What are the opening hours?

Monday 09:00 - 22:00 Tuesday 09:00 - 22:00 Wednesday 09:00 - 22:00 Thursday 09:00 - 22:00 Friday 09:00 - 22:00 Saturday 09:00 - 22:00 Sunday 09:00 - 22:00

https://www.facebook.com/101204441653793/

More than story, Yangon (2026)

16/03/2025

စိတ်ထွက်ပေါက် အတွက် Game ဆော့လာရာ ကနေ Game ဟာ ကိုယ်ရဲ့ စိတ်အနိမ့်အမြင့်အတက်အကျ ဖြစ်တိုင် အဖော်အမော်ကောင်းတစ်ယောက်ဖြစ်လာခဲ့ပါတယ်။ဒီ Game ဆိုတဲ့ အရာအပေါ် ပြန်အခြေချပါတော့မယ်။

ကျွန်တော်ကို ဒီ Esports မှာ သိတဲ့ သူအင်မတန် နည်းပါးမယ်ဆိုတာ သိပေမယ့် ကျွန်တော် ကို သိတဲ့ လူနည်းစုအတွက် အခု ပြန်လည်ပြီး စာတွေ ရေးဖို့ ဆုံးဖြတ်လိုက်ပါပြီ။

လူအနည်းငယ် သာရှိတဲ့ ကျွန်တော်ရဲ့ page လေးမှာ ကျွန်တော် အနေနဲ့ Esports နဲ့ပတ်သတ်တာလေးတွေကို ဝေမျှပေးပါမယ်။

သတင်းတွေ အချက်အလက်တွေ ထက် emotional ပိုင်းကို ပိုဦးစားပေးသွားမယ့် အပြင် ပုံမှန်တွေ့နေကြ အရာတွေနဲ့ မတူတဲ့ အဖွဲ့အနွဲ့တင်ဆက်မှုနဲ့ ပြန်လာပါပြီ။

ဟုတ်ကဲ့ ပုံပြင် တွေ ပြန်ပြောပြဖို့ ပြန်လာပြီ

#နငယ်

18/01/2025

အေးဆေးပဲ ဂိမ်းဆော့လို့ရသေးတယ်

ချမ်းအေးအေး လေပြေတွေဟာ မဖိတ်ခေါ်ပဲ ရောက်လာတာကို သတိထားမိတဲ့ ဟိန်းကို တစ်ယောက် ပြတင်းပေါက်တံခါးကို ပိတ်ဖို့အတွက် အိပ်ယာဘေးက ဖုန်းကိုလိုက်စမ်းကြည့်ပါတယ်။

အတော်အတန် ရှာပြီးနောက်တော့ တွေ့ခဲ့ပါပြီ ဖုန်းမီးဖွင့်ဖို့ပြင်ချိန်မှာ စာလေးတစ်စောင်ဝင်နေတာကို တွေ့လိုက်ရပါတယ်။
ကောင်မလေး စီက စာဆိုတော့ ဘာများလဲ ဆိုပြီး ဖွင့်ကြည့်လိုက်ချိန် Good Night / Good Morning ဆိုပြီး အနမ်းပေးတဲ့ emoji လေးနဲ့ဗျာ…

ဘာလို့ Good night /Good Morning လို့ ပြောတာကို သိချင်မယ်ထင်လို့ ရှင်းပြပါမယ်။ဟိန်းကိုရဲ့ ကောင်မလေးဟာ ပုံမှန် ည၁၀နာရီဆို အိပ်လေ့ရှိပါတယ်။ ဟိန်းကိုကတော့ အဲ့အချိန်မှ Game စဆော့ပြီး နောက်နေ့ သူ့ကောင်မလေး နေ့လယ် ပြန်အိပ်ချိန်မှ သူက နိုးတာဖြစ်ပါတယ်။ဒီတော့ သူ အိပ်ပြီး ပြန်နိုးလာမှ စာဝင်ကြည့်နေကြမို့ သူကောင်မလေးက Good Night/Good Morning လို့ပို့ထားတာဖြစ်ပါတယ်။

ဟိန်းကိုကဒီအချိန်အိပ်လေ့မရှိဘူးဆိုပေမယ့် အခုတော့ တရေးနိုးတဲ့ အချိန်ဖြစ်နေပါပြီ အကြောင်းမှာ ညဘက်အတူတူဆော့မယ့် သူငယ်ချင်းတွေကလည်း အခုဆို နိုင်ငံခြားရောက်သူက ရောက်ပျောက်သူက ပျောက်ဖြစ်နေတော့ တစ်ယောက်တည်းဆော့မိလည်း public တွေနဲ့က အဆင်မပြေ လောင်လိုက် ဆော့လိုက်နဲ့ လောင်ဆော့ကြီးဖြစ်နေတာကို မခံနိုင်တာနဲ့ မဆော့ဖြစ်တာဗျို့…. ဒါကိုသူ့ကောင်မလေးက မသိရှာဘူးလားလို့တော့ မေးဖို့ရှိမယ်ထင်တယ်။

