ ဝန်းကျင်)

စင်ကာပူနိုင်ငံမှာ နေထိုင်တဲ့ အသက် (၇၁) နှစ်အရွယ် အိန္ဒိယနွယ်ဖွား အမျိုးသမီးကြီးတစ်ဦးဟာ အာဏာပိုင်တွေက အကြိမ်ကြိမ် သတိပေး တားမြစ်ထားတဲ့ကြားက ခိုတွေကို အစာကျွေးခဲ့လို့ စင်ကာပူဒေါ်လာ (၃,၂၀၀) (မြနိမာငွေ သိန်း ၁၀၀ ခန့်) ဒဏ်ရိုက်ခံလိုက်ရပါတယ်။

အိန္ဒိယနွယ်ဖွား အမျိုးသမီးကြီး Sanmugamnathan Shamla က စင်ကာပူ Toa Payoh အရပ်မှ သူမရဲ့အိမ်အနီးမှာ ခိုတွေကို အစာကျွေးခဲ့တာ ဖြစ်ပါတယ်။

စင်ကာပူ တောရိုင်းတိရစ္ဆာန်ကာကွယ်ရေးဥပဒေ (Wildlife Act) အရ အမှု (၄) ခုအတွက် အပြစ်ရှိကြောင်း သူမက ဝန်ခံခဲ့ပြီး အခြား ဥပဒေချိုးဖောက်မှု (၅) ခုကိုလည်း ထည့်သွင်းစဉ်းစားကာ ယခုကဲ့သို့ ဒဏ်ရိုက်ခဲ့တာဖြစ်ကြောင်း Channel NewsAsia က ဖော်ပြပါတယ်။

ဒီအမျိုးသမီးကြီးက ၂၀၂၅ ခုနှစ်မေလမှာလည်း သူမရဲ့ အိမ်အနီး ငှက်စာကျွေးမှုနဲ့ အမျိုးသားပန်းခြံများဘုတ်အဖွဲ့က ခိုဖမ်းတာကို နှောင့်ယှက်မှုတို့ဖြင့် ဒေါ်လာ (၁,၂၀၀) ဒဏ်ရိုက်ခံခဲ့ရဖူးပါတယ်။

ထိုသို့ ဒဏ်ရိုက်ခံရပေမဲ့ ၂၀၂၅ ခုနှစ် ဇူလိုင်လကနေ ၂၀၂၆ ဇန်နဝါရီလအထိ ညဖက်တွေမှာပါ ခိုတွေကို အစာကျွေးနေတာကို အာဏာပိုင်တွေက ထပ်မံ တွေ့ရှိခဲ့ပြန်ပါတယ်။

ဒီအမျိုးသမီးကြီးက ခိုစာကျွေးနေတဲ့ သက်သေပြဖို့ တရားခွင်မှာ တောင်းဆိုခဲ့သေးရာ အာဏာပိုင်တွေက သူမ ခိုစာကျွေးနေတဲ့ ဗီဒီယိုဖိုင် (၄) ခုကို ပြသခဲ့ပါတယ်။

သူမဟာ ဥပဒေကို တမင်တကာ ဂရုမစိုက်ဘဲ ထပ်တလဲလဲ ချိုးဖောက်နေသူလို့ အစိုးရရှေ့နေက စွပ်စွဲခဲ့ပါတယ်။ ဒီအမျိုးသမီးကြီးက ခိုစာမကျွေးတော့ကြောင်း လွှတ်တော်အမတ်ထံ ဝန်ခံကတိပေးခဲ့ပေမဲ့ (၃) ရက်အကြာမှာပဲ ခိုစာကျွေးတာ ထပ်လုပ်ခဲ့ပါတယ်။

ဒီအမျိုးသမီးကြီးဟာ ရှေ့နေမပါဘဲ တရားရင်ဆိုင်ခဲ့ပြီး သူမက အလုပ်လက်မဲ့ဖြစ်ကြောင်းနဲ့ ဒဏ်ငွေကို ဒေါ်လာ (၁,၀၀၀) ကနေ (၂,၀၀၀) ကြား လျှော့ပေးဖို့ တောင်းဆိုခဲ့ပါတယ်။

