02/02/2021
အိန္ဒိယအစိုးရ၏ တောင်းဆိုမှုအရ ဆန္ဒပြလယ်သမားများ၏ အကောင့်ကို တွစ်တာပိတ်ခဲ့
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
တနင်္လာနေ့တွင် တွစ်တာသည် ဟိန္ဒူအမျိုးသားရေး အစိုးရ၏ တောင်းဆိုချက်အရ ထင်ရှားသော သတင်း မဂ္ဂဇင်းများနှင့် မြို့တော်တွင် လူထုဆန္ဒပြပွဲများ ပြုလုပ်နေသော လယ်သမားများ အပါအဝင် အိန္ဒိယမှ တွစ်တာ အကောင့်များစွာကို ယာယီပိတ်ဆို့ခဲ့သည်။
သတင်းအချက်အလက် နည်းပညာဝန်ကြီးဌာန၏ သတင်းရင်းမြစ်တစ်ခုက အစိုးရသည် လူမှုရေးမီဒီယာ ကုမ္ပဏီကြီးအား တွစ်တာအကောင့် ၂၅၀ ခန့်နှင့် အများပြည်သူ ဆိုင်ရာ စည်းမျဉ်းများကို အကြီးအကျယ် ခြိမ်းခြောက်နေသော တွစ်တာများကို ပိတ်ပစ်ရန် ညွှန်ကြားခဲ့သည်ဟု အေအက်ဖ်ပီ သတင်းဌာနသို့ ပြောကြားခဲ့သည်။
တနင်္လာနေ့ မွန်းလွဲပိုင်းတွင် အကောင့်များကို ပိတ်ထားသော်လည်း နာရီအကြာတွင် အချို့ကို ပြန်လည် အသုံးပြုနိုင်ခဲ့သည်။
နိုဝင်ဘာလ ၂၆ ရက် ကတည်းက သောင်းနှင့်ချီသော လယ်သမား ထောင်ပေါင်းများစွာသည် နယူးဒေလီ ဆင်ခြေဖုံးအရပ်ရှိ စခန်းများတွင် အိန္ဒိယ၏ လယ်ယာ စိုက်ပျိုးရေးကဏ္ဍ၏ ထိန်းချုပ်မှုများ လျှော့ချဆန့်ကျင်ရန် အတွက် ဆန္ဒပြခဲ့ကြသည်။
ပြီးခဲ့သည့်အပတ်က တစ်ခုသော ဆန္ဒပြပွဲသည် လူသေကြေသည့်အထိ ဖြစ်ခဲ့သည်။ ထိုအချိန်မှစ၍ ရဲများသည် လယ်သမားများစွာနှင့် Caravan မဂ္ဂဇင်းတွင် ရေးသားနေသည့် သတင်းစာဆရာ တစ်ဦးကို ဖမ်းဆီးခဲ့သည်။
အိန္ဒိယတွင် တွစ်တာ အကောင့်ပိတ်ဆို့ခံထားရသူများထဲတွင် မဂ္ဂဇင်းများ၊ လယ်သမားအရေး တက်ကြွ လှုပ်ရှားသူများနှင့် သမဂ္ဂများ၊ အတိုက်အခံ ခေါင်းဆောင်များ၊ သရုပ်ဆောင်တစ် ဦး နှင့် စီးပွားရေးပညာရှင်တို့လည်း ပါဝင်သည်။
တွစ်တာပြောရေးဆိုခွင့်ရှိသူက“ စနစ်တကျ သတ်မှတ်ထားသော တောင်းဆိုမှု တစ်ခု ပြုလုပ်ပါက နိုင်ငံတစ်နိုင်ငံရှိ အကောင့်ချို့ကို အချိန်နှင့်အမျှ ဝင်ရောက်ခွင့်ကို မပေးဘဲထားရန် လိုအပ်သည်” ဟုပြောကြားခဲ့သည်။
Caravan ၏အယ်ဒီတာ Vinod K Jose က သူတို့၏ အကောင့်များကို ပိတ်ဆို့ခြင်းသည် အာဏာပိုင်များက သူတို့၏ အစီရင်ခံမှုအပေါ် အပေါ်ဆန့်ကျင်သော“ နောက်ဆုံးအကြိမ် တိုက်ခိုက်မှု” ဖြစ်သည်ဟု ပြောကြားခဲ့သည်။
နိုင်ငံတကာ မီဒီယာ စောင့်ကြည့်ရေးအဖွဲ့ (နယ်စည်းမခြားသတင်းထောက်များအဖွဲ့) က ဒီဆိုင်းငံ့ထားမှုကို“ ထိတ်လန့် တုန်လှုပ်ဖွယ် ဆင်ဆာဖြတ်မှု” ဟုခေါ်တွင်သည်။
ပြီးခဲ့သည့် အင်္ဂါနေ့က ဖြစ်ပွားခဲ့သော အကြမ်းဖက်မှုများအပြီးတွင် ဂျာနယ်လစ်များနှင့် အတိုက်အခံနိုင်ငံရေး သမားတစ် ဦး တို့အား ၎င်းတို့၏သတင်းပို့မှုနှင့် ဆန္ဒပြမှုအပေါ် တွစ်တာမှတစ်ဆင့် ပုန်ကန်ရန်လှုံ့ဆော်သည်ဟုစွ ပ်စွဲကာ အနည်းဆုံးရာဇဝတ်မှု ၅ မှုကို မှတ်ပုံတင်ထားသည်။
အိန္ဒိယသည် လယ်သမားများ၏ဆန္ဒပြနေရာများတွင် သတင်းအချက် အလက်မျှဝေခြင်းကို ကန့်သတ်ရန် မကြာခဏ အသုံးပြုသည်။
ကျော်မွန်ဦး
၀၂.၀၂.၂၀၂၁
Ref: AFP