မနက်နိုးလို့ စာပို့ဖို့ကြိုးစားချိန်ဆိုလျှင် WiFi ပျက်နေတယ်ဗျာ။အေးကလည်း အေးတော့ ပြန်ကွေးလိုက်တာပေါ့ ဘာများထင်နေသလည်း အလုပ်ကမရှိတာတော့မဟုတ် နားလိုက်ရ ဂိမ်းလည်းမဆော့ရဆိုတော့ ဒါပဲရှိတာပဲလေ။ အိပ်တာပဲ ကောင်းတယ်လေ မနက်စာဖိုးလည်း သက်သာတာပေါ့။

ဟိန်းကိုနဲ့ သူ့ကောင်မလေးတို့ပုံမှန်ပြောနေကြ အချိန်ကြတော့ အိမ်က အမေဆီက မုန့်ဖိုးတောင်းပြီး ဘေလ်ထည့်ပြောတာပေါ့ဗျာ။ ဖုန်းဘေလ် ထည့်ဖို့တောင် မရှိဘူးလားဆိုတော့ အဲ့လိုလည်းမဟုတ် Mobile Banking တွေမှာပဲရှိတာကို ဘေလ်မရှိ WiFi မရှိ အပြင်မှာလည်း မရှိတော့ ငုတ်တုတ်ပေါ့

ဘေလ်များဟာလည်း ကြာကြာ မခံနိုင်ပါ။video call လေးများပြောမိလျှင်ဖြင့် ချစ်သူမျက်နှာကို ကြည့်ရတာနည်းနည်း လူကြီးမင်းငွေလက်ကျန်နည်းနေပြီးဆိုတဲ့ sms များကိုဖတ်ရတာများများဖြစ်နေတာပေါ့။

အတန်အသင့် အလွမ်းသယ်ပြီးလျှင်တော့ package လေးဘာလေးညာလေး ဝယ်ပြီး ဝဠ်ကြွေးတစ်ခုဆပ်ဖို့ပြင်တာပေါ့။ဂိမ်းထဲအရောက် ပွဲရှာဖို့လုပ်လိုက်တာနဲ့ ပွဲက ရှာမရ ဘယ်နဲ့ ဖုန်းအားနည်းနေလို့တဲ့ နည်းလည်း နည်းသင့်ပါတယ်။ညကလည်း အားမသွင်းရသေး မနက်ကြတော့လည်း ပြန်အိပ်ထားတာဆိုတော့ အခုလည်း ကိုယ့်အလှည့်မရောက်သေးတော့ မသွင်းရသေး ဘာတက်နိုင်သေးလဲ ငုတ်တုတ်ပေါ့….

မတရားပျင်းနေတာနဲ့ အပြင်လေ ဘာလေထွက် လမ်းလျှောက်မလား လို့ စဉ်းမိယုံလေနဲ့တင် မဖြစ်ဘူး ဒုတ်ဒုတ် ဆိုပြီး ကိုယ့်ကိုယ်ကိုယ် သတိမိတာပေါ့ဗျ။ ဘာများရှိမလဲ ဟိုရှာဖွေ ဒီရှာဖွေနဲ့ ကြည့်လိုက်တော့မှ တွေ့ပြီးဗျာ 1xBet Agent လုပ်နေတဲ့ ကိုယ့်သူငယ်ချင်းပေးထားတဲ့ power bank လေး အမယ် တယ်ဟုတ်ဗျို့ 1xBet logo နဲ့ဗျာ။ ဟဲဟဲ ကိုယ့်ကပဲ လှူနေရတာ ဆိုတော့ ဒီလောက်တော့လည်း ပြန်အကျိုးပေးဦးမှပေါ့

ဟဲဟဲ အေးဆေးပါဗျာ ကျွန်တော်ကတော့ ဂိမ်းဆော့နိုင်ပါသေးတယ်….လို့ပြောမလို့ပဲ ရှိပါသေးတယ်ဗျာ အမေက ထတော့ မီးလာနေတုံးလေ အားသွင်းစရာရှိအားသွင်း ရေလည်းတင်ထားပေးဦးတဲ့ဗျာ…