"ကျန်တဲ့ ဒဏ်ငွေကို လူထုအကျိုးပြု လုပ်အားပေး (Community Service) လုပ်ပြီး ပေးဆပ်ပါရစေ" လို့ ပြောခဲ့ပေမဲ့ တရားသူကြီးက ဒဏ်ငွေ ဒေါ်လာ (၃,၂၀၀) ချမှတ်လိုက်ရာမှာတော့ ထို့နေ့မှာပင် အပြည့်အဝ ပေးဆောင်သွားမယ်လို့ တုံ့ပြန်ခဲ့ပါတယ်။

စင်ကာပူဥပဒေအရ တောရိုင်းတိရစ္ဆာန်တွေကို ခွင့်ပြုချက်မရှိဘဲ အစာကျွေးပါက တစ်ကြိမ်ကို ဒဏ်ငွေ ဒေါ်လာ (၁၀,၀၀၀) အထိ ချမှတ်နိုင်ပါတယ်။

ထိုင်းနိုင်ငံမုတ်ဒဟန်မြို့မှာ (နတ်စဉ်)တခုရဲ့အရှည်ကချောင်းထဲမှာ များကြီးအချိန်မတော် အသက်၂ဝကျော်အရွယ် ထိုင်းမိန်းခ‌လေးတစ်...
02/02/2026

ထိုင်းနိုင်ငံမုတ်ဒဟန်မြို့မှာ (နတ်စဉ်)တခုရဲ့အရှည်ကချောင်းထဲမှာ များကြီးအချိန်မတော် အသက်၂ဝကျော်အရွယ် ထိုင်းမိန်းခ‌လေးတစ်ဦး ဘောင်းဘီရှည် အင်္ကျီမဝတ်ဘဲ ဘရာဇီးယားနဲ့ ချောင်းထည်းစင်းပြီး၊

နာဂဝိညာဉ်က သူမကို ခေါ်နေတယ်" ဟု ကြွေးကြော်နေတာကြောင့်၊ ရွာသားများမှ ရဲတိုင်ခဲ့ပါတယ်။ထိုင်းရဲတွေရောက်လာတော့ သူမအတွက်အန္တရာယ်ဖြစ်မှာဆိုးလို့၊ ကုန်းပေါ်တက်လာဖို့ခေါ်နေခဲ့ပေမယ့် ထိုမိန်းကလေးဟာ တက်မလာဘဲ ထိုင်းရဲတွေကို တအောင့်ကြာအောင် (ကလန်ကစမ်)လုပ်နေခဲ့ပါတယ်။

မိနစ်အနည်းငယ်ကြာတော့ ကမ်းပေါ်တက်လာပြီး ပါးစပ်ကလည်း တိုးတိုးလေး (ဂါထာ)ရွတ်ဆိုနေခဲ့ပါတယ်။ ပြီးတော့ သူမဟာ ဒီအနီးနားက ကလေးထိန်းကျောင်းမှာနေထိုင်သူဖြစ်တယ်လို့‌ ထိုင်းရဲတွေကိုပြောပြီး ဆိုင်ကယ်စက်နှိုးကာ ထွက်သွားခဲ့ပါတယ်။

ထိုင်းနိုင်ငံကတော့ ဖြစ်လိုက်ရင်အဆန်းတွေကြီးပဲ 😱😅

#ထိုင်းရောက်မြန်မာ CRD

ဧရာဝတီမအသ-တ်ခံရတာက မတော်တဆမဟုတ်ပဲ ကြိုတင်ကြံစည်မှုဆိုတာ ပေါ်လာပါပြီ စာတွေသာအကုန်ဖတ်ကြည့်တော့ #ဧရာဝတီမ
01/02/2026

