16/09/2023
ဘယ်သူပဲ အမှားလုပ်လုပ်၊ စည်းကမ်းက စည်းကမ်းပဲဆိုတဲ့ တန်ဟတ်
မန်ယူနဲ့အတူ ဆန်ချိုတစ်ယောက် ပြန်ပြီး ကစားခွင့်ရမှာလား၊ မရဘူးလားဆို တဲ့ မေးခွန်းကို နည်းပြအဲရစ်တန်ဟတ်က မသိဘူးလို့ ဖြေလိုက်ပါတယ်။
ပေါင် ၇၃ သန်းတန် တိုက်စစ်မှူး ဆန်ချိုဟာ လက်ရှိမှာ မန်ယူအသင်းကြီးနဲ့အတူ လေ့ကျင့်ခွင့် မရသလို ဘရိုက်တန်နဲ့ ကစားမယ့် လူစာရင်းမှာလည်း ပါဝင်ခွင့် ရမှာ မဟုတ်ပါဘူး။
အာဆင်နယ်နဲ့ ကစားခဲ့တဲ့ ပွဲအတွက် ကြိုတင်ပြင်ဆင်မှု လုပ်တဲ့အပိုင်းမှာ ခိုင်းတဲ့အတိုင်း မလုပ်နိုင်ခဲ့လို့ ဆန်ချိုကို လူစာရင်းထဲ မထည့်ခဲ့တာလို့ နည်းပြတန်ဟတ်က လူသိရှင်ကြား ပြောခဲ့တာကို ဆန်ချိုက မကျေနပ်တဲ့အတွက် တွစ်တာမှာ ပို့စ်တင်ပြီး တုံ့ပြန်ခဲ့တာကြောင့် နည်းပြနဲ့ ကစားသမားကြားမှာ အဖုအထစ်ဖြစ်သွားခဲ့ပြီး အင်္ဂလန်တိုက်စစ်မှူးတစ် ယောက် စည်းကမ်းပိုင်းဆိုင်ရာ အကြောင်းပြချက်နဲ့ အရေးယူခံလိုက်ရတာ ဖြစ်ပါတယ်။
ဒါကြောင့် ဆန်ချိုဟာ ယူနိုက်တက်အတွက် ပြန်ပြီး ကစားခွင့် ရမှာလားဆိုတဲ့ မေးခွန်းကို တန်ဟတ်က ‘’ကျွန်တော် မသိဘူး။ ကျွန်တော် ဒီမှာထိုင်နေပြီး ပွဲကြီးပွဲကောင်း အသစ်တစ်ခုအတွက် ရှိနေတာဖြစ်ပါတယ်။
ပွဲစဉ်အသစ်တွေထဲက ပွဲကောင်းတစ်ခုအတွက် ကျွန်တော်တို့ ရှိနေတာပါ။ ကျွန်တော် အဲဒီအတွက် အာရုံစိုက်တယ်’’ လို့ တန်ဟတ်က ပြောခဲ့တာပါ။
ဆန်ချိုရဲ့ ကိစ္စနဲ့ပတ်သက်ပြီးတော့လည်း သူကိုယ်တိုင် ဆုံးဖြတ်ခဲ့တာဖြစ်ပြီး စည်းကမ်းချိုးဖောက်ရင်တော့ ဘယ်သူမဆို အရေးယူခံရမှာ ဖြစ်တယ်လို့ လည်း တန်ဟတ်က ပြောပါတယ်။
‘’ဒါက အသင်းကို ဦးစားပေးတာပါ။ အဖြစ်အပျက်အပေါ်မှာ အခြေခံပြီး ကျွန်တော်ကိုယ်တိုင် ဆုံးဖြတ်တာပါ။ ကျွန် တော့်အတွက် မဟုတ်ပါဘူး။ နောက်ပြီး တင်းကျပ်တာမျိုးလည်း ရှိရမယ်။ ကျွန်တော့်ဖို့မဟုတ်ဘူး။ ဒါဟာ အသင်းအတွက်ကို ဦးစားပေးတာပါ။ လူတစ် ယောက်က တစ်ခါပဲ မှားတယ်ဆိုတာမျိုး မရှိပါဘူး။ တိကျတဲ့ ရလဒ်မထွက် လာခင်မှာတော့ ဖြစ်စဉ်ကြီးတစ်ခုလုံး ရှိနေပါတယ်။ ဝန်ထမ်းတစ်ယောက်၊ ကစာသမားတွေ ဒါမှမဟုတ် ဘယ်သူပဲဖြစ်ဖြစ် စည်းကမ်းကို ဖောက်ဖျက် တယ်ဆိုရင်တော့ တင်းတင်းကျပ်ကျပ် လုပ်ရမှာမှာကတော့ ကျိန်းသေပါ တယ်’’ လို့ တန်ဟတ်က ဘရိုက်တန်နဲ့ ပွဲစဉ်မတိုင်ခင်မှာ ပြောသွားခဲ့တာပါ။
90 Minutes Sports Journal
September 16, 2023 authorw