#နငယ်

31/05/2024

ဂိမ်းဆော့ရတာကို ရူးသွပ်တဲ့ လူငယ်တွေ၊ သူငယ်ချင်းတွေနဲ့ ဝိုင်းဖွဲ့ပြီး ဂိမ်းအကြောင်းပြောရတာ ကြိုက်တဲ့လူငယ်တွေ၊ ဂိမ်းဆော့လွန်းလို့ အိမ်ကဆူတာခံရတာတဲ့ လူငယ်တွေ ဒီလူငယ်တွေအတွက် နေရာမရှိတဲ့ နိုင်ငံဆိုတဲ့ နယ်မြေအပိုင်းအခြားနဲ့ ဒီလူငယ်တွေအားလုံးကိုကိုယ်စားပြုတာမဟုတ်တဲ့အရာတွေ ကြောင့် ကျွန်တော် လူငယ်တစ်ယောက်အနေနဲ့ လွန်စွာရှက်ရွံမိတဲ့အပြငိ အပြစ်ရှိသလိုခံစားလာရတာ နှစ်နဲ့ချီနေပါပြီ။ဒါကြောင့် ထပ်မံပြီး ဒီအရာနဲ့ အသက်မွေးဖို့ ခွန်အားမရှိတော့တာကြောင့် ကျွန်တော် အနေနဲ့ ရပ်လိုက်ပါတော့မယ်။

နှစ်အနည်းငယ်အတွင်း ကျွန်တော်တို့နဲ့အတူတူ MTS ဆိုတဲ့အရာအပေါ် ပေးဆပ်ခဲ့ကြတဲ့ လူငယ်တွေနဲ့ လက်တွဲခေါ်ပေးခဲ့ကြသူတွေကိုတော့ အမြဲအမှတ်ရနေဦးမှာဖြစ်တဲ့အပြင် Esports ဆိုတဲ့ Community တစ်ခုလုံးကိုလည်း ကျေးဇူးကမ္ဘာပါ…

အနိမ့်အမြင့်အတက်အကျဖြစ်နေတဲ့ ကျွန်တော်ရဲ့ မခိုင်မာတဲ့ စိတ်ဓာတ်ကြောင့် တောင်းပန်းပါတယ်ခင်ဗျာ….

ချစ်ရတဲ့ သူတွေနဲ့နောင်တစ်ချိန်ပြန်ဆုံပါမယ်။ကျွန်တော် အမြဲတစ်နေရာရာကနေ ကူညီနေပါမယ်။အခုတော့ ကျွန်တော်တို့တွေ ကို ပျောက်ကွယ်ခွင့်ပြုပါ။အားလုံးအတွက် MTS က ပျော်စရာတွေပေးစွမ်းခဲ့မယ်လို့ မျှော်လင့်ပါတယ်။

အခုတော့ ကျွန်တော် တို့ကို နှုတ်ဆက်ခွင့်ပြုပါ။နောင်တစ်ချိန်မှပေါ့…..

16/05/2024

ဘာညာပေါ့ ဟဲဟဲ

15/05/2024

ဒီနေ့မှာတော့ အခုနောက်ပိုင်း မြန်မာနိုင်ငံမှာ တဖြည်းဖြည်းလူပြောများလာတဲ့ ဂိမ်းတစ်ခုဖြစ်တဲ့ HOK အကြောင်းနည်းနည်းလေး ထူးဆွကြည့်မှာဖြစ်ပါတယ်။

ပထမဆုံးအနေနဲ့ HOK ရဲ့ release date ကို ကြည့်လိုက်ရင် မြန်မာနိုင်ငံမှာအထူးရေပန်စားနေတဲ့ MLBB ထက် ပိုစောနေတာကို တွေ့ရှိရပါတယ်။ HOK ကိုတော့ ၂၀၁၅ခုနှစ် နိုဝင်ဘာလ ၂၆ရက်နေ့မှာ စတင် Release ပြုလုပ်ခဲ့တာဖြစ်ပြီ MLBB ကတော့ ၂၀၁၆ ခုနှစ် ဂျူလိုင်လ ၁၄ရက်နေ့မှာ Release ပြုလုပ်ခဲ့တာဖြစ်ပါတယ်။

HOKခေါ် Honor of king စတင် release စဉ်က တရုတ်နိုင်ငံပြည်တွင်းမှာသာ ဆော့ကစားလို့ရခဲ့ပေမယ့် အခုအခါမှာတော့ Global Version အဖြစ် ထွက်ရှိလာပြီဖြစ်သည့်အတွက် တရုတ်ပြည်သာမက တခြားနိုင်ငံများပါဆော့ကစားခွင့်ရရှိတော့မှာဖြစ်ပါတယ်။

Mobile game တွေထဲမှာဆော့ ဆုကြေးအနေနဲ့ များပြားတဲ့ပမာဏတွေ ပေးအပ်လေ့ရှိတဲ့ HOK ဟာ မြန်မာနိုင်ငံက player များအတွက်တော့ နောက်ထပ်အခွင့်အလမ်းဖြစ်လာနိုင်တဲ့အတွက်ကြောင့် အခုတည်းက Try ထားလိုက်တော့နော်…

HOK ကို android ရော iOS မှာ region ချိန်းကာ download လုပ်ပြီးကစားနိုင်ပြီးဆိုတော့ ညီကိုတို့အခုပဲ down ထားလိုက်တော့နော်…

03/04/2024

ခံစားနိုင်စွမ်းတွေက ရပ်တန့်နေတယ်ဆိုရင် ယုံမလား

အချိန်က ရပ်တန့်မနေပေမယ့် Memories တွေက ရပ်တန့်နေတယ်ဆိုရင် ယုံမလား

ပျော်စရာဆိုတာဘာလဲလို့ မေးရတဲ့အချိန်ကို ရောက်နေတယ်ဆိုရင် ယုံမလား….