ဧရာဝတီမအသ-တ်ခံရတာက
မတော်တဆမဟုတ်ပဲ ကြိုတင်ကြံစည်မှုဆိုတာ ပေါ်လာပါပြီ စာတွေသာအကုန်ဖတ်ကြည့်တော့
#ဧရာဝတီမ

ဧရာဝတီမကို သော်ကတ်သွားတဲ့ကောင်လေးကိုမိပြီလို့တင်ထားတာတွေ့တယ် မကောင်းမှု စိတ်ကွယ်ရာမရှိဘူးဆိုတာ မှန်တယ်
31/01/2026

ဧရာဝတီမကို သော်ကတ်သွားတဲ့ကောင်လေးကို
မိပြီလို့တင်ထားတာတွေ့တယ်
မကောင်းမှု စိတ်ကွယ်ရာမရှိဘူးဆိုတာ မှန်တယ်

မင်းသမီးကြီး စိုးမြတ်သူဇာ ငယ်စဥ်အခါကPhoto c r d
31/01/2026

မင်းသမီးကြီး စိုးမြတ်သူဇာ ငယ်စဥ်အခါက
Photo c r d

ကျိုးပဲ့အောင် လုပ်လိုက်ပါဦး ကိုယ့်ဘာသာဆေးကုမှာပေါ့ဆိုတဲ့ ကျောင်းတွင်းမတော်တဆမှုနဲ့ သေဆုံးခဲ့ရသူ တစ်ဦးတည်းသောသား‌လေးမောင်...
31/01/2026

ကျိုးပဲ့အောင် လုပ်လိုက်ပါဦး ကိုယ့်ဘာသာဆေးကုမှာပေါ့ဆိုတဲ့ ကျောင်းတွင်းမတော်တဆမှုနဲ့ သေဆုံးခဲ့ရသူ တစ်ဦးတည်းသောသား‌လေးမောင်မိုးသူရိန် မိခင်ရဲ့သောကအပူ

၂၉.၁.၂၀၂၆။ရန်ကုန်။
သစ်လွင် (MNP)
လူမှုဘဝသတင်းဆောင်းပါး

အိမ်ရှေ့ကွက်လပ်မှာ မဏ္ဍပ်ထိုးထားပြီး မဏ္ဍပ်တိုင်ကို မှီလျှက်ထောင်ထားတဲ့ ကြေညာဘုတ်မှာ ရေးထားတဲ့ စာက မောင်မိုးသူရိန် အသက် ၁၅ နှစ် ၊ နေအိမ်မှကားများ နေ့လည် တစ်နာရီ ထွက်မည် ဆိုတဲ့စာသားပါ။

အဆိုပါရပ်ကွက်မှာနေထိုင်သူမဟုတ်ရင်တော့ ဒီလို အသက်ငယ်ငယ်လေးနဲ့ ဘာကြောင့်သေရသလဲ ၊ ဘာဖြစ်သွားတာလဲ သိချင်မိကြမှာပါ။ ဒီလိုကျောင်းနေအရွယ်ကျောင်းသားငယ်က ၊ ဖျားနာလို့ သေဆုံးရတာလား ၊ ယာဉ်မတော်တဆမှု လား ၊ ရေကူးရင်းလည်း ရေနစ်ကြတဲ့ ကလေးတွေအကြောင်း မကြာခဏကြားရတော့ ရေများနစ်သလား အတွေးမျိုးစုံက ဖြတ်ခနဲ စဉ်းစားမိကြမယ်ဆိုတာလည်း ငြင်းမရပါဘူး။

