Myanmar Art Space

Directions Website

Myanmar Art Space Preserving the Past. Connecting the Present. Verifying the Future.

သဘာဝကိုချစ်တဲ့ ၊ အဝတ်အထည်ကို နှစ်သက်တဲ့ ၊ ဖန်တီးမှုကို မြတ်နိုးတဲ့ အမျိုးသမီးတွေ အတွက် MAS ရဲ့ လက်ဆောင်ပါ ______________...
03/08/2026

သဘာဝကိုချစ်တဲ့ ၊ အဝတ်အထည်ကို နှစ်သက်တဲ့ ၊ ဖန်တီးမှုကို မြတ်နိုးတဲ့ အမျိုးသမီးတွေ အတွက် MAS ရဲ့ လက်ဆောင်ပါ
_________________

ပုံမှန် ကျင်းပနေကြဖြစ်တဲ့ သဘာဝနဲ့ပြန်လည်ချိတ်ဆက်ပေးမယ့် Eco- Printing သင်တန်းလေးကို August လ 11 ရက်နေ့မှစပြီး 14 ရက်နေ့အထိ ပညာဒါန သင်ကြားပေးမယ့် အစီအစဉ် ပြန်စမှာပါ ။

တစ်ဖြေးဖြေးဝေးကွာနေတဲ့ သဘာဝနဲ့ ပြန်လည်နီးစပ်အောင် သင်ယူကြရင်း သစ်ပင် ပန်းပင်လေးတွေကိုလဲ ပုံမှန်ထပ်ပိုပြီးတန်ဖိုးထားတက်လာမှာပါ။

ပြီးခဲ့တဲ့ Batch 2 ခုလုံး မသင်ယူလိုက်ရလဲ စိတ်ပူစရာမလိုပါဘူးရှင်။ သင်ပေးသမျှအတန်းတိုင်းမှာ အခြေခံကစပြီးသင်ပေးတာမို့ Join လို့ရပါတယ်။

လက်မှုပညာကိုမြတ်နိုးတဲ့ အမျိုးသမီးရပ်ဝန်းလေးဖြစ်လို့ သင်တန်းလာသူတိုင်း ပျော်စရာအခိုက်အတန့် လေးတစ်ခုကို ပျော်ပျော်ပါးပါးပါဝင်ရင်း အမှတ်တရတွေယူသွားဖို့ကိုပဲ MASနဲ့ 108 အဖွဲ့သားအားလုံးက မျှော်လင့်တာပါ💕

ဒါကြောင့် သင်တန်းလေးကိုလက်လွတ်မခံပဲ အခုပဲ Page Cb မှာ စာရင်းသွင်းအပ်နှံလို့ရပါပြီရှင်။

သင်တန်းအသေးစိတ်-
📅 ၂၀၂၆ ၊ ဩဂုတ်လ ၁၁ ရက်နေ့မှ ၁၄ ရက်နေ့အထိ
⏰ မနက် ၁၀:၀၀ မှ ညနေ ၄:၀၀
📍 Myanmar Art Space ၊ အမှတ် (၁၀၈) ၊ ပိတောက်လမ်း ၊ ရပ်ကွက် (၆) ၊ မေမြို့။





Art space

02/08/2026

အဆင်ပြေနေကြောင်း ပြနေရတာက တိတ်တိတ်နေပေးနေရတာထက် ပိုလွယ်တယ် ထင်လား ?
_______________

သတိရတဲ့ အကြောင်းတွေ ဟာ လှုပ်ရှားနေရတဲ့ ရုပ်ဝါဒလောကမှာ အပိုစာဒါးမှ မဟုတ်ခဲ့ပဲ … ၊

တချို့က လွတ်လွတ်လပ်လပ် လွမ်းခွင့်ရတယ် ၊ တချို့ကျ ဟန်ဆောင်လွမ်းရတယ် …၊

ဒါပေမယ့် လွမ်းတာကတော့ လွမ်းတာပါပဲ …၊

အမှန် နဲ့ အမှား ဟာ လွမ်းရခြင်းကို အဖြေမထုတ်နိုင်ပါဘူး ၊ မှန်မှန်မှားမှား အဆုံးသတ်ဟာ နာကျင်ရတာပါပဲ … ၊