ခင်ဗျားတို့တွေတကယ်ပဲ လက်ရှိအချိန်မှာရှင်သန်နေကြတာလား

ခင်ဗျားတို့ကို ကျွန်တော်သိပ်အားကျတာပဲဗျာ…

နားကြပ်ကကြားနေရတာက “အချိန်တွေကိုနောက်ဆုတ်လိုက်ရင်ကောင်းသားကွာ ဒါဆိုရင်…..” လွန်ခဲ့တဲ့ ငါးနှစ်က D Vision ထွက်ခဲ့တဲ့ သီချင်း နဲ့အတူတူ အတိတ်ကနေ့ရက်တွေက လက်ဆက်နေစဲပါပဲ….

ပျော်တဲ့အချိန်လည်း သူငယ်ချင်းတွေနဲ့အတူတူ ဂိမ်းဆော့ခဲ့ကြသလို စိတ်ညစ်နေ ချိန်လည်း ဂိမ်းအကြောင်းတွေ ပြောရင်း ကျွန်တော်နံဘေးကလူတစ်စုနဲ့ ဖြတ်သန်းခဲ့ကြတယ်။

ကျွန်တော်ဆီကို ဂိမ်းဆိုတဲ့အရာ ကြီးကြီးကျယ်ကျယ်ပြောကြေးဆိုရင် Esports ဆိုတဲ့အရာတစ်ခုအသွေးအသားထဲဝင်ရောက်လာတာကတော့ မူလတန်းကျောင်သားဘဝ Family Game တွေကနေ စတင်လာခဲ့တယ်ပဲဆိုပါတော့…

ကျွန်တော်သေသေချာချာမှတ်မိတဲ့ လေးတန်းအရွယ်ကနေစလို့ ၁၈နှစ်ပြည့်တဲ့ကာလအထိ ပျော်ရွှင်မူဆိုတဲ့ စကားလုံးရဲ့ ရာခိုင်နှုန်းတော်တော်များက ဒီဂိမ်းဆိုင်နဲ့ ဂိမ်းဆိုတဲ့ အရာကနေမြစ်ဖျားခံလေ့ရှိတာကတော့ အမှန်တရားတစ်ခုပါပဲ…

P2 ခေတ် CS ခေတ် Generals ခေတ် Dota ခေတ်ကနေ Dota2 ခေတ် အခု လက်ရှိ Mobile ခေတ်အထိ ကို ကျွန်တော် ဂိမ်းရူးခဲ့တယ်။

ကျွန်တော် ကို pro player ဖြစ်ချင်လာလို့မေးလျှင် ရင်ထဲအသည်းထဲကနေ ဖြစ်ချင်တာပေါ့လို့ ဖြေဖြစ်ခဲ့တာတွေရဲ့ မူလဇာတ်လမ်းကတော့ Dota2 Free To Play video ပဲဖြစ်ပါတယ်။ ဒီကနေစလို့ Fear ကို Video တစ်ပုဒ်လေးကြည့်ပြီ အသေတွေ လေးစားခဲ့သလို Dendi ကိုလည်း ချစ်တက်လာပါတယ်။ 14 နှစ်သားတစ်ယောက် ဟာ pro player တွေဆော့တာမြင်ဖူးကြည့်ချင်လို့ ရပ်ကွက်ချင်းနီးတဲ့ ကိုVrkat ဆော့နေကြဆိုင်ကို အပြေးအလွှား သွားကြည့်ခဲ့ဖူးပါတယ်။ဖုန်းဆိုရင် Keypad ပဲကိုင်နိုင်နေတဲ့အချိန်တည်းက ဆိုင်ကဘဲကြီးတွေပြလို့ WTF Moments တွေကို အတုခိုးပြီးအကြိမ်ကြိမ် ဆေးထိုးလို့ အဆဲခံရပေါင်းလည်းမနည်းခဲ့ပါဘူး…..

