ALL is WELL

22/04/2026

ချမ်းသာဖို့ထက်
လက်ရှိနေထိုင်ရှင်သန် နေကြရတဲ့ အခြေအနေကနေ
ကျ ‘ မသွားအောင် ထိမ်းထား တောင့်ခံ ထားနိုင်ဖို့
ကြိုးစားကြရမယ်။
-
ချမ်းသာဖို့ မမျှော်လင့်နဲ့
အရမ်းခက်ခဲ သွားပြီ။
-
လက်ရှိအခြေအနေကို
တောင့်ခံ ထားနိုင်အောင် ဘယ်လိုကြိုးစားကြမလဲတွေး။
-
ဘယ်နှစ် နှစ်တောင့်ခံနိုင်မလဲ ကြိုးစား။
-
ဖြစ်ပျက်နေ တဲ့ ကုန်ဈေးနှုန်းဟာ တက်ပြီး ပြန်မကျဘူး ထပ်တက်ဖို့ပဲ ရှိတယ် ။
-
ငွေ ဝင်တဲ့လမ်း က အပေါက် ကျဉ်းသလောက်
အထွက်ပေါက် အရမ်းကျယ်တဲ့ ခုလိုကာလ မှာ
အားလုံး ဟာ ပို ပိုပြီး ခက်ခဲလာကြတာ တွေ့ရတယ်။
-
ကိုယ် ချမ်းသာဖို့ ကြိုးစားရင်းနဲ့
စိတ်ဆင်းရဲ လူဆင်း ရဲ နေကြရတဲ့ ဘဝတွေဟာ
နောက်ဆုံးတော့ ရောဂါ ရပြီး လုံးပါး ပါးကုန်ကြရတယ်။
-
အကြွေးထူ လူ ပမ်းပြီး စရိတ်စက များလွန်းတဲ့
အခြေအနေကို အားလုံး လက်ပစ်ကူး နေကြရတယ်။
-
ဒါကြောင့်
အနေ အထိုင် အစားအသောက်
ဆင်ခြင် ကြပါ ။
မလိုအပ်တာ မဝယ်မိစေနဲ့။
-
ချမ်းသာ ဖို့ထက် ကျန်းမာဖို့ အရေးကြီးတယ်
ကျန်းမာအောင် နေကြ။ ချမ်းသာအောင်လုပ်ကြရတဲ့
သူအချို့မှာ ကျန်းမာအောင်နေဖို့ မေ့နေကြတယ်။
-
သေ ဘေး ကြုံခဲ့ကြပြီးပြီ။
ပထမ ၁ ခါ ကိုဗစ် ၊
ဒုတိယ ၁ ခါ ငလျင်- နှစ်ခု စလုံး ကံကောင်းလွန်းလို့
မသေခဲ့ကြဘဲ လွတ်လာကြတယ်။
-
တတ်နိုင်သလောက် ကောင်းမှု ကုသိုလ်လုပ်ကြ
စိတ်ကောင်းထား။ လောဘ မကြီးနဲ့။
အကြွေးကင်းအောင် နေ။
-
ကျန်းမာပြီး အကြွေး ကင်းနေသေးတယ် ဆိုရင်
သင် ချမ်းသာ ပါတယ် မိတ်ဆွေ။
-
MKK Business Group….

17/04/2026

Happy Mother’s Day to all

12/04/2026

03/04/2026

💎 “မိုးကုတ်ပတ္တမြားဆိုတာ ခဏတာဝတ်ဖို့ မဟုတ်ဘဲ... အချိန်တန်ရင် သင့်ကို ပြန်ပြီး လုပ်ကျွေးမယ့် 'ခိုင်မာတဲ့ ပိုင်ဆိုင်မှု' တစ်ခုပါ”

​လူအများစုက ရတနာဝယ်တယ်ဆိုတာ လှပဖို့အတွက်လို့ပဲ ထင်ကြပါတယ်။ ဒါပေမဲ့ "မြန်မာ့မိုးကုတ်ပတ္တမြား" ရဲ့ တကယ့်တန်ဖိုးကတော့ အချိန်ကြာလာလေလေ၊ ပိုမိုတန်ဖိုးတက်လာပြီး သင့်ရဲ့ စည်းစိမ်ဥစ္စာကို အကာအကွယ်ပေးနိုင်တဲ့ "ပိုင်ဆိုင်မှု (Asset)" တစ်ခု ဖြစ်နေတာပါပဲဗျ။