ပျော်ခဲ့ကြတယ်ဆိုတာ လွမ်းကြဖို့ လိုအပ်တဲ့ အကြောင်းပြချက်တွေလား … သေချာမသိဘူး …

လွမ်းတော့ လွမ်းနေရတာပါပဲ …

ထားပါတော့လေ 🍂
_________________

ရှေးဟောင်းနှောင်းဖြစ်တဲ့ …
ကို Ancient ဟာ နာမည်ပေးတတ်လိုက်ပုံများ …

သူ့ပြပွဲက ပန်းချီတွေကို ကြည့်ရတော့ အရုပ်တွေ မမြင်ဘူး ၊ အတိတ်ကို မြင်တယ် ၊

ငါတို့ ပျော်ခဲ့ဖူးတယ် ၊ ငါတို့ အတူတူဖြတ်သန်းခဲ့ကြဖူးတယ် …

အဖြစ်အပျက်တွေဟာ အရင်နဲ့ တခြားစီ ၊ ငါတို့လဲ မနီးစပ်ကြတော့ဘူး …. အမှတ်တရတွေတော့ ကျန်ခဲ့တယ် ၊ တချို့က ရင်ဘတ်ဒိုင်ယာရီမှာ ၊ တချို့က ပန်းချီ ပေါ်မှာ … ၊ မှင်ရည်ကျဲ၏ မကျဲ၏ကတော့ နှလုံးသား အတိမ်အနက် နဲ့ပဲ ဆိုင်မယ် ။

ကို Ancient ရဲ့ ပန်းချီတွေဟာ တကယ့် အငွေ့အသက်တွေ ၊ ဖမ်းမရ ဆုပ်မရ မျောလို့ …

ပန်းချီတွေကို ကြည့်ရင်း လွမ်းရတယ် ၊ Coldplay ရဲ့ scientist ကြောင့်လဲ လွမ်းရတယ် ၊ ငါတို့ဟာ လွမ်းချည်း လွမ်းနေရတော့တယ် ၊

ခင်များတို့ရော လွမ်းဖြစ်လား ?

____________

Artist - Ancient
Medium - WC on paper
Year - 2026
Music - Scientist | Coldplay

MAS collection

Disclaimer: နောက်ခံအသုံးပြုထားသော တေးသီချင်းအတွက် ဆိုင်ရာ မူပိုင်ခွင့်ပိုင်ရှင်အား Credit ပေးပါသည်။ အနုပညာကို ပေါင်းစပ်ခံစားနိုင်ရန်သာ ရည်ရွယ်ပါသည်။

30/07/2026

အိမ်မက်တွေ ပျက်ပြီဆိုရင် ၊
ဘာနဲ့မှ ပြင်မရဘူး … ။
______________________

ရှင်သန်ခြင်း နဲ့ သေဆုံးခြင်းကြား ၊
ဗန်ဂိုးဟာ အိမ်မက်တွေ အကြိမ်ကြိမ်မက်ခဲ့ဖူးလိမ့်မယ် ၊ ကုတ်အင်္ကျီ ခပ်နွမ်းနွမ်းနဲ့ ဒီလိုစတိုင်ဟာ အဲ့ခေတ်မှာ ဗန်ဂိုး လို့ ခေါင်းစဉ်တပ်ဖို့ ခက်နိုင်ပေမယ့် ကျနော်တို့ နှစ်တွေမှာတော့ ဒါဟာ ဗင်းဆင့်ပဲ ၊

ဆိုက်ပရပ်ဟာ သေခြင်းရဲ့ ကိုယ်စားလှယ်ဖြစ်ပြီး ၊ နေကြာပန်းတွေကတော့ ရှင်သန်ခြင်းရဲ့ ပြရုဒ် မလား ၊ မျှော်လင့်ခြင်းဟာ ကောင်းကင်ထက်မှာ အမြဲသာတယ် ၊
သူက မှောင်နေရင်တောင် လင်းနေဆဲပဲ ။