ဒါပေမယ့်ဗျာ အဆဲခံရလည်းမနာတာ အဲ့အချိန်ပဲထင်ပါတယ်။ အဆဲခံရတာကို တောင် မေ့ပြီး ဟိုဘက်ငါးယောက် ဒီဘက်ငါးယောက် ဆော့ရတာကိုက Feel … မှတ်မိကြဦးမလားတော့ မသိ ကျွန်တော်တို့ကတော့ ဆိုင်မှာစက်ရရင်ကို လေစတိုက်နိုင်ပါတယ် ဘေးနဲ့အနောက်မှာလည်း ကိုယ်ထလျှင် စက်ယူမယ့်သူတွေနဲ့ စည်ကားနေပါတယ်။အခုအချိန်လူများရင် မနေတက်သလိုလို စိတ်မလုံသလိုလို ဖြစ်နေတဲ့ လူတစ်ယောက်ဟာ ဘေးမှာ လူလေးယောက်ရှိလည်း လေတိုက်မပျက်ခဲ့ပါဘူး…..

အခုတောင် အရင်အချိန်ကအကြောင်းတွေကို ပြောရတာ အရှိန်မသတ်နိုင်သလို ဒီထက်လည်း အများကြီးရေးနိုင်ပါသေးတယ် ဒါပေမယ့် အခုအချိန် အကြောင်းကိုမေးရင် အလွမ်းပြေ ညဘက် Discord မှာ လူစုပြီး Dota2 ဆော့တာပဲပြောစရာရှိပါတယ်။ဒါတောင် အလွမ်းက မပြေပါဘူး တစ်ခါတစ်ခါ ဆော့နေကြ ဆိုင်အဟောင်းလေးသွားကြည့်မိရင်တော့ အရင်အချိန်တွေကို မျက်လုံးထဲ ပြန်မြင်ယောင်နေမိပါတယ်။ပျော်ခဲ့ရတဲ့အချိန်တွေကိုတွေးရင်း လက်ရှိမှာတော့ မျက်ရည်မကျအောင် ထိန်းပြီး လွမ်းတဲ့အကြောင်းတွေကို ရေးနေမိတော့တာပါပဲ….

အတိတ်ကို လွမ်းတာဟာ သူ့ကြောင့်လည်း မဟုတ်သလို ခင့်ကြောင့်လည်း မဟုတ်ပါဘူး… ငါကောင်တို့မင်းတို့ကြောင့်ပါ….

လောကကြီးမှာ နွေးထွေးမှု ပျော်ရွှင်မှုတွေနဲ့ ပြည့်နှက်နေတဲ့ အချိန်ကာလတစ်ခုကို ပိိုင်ဆိုင်ခဲ့ဖူးတာက အခုချိန်တွေးကြည့်ရင် အိမ်မက်တစ်ခုလိုပဲဆိုပေမယ့် ဂိမ်းကို ချစ်ကြတဲ့ သူတွေအတွက်တော့ တကယ်ပိုင်ဆိုင်ခဲ့ဖူးတယ်လို့တော့ ထင်ပါတယ်။

အခုတော့ အရင်ကဘော်ဒါတွေလည်း ဝေး ခဲ့ကြပြီဖြစ်သလို ဂိမ်း ဆော့ဖို့တောင် အားမရှိတော့တာမလို့ အရင်အချိန်တွေ လွမ်းရုံမှတစ်ပါး အခြားမရှိတော့ပါ…

နငယ်။

29/02/2024

ပြည်တွင်းမှ Game Developer တစ်ယောက်အနေနဲ့ သူရဲ့ Game အကြောင်းကို Stream Community myanmar မှာမျှဝေလာတာကို တွေ့ရပါတယ်။

အဆိုပါGameကို steam ကနေ ကစားလို့ရမှာဖြစ်ပြီတော့ USD 3.99ကျသင့်မှာဖြစ်ပါတယ်။

အပြည့်အစုံသိရှိနိုင်ရန်အတွက် ၎င်းရဲ့fb page ကိုလည်း ဖော်ပြပေးထားမှာဖြစ်ပါတယ်။

Fb Page link - https://www.facebook.com/profile.php?id=61556594946890&mibextid=LQQJ4d

09/02/2024

ACE ဆိုတဲ့နာမည်ကြားလိုက်တာနဲ့ ကျွန်တော်တို့ဘာအရင်ဆုံးပြေးမြင်ကြမလဲ ?

ကစားသမားတစ်ယောက်ဘယ်လောက်ထိ Humble ဖြစ်ပြီး Emotional Outburst တွေကိုဘယ်လောက်ထိ ထိန်းချုပ်နိုင်လဲဆိုတာကိုလေ့လာကြည့်မယ်ဆို ပွဲရှုံးတဲ့အချိန်ထက် နိုင်တဲ့အချိန်က ပိုပြီး ထိန်းချုပ်ဖို့ခက်တယ်လို့ပြောလျှင် ခင်ဗျားတို့ယုံနိုင်မလား

