03/04/2026
ဟိုတစ်ရက်က ကျနော်မြေနီးကုန်းဘက်ရောက်ဖြစ်တယ်။ STREET FASHION( SPIRITS နားကဆိုင်) ဘေးမှာ ဓားပန်းချီလေးတွေရောင်းနေတဲ့ ဦးလေးကြီးတစ်ယောက်ကိုတွေ့တယ်။ညနေ ၅ နာရီစွန်းစွန်းလောက်တော့ရှိပြီ။
ပထမကတော့ ကျနော်လဲ ဖြတ်လျှောက်လူတစ်ယောက်သာသာပါပဲ...တစ်ပုံလောက်ဝယ်မယ်စဥ်းစားမိပေမယ့် ညနေရောက်နေပြီဆိုတော့ သွားစရာရှိတဲ့နေရာကို အမြန်လိုနေတာလည်းပါတော့...လမ်းလျှောက်ရင်းပဲ ဖြတ်ခနဲကြည့်ခဲ့ရ။
ခပ်လှမ်းလှမ်းလောက်ရောက်တော့ ကျနော်တစ်ချက်လှည့်ကြည့်ဖြစ်သေးတယ်...ကျနော်ကြည့်တဲ့အချိန်မှာတော့ အဲ့အရှေ့ကသွားတဲ့သူတွေက ကျနော့်လိုဖြတ်လျောက်တွေများတယ်..တစ်ချို့လူတွေကတော့ အဲ့ဦးလေးကြီးထိုင်ရောင်းနေတာ သတိတောင်မထားမိကြ..တစ်ချို့ကျတော့လည်း ကြည့်တော့ကြည့်ကြတယ်လမ်းသွားနေရင်း အလွန်ဆုံး ၃ စက္ကန့်လောက်ပေါ့။
ညနေ ၆နာရီခွဲလောက်ရောက်တော့ ကျနော်အဲ့နားကိုပဲ ပြန်ရောက်ဖြစ်တယ်..ဓားပန်းချီတွေရောင်းနေတဲ့ အဲ့ဒီ ဦးလေးကြီးကိုလှမ်းတွေ့ပြန်တယ်..၅ နာရီဝန်းကျင်က ကျနော်တွေ့ခဲ့တဲ့အတိုင်း သူ့ပန်းချီကားတွေဘေးမှာထိုင်နေဆဲပါပဲ..တခြားသူတွေလည်း ဆက်ပြီးတော့ ဖြတ်လျှောက်နေဆဲ။ကျနော်ပဲ သတိမထားမိတာပဲလားတော့မသိ..သူ့ချထားတဲ့ ပန်းချီကားတွေလည်း ခုနကကျနော်မြင်ခဲ့အတိုင်းပါပဲ..ပုံအသစ်တွေလည်းမတွေ့မိသလို..အရင်ပုံတွေလည်း အရင်နေရာမှာပါပဲ။
အဲ့အရှေ့ကိုကျနော်ရောက်တော့ သူခင်းပြီးရောင်းနေတဲ့ ပန်းချီကားတွေအရှေ့မှာကျနော် ရပ်လိုက်တယ်..ချက်ချင်းပါပဲ အဲဒီဦးလေးကြီးစကားစပြောတယ်(တစ်ပုံ ၅,၀၀၀ ကျပ်) ပါတဲ့။
ကျနော်လည်းဘာပုံတွေယူရမလဲရွေးနေတုန်း..သူ့ပန်းချီကားတွေထဲမှာ တစ်စုံတစ်ခုကိုသတိထားမိတယ်..ပုံတွေကအရမ်းကြီးခမ်းနားမနေဘူး..စျေးကြီးဘောင်ကြီးတွေလည်းမတပ်ထားဘူး..အကြောင်းအရာကြီး''မား''တှေလညျးဟုတျမနဘေူး...ဒါမေပဲ့ ကျနော်ကြိုက်တယ်.. ဒါနဲ့ပဲ( ခင်းထားတဲ့ပုံတွေထဲက ဒီစေတီပါတဲ့ ပုံလေး ကျနော့်ကို ရေးပြပါလားဦးလေး ) လို့ ကျနော်ပြောမိတယ်..သူကလည်းချက်ချင်းပဲ (ဟုတ်ကဲ့) ဆိုပြီး ဘေးကလက်ဆွဲအိပ်လေးထဲကနေ ပစ္စည်းတွေစထုတ်..ပြင်ဆင်ပြီး..သေချာရေးပြပါတော့တယ်။
သူပုံရေးပြနေရင်းတောက်ရှောက် ကျနော်လည်းဘေးကနေ သိချင်တာ၊စိတ်ဝင်စားတာလေးတွေထိုင်ပြီးမေးဖြစ်တယ်..ဦးလေးကြီးကလည်းစိတ်ရှည်လက်ရှည်နဲ့ကို သေချာဖြေပေးတယ်..(အသေးစိတ်ကို ပုံလေးတွေအောက်မှာထည့်ပေးထားပါတယ်)ဦးလေးကြီးပုံစရေးနေပြီး ခနလောက်ကြာတော့မှ..လမ်းကတချို့လူတွေလည်း ခနလာထိုင်ပြီးကြည့်ကြတယ်။
ဝါသနာနဲ့ ဝမ်းစာဆိုတာကလည်းထပ်တူကျဖို့မလွယ်ပါဘူး..သေချာတာတစ်ခုကတော့ ဝါသနာကိုလက်မလျော့ပဲ ရူးသွပ်နေခြင်းကိုတော့ တကယ်လေးစားမိတယ်..( ဒီဦးလေးကြီးရဲ့ ဓားပန်းချီနဲ့ပတ်သက်ပြီး တစ်ချို့ကို ပုံတွေအောက်မှာရေးထားပါတယ် )
အခုဒီ post ကလည်းဘာမှထွေထွေထူးထူး ကြီးကျယ်ခမ်းနားမနေပါဘူး... Psa's Diary ဆိုတဲ့အတိုင်း ကျနော်မြင်မိခဲ့ ဖြတ်သန်းခဲ့တဲ့ moment တစ်ခုကို Diary တစ်ခုအနေနဲ့ချမှတ်မိရုံသာ..
#ဓားပန်းချီ