​ဘာကြောင့် မိုးကုတ်ပတ္တမြားကို ရင်းနှီးမြှုပ်နှံသင့်တာလဲ? (၃) ချက်နဲ့ ရှင်းပြပေးချင်ပါတယ် -

​၁။ ရှားပါးမှုကြောင့် တန်ဖိုးအဆမတန် တက်ခြင်း (Rarity) 📈
​ကမ္ဘာပေါ်မှာ ပတ္တမြားထွက်တဲ့နေရာတွေ ရှိပေမဲ့ မိုးကုတ်မြေကထွက်တဲ့ အရည်အသွေးမျိုးကတော့ အလွန်ရှားပါးသွားပါပြီ။ ထွက်ရှိမှု နည်းပါးလာလေလေ၊ ဝယ်လိုအား (Demand) မြင့်တက်လာလေလေ ဖြစ်တာကြောင့် လွန်ခဲ့တဲ့ ၁၀ နှစ်က ဈေးနှုန်းနဲ့ ဒီနေ့ဈေးနှုန်းဟာ ကောင်းကင်နဲ့ မြေကြီးလို ကွာခြားသွားတာ အားလုံးအသိပဲ ဖြစ်ပါတယ်ဗျ။

​၂။ ငွေကြေးဖောင်းပွမှုကို အကောင်းဆုံး အကာအကွယ်ပေးခြင်း 🛡️
​ငွေတန်ဖိုးတွေ ဘယ်လောက်ပဲ ကျဆင်းပါစေ၊ ကမ္ဘာ့ဈေးကွက်မှာ ခိုင်ခိုင်မာမာ နေရာယူထားတဲ့ မိုးကုတ်ပတ္တမြားကတော့ သူ့ရဲ့တန်ဖိုးကို အမြဲထိန်းထားနိုင်ပါတယ်။ ဒါကြောင့် ချွေးနည်းစာ စုဆောင်းထားတဲ့ ငွေကြေးတွေကို အချိန်ကြာလာရင် တန်ဖိုးတက်လာမယ့် ပတ္တမြားအဖြစ် ပြောင်းလဲပိုင်ဆိုင်ထားတာဟာ အကောင်းဆုံး ရွေးချယ်မှုပါပဲဗျ။

​၃။ လက်ဆင့်ကမ်း အမွေအနှစ် (Generational Wealth) 🎁
​ပတ္တမြားဟာ ပျက်စီးသွားတာမျိုး မရှိဘဲ သားစဉ်မြေးဆက် လက်ဆင့်ကမ်းနိုင်တဲ့ အမွေအနှစ်တစ်ခုပါ။ မိမိဝတ်ဆင်စဉ်မှာ ဂုဏ်ဒြပ်ကို မြှင့်တင်ပေးရုံတင်မကဘဲ၊ နောင်တစ်ချိန်မှာ သားသမီးတွေအတွက် ခိုင်မာတဲ့ အရင်းအနှီးတစ်ခုအဖြစ် "ပြန်လည်လုပ်ကျွေးမယ့်" ရတနာစစ်စစ် ဖြစ်ပါတယ်ဗျ။

"ခိုင်မာတဲ့ ပိုင်ဆိုင်မှု" ဖြစ်ဖို့ဆိုရင်တော့ သဘာဝအတိုင်း (Unheated) ကျောက်ဖြစ်ဖို့နဲ့ ခိုင်မာတဲ့ Certificate ရှိဖို့က အလွန်အရေးကြီးပါတယ်ဗျ။ ဒီလိုကျောက်မျိုးကိုမှ ရွေးချယ်ဝယ်ယူထားမယ်ဆိုရင်တော့ သင့်ရဲ့ ရင်းနှီးမြှုပ်နှံမှုဟာ ဘယ်တော့မှ အရှုံးမရှိနိုင်ပါဘူးဗျာ။

​မိတ်ဆွေတို့ကော... ရတနာဝယ်တဲ့အခါ "အလှအပ" အတွက်လား? ဒါမှမဟုတ် "ရင်းနှီးမြှုပ်နှံမှု" အတွက်လား? Comment မှာ ဝင်ရောက်ဆွေးနွေးပေးခဲ့ပါဦး! 👇📢
​ #မိုးကုတ်ပတ္တမြား #ရင်းနှီးမြှုပ်နှံမှု. Copy paste credit

