Music Arch Pelago

07/04/2026

"ပေါက်တတ်ကရ ဂီတ ၇"

ရင်ဂို ကံကောင်းခြင်း အခွေထွက်တော့
ကျွန်တော်က ဗဒင် နေရာ အခွေ ပဲ ဝယ်ခဲ့မိတယ်

နောက်တော့ ရင်ဂို အခွေ ဝယ်မယ်ဆိုပြီး စိတ်ကူးနဲ့ သွားခဲ့ပေမဲ့
တကယ် ဝယ်လာဖြစ်ခဲ့ပြန်တာက
ဘီလီထွန်း သက္ကရာဇ်ရထား ဖြစ်နေပြန်ရော
အမှန်ပြောရရင် ကံကောင်းခြင်း က ပေါက်တယ်ဆိုပေမဲ့ ကျွန်တော်က သိပ်မကြိုက်သေးတာလဲပါပါတယ်
(ဖြစ်ချင်တော့ ကျွန်တော် ဝင်သွားမိတဲ့ဆိုင်က KISS တေးသံသွင်း ဖြစ်နေတာလဲ ပါသွားတာပေါ့လေ)

ရင်ဂို ကို တကယ်ကြိုက်မိသွားတာက ဒဏ်ရာဝတ်စုံ အခွေ ထွက်တော့မှာ
နာရီ မိနစ် စက္ကန့် မလစ် အဖွင့်နဲ့ ကို အသေကြွေတာ

ဘာရယ် မဟုတ်ပါဘူး ခုရက်ပိုင်း
ရင်ဂို ရဲ့ ကိုယ်ပိုင် သံစဥ် အခွေ ခံစားခွင့် တခွေလုံး repeat နားထောင်ရင်း
စိတ်ထဲ ပေါ်လာတာလေး ချရေးမိတဲ့ ပေါက်တတ်ကရလေးပါ

ရင်ဂို ရဲ့ သီချင်း ထဲ က တပုဒ်ပဲ ရွေးပါဆိုလာရင်တော့

လူတွေ သိပ်မကြိုက်လောက်တဲ့

သေမင်းလက်မှတ် ကိုရွေးမှာပါ
(ကန္တာရ ကဖေး အခွေထဲကပါ)

01/02/2026

သူတို့ ၂ ယောက်

အဲ့ ၂ ယောက် ဖန်တီးလိုက်တဲ့

" #လွမ်းစိမ့်"

အဲ့ ချစ်စရာကောင်းလွန်းတဲ့သီချင်းလေးကို

လွန်ခဲ့တဲ့ ၆ နှစ်ကျော်ကတည်းက
ဘိုဘိုထွဋ် ပေးနားထောင်လို့ နားထောင်ခဲ့တယ် တခါတည်း နားစွဲ စေခဲ့တယ်

နောက်တော့ ၂၀၁၉ မှာ ပြင်ဦးလွင် မေမြို့အိမ် မှာ လုပ်တဲ့
မင်းမင်းဟိန်း စီစဥ်တဲ့ show ပွဲ ကို ဖိုးပြည့် နဲ့ လိုက်သွားတော့ အဲ့ ပွဲမှာ စိုင်းလေး လဲ ပါတယ်
အဆိုတော်တွေ band သမားတွေ အတူ စု နေတဲ့ ဘန်ဂလို မှာ
စိုင်းလေး ရဲ့ အဲ့ လွမ်းစိမ့်ရယ်လို့ မဖြစ်သေးတဲ့ သီချင်းလေးကို ဗူစီ က သူ့ကား ကက်ဆက်နဲ့ မရပ်မနား repeat လုပ်ထားပြီး ဝိုင်းနားထောင်ကြတာ
တကယ်ကို ခံစားလို့ ကောင်းတဲ့
သီချင်းလေး
အဲ့တုန်းကတည်းက တခြား player တွေကလဲ ဘယ်တော့ ထွက်မလဲဘာညာပေါ့
နောက်တော့
ဘိုဘိုထွဋ် ရဲ့
"ဆင်ခြေဖုံး ကက်ဆက်"
အခွေလေး ထွက်တော့ မြောက်ဒဂုံဘက်က Hot Pot ဆိုင်လေးမှာ မိတ်ဆက်ပွဲ လုပ်တော့
စိုင်းလေး အဲ့ လွမ်းစိမ့် လေးနဲ့ ဂုဏ်ပြု ခဲ့တယ်
ကျွန်တော် တောင် Live လွင့်ခဲ့ မိသေး နောက်တော့မှ ၂ ယောက်သား ​တိုင်ပင်ပြီး သီချင်းက အသစ်ကြီး မထွက်ရသေးဘူး ဆိုပြီ အဲ့ ည မှာ ပဲ ချက်ချင်း ပြန်ဖျက်ခဲ့တာ

အမှန်ပြောရရင် အဲ့ ညက သူ ဆိုတာလေး တကယ် ကောင်းလွန်းတယ်

မယုံရင် Mhan Lay accမှာ ပြီးခဲ့ ၁၂ ရက်လောက်က ပြန်တင်ထားပေးတယ် နားထောင်ကြည့်ပါ(ဒီနေရာကနေ ကျေးဇူးတင်ချင်တာက Naing Myo Thu ကိုပါ
ဘာကြောင့်ဆို အဲ့ Live လွင့်ထားတာကို ကျွန်တော်က အပြီးဖျက်လိုက်မိတာမို့ ပြန်မရတော့ဘူးဆိုပြီး စိတ်မကောင်းဖြစ်နေချိန် သူ့ ဆီကနေ တဆင့် ပြန်ပြီး ရခဲ့တာမို့ပါ)

ခင်ဗျား တို့
တကယ့်ကို
လွမ်း လွမ်း စိမ့် စိမ့် လေး ခံစားရမှာပါ

29/01/2026

https://www.facebook.com/share/p/1CJ9Mis3o7/

CICADA THIRD ALBUM