လွင့်မျောနေသောကဗျာများ

20/03/2026

နွေရောက်ရင်လည်း..
ပိတောက်တွေဝေဆာအုံးမှာပဲ..

မြောက်ပြန်လေကိုလည်း..
တိုင်တည်စရာလိုမယ်မထင်..

တစ်ကိုယ်ရည်စာ အိပ်ခဲ့ရတဲ့သင်းကွဲညမှာ..
ဆောင်းရနံ့ကိုလွမ်းတဲ့စိတ်တွေ..
ပြန်ပွင့်စေလိမ့်မယ်..။

#နှင်းသစ္စာစီးရီးမှ
(မင်းခမ်းနား-မိုးညှင်း)
@အမာခံပရိသတ်များ
လွင့်မျောနေသောကဗျာများ

02/03/2026

ကဗျာဆရာ
--------------------------------------------------------
မိုးကျော်ဌေး

နွားတစ်ကောင်ရဲ့ မီးခံသေတ္တာထဲမှာ
သူ့သခင်ရဲ့ ကြိမ်လုံးတစ်လုံးရှိတယ်

သတိရတိုင်းထုတ်ထုတ်ကြည့်ပြီး
ထုတ်ထုတ်ကြည့်မိတဲ့အခါတိုင်းလဲ
သူ့ကိုယ်သူ ဆဲဆိုရိုက်နှက်နေတတ်တယ်

သူ့အသားကို စားခွင့်မရလိုက်ရှာတဲ့ သခင့်အတွက်
သူအလွန် ကြေကွဲနေတဲ့ပုံ
--------------------------------
(၂၈ ၊ သြဂုတ် ၊ ၂၀၂၀)

#မိုးကျော်ဌေး
#စာစု #ဂန္ဓမာ
လွင့်မျောနေသောကဗျာများ
@အမာခံပရိသတ်များ

26/02/2026

"ပြည့်တန်ဆာ( ၄ )"

ပန်းတစ်ပွင့်ကြွေကျတိုင်းကြွေကျတိုင်းသာ
တစ်မိနစ်လောက်ငြိမ်သက်ပေးကြစတမ်းဆို
ကမ္ဘာကြီးလည်းအမြဲတမ်းတိတ်ဆိတ်နေတော့မှာပေါ့ရှင်ရယ်။
ဒါနဲ့စကားမစပ်မေးပါဦးမယ်။
ကျွန်မကြွေကျတုန်းကရော
ဝမ်းနည်းပက်လက်ဆိုပြီး
အလံတိုင်တစ်ဝက်ရှင်လွှင့်ထူဖြစ်ပါရဲ့လား။

မီးသတ်ပိုက်ထဲထည့်ပက်တဲ့
အပြာရောင်ဓာတုဆေးရည်ကို
ထီးတစ်လက်တည်းနဲ့ဘယ်သူမှမကာကွယ်နိုင်ဘူးဆိုတာ
ရှင်လည်းသိမှာပါ။
ခြစ်ရာတစ်ခုတည်းနဲ့ညစ်ပတ်သွားပြီးတဲ့နောက်
ကိုယ့်ဘာသာအရွဲ့တိုက်ပြီး
တစ်အုပ်လုံးဆွဲဖြဲလိုက်တာ။
ရှင်တို့ဝတ္တုတွေထဲပြောပြောနေတဲ့
ဘဝဆိုတာစာအုပ်တစ်အုပ်ဆိုလားဘာဆိုလား ။

တောင်စွယ်နေကွယ်တဲ့အကြောင်းတွေ
ကဗျာစပ်ဦးမလို့လား။
မှောင်နေတာကြာလို့လင်းရမှာတောင်မေ့နေပါပြီရှင်။
ကဲပါ
ပေါ့ပေါ့ပါးပါး ရွာနောက်ဖေးဈေးဆိုင်တည်တာလေးပဲ
လမ်းလျှောက်ရင်းပြောရအောင်။
ဦးထုပ်ကိုခပ်ငိုက်ငိုက်ဆွဲချထားစမ်းပါ
ဒီဖက်ခေတ်သူရဲကောင်းကြီးရဲ့။