03/04/2026

ကျောက်မျက်လောကမှာ "နေဝင်ဆည်းဆာရဲ့ အရောင်" လို့ တင်စားခေါ်ဝေါ်ကြတဲ့ အလွန်ထူးခြားပြီး ရှားပါးလွန်းတဲ့ ရတနာတစ်မျိုးရှိပါတယ်။ အဲ့တာကတော့ Padparadscha Sapphire ပဲဖြစ်ပါတယ်။

ထူးခြားဆန်းပြားတဲ့နာမည်နဲ့ အဓိပ္ပာယ် ✨
"Padparadscha" ဆိုတဲ့ အမည်ဟာ သီရိလင်္ကာဘာသာစကား "Padma Radsch" ကနေ ဆင်းသက်လာတာဖြစ်ပြီး "ကြာပန်းရောင်" လို့ အဓိပ္ပာယ်ရပါတယ်။ ကြာပန်းရဲ့ နူးညံ့တဲ့ ပန်းရောင်နဲ့ ကောင်းကင်ယံက နေဝင်ဆည်းဆာရဲ့ လိမ္မော်ရောင်တို့ ပေါင်းစပ်ထားတဲ့ အရောင်မျိုးပေါင်းစပ်ထားတဲ့ ဒီကျောက်မျက်ဟာ ကမ္ဘာ့အရှားပါးဆုံး Sapphire တစ်မျိုးဖြစ်ပါတယ်။

တမူထူးတဲ့ အရောင်အသွေးပေါင်းစပ်မှု 🎨
ဒီကျောက်မျက်ရဲ့ တန်ဖိုးအရှိဆုံး အချက်ကတော့ ပန်းရောင် နဲ့ လိမ္မော်ရောင် နှစ်မျိုးစလုံး ဟန်ချက်ညီညီ ရောယှက်နေခြင်း ဖြစ်ပါတယ်။
Pinkish Orange: လိမ္မော်ရောင်ထဲမှာ ပန်းရောင်သန်းနေခြင်း။
Orangey Pink: ပန်းရောင်ထဲမှာ လိမ္မော်ရောင်သန်းနေခြင်း။
ဒီအရောင်နှစ်မျိုးထဲက တစ်မျိုးမျိုး လွန်ကဲနေရင် ပုံမှန် Pink Sapphire ဒါမှမဟုတ် Orange Sapphire လို့သာ သတ်မှတ်ပြီး Padparadscha အဖြစ် မသတ်မှတ်ပါဘူး။

ကမ္ဘာပေါ်မှာ ဘယ်နေရာတွေမှာ တွေ့ရသလဲ? 🌍
မူလက သီရိလင်္ကာနိုင်ငံ (Sri Lanka) မှာသာ အဓိကထွက်ရှိပြီး အကောင်းဆုံး အရည်အသွေးလို့ သတ်မှတ်ကြပါတယ်။ နောက်ပိုင်းမှာတော့ ဗီယက်နမ် ၊ မာဒါဂတ်စကာနဲ့ တန်ဇန်းနီးယား နိုင်ငံအချို့မှာလည်း တွေ့ရှိရတတ်ပေမယ့် သီရိလင်္ကာထွက် Padparadscha ကတော့ ယနေ့တိုင် ဈေးကွက်မှာ ထိပ်ဆုံးက ရှိနေဆဲ ဖြစ်ပါတယ်။

ဘာကြောင့် ဒီလောက်တောင် ရှားပါးပြီး ဈေးကြီးရတာလဲ?
ရှားပါးမှု: သဘာဝအတိုင်း ဒီလိုအရောင်မျိုး ဖြစ်တည်ဖို့ ခဲယဉ်းလွန်းတာကြောင့် Blue Sapphire ထက်တောင် ပိုပြီး ရှားပါးတယ်လို့ ဆိုကြပါတယ်။
တန်ဖိုး: ၂၀၂၆ ခုနှစ်ရဲ့ ဈေးကွက်ပေါက်ဈေးအရ အရည်အသွေးကောင်းမွန်တဲ့ Padparadscha တစ်ပွင့်ဟာ တစ်ကာရက် (Carat) လျှင် အမေရိကန်ဒေါ်လာ သောင်းဂဏန်းအထိ ရှိနိုင်ပါတယ်။
ကျော်ကြားမှု: ဗြိတိန်တော်ဝင်မိသားစုဝင် Princess Eugenie ရဲ့ လက်ထပ်လက်စွပ်မှာ ဒီကျောက်မျက်ကို အသုံးပြုခဲ့ပြီးနောက်ပိုင်း ကမ္ဘာတစ်ဝန်းမှာ ပိုမိုရေပန်းစားလာခဲ့ပါတယ်။