တကယ့်အကြောင်းအရင်းကိုသိထားတဲ့ ရပ်ကွက်တွင်းနေထိုင်သူ သားသမီးရှိတဲ့ မိဘတွေအတွက်တော့ မောင်မိုးသူရိန်ရဲ့ ဖြစ်ရပ်ဟာ ရင်ကျိုး ၊ ရင်ကွဲစရာအဖြစ်ပါပဲ ။ သားသမီးကို ကျောင်းစာသင်ခန်းထဲ ပညာသင်ကြားဖို့ လွှတ်လိုက်ရတဲ့ မိဘတစ်ဦးအနေနဲ့ ကိုယ့်သားသမီးက သူတစ်ပါးအနိုင်ကျင့်စရာ ၊ စိတ်ပျော်ရာ လက်တည့်စမ်းစရာအဖြစ်မျိုး ဘယ်မိဘမှ လက်ခံနိုင်မယ်ကြမယ် မထင်ပါဘူး ။ ဒီလိုပဲ မိမိသားသမီးက သူတစ်ပါး သားသမီးကို အနိုင်ကျ-င့်တတ်သူဆိုတာမျိုးလည်း မဖြစ်စေချင်ကြပါဘူး ။ သားသမီးတိုင်းက မိဘတွေအတွက်တော့ ရတနာတွေလို အဖိုးထိုက်တန်တာမို့ပါပဲ။ ဒါပေမယ့် ဒီလိုလက်မခံနိုင်စရာ ဖြစ်ရပ်ကို မောင်မိုးသူရိန်ရဲ့ မိဘ နှစ်ပါးက‌တော့ လက်ခံလိုက်ရပြီဖြစ်ပါတယ် ။

ဒီနေ့ဟာ မောင်မိုးသူရိန်ဆိုတဲ့ ခုနစ်တန်းကျောင်းသားငယ်ကို မီးသင်္ဂြိုဟ်တဲ့ နေ့ပါ ။ သူ့ဖြစ်ရပ်ကတော့ လူမှုကွန်ရက်တစ်ခွင် ပြန့်နှံ့နေတဲ့ ရွှေပြည်သာမြို့နယ် ၊ အထက်တန်းကျောင်းက ကျောင်းတွင်း အုပ်စုဖွဲ့အနိုင်ကျ င့်မှုလို့ ဆိုရမယ့် ရန်ပွဲအတွင်း မတော်တဆ အသက်ပေးလိုက်ရတဲ့ ဖြစ်ရပ်ပဲ ဖြစ်ပါတယ် ။

" ဘယ်လိုထင်မလဲ ကိုယ့်သားလေး မနက်က ကျောင်းကိုထွက်သွားတာ နောက်ကျောကို မျက်စိ တစ်ဆုံးတောင် ကြည့်နေမိသေးတာ ။ နေ့လည်ပိုင်းကျတော့ သေပြီဆိုတော့ ကျွန်မနေရာတွေးကြည့်ပါ ။ ဒီသားလေးတစ်ယောက်တည်းရှိတာ ။ အကုန်လုံးက သူ့အတွက်ရည်ရွယ်ပြီး လုပ်ထား ကြိုးစားထားတာ ။ ဒီအရွယ်ရောက်နေပြီ မွေးနေ့ကိတ်မလှီးဘူးသေးဘူးဆိုလို့ ပြီးခဲ့ နိုဝင်ဘာက ၁၄ နှစ်ပြည့်ကို ကိတ်ဝယ်ပေးပြီး လမ်းထဲက ကလေးတွေနဲ့ အတူလှီ-းခဲ့တာ နောက်ဆုံးဖြစ်သွားတာပေါ့ ၊ ကျိုးအောင် ပဲ့အောင် လုပ်ပါ ။ကွဲကွဲ ပေါ့ ပြဿနာလည်းမရှာပါဘူး ၊ ကိုယ့်ဘာသာကိုယ် ကုယူပါ့မယ် ။ အခုက အသေဆိုတော့ ဘယ်လိုမှ မဖြေနိုင်ပါဘူး။ ကျွန်မ သူအိပ်တဲ့နေရာလေးကြည့်ပြီး နေလို့ ဖြေလို့ကို မရတာပါ "" လို့ မိခင်ဖြစ်သူ ဒေါ်ခင်မိုးသီက ငိုရှိုက်နေရင်းနဲ့ ရင်ဖွင့်ရှာပါတယ် ။