သူမဟာ အမြဲ လှပတယ် ၊ သပ်ရပ်တယ် ၊
ရှင်သန်လိုစိတ်ကို ပေးစွမ်းတယ် …. ၊
ပြသာနာက အကွာအဝေးပဲ …၊
မျှော်လင့်ခြင်းဟာ အမြဲ ကောင်းကင်ထက်မှာ …
ငါဟာ လေယာဉ်စီးတယ် ၊
ငါဟာ တိမ်ပေါ်တတ်ခဲ့လဲ ခုထိ မနီးစပ်နေဘူး ။

ဗင်းဆင့် ဟာ မျှော်လင့်ချက်တွေကို Canvas ပေါ် ထားခဲ့တယ် ၊
နေကြာပန်းဟာ ခုထိ ရှင်သန်နေဆဲ ။
ငါတို့ရော ဘယ်အရပ်မှာ ဘာတွေ ချန်ခဲ့ကြမှာလဲ ။

အိမ်မက်တွေရော အကောင်းအတိုင်း
ရှိသေးရဲ့လား …. ?
____________________

Surrealism Art work တစ်ခုမှာ ပန်းချီဆရာ ကိုကြည်အောင်ပိုင်ဟာ သူဘယ်လောက် technique ပိုင်နိုင်လဲ နဲ့ အနုပညာ အသိ ဘယ်လောက် ကြွယ်လဲဆိုတာ မြင်ရတယ် ။
Van Gogh ရဲ့ ထိရောက်ပြင်းထန်တဲ့ ရေးဆွဲဟန် (Thick Impressionistic strokes) ကို ကောင်းစွာ ပြန်ပြောင်းရေးသားနိုင်ပြီး ဖန်တီးဆန်းသစ်မှုတွေ ပေါင်းထည့်နိုင်ခဲ့တယ် ၊ ဗန်ဂိုးဟာ သူ့အနုပညာတွေလိုပဲ ဒီပန်းချီကားထဲမှာ လင်းလက်လို့ … ။
ကိုကြည်အောင်ပိုင်ရဲ့ ဖန်တီးမှုတွေဟာလဲ အမြဲ တောက်ပလို့ …. ။

Title - Sunflowers
Artist - Kyi Aung Pi
Medium - AC
Year - 2025
Size - 36 x 24
Music - အဝေးကြီးပဲ | ကိုမျိုးကျော့မြိုင်
ခေါင်းစဉ်စာသား - မင်းခိုက်စိုးစန်

MAS Collection

13/07/2026

ပန်းချီတချပ် ရဲ့ ဟိုဘက်ခြမ်းမှာ ဘာတွေရှိလဲ ?
__________________________

ဖန်ဆင်းရှင်ဟာ အာဒံ ကို မုန်းခဲ့ပုံရတယ် အိပ်ပျော်နေတုန်း နံရိုးကို ခိုးခဲ့ခြင်း မှာ ဧဝ ကို ဖန်တီးဖို့ လို့ အကြောင်းပြခဲ့ပေမယ့် ၊ လက်တွေ့ မှာ မပြည့်စုံခြင်း ဆီကိုပဲ ဦးတည်စေတယ် ။

ဧဝ ဟာ ဘယ်တော့မှ အလိုမပြည့်ဘူး ၊ မိန်းမကိုး … ၊ သူဟာ အာဒံ အတွက် ပြည့်စုံခြင်း လို့ ကျူးရင့်ပေမယ့် ၊ အာဒံအတွက် သူမရဲ့ လက်ထဲက အသီး လိုပါပဲ … ၊

အာဒံ ဟာ ဧဝ ကို ချစ် လို့ သိသိနဲ့ အသီးကို စားခဲ့ရတာလား ? ကမ္ဘာဦး မာယာတခုရဲ့ ပထမဆုံး အောင်ပွဲတစ်ရပ်လား ?