ဒီလိုတမူထူးခြားတဲ့အလှနဲ့ ရှားပါးမှုကြောင့် Padparadscha Sapphire ဟာ ရတနာစုဆောင်းသူတွေအတွက် အိပ်မက် တစ်ခုလို ဖြစ်နေတဲ့ ရတနာတစ်ပါး ဖြစ်ပါတယ်။

#နီလာ
#ကျောက်မျက် #ရှားပါး

28/03/2026

ညက မျက်စိရှေ့ပေါ်လာတဲ့
ဆီဆိုင်တစ်ဆိုင်ထဲကို ဝင်သွားတယ်။
ဆိုင်ကတော့ ပိတ်ထားတဲ့ပုံလေး။
အထဲမှာ ကောင်လေး ၂ ယောက်တွေ့တယ်၊
စာရင်းလုပ်နေပုံပဲ။
မနီးမဝေးမှာ ဆံပင်ရှည်ရှည်
အသားညက်ညက် မိန်းကလေးငယ်
တစ်ယောက် ဖုန်းသုံးနေတယ်။

၃ ယောက်လုံး ကျွန်တော့်ကားကို
ပြူးကြည့်နေကြတယ်။
ညီလေး...ဆီရသေးလား
ခင်ဗျာ၊ ဆိုင်ပိတ်ပါပြီ ခင်ဗျ
ငါ ဆိုင်ပိတ်လား၊ ဖွင့်လား မမေးဘူး၊
ဆီရသေးလားလို့မေးတာ။

ကိုယ့်လေသံ မာသွားလို့ထင့်
မိန်းကလေးငယ်က ကားနားလာပြီးတော့
ဆီက မနက်ရောင်းဖို့ပဲ ရှိတယ်ရှင့်တဲ့။

မင်းငါ့ကို သိလား
ဟုတ် သိပါတယ် တစ်တော့က ဆရာပါ
အေး...ငါ့ဆီဖြည့်ပေး။
သူတို့ဟာသူတို့ တိုးတိုးပြောပြီး
ကျွန်တော့်ကားကို ဆီအပြည့်ဖြည့်ပေးလိုက်တယ်။

Kpay ရလား။
ဟုတ်။
နံပါတ်ပြော ဆိုပြီး ဖုန်းရှာတော့
ဟာကွာ... ဒီဖုန်းဘယ်ရောက်နေပါလိမ့်
ခဏကြာမှ alarm သံမြည်လာတယ်

တောက်...မနက် ၆ နာရီကထိုးပြီ
ထရတော့မယ်...ဟူး 😴

24/03/2026

💎 ကျောက်မျက်လက်မှတ်ပေါ်က 'Mogok, Myanmar' ဆိုတဲ့ စာသားဟာ သင့်ရင်းနှီးမြှုပ်နှံမှုအတွက် ဘယ်လောက်ထိ အာမခံချက်ရှိလဲ?

​ကျောက်မျက်ရတနာတစ်ခုကို ရင်းနှီးမြှုပ်နှံမှုအနေနဲ့ ဝယ်ယူတော့မယ်ဆိုရင် ပညာရှင်တွေ အမြဲတမ်း စစ်ဆေးလေ့ရှိတာက Lab Certificate (ဓာတ်ခွဲခန်းလက်မှတ်) ပဲ ဖြစ်ပါတယ်။ အဲဒီလက်မှတ်ပေါ်မှာပါတဲ့ အချက်အလက်တွေထဲမှာ 'Mogok, Myanmar' ဆိုတဲ့ စာသားဟာ ရိုးရိုးဒေသအမည်တစ်ခုထက်မကဘဲ သင့်ရဲ့ ပိုင်ဆိုင်မှုတန်ဖိုးကို အဆုံးအဖြတ်ပေးနိုင်တဲ့ "Brand Name" တစ်ခုဖြစ်နေလို့ပါပဲ။

​ဘာကြောင့် 'Mogok, Myanmar' ဆိုတဲ့ မျိုးရိုး (Origin) က ဒီလောက်ထိ အရေးပါတာလဲ?