မောင်မိုးသူရိန်က ဦးမင်းဇော် နဲ့ ဒေါ်ခင်မိုးသီတို့ရဲ့ တစ်ဦးတည်းသော သားပါ ။ မိဘတွေက ပြည့်စုံကြွယ်ဝကြသူ‌တွေတော့ မဟုတ်ကြပေမယ့် သားဖြစ်သူကို မျက်နှာမငယ်ရအောင် ထားနိုင် ပံ့ပိုးနိုင်သူပါ ။ သားရဲ့သူငယ်ချင်းဖြစ်သူတွေက စက်ဘီးနဲ့ အိမ်ကနေကျောင်းတက်ကြပေမယ့် ပူပန်တတ်တဲ့ မိဘတွေမို့ အဖေလုပ်သူက မနက်ကို သူမောင်းနှင်‌ပြေးဆွဲနေတဲ့ ကယ်ရီနဲ့ ကျောင်းအထိလိုက်ပို့ကာ ၊ ကျောင်းအပြန်ဝင်ကြိုတာက နေ့စဉ်မပျက်မကွက် လုပ်နေကြအလုပ်လည်း ဖြစ်ပါတယ်။

မောင်မိုးသူရိန်ရဲ့ ဖခင်ဖြစ်သူ ဦးမင်းဇော်က "" အဲ့ဒီနေ့ (ဇန်နဝါရီ ၂၇ ရက်နေ့ ) မနက်ကလည်း ကျွန်တော်ကျောင်းလိုက်ပို့ခဲ့ပြီး၊ ကယ်ရီပတ်ဆွဲနေခဲ့တာ ၊ မနက် ဆယ့်တစ်နာရီလောက် ဂိတ်ပြန်ထိုးတော့တောင် သူ့ကျောင်းရှေ့က ဖြတ်လို့ ၊ ဘာရယ်မဟုတ်လှမ်းကြည့်မိသေးတယ် ။ ကျောင်းမုန့်စားလွှတ်ချိန်မဟုတ်သေးတော့ ကျောင်းထဲ ကလေးတစ်ယောက်စ နှစ်ယောက်စ ထွက်တာတွေ့ခဲ့သေးတယ်။ ပြီးတော့ ဂိတ်ဝင်ထိုင်နေရင်း ဆယ့်တစ် လေးဆယ့်ငါးလောက်မှာ သားရဲ့အတန်းပိုင်ဆရာမ ဖုန်းဝင်လာတယ် ။ မိုးသူရိန် ဘောကန်ရင်း မေ့လဲသွားလို့ လာခဲ့ပါဆိုပြီး "" လို့ သားဖြစ်သူ ဆုံးရှုံးရတဲ့နေ့က ဖြစ်ရပ်ကို တည်ငြိမ်အောင် စိတ်ထိန်းရင်း ပြန်ပြောပြနေပါတယ် ။

ဦးမင်းဇော်က ဆက်ပြီး "" ကျွန်တော်ရောက်သွားတော့ ကလေးက မလှုပ်တော့ဘူး ၊ ခေါ်လို့လည်းမရဘူး ။ မျက်လုံးဖြဲကြည့်တော့ မျက်လုံးကလည်း ငြိမ်နေပြီ ။ ဒါနဲ့ဆေးရုံပြေးကြတော့ အင်းစိန်ဆေးရုံ တန်းပြေးတာ ဟိုမှာက နှလုံးနဲ့ ပတ်သက်ရင် ကုသတာစုံတယ်လို့ ပြောလို့ ။ ကျွန်တော်ကတော့ တက္ကစီပေါ်မှာထဲက သိနေတယ် ။ ကျွန်တော့သား အသက်မရှုတော့ဘူးဆိုတာ ။ ရင်ထဲ မီးစနဲ့ ထိုးထားသလိုပဲ စိတ်ကိုပဲ တည်ငြိမ်အောင်စုရတာ "" လို့ ပြောပြပါတယ် ။