ကစားသမားတိုင်းမှာ Prime Moment ဆိုတာရှိပြီး သူတို့ Peak form ရောက်လာလျှင် အောင်မြင်မှုအပေါ်မူတည်ပြီး ပြောင်းလဲလာတဲ့ Changes တွေရှိပါတယ်။ ဥပမာအားဖြင့် အောင်မြင်မှုနောက်လိုက်ပြီး မောက်မာလာတာမျိုးတို့ Player အချင်းချင်း respect မထားတော့တာမျိုးတို့ စသဖြင့် Player အများစုလိုလိုမှာ အခုလိုဖြစ်ရပ်တွေ အများကြီးရှိပါတယ်။

အဲ့ဒီအထဲမှာတော့ အားလုံးသိပြီးသားဖြစ်တဲ့ ACE ဟာ အနည်းကယ် ကွဲထွက်နေပြီး လူငယ်တွေအနေဖြင့် လုံးဝ စံနမူနာယူသင့်တဲ့သူဆိုမမှားပါဘူး။ ဆိုလိုချင်တာက သူ့ရဲ့ In game skill တွေ မဟုတ်ပါဘူး သူ့ရဲ့Player life အစကနေစပြီး အောင်မြင်တဲ့အချိန်အထိ ဘယ်တော့မှာပြောင်းလဲလာခြင်းမရှိတဲ့ သူရဲ့ Mindset ပါ။ ကစားသမားတစ်ယောက် ပြိုင်ပွဲရှုံးလျှင် အနည်းနဲ့အများလောင်တတ်တာက သဘာဝပါ။ ဒါကလက်ခံလို့ရမယ့်ကိစ္စဖြစ်ပါတယ်။ သို့ပေမယ့် အနိုင်ရသည့်အချိန်မှာ Emotion ကို Control မလုပ်နိုင်ပဲ အရုပ်ဆိုးအကျည်တန်စေတဲ့ အပြုအမူများလည်း အများအပြားတွေ့ရနိုင်ပါတယ်။ နောက်ပိုင်းတွင် Stage ပေါ်တင်သာမက social media ပေါ်များတွင်ပါ အလွန်ခနဲ့သော လုပ်ရပ်မျိုးတွေမှာ Pro player တစ်ယောက်အနေဖြင့် Pro မဆန်သော player တစ်ယောက်ဖြစ်စေနိုင်ပါတယ်။

ACE ကိုဖော်ပြရမည်ဆိုလျှင်တော့ သူ့အနေဖြင့် Pro player life ကို ပရိသတ်တွေဆီက မေတ္တာအပြည့်အဝယူပြီး ဖြတ်သန်းသွားသူလို့ ဖော်ပြချင်ပါတယ်။ ရှုံးနိမ့်ခြင်းမှာလည်း အရှုံးများကိုအကောင်းဆုံးလက်ခံခဲ့သလို အနိုင်ရရှိချိန်တွေမှာလည်း မောက်ကြွားသည့် အပြုအမူများကို မလုပ်ခဲ့စေတာက သူ့အနေနဲ့ဘယ်လောက်ထိ Humble ဖြစ်သည့် Pro Player ဆိုတာကို ပြသခဲ့ခြင်းဖြစ်ပါတယ်။

အခုဖော်ပြပါ အကြောင်းအရာမှာ ACE ရဲ့ Skill နှင့်ဆော့ပုံများကို Highlight လုပ်ခြင်းမဟုတ်ပဲ လူငယ် Pro player များအနေဖြင့် မိမိရဲ့ emotion ကို ပြိုင်ပွဲတွေအလိုက် မည်သို့ထိန်းချုပ်သင့်ကြောင်းဖော်ပြချင်းဖြစ်ပါတယ်။

ဆိုတော့ မိမိကိုယ်မိမိနှိမ့်ချဖို့လိုလားဆိုရင်တော့ မလိုပါဘူး။ သို့ပေမယ့် အဲ့ဒါက ကစားသမားတိုင်းမလုပ်ယူနိုင်သည့် ရှားပါးတဲ့ စိတ်ဓာတ်ပါ။ အတုယူရစေရန် ပရိတ်သတ်များအချစ်တော် ACE နဲ့ဖော်ပြပြီးရေးရခြင်းဖြစ်ပါသည်။ ဘာကြောင့် ရေးရလဲဆိုလျှင်ဖြင့် အခုတစ်လော Local ထဲမှာ Player တော်တော်များများ အဆဲခံနေရပြီး အမုန်းခံနေရတာတွေ များလာလို့ပါ 😛

29/01/2024

ဒီနှစ်ရာသီ မြန်မာ MLBB အသင်းတွေအနေနဲ့ကတော့ အပြောင်းရွှေ့တွေများစွာပြုလုပ်ထားပြီး Surprised Signing တွေလည်း ရှိနေခြင်းကြောင့် အရင်ရာသီတွေထက် ပိုပြီး အကြိတ်အနယ်ရှိလာမှာတော့အသေအချာပါပဲ။ ဒါဟာ Local MLBB လောကအတွက် အပြုသဘောဆောင်လာတဲ့ ပြောင်းလဲမှုတွေဖြစ်ပြီး တစ်ချိန်တည်းမှာလည်း Community အနေနဲ့ ပိုပြီးကောင်းမွန်သပ်ရပ်သော Environment တစ်ခုဖြစ်လာဖို့လည်းများစွာလိုအပ်လာပါတယ်။

