12/08/2025
100 Days
တစ်ဘဝလုံး ယှဉ်ကြည့်ရင် လူသားတွေအတွက် မြူမှုန်တမျှ ကာလလေးပါ။ သို့သော် ဘဝတစ်ခုလုံးစာရှင်သန်ဖို့၊ ဘယ်အရာကိုမဆို အရှုံးမပေးတော့ဖို့ လုံလောက်သွားခဲ့ပြီ။လူတစ်ယောက်ကို ကိုယ့်ကိုယ်ကို ပြန်မေးရလောက်တဲ့ထိ ချစ်ခဲ့ဖူးပြီ။ အချစ်ဆိုတဲ့အရာ ဘယ်လိုဖွဲ့စည်းထားကြောင်းကို လူတစ်ယောက်က မချစ်ပေးခဲ့ဘူးဆိုသော်ငြား ကျွန်တော် ခံစားရတယ် လေးလေးနက်နက်ကို အချစ်ဆိုတာကို ခံစားခဲ့ရပါတယ်။ သူပျော်ရင် ထပ်တူပျော်ရွှင်ခဲ့ရသလို စိတ်ညစ်မှုတွေ စိတ်မကောင်းမှုတွေကိုလည်း မျှဝေခံစားပေးနိုင်သလောက် ရှိပေးနိုင်ခဲ့တယ်။ နေ့ရက်တွေမှာ ရှင်သန်နေရခြင်းဟာ အဓိပ္ပာယ်ရှိလာတယ်။ အဆုံးမရှိတဲ့ ခွန်အားတွေ တစ်ဘဝလုံးစာအတွက် လုံလောက်ခဲ့ရတယ်။ ဘယ်လိုအခြေနေ ဘယ်လို ပုံစံမျိုးပဲဖြစ်ဖြစ် ဖြစ်တည်မှုကို ချစ်ခဲ့မိလို့ လိပ်ပြာလုံလုံနဲ့ တစ်ဘဝလုံးရှိပေးနိုင်ဖို့ စိတ်ဓာတ်တွေရခဲ့တယ်။ ရေစက်တွေဟာ သိပ်ကိုလှပခဲ့ပါတယ်။ မဆုံနိုင်တော့ရင်တောင် နောင်တနဲ့သံသယမရှိလောက်အောင်ပဲ ပြည့်စုံလွန်းခဲ့ရတယ်။ ဘဝတစ်ခု မွေးဖွားခြင်းနဲ့ သေဆုံးခြင်းမှာ မင်းဆီက တစ်ဘဝလုံးစာအတွက် သေဆုံးဖို့ လုံလောက်တဲ့ အကြောင်းပြချက်နဲ့ စိတ်ခွန်အားတွေ ပိုင်ဆိုင်ခဲ့ရပြီ။
သေရမယ်ဆိုရင်တောင် ဘဝဟာ လှပနေခဲ့ကြောင်း သံသရာမှာ ကြုံလေသမျှကို လိုက်လံကြွားလုံးထုတ်နေမိမယ်ထင်ပါရဲ့။ ချစ်တယ် ဆိုတဲ့ လေးနက်တဲ့စကားတွေနဲ့ပဲ ချီးကျူးဖွဲ့ဆိုချင်မိတယ်။ ရေစက်ဆိုတဲ့အရာ ကံဆိုတဲ့အရာသာ လူကလုပ်နိုင်သာမှန်ကန်ခဲ့ရင် ဒီအသက်ဓာတ် လေးတစ်ခုနဲ့ပဲ သံသရာ အဆုံးထိ ပါရမီဖြည့်သွားချင်မိပါရဲ့။
5th May,25-13th May,25🌷
To the girl(Theingi)who loves Tulip
Ywat Warr🌻