ကျောင်းမုန့်စားဆင်းတာက မနက် ဆယ့်တစ်နာရီ မိနစ် သုံးဆယ်ဖြစ်ပြီး ၊ မောင်မိုးသူရိန်လဲကျသွားလို့ ဆရာမတွေ ဆက်သွယ်တာက မနက် ဆယ့်တစ်နာရီ လေးဆယ့် လေးမိနစ်ဆိုတာကို ဦးမင်းဇော်က အချိန်တွက်ချက်ကြည့်ပြီး သူ့သား ဘောလုံးကန်တာ ဝါသနာကြီးပုံနဲ့ ၊ ကျောင်းပိတ်ရက် တစ်မနက်ခင်းလုံးဘောလုံးကန်နေတာတောင် ဘာမှမဖြစ်တဲ့ သားက အခု ကျောင်းမုန့်စားဆင်းချိန် ခဏအတွင်း ဒီလို ဖြစ်ရသလားလို့လည်း သူစိတ်ထဲ မတင်မကျဖြစ်နေပေမယ့် သားရဲ့ ဆရာ ဆရာမတွေ စကားမို့ ယုံကြည်လက်ခံခဲ့တယ်လို့ ဆိုပါတယ် ။

"" ကျွန်မတူမနဲ့ မိုးသူရိန်က တစ်ကျောင်းတည်း ၊တစ်ခန်းတည်း ၊ ခုနစ်တန်း စီ ခန်း ။ ပြန်လာတော့ တူမကို မေးတော့မှ တူမက ဘောလုံးကန်တာမဟုတ်ဘူး ။အုပ်စုဖွဲ့ ထို-းခံရတာ။ထိုးခံရလို့သေတာ ။ ဆရာမကတောင်ပြောတယ် ။ပုရွက်ဆိတ်လောက်ပြဿနာကို ဂေါ်ဇီလာဖြစ်အောင်မလုပ်ကြနဲ့ ။စကားတွေ မကားကြနဲ့ဆိုပြီး ပြောသွားတယ်""လို့ ရပ်ကွက်တွင်းနေထိုင်သူ ရပ်ဆွေရပ်မျိုးက ပြန်ပြောပြကာမှ ဖခင်လုပ်သူကသိရှိကာ အပူတပြင်းစုံစမ်းသလို ၊ ဖြစ်ရပ်ကို မျက်မြင်တွေ့ပြီး ရုပ်သံဖိုင် သူငယ်ချင်းကို ပြတယ်ဆိုတဲ့ ကလေးအိမ်ကိုပါ လိုက်လံစုံစမ်းအကူအညီတောင်းရာက မိုးသူရိန်ရဲ့ ဖြစ်စဉ်မှန်ကို သိလာရတာပါ။

" အဖြစ်မှန်ကိုသိတယ်ဆို ဆရာမတွေကိုလည်း အကြေအလည်ပြောရတာပေါ့ ။ အဲဒီကြမှ ဆရာမက သူတို့လည်း မုန့်စားဆင်းချိန်မို့ သေချာမသိကြောင်းနဲ့ ကျောင်းသားတွေ ပြောတဲ့အတိုင်း ပြန်ပြောပြတာဖြစ်ကြောင်း ၊ ထိုးတဲ့ကလေးနဲ့ မိဘ ကို ချက်ချင်းဆင့်ခေါ်ပေးမှာဖြစ်ကြောင်းပြောပြီး အားချင်းဆောင်ရွက်ပေးခဲ့တာကြောင့် တာဝန်ရှိသူတွေက အခင်းဖြစ်တဲ့ ရက် ညပိုင်းမှာပဲ ထို-းကိြတ်ခဲ့တဲ့ ၈တန်းကျောင်းသားကို ထိန်းသိမ်းနိုင်ခဲ့တယ်လို့ သိရပါတယ် ။