မှတ်ထား
နွေဦးအကြောင်းရေးတော့မယ်ဆို
ဥဩတစ်ကောင်တော့မဖြစ်မနေထည့်စမ်းပါရှင်။
ဒါမှ
တစ်ခုခုကိုသူလူးလာခေါက်ပြန်ရှာဖွေနေတယ်ဆိုတာ
မာတိကာကြည့်ရုံနဲ့တင်သိနိုင်မှာပေါ့။
အသံထွက်ချင်းမတူပေမယ့်
လောင်မြိုက်တာချင်းတော့တူမယ်။
ကြားလားဥဩကိုဘာသာပြန်ထားတဲ့ကျွန်မအသံ
"ဘဝ" "ဘဝ" တဲ့။

လူဆိုတာ
လှံလေးတစ်ချောင်းလက်ထဲရှိရင်
ဘယ်နေရာမြေကြီးနိမ့်ပါ့မလဲလိုက်ရှာနေသူတွေထဲ
ရှင်ကတော့ချွင်းချက်။
ဘယ်လိုဘယ်လို
"ပုခုံးစွန်းတစ်ခုမှမမှီခိုပဲတည့်မတ်နိုင်သောဦးခေါင်း"ဟုတ်လား
ဖာသည်ကဖာသည်ပါပဲရှင်။
သေးတစ်ကွက်တည်းနဲ့့ပတ်ကြားအက်ကိုထွန်ယက်လို့မရပါဘူး။
အပိုတွေ။

ရှင်ရွတ်ဖတ်သရဇ္ဈာယ်နေလည်း
ကျွန်မမှ မကျွတ်မလွတ်ချင်တာ။
လူဆိုတာကမ္ဘာကြီးကိုအလှဆင်ဖို့တာဝန်ရှိတယ်ရှင့်။
"လ"မဟုတ်ပေမယ့်
တစ်ဘဝလုံးဒီဝါးလုံးခေါင်းထဲပဲ
သာနေလိုက်တော့မယ်။
ကျွန်မလှသေးတယ်မဟုတ်လား။
ဟောသည့်မှာ
ဒီဖက်ရင်သားကရောင်းဝယ်ဖို့
ဟောဒီဖက်ရင်သားကဖောက်ကားဖို့။

ကိုယ့်ဘဝနဲ့ကိုယ့်အကြောင်းပါပဲ။
သနားစရာမလိုပါဘူးရှင်။
စိတ်မကောင်းလည်းဖြစ်မနေနဲ့။
ဒီအသက်ဒီအရွယ်ရောက်ပြီ။
သူများမျက်လုံးနဲ့ကျွန်မတစ်ခါမှမငိုဖူးဘူး။
ရှင်ဖတ်ချင်တယ်ဆိုလို့့သာပေးဖတ်လိုက်တာ။
အဲဒါအကုန်ပဲ။
နောက်မှတွေ့မယ် ဆီးယူ ဘိုင့်ဘိုင်။

#ရှင်ရဲထွဋ်

လွင့်မျောနေသောကဗျာများ
@အမာခံပရိသတ်များ

24/02/2026

#သူစိမ်း ၁

ငါအိမ်ပြန်လာတော့
ငါမရှိတုန်း မွေးထားတဲ့ခွေးက
ငါ့ကို ဟောင်တယ်

ငါ့အိမ်သုံးရုပ်ပစ္စည်းတွေ
ငါ့ကို စိမ်းလို့
ငါသိမ်းခဲ့တဲ့ စာအုပ်တွေလည်း
မရှိတော့ဘူး

အဖေ့ကို ငါစစ်ဖြစ်ခဲ့တာက
ပြီးခဲ့တဲ့ ၇ နှစ်
ငါ့စိတ်တွေ ပေတေလေလွင့်
ဒုက္ခတွေ တသွင်သွင်ပွင့်တယ်

ငါ့ရင် ငါဖွင့်ကြည့်တော့လည်း
နှလုံး ခုန်တစ်ချက် မခုန်တစ်ချက်
အသက်ရှူတစ်ချက် မရှူတစ်ချက်

ငါအိမ်ပြန်ခဲ့တယ်
ငါ့အသက်ကို ငါမမီတော့ဘူး။ ။

#စိုင်းဝင်းမြင့် ၁၉၉၉

( သူစိမ်း ၂၀၀၂ ၊ ကဗျာပေါင်းချုပ် ၂၀၁၅ မှ )

လွင့်မျောနေသောကဗျာများ
@အမာခံပရိသတ်များ

20/02/2026

" မြို့ကြီးပြကြီး (၂) "