​✨ ၁။ ကမ္ဘာကလက်ခံထားတဲ့ "Gold Standard" ဖြစ်ခြင်း
ကမ္ဘာ့ကျောက်မျက်စျေးကွက်မှာ ပတ္တမြား (Ruby) ဆိုရင် မိုးကုတ်ကထွက်တဲ့ ပတ္တမြားကို အကောင်းဆုံးနဲ့ စံနှုန်းအမြင့်ဆုံးအဖြစ် သတ်မှတ်ထားကြပါတယ်။ လက်မှတ်ပေါ်မှာ 'Mogok' လို့ ပါဝင်ခြင်းဟာ အဆိုပါကျောက်ရဲ့ အရည်အသွေးနဲ့ ရှားပါးမှုကို ကမ္ဘာတစ်ဝှမ်းက ရင်းနှီးမြှုပ်နှံသူတွေက မေးခွန်းထုတ်စရာမလိုဘဲ အသိအမှတ်ပြုထားပြီးသား ဖြစ်ပါတယ်။

​✨ ၂။ တန်ဖိုးကွာခြားမှု (The Premium Price)
တူညီတဲ့ အရွယ်အစား၊ တူညီတဲ့ အရောင်အသွေးရှိတဲ့ ပတ္တမြားနှစ်ပွင့်မှာ တစ်ပွင့်က 'Mogok' ဖြစ်ပြီး နောက်တစ်ပွင့်က အခြားဒေသထွက် (ဥပမာ- Africa သို့မဟုတ် အခြားနိုင်ငံ) ဖြစ်နေမယ်ဆိုရင် မိုးကုတ်ပတ္တမြားရဲ့ စျေးနှုန်းဟာ အခြားကျောက်ထက် အဆပေါင်းများစွာ မြင့်မားနေတတ်ပါတယ်။ ဒါဟာ 'Mogok' ဆိုတဲ့ အမည်ကပေးတဲ့ ရင်းနှီးမြှုပ်နှံမှု အာမခံချက်ပါပဲ။

​✨ ၃။ သမိုင်းဝင် ရှားပါးမှု (Historical Rarity)
မိုးကုတ်မြေဟာ နှစ်ပေါင်းထောင်ချီပြီး ကျောက်မျက်တွေ ထွက်ရှိခဲ့တဲ့နေရာဖြစ်သလို၊ အခုအခါမှာတော့ သဘာဝသယံဇာတ ထွက်နှုန်းက အကန့်အသတ် ရှိလာပါပြီ။ ဒါကြောင့် လက်မှတ်ပေါ်မှာ 'Mogok' လို့ ပါဝင်တဲ့ ကျောက်မျက်တွေဟာ နောင်တစ်ချိန်မှာ အသစ်ထပ်မရနိုင်တော့တဲ့ "Limited Edition Asset" တွေအဖြစ် ပြောင်းလဲသွားမှာဖြစ်လို့ အချိန်ကြာလေ တန်ဖိုးတက်လေ ဖြစ်မှာပါ။

​✨ ၄။ ပြန်လည်ရောင်းချနိုင်စွမ်း (Resale Value)
ရင်းနှီးမြှုပ်နှံသူတစ်ယောက်အတွက် အရေးကြီးတာက ပြန်လည်ရောင်းချလိုတဲ့အခါ လွယ်ကူမြန်ဆန်ဖို့ပါ။ 'Mogok' မျိုးရိုးပါတဲ့ ကျောက်မျက်ဟာ ကမ္ဘာ့လေလံပွဲတွေနဲ့ နိုင်ငံတကာစျေးကွက်မှာ အမြဲတမ်း ဝယ်လိုအား (Demand) ရှိနေတာကြောင့် သင့်ရဲ့ ရင်းနှီးမြှုပ်နှံမှုကို စိတ်ချလက်ချ ခိုင်မာစေပါတယ်။

​"ကျောက်မျက်လက်မှတ်ပေါ်က 'Mogok, Myanmar' ဆိုတဲ့ စာသားဟာ ရိုးရိုးဒေသအမည်တစ်ခု မဟုတ်ပါဘူး။ ၎င်းဟာ အစဉ်အလာ၊ ရှားပါးမှုနဲ့ အနာဂတ်တန်ဖိုးကို အာမခံပေးထားတဲ့ တံဆိပ်ကပ်နှိပ်မှုတစ်ခု ဖြစ်ပါတယ်။"