ဖခင်ဖြစ်သူ ဦးမင်းဇော်က " ကျွန်တော် ရင်ခွဲရုံအဖြေသိချင်လို့ ညကတည်းက တာဝန်ရှိသူတွေနဲ့ အတူတူ သွားစောင့်နေတာ ။ အဖြေကထွက်လာတော့ နှလုံးကအကောင်း ၊ လည်စေ့ပြုတ်သွားတာ ။ တခြား အူတွေ ဘာတွေတော့ မစစ်ဘူးပေါ့ ။ နားထင်မှာ ညိုနေတယ် ။ နှာခေါင်းသွေးထွက်ထားတယ် ။ သေတာက လည်စေ့ပြု-တ်တာလို့ တာဝန်ရှိသူ‌တွေက ပြောလိုက်တာ'" လို့ ဆိုပါတယ်။

ဒါပေမယ့် ရဲထုတ်ပြန်ချက်မှာတော့ မောင်မိုးသူရိန်သေဆုံးတာကို တစ်ဖက်ကျောင်းသားက ခေါင်း ထို-းလိုက်စဉ် အရှိန်လွန်လဲကျပြီး ကွန်ကရစ်လမ်းနဲ့ ခေါင်းစောင့်မိလို့ ဦးနှောက်တွင်းသွေးယိုစီးကာ သေဆုံးတာလို့ ထုတ်ပြန်ထားပါတယ်။

ရန်ညှိုးရန်စ မရှိပါဘဲ လူငယ်တွေရဲ့ အပျော်ကနေအပျက်ဖြစ်ရတဲ့ အခုဖြစ်စဉ်မှာ ရင်ကွဲနာကျရတာက နှစ်ဖက်မိဘတွေဖြစ်ပြီး ဆရာ ဆရာမတွေမှာလည်း သေဆုံးရလို့ နစ်နာသူ တပည့်နဲ့ လူသေဆုံးအောင်ပြုလုပ်ခဲ့လို့ အနာဂတ်ပျောက်ရမယ့် တပည့်နှစ်ဦးကြား မချိတင်ကဲ ဖြစ်ကြရရှာတာကိုလည်း မောင်မိုးသူရိန်ရဲ့ အသုဘ ပို့ဆောင်စဉ်မှာ မြင်တွေ့ရပါတယ် ။

ကျောင်းသူ ကျောင်းသား သူငယ်ချင်းတွေနဲ့ ဆရာ ဆရာမတွေ လိုက်ပါပို့ဆောင်ခဲ့တဲ့ မိုးသူရိန်ရဲ့ အသုဘက ရွှေပြည်သာမြို့နယ် ကျူချောင် သုဿာန်အတွင်း လူအများအပြား နဲ့ စည်စည်ကားကားလည်းဖြစ်ခဲ့ပေမယ့် လာရောက်ပို့ဆောင်သူတွေထဲ မိဘတွေလည်း ပါဝင်တာမို့ ဒီလို အနိုင်ကျင့်တတ်တဲ့ လက်တစ်လုံးခြားစည်းကမ်းပျက်ယွင်းမှုတွေရှိနေတဲ့ ကျောင်းပရဝုဏ်တွေထဲကို သားသမီးကို လွှတ်ပေးလိုက်ဖို့ ပူပန်စိတ်အတွေး ကိုယ်စီရှိနေမှာ ၊ ဒီပြဿနာမျိုးဘယ်လို‌ ဖြေရှင်းကြမလဲလို့ တွေး‌တောစဉ်းစားနေမှာလည်း အသေအချာပဲ ဖြစ်ပါတယ်။
CRD

ဒီလို ဖြစ်နေတာ မန္တလေးမြို့ပဲလား
27/01/2026

ဒီလို ဖြစ်နေတာ မန္တလေးမြို့ပဲလား

Address

Yangon

Website

Alerts

Be the first to know and let us send you an email when ဖေ့စ်ဘုတ် သတင်းစုံ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category