ငါတို့ဟာ အာဒံတွေပါ ၊
___________________

ပန်းချီ ကြည်အောင်ပိုင် က Look ဆိုတဲ့ ခေါင်းစဉ် အောက်မှာ ရုပ် နဲ့ နာမ် ကို လွှတ်ချပစ်တယ် ၊ ကံကောင်းတော့ ဒါတွေက အောက်က Canvas ပေါ် အစီအရီ အကျအန ထင်းလို့ ၊ လင်းလို့ ။

ပန်းသရဖူ နဲ့ ဧဝ ဟာ ကျနော် တို့ကို သစ်သီး ထပ်ကျွေးတော့မယ့်ပုံ ၊ ဖန်တီးမှုက တကယ့် အထာကျကျ သပ်ရပ်လှတယ် ၊

ရှမ်းစက္ကူ နဲ့ Canvas ရဲ့ ပေါင်းစပ်မှု ၊ အရောင်တွေ နဲ့ ပန်းချီဆရာရဲ့ Cubism နဲ့ Neo-Expressionism ကြား ဒီပန်းချီကားလေးဟာ တကယ့်ကို သက်ဝင်လွန်း လှတယ် ။

Artist - ကြည်အောင်ပိုင်
Title - Look
Medium - AC on Shan paper with Canvas
Size - 24” x 24”
Year - 2026
Music - အိမ်ပြန်အလွမ်း | ကို ဂျီလတ်

Disclaimer: နောက်ခံအသုံးပြုထားသော တေးသီချင်းအတွက် ဆိုင်ရာ မူပိုင်ခွင့်ပိုင်ရှင်အား Credit ပေးပါသည်။ အနုပညာကို ပေါင်းစပ်ခံစားနိုင်ရန်သာ ရည်ရွယ်ပါသည်။

05/07/2026

မပျော်ရွှင်ကြသူများအသင်း
______________________
ဝင်ကြေးက
အခမဲ့ပါ

ဆယ်လ်ဗယာပလသ်က
မီးဖိုချောင်ထဲက ဓာတ်ငွေ့အိုးကိုပြန်မပိတ်

ဗာဂျီးနီးယားဝုဗ်က
ပင်လယ်ရေနက်ထဲကပြန်တက်မလာ

ရှင်သန်ချင်တာလည်းရောဂါပဲ
သေချင်တာကလည်းရောဂါပဲ

ဘယ်ဆေးကိုအရင်ထိုးရမလဲ
ဘယ်အလောင်းကိုအရင်မြှပ်ရမလဲ

နောက်ဘဝက
ကိုယ့်လက်ထဲမှာ ။

#ကြည်ဇော်အေး
5 March 22

Artist - တွတ်ပီ
Title - Window
Medium - WC on paper
Size - 15” x 22”
Year -
Music - ပေါ့ပေါ့လေးပါပဲ | မျိုးကျော့မြိုင်

Disclaimer: နောက်ခံအသုံးပြုထားသော တေးသီချင်း နှင့် ကဗျာ စာသားအတွက် ဆိုင်ရာ မူပိုင်ခွင့်ပိုင်ရှင်အား Credit ပေးပါသည်။ အနုပညာကို ပေါင်းစပ်ခံစားနိုင်ရန်သာ ရည်ရွယ်ပါသည်။

✨ Blossoms from Canvas — Exhibition Recap ✨အနုပညာရှင်ဆရာမများရဲ့ ဖန်တီးမှုလက်ရာများနှင့်အတူ အမှတ်တရများစွာ ဖန်တီးနိုင်ခဲ...
01/07/2026

✨ Blossoms from Canvas — Exhibition Recap ✨

အနုပညာရှင်ဆရာမများရဲ့ ဖန်တီးမှုလက်ရာများနှင့်အတူ အမှတ်တရများစွာ ဖန်တီးနိုင်ခဲ့တဲ့ “Blossoms from Canvas” Group Art Exhibition လေးဟာ 30.6.2026 မှာ အောင်မြင်စွာ ပြီးဆုံးသွားခဲ့ပါပြီရှင်။🌸