ရွက်ပုန်းသီး တိုးတက်လာတဲ့ ကစားသမားတွေနဲ့အတူ Experience ရှိပြီးသားဖြစ်တဲ့ကစားသမားတွေပေါင်းစည်းလာခြင်းက အသင်းတွေကို နောက်တစ်ဆင့်ပိုမြှင့်စေဖို့ ကောင်းမွန်တဲ့အချက်တွေဖြစ်လာမှာပါ။ ဒီလိုတစ်ချိန်တည်းမှာ Pro Player တွေပေါများလာပေမယ့် Inter မှာ ရောက်သင့်သလောက်မရောက်ပဲ ဘာကြောင့် တစ်ဆင့်ကျန်နေရလဲဆိုတဲ့အချက်ကို သုံးသပ်ကြည့်ရင် နောက်ကွယ်မှာ အများကြီးပါ။

ပေါများလာတဲ့ Myanmar player တွေမှာ လိုအပ်သည့် Skill နဲ့ Game sense မှာအသင့်အတင့်ရှိနေသော်လည်း M2 BG ခေတ်အလွန်နောက်ပိုင်းမှာ မတွေ့ရတော့သည်များကို ကောက်နုတ်ရမည်ဆိုလျှင်ဖြင့် ပြိုင်ပွဲအပေါ် , ပရိသတ်နဲ့ ပြိုင်ဘက်တွေအပေါ်မှာ ‘ Discipline နဲ့ Humility ‘ မရှိခြင်းကို သိသာထင်ရှားစွာတွေ့လာရပါတယ်။ သုံးသပ်ကြည့်ရမယ်ဆိုလျှင် ကစားသမားတွေအနေနဲ့ မိမိအသင်းအနိုင်ရဖို့ထက် ပြုင်ဘက်ကို ပြက်ရယ်ပြုရေးကို ပိုမိုလုပ်ရန် အားသန်လာတယ်လို့ စာရေးသူအနေနဲ့ သတိထားတွေ့ရှိလာပါတယ်။

Confident ရှိခြင်းကကောင်းပါတယ် သို့ပေမယ့် ရှိသင့်သည့် Limit ထက်ကျော်လွန်သွားရင်တော့ ကစားသမားတွေအပေါ် မလိုလားအပ်သည့် ကျရှုံးမှုတွေ ဖြစ်ပေါ်လာနိုင်ပါတယ်။ “ I am the best “ လို့ မကြုံးဝါးခင် မိမိကိုယ်တိုင်အနေဖြင့်လည်း Highlight ဖြစ်နေစေရမယ့် Achievement တစ်ခုကို ကိုယ်တိုင်အရင်ရယူနိုင်အောင် ကြိုးစားရပါဦးမယ်။ M2 BG ခေတ်အလွန် နောက်တက် ကစားသမားတွေအနေဖြင့် Big Achievement လောက်လောက်လားလား မရှိသေးပေမယ့် လိုအပ်သည်ထက်ပိုလွန်ပြီး စိတ်ခံစားမှုနောက်လိုက်သည့် အမူအရာတွေ တွေ့ရှိလာရခြင်းက Community အတွက် အနုတ်လက္ခဏာဆောင်သော ဖြစ်ရပ်တစ်ခုတိုးပွါးလာခြင်းပါ။

ပရိသတ်တွေအပေါ်မှာလည်း Respect ရှိဖို့လိုအပ်သေးသလို ပြိုင်ဘက်အသင်းတွေအပေါ်မှာလည်း မလိုလားအပ်သည့် တိုက်ခိုက်မှုတွေမလုပ်ဖို့လည်း လိုအပ်ပါသေးတယ်။ E sports လောကဖြစ်သည့်အလျောက် Troll ခြင်းက ပြိုင်ပွဲရဲ့အသက်ပါ အဲ့လို Troll ခြင်းကလည်း Player များရဲ့ နိုင်လိုစိတ်ကို နောက်တစ်ဆင့်မြှင့်ပေးနိုင်ပါတယ်။ သို့ပေမယ့် အထက်မှာရေးသားခဲ့သလို ပြိုင်ပွဲကိုအနိုင်ရဖို့ထက် Troll ခြင်းလုပ်ဖို့ကို အားသာလာတဲ့ Player တွေနဲ့အတူ Myanmar အသင်းတွေအနေဖြင့်ကတော့ Inter မှာ အမြဲလိုလို နောက်ကောက်ကျန်နေရတုန်းပါ။ Player တွေအပြင် အသင်းတွေကိုနည်းပြရသည့် Coach နဲ့အတူ သက်ဆိုင်ရာ Manager တွေမှာလည်း မိမိတို့ရဲ့ကစားသမားတွေကြား Emotion ပိုင်း နှင့် Attitude ပိုင်းအတွက်လည်း ဂရုတစိုက် ထိန်းသိမ်းပေးဖို့လိုအပ်ပါသေးတယ်။ သို့မှသာ များပြားလာသော Player အသစ်တွေနဲ့အတူ Local MLBB အနေဖြင့် Game အပြင် စိတ်ဓာတ်ရေးရာပိုင်းမှာလည်း ပိုမိုကောင်းမွန်သော Community တစ်ခုဖြစ်လာနိုင်မှာပါ။