​ဒါကြောင့် လူကြီးမင်းတို့အနေနဲ့ ရင်းနှီးမြှုပ်နှံမှုအတွက် ကျောက်မျက်တွေ ဝယ်ယူစုဆောင်းတော့မယ်ဆိုရင် ခိုင်မာတဲ့ နိုင်ငံတကာ Lab Certificate တွေမှာ 'Origin' ကို သေချာစစ်ဆေးဖို့ အကြံပြုလိုပါတယ်ဗျ။

#ဗဟုသုတ #မိုးကုတ်ပတ္တမြား #ရင်းနှီးမြှုပ်နှံမှု

24/03/2026

"မှန်လွန်းရင် မှားသွားတတ်တယ်"
▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫▫
အမှန်တရားဆိုတာက တစ်ခါတလေမှာ အခြေအနေနဲ့ အချိန်အခါ ၊ လူတစ်ယောက်ရဲ့ အသိပညာ ၊ပတ်ဝန်းကျင် ၊ ဓလေ့ထုံးစံ စသည်တို့အပေါ်မူတည်ပြီး လက်ခံပုံမတူညီတတ်ပါ။ လူတိုင်းကို ကိုယ့်ပေတံနဲ့ ထုတ်တိုင်းလို့မရနိူင်ပါ ။

(၆)လက်မရှိတဲ့လူကို (၁၂ )လက်မပေတံနဲ့ သွားတိုင်းမိရင် မှားသွားတတ်တယ်။ အလုပ်တစ်ခုကိုကျွမ်းကျွမ်းကျင်ကျင် သွက်သွက်လက်လက် လုပ်နိုင်သူတစ်ယောက်က အလုပ်မကျွမ်းကျင်သေးသော ဝန်ထမ်းအသစ်ကို ကိုယ်နဲ့နှိုင်းကာ အားမလိုအားမရဖြစ်ပီး အတင်းဖိအားပေးမိရင် မှားသွားနိူင်ပါတယ်။

တစ်ခါတစ်ရံကျတော့ မမြင်သင့်တာကို မြင်နေမိတာ ၊ မကြားသင့်တာကို ကြားနေမိတာ ၊ မပြောသင့်တာကို ပြောနေမိတာတွေက မဖြစ်သင့်တာတွေ ဖြစ်လာစေတတ်တယ်။

ဘာလို့လဲဆိုတော့ အများသူငှါက ဒါကိုမှန်ပါတယ်လို့ ယူဆထားတာကို မမြင်သင့်တာ မြင်မိပီး မင်းတို့သိနေတဲ့အရာတွေက မှားနေပါတယ်လို့ မပြောသင့်တာကို သွားစောဒက တက်မိပါက မဖြစ်သင့်သော တစ်ရွာလုံးနဲ့တစ်ယောက် ဖြစ်သွားစေတတ်တယ်။

မှန်တာပြောရင် ရွာပြင်ထုတ်ခံရတတ်တယ် ဆိုသောစကားအရ အမှန်တရားတော့ အမှန်တရားပဲ ၊ မပြောတတ် မချပြတတ်ရင် အမှန်က အမှားဖြစ်သွားစေတတ်တယ်။

အမှန်တရားဆိုတာ တစ်ခါတစ်ခါမှာ လူပုဂ္ဂိုလ်အပေါ် အစွဲပြုတတ်သလို အင်အားချိန်ခွင်လျှာပေါ်မူတည်ပီး အင်အားကြီးတဲ့ဘက်က အလေးသာသွားတတ်တယ်။

မှန်တာပြောဖို့ သတ္တိမကြောင်သင့်ဘူးဆိုပေမယ့် အခြေအနေနဲ့ အချိန်အခါကို မချိန်ဆနိူင်သေးရင် ရေငုံနှူတ်ပိတ်နေလိုက်တာက အကောင်းဆုံးပါ။ အမှန်တရားတစ်ခုအတွက် တစ်ခါတစ်ခါမှာ ဂုဏ်သိက္ခာတွေချနင်းခဲ့ရသလို ဘဝတစ်ခုလုံးပါ ကိုယ်လက်ကိုင်ထားသော အမှန်တရားအတွက် စတေးခဲ့ရတာတွေ ရှိနေတတ်ပါတယ်။ မှန်တော့ မှန်အောင်နေပါ ။ မှန်းလွန်းလို့တော့ မမှားစေနဲ့နော် ။ လူမုန်းများပါလိမ့်မယ်။

creit to original writer