ဝင်းမြင့်ရေ..
လူ့ဘဝကလည်း
ဘတ်စ်ကားစီးရသလိုပါပဲလားကွာ
ကျောချင်းလည်းကပ်လိုက်ရတာပဲ
ရင်ချင်းလည်းအပ်လိုက်ရတာပဲ
တစ်ယောက်ရှူထုတ်လိုက်တဲ့လေ
တစ်ယောက်ရှူသွင်းလိုက်ရတာပဲ
အသက်ကိုလုရှင်ကြရတယ် ။

ပိတ်ထားတဲ့တံခါးဖွင့်မရဘူး
ဖွင့်ထားတဲ့တံခါးပိတ်မရဘူး
ဒီအချိန်မှာ ဒီကြော်ငြာကို ချန်နယ်ချိန်းလို့မရဘူး
ချထားတဲ့ခြေ ရွှေ့ဖို့ခက်တယ်

ငါတို့ဖိနပ်က အပြတ်မြန်တယ်
ငါတို့အင်္ကျီက ချွေးစားတယ်
ငါတို့အရေပြားက နေလောင်တယ်
ငါတို့ဘဝက မီးတောက်တယ်
ငါတို့ခရီးကလည်း ကရွတ်ကင်းလျှောက်ပဲ

မင်းကိုငါပြောတဲ့အထဲ
သက်သာဖွယ်ရာ တစ်ခုမှမပါတာလည်း
အစ တစ်စပဲ

ရေကြည်ရာ မြက်နုရာရှာရင်း
တို့တွေ တောနက်ခဲ့ကြတယ်
သဘာဝဘေးအန္တရာယ်နဲ့
ပကာသနဘေးအန္တရာယ်ကြား
ဗျာများခဲ့ရတယ်

ဟေ့.. ဝင်းမြင့်
မင်းခေါင်းပေါ် သစ်ကိုင်းကျိုးကျလာပြီ
ဆောရီးကွာ..
ငါလည်း မြောင်းပေါက်ထဲ ကျွံကျနေပြီ

ကိုရွေး

( အင်တာနေရှင်နယ် မဂ္ဂဇင်း – ဇူလိုင် ၊ ၂၀၀၉ )

လွင့်မျောနေသောကဗျာများ
@အမာခံပရိသတ်များ

20/02/2026

ဆောင်းကုန်မယ့် ညမို့ မချမ်းတော့ဘူး ဆိုပေမဲ့
လေတစ်ချက်အဝေ့ လွင့်ခနဲ အေး

ပေါင်းမဆုံတဲ့ ဘဝမို့ မလွမ်းတော့ဘူး ဆိုပေမဲ့
ကြွေတစ်သက်မမေ့ နင့်ခနဲ ဆွေး

ဘဒ္ဒကမ္ဘာမှာ
အသက်တမျှပါဆိုတဲ့ကောင်တွေ
ပိုနာကျင်ရတာပဲ ။ ။

ဆန်းကျော်စွာဝင်း

#ဆန်းကျော်စွာဝင်း

#စာစု #စွန်းညိုသွေး
လွင့်မျောနေသောကဗျာများ
@အမာခံပရိသတ်များ

17/02/2026

ငရဲချင်းအတူတူ
"ဘယ်အထပ်ကပိုပူသလဲ"

မေးသလို
တစ်ယောက်နဲ့တစ်ယောက်
"အဆင်ပြေလား"လို့ မေးကြတယ်။

ပြာဟာ
ခန္ဓာကိုယ်ကလည်းထွက်တာပဲ။

ဆွေးစရာကတော့
အရိုးပဲရှိမယ်။

▪️ကြည်ဇော်အေး

@အမာခံပရိသတ်များ
လွင့်မျောနေသောကဗျာများ

17/02/2026

နွေဦး စတော့မယ်တဲ့
ဒါဆို သေချာပါတယ် ။

ဆရာသန်းတင့် စကားနဲ့ဆို
ဒီရာသီရောက်ရင်
ဒီပန်းတွေ ပြန်ပွင့်ဦးမှာပဲ ။

ပြီးတော့ ကျွန်တော်တို့ပြန်ဆုံမှာ
မဟုတ်တော့ဘူး ဆိုတာရယ် ။

▪️ရိပ်ငြိမ်

လွင့်မျောနေသောကဗျာများ
@အမာခံပရိသတ်များ
Aung Myo Htut Htut

16/02/2026

15/02/2026

ဆရာဝင်းမြင့် အခုည နေ
ပုသိမ်နေအိမ်တွင် ဦးနှောက်သွေးကြောပြတ်ကွယ်လွန်
ကဗျာတွေ နဲ့အတူ ငြိမ်းချမ်းပါစေ