22/01/2024

Pubg mobile အနေနဲ့ မြန်မာနိုင်ငံက Pubg ချစ်သူများအတွက် အထူးလက်ဆောင် တစ်ခုကို ပေးလိုက်တယ်လို့ပဲပြောရမှာဖြစ်ပါတယ်။

Ingame မှာ Airstyle ရဲ့ Zoe Voice Pack ဖြစ်တဲ့ မိုက်လိုက်တာငါသားရာဆိုတဲ့အသံကိုကြားရတော့မှာပါ။

Airstyle ဟာ Pubg mobile နဲ့ Voice pack ကို Collaboration ပြုလုပ်တဲ့ မြန်မာနိုင်ငံရဲ့ပထမဆုံး streamer တစ်ယောက်ဖြစ်ပါတယ်။Airstyle ရဲ့ signature တွေထဲကတစ်ခုဖြစ်တဲ့ မိုက်လိုက်တာငါသားရာကို ကိုယ်တိုင်ကိုယ်ကြ ingame မှာအသုံးပြုနိုင်တော့မှာပါ။

Airstyle ရဲ့ voice pack ကို Jan 22ရက်နေ့မှ feb4 ရက်နေ့အတောအတွင်းမှာ Free ဝင်ရောက်ရယူနိုင်မှာဖြစ်တဲ့အတွက်ကြောင့် ဝင်ရောက်ရယူဖို့ မမေ့ကြဖို့တိုက်တွန်းလိုက်ပါတယ်။

Zoe voice pack ရဲ့ တရားဝင် TVC ကို Cmt မှာပေးထားတဲ့ Link ကနေ ဝင်ရောက်ကြည့်ရှုနိုင်ပါတယ်။

31/12/2023

EPT Points Deduction Rules တွေအရ Azure Ray ဟာ points (0) ကိုရောက်ရှိသွားပါပြီ။

Team မှ player တစ်ယောက်
ထွက်ခွါလျှင် ပြစ်ဒဏ်မရှိပေ
မယ့် (2) ယောက်ထွက်ခွါလျှင် Points 30% သော်လည်းကောင်း၊ (3)
ယောက်နှင့်အထက်ထွက်ခွါလျှင် Points (0)
အထိလျော့ချမယ်ဆိုတဲ့ rules တွေအရ
Azure Ray ဟာ points (0) ကိုရောက်ရှိသွားခြင်းဖြစ်ပါတယ်။

Azure Ray ရဲ့ points တွေဟာ Player တွေပြောင်းရွေ့သွားတဲ့ Xtreme Gaming ဆီသို့ရောက်ရှိသွားပြီဖြစ်ပြီး Xtreme Gaming ဟာဆိုရင်ယခုမှာတော့ ဇယားရဲ့ Top (3) မှာရှိနေပါတယ်။

ထို့ကြောင့် Xtreme Gaming ဟာ BetBoom Team, Gladiators, Team Liquid တို့နဲ့အတူ
DreamLeague Season 22 ကို direct invite ရရှိသွားပြီဘဲ
ဖြစ်ပါတယ်။

Esports နဲ့ပတ်သတ်တဲ့
အကြောင်းအရာတွေကို တစ်နေရာထဲမှာ ကြည့်ချင်ရင်တော့
ကျွန်တော်တို့pageလေးကို Follow လုပ်ထားလိုက်တော့နော်….

More than story

16/03/2025

18/01/2025

31/05/2024

16/05/2024

15/05/2024

03/04/2024

29/02/2024

09/02/2024

29/01/2024

22/01/2024

31/12/2023

Address

Opening Hours

Telephone

Website

Alerts

Contact The Establishment

Shortcuts

Share

Category

Monday	09:00 - 22:00
Tuesday	09:00 - 22:00
Wednesday	09:00 - 22:00
Thursday	09:00 - 22:00
Friday	09:00 - 22:00
Saturday	09:00 - 22:00
Sunday	09:00 - 22:00