ပြပွဲကာလအတွင်း လာရောက်အားပေးခဲ့ကြတဲ့ ဧည့်သည်တော်များ၊ အနုပညာချစ်မြတ်နိုးသူများနှင့် pop up store လေးတွေနဲ့အတူ ပါဝင်အား
ဖြည့်ပေးခဲ့ကြသူအားလုံးကို Myanmar Art Space မှ အထူးကျေးဇူးတင်ရှိပါတယ်။🤍

Artwork တစ်ချပ်ချင်းစီမှာ ပါဝင်ခဲ့တဲ့ Artist များရဲ့ စိတ်ခံစားချက်၊ ဖန်တီးမှုအမြင်များနှင့် အနုပညာအနှစ်သာရများကို မျှဝေနိုင်ခဲ့တဲ့ ဒီအမှတ်တရခရီးလမ်းလေးဟာ MASအတွက်တန်ဖိုးရှိတဲ့ အတွေ့အကြုံတစ်ခု ဖြစ်ခဲ့ပါတယ်။✨

ရှေ့ဆက်ပြီးလည်း အနုပညာလက်ရာကောင်းများ၊ ပြပွဲများနှင့်အတူ ပြန်လည်တွေ့ဆုံနိုင်ဖို့ကို မျှော်လင့်နေပါတယ်ရှင်။🎨

✨ Blossoms from Canvas — Featured Artworks ( Final Parts)✨“ Blossoms From Canvas “ Group Art Exhibition အတွင်း ပါဝင်ပြသထ...
30/06/2026

✨ Blossoms from Canvas — Featured Artworks ( Final Parts)✨

“ Blossoms From Canvas “ Group Art Exhibition အတွင်း ပါဝင်ပြသထားတဲ့ Artwork များအားလုံးကို မျှဝေပေးလိုက်ခြင်းဖြစ်ပြီး ပန်းချီကားတစ်ချပ်ချင်းစီရဲ့ အသေးစိတ်အချက်အလက်များကို တစ်ပုံချင်းစီမှာ ဝင်ရောက်ကြည့်ရှုနိုင်ပါတယ်ရှင်။✨

Artist အားလုံးရဲ့ လက်ရာတွေကို တစ်စုတစ်စည်းတည်းနဲ့ Myanmar Art Space မှာ ပြသခွင့်ရခဲ့အတွက် အထူးကျေးဇူးတင်ရှိပြီး ဂုဏ်ယူမိပါတယ်ရှင် 🍃

ကျန်ရှိနေတဲ့ အနုပညာခရီးလမ်းတစ်လျှောက်မှာလဲ အားလုံးနဲ့ ဆက်လက်တွေ့ဆုံချင်ပါသေးတယ်ရှင်✨💕

“ Blossoms From Canvas “ ပြပွဲလေးမှာ ပါဝင်အားဖြည့်ခဲ့ကြတဲ့ လက်ရာမြောက်လှတဲ့ ဆိုင်လေးတွေနဲ့ သူတို့ရဲ့ အနုပညာ ဖန်တီးမှုတွေ...
30/06/2026

“ Blossoms From Canvas “ ပြပွဲလေးမှာ ပါဝင်အားဖြည့်ခဲ့ကြတဲ့ လက်ရာမြောက်လှတဲ့ ဆိုင်လေးတွေနဲ့ သူတို့ရဲ့ အနုပညာ ဖန်တီးမှုတွေကို တစ်ပုံချင်းစီDetails ဖော်ပြပေးလိုက်ရပါတယ်ရှင်။✨💕

သဘာဝတရားရဲ့ အလှအပတွေ၊ နွေးထွေးတဲ့ ချည်ထည်တွေနဲ့ ချစ်စရာ ကောင်းတဲ့ Accessory လေးတွေကို အခုလို Signature လက်ရာတွေနဲ့ ပြသခဲ့တာမို့ လာရောက်အားပေးကြသူတိုင်း သဘောကျ နှစ်သက်ခဲ့ကြပါတယ်ရှင်။💕

✨ ဒီနေ့ကတော့ “Blossoms from Canvas” ပြပွဲကြီးနဲ့ Pop-Up store လေးတွေရှိနေမယ့်နောက်ဆုံးနေ့ လေးဖြစ်ပါတယ်ရှင် ✨ပြီးခဲ့တဲ့ရက...
30/06/2026