@အမာခံပရိသတ်များ
လွင့်မျောနေသောကဗျာများ
Aung Myo Htut Htut

15/02/2026

"ပုံပြောကောင်းတဲ့မိန်းကလေးသို့"

ချိတ်တွယ်ထားမိချိန်..
ပျော်စရာပန်းတွေ
ဝေဝေဆာဆာပွင့်မှာပဲလို့ ကျွန်တော် ထင်ဖူးခဲ့..။

တစ်စက္ကန့်စာ သက်ပြင်းချချိန်လေးကိုတောင်..
ဘဝမှာ အနိုင်မယူရက်ဘူး..။

အငွေ့ပျံထွက်မတတ်..
အပြာရောင်မျက်စောင်းအောက်က..
ရာဇဝတ်သား​လိုပဲ..။

တစ်ယောက်ထဲ ပြေးနေရတဲ့ပြိုင်ပွဲကိုလည်း..
အမြဲ ရှုံးနိမ့်ခဲ့ရသူလေ..။

စိတ်ကူးစိတ်သန်း အိပ်မက်​တွေ​ထဲ..
ယုံတမ်းစကားတွေနဲ့ပျော်ဝင်မိတဲ့​အခါ..
"သူမရှိရင် မနေတတ်ဘူး"လို့..
ဟစ်အော်ဖူးတဲ့​ကျွန်တော်..။

တခါတရံ..နာကျင်ရတာကလွဲလို့..
တိုက်ဆိုင်တတ်တဲ့မြင်ကွင်းကို တွေ့ရင်..
အခုတော့..
အရာရာဟာ နေသားကျခဲ့ပါပြီ မနွယ်နီ..။

သြော်..
အရာရာဟာ နေသားကျခဲ့ပါပြီးမနွယ်နီရေ..။

#မင်းခမ်းနား(မိုးညှင်း)
#ပုံပြောကောင်းတဲ့မိန်းကလေးသို့
လွင့်မျောနေသောကဗျာများ
@အမာခံပရိသတ်များ

15/02/2026

"မီးခိုးတစ်ဖက်နဲ့စာမျက်နှာ"

______________________မင်းခမ်းနား(မိုးညှင်း)

အညိုရောင် ရွာကြီးအပေါ်..

စစ်ပွဲများ အုပ်မိုးလာတဲ့အခါ..

အနီရောင်တောက်နေသော မီးခိုးတွေ..

ဖြာ​ထွက်လာ​တယ်..။

တချို့က..

အလေနတော..

ရွက်​လွင့်​နေတဲ့ သက်တံ့လို..။

တချို့ကျ..

စိတ်လိုလက်ရ..

ပစ်ခွင်းမိသော မြားတစ်စင်းလို..။

စွန့်လွှတ်လိုက်​ရမယ့် အခိုက်အတန့်ကိုတော့...

သံသယကင်းကင်း..

ငါ ပျံသန်းချင်တယ်..။

နေမကွယ် ဝင်ရိုးစွန်း​မှ..

လှမ်းကြည့်မိတော့..

ကြယ်တွေမှာ မျက်ရည်စတွေနဲ့..။

တစ်ဖက်​က ပြိုတဲ့ကမ်း..

တစ်ဖက်​ထံ သောင်ထွန်း​စ​မြဲတဲ့..။

တိတ်တဆိတ်..

ကြေကွဲနေတဲ့ ရယ်​သံ​တွေဟာ..

ခြောက်သွေ့စွာ..။

ကျိန်စာတွေနဲ့ မရှင်သန်ချင်ဘူး..

ဖြောင့်ချက်မရတဲ့ အနာဂတ်စာမျက်နှာထဲ..

ကိုယ့်ကိုယ်ကို ပြန်ရှာမတွေ့မှာ..

ငါ အကြောက်ဆုံးပဲ..။

#မင်းခမ်းနား(မိုးညှင်း)
လွင့်မျောနေသောကဗျာများ
@အမာခံပရိသတ်များ
Aung Myo Htut Htut