✨ ဒီနေ့ကတော့ “Blossoms from Canvas” ပြပွဲကြီးနဲ့ Pop-Up store လေးတွေရှိနေမယ့်နောက်ဆုံးနေ့ လေးဖြစ်ပါတယ်ရှင် ✨

ပြီးခဲ့တဲ့ရက်တွေတစ်လျှောက်လုံး မေမြို့ရဲ့အေးချမ်းမှုနဲ့အတူ ပန်းချီအနုပညာတွေကို လာရောက်ခံစားရင်း ဆိုင်ခန်းလေးတွေကို အားပေးခဲ့ကြတဲ့ အနုပညာချစ်မြတ်နိုးသူတစ်ဦးတစ်ယောက်ချင်းစီကို MAS Team မှ အထူးပင် ကျေးဇူးတင်ရှိပါတယ်ရှင်။ 🙏💕

နောက်ဆုံးရက်လေးမှာလဲပန်းချီဆရာမများရဲ့ စုတ်ချက်လှလှလေးတွေကို ငေးမောရင်း...
-တွံတေးလေး ရဲ့ ဝါးလက်မှုနဲ့ Botanical Printing ချည်ထည်တွေ
-Ayeyarwady Village ရဲ့ သဘာဝအရောင်အသွေးစုံ ချုပ်ထည်တွေ၊
-သိုးမွှေးလုံး ရဲ့ ချစ်စရာ သိုးမွှေးအရုပ်လေးတွေအပြင်၊
-Maymyo Sweater House၊ Mamaa's arts and crafts၊ Moe collection၊ TNE Studio နဲ့ Maria and Hnin Darli Aung handmade စတဲ့ Pop-Up store လေးတွေရဲ့ ဖန်တီးမှုအားလုံးကို တစ်စုတစ်စည်းတည်း အားပေးနိုင်မယ့် နောက်ဆုံးရက်လေးပဲ ဖြစ်ပါတယ်။

မလာရသေးတဲ့ မေမြို့က အနုပညာချစ်သူတွေနဲ့ မေမြို့ကိုလာရောက်လည်ပက်ကြတဲ့ဧည့်သည်တော်များ ဒီနေ့ ညနေပိုင်းအထိ အချိန်ရှိသေးတာမို့ စိတ်အပန်းဖြေရင်း လာရောက်ခဲ့ဖို့ လေးစားစွာ အသိပေးအပ်ပါတယ်ရှင်။ 🌸💕

📍 Myanmar Art Space (108 Outdoor Food Space) ၊ အမှတ် ၁၀၈ ၊ ပိတောက်လမ်း ၊ ရပ်ကွက်ကြီး ၆ ၊ မေမြို့ / ပြင်ဦးလွင်။

✨ Blossoms from Canvas — More Featured Artworks ✨“Blossoms from Canvas” Group Art Exhibition မှ အနုပညာရှင်ဆရာမများရဲ့ Ar...
29/06/2026

✨ Blossoms from Canvas — More Featured Artworks ✨

“Blossoms from Canvas” Group Art Exhibition မှ အနုပညာရှင်ဆရာမများရဲ့ Artworks တွေနဲ့ဆက်လက်မိတ်ဆက်ပေးလိုက်ပါတယ်။🎨

ပန်းချီကားများရဲ့ အသေးစိတ်အချက်အလက်တွေကို တစ်ပုံချင်းစီမှာ ဝင်ရောက်ကြည့်ရှုနိုင်ပြီး ကျန်ရှိနေသေးတဲ့ လက်ရာမြောက် Artwork များကိုလည်း ဆက်လက်မျှဝေပေးသွားမှာဖြစ်ပါတယ်ရှင်။✨

Address

No.108, Padauk Street, 6 Ward, Maymyo, Mandalay.
Maymyo

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00
Sunday 09:00 - 17:00

Website

Alerts

Be the first to know and let us send you an email when Myanmar Art Space posts news and promotions. Your email address will not be used for any other purpose, and you can unsubscribe at any time.

Shortcuts

Share

Category