https://www.facebook.com/113771434917057/

Ta'ang Artist Group - TAG, Lashio (2026)

06/02/2024

ပ်ုန်ဆမွံတ် လောင်ဥပဒေ ထာမ်းဇီုင်းကာန်ဆီုက်

25/01/2024

တအာင်းပြည်နယ်အတွင်း ၁၀၂၇ စစ်ဆင်ရေး၏ ဇန်န၀ါရီလ (၂၄)ရက်နေ့တွင် စကစတပ်မှ လူထုအားပစ်မှတ်ထားပြီး လက်နက်ကြီးဖြင့် ပစ်ခတ်တိုက်ခိုက်

တအာင်းပြည်နယ်၊ ဇန်န၀ါရီလ ၂၄ ရက်
၁၀၂၇စစ်ဆင်ရေး

၁) တပ်မဟာ(၆)စစ်ဒေသ လားရှိုးမြို့နယ် နမ့်တွန်ရွာတွင် တပ်စွဲထားသော စစ်ကောင်စီတပ်မှ ယနေ့ နံနက် (၁၁း၂၀)နာရီအချိန်တွင် သိန္နီဘက် နယ်စပ်တံတားသို့ လက်နက်ကြီးဖြင့် (၁၈)ကြိမ် ပစ်ခတ်တိုက်ခိုက်ခဲ့သည်။

၂) တပ်မဟာ(၅)စစ်ဒေသ၊ ကွတ်ခိုင်မြို့နယ် နမ့်ဖတ်ကာကျေးရွာသို့ စစ်ကောင်စီတပ်မှ Jet Fighter ဖြင့် (၇)ကြိမ်၊ Mi35 ဖြင့် (၃)ကြိမ်၊ Y12 ဖြင့် (၁၁)ကြိမ်၊ ဗုံး (၁၀၁) လုံး နှင့် ဖျက်အားပြင်း ပေါင် (၅၀၀)ဗုံး (၃)လုံးဖြင့် လာရောက်ကြဲချ ပစ်ခတ်တိုက်ခိုက်ခဲ့သည်။

/TNLA
#သတင်းနှင့်ပြန်ကြားရေးဌာန

23/01/2024

တအာင်းပြည်နယ်အတွင်း ၁၀၂၇ စစ်ဆင်ရေး၏ ဇန်န၀ါရီလ (၂၂)ရက်နေ့တွင် စကစတပ်မှ တအာင်းတပ်မတော် TNLA ရှိရာသို့ ထိုးစစ်ဆင်တိုက်ခိုက်

တအာင်းပြည်နယ်၊ ဇန်န၀ါရီလ ၂၂ ရက်
၁၀၂၇စစ်ဆင်ရေး

တအာင်းပြည်နယ်၊ တပ်မဟာ(၂)စစ်ဒေသ၊ မိုးကုတ်မြို့နယ် စစ်ကောင်စီတပ်မှ ယနေ့ နေ့လည် (၁း၁၀)နာရီအချိန်တွင် တအာင်းတပ်မတော် TNLA ရှိရာ မိုးကုတ်နှင့် မိုးမိတ်ကြား ၉ မိုင် နှင့် လွယ်ဆာကုန်ကျေးရွာအနီးတဝိုက်သို့ Jet Fighter ဖြင့် (၁)ကြိမ်၊ ATR-42 ဖြင့် (၁)ကြိမ် ဗုံး (၁၀)လုံး လာရောက်ကြဲချတိုက်ခိုက်ခဲ့သည်။

ယမန်နေ့ ည(၈း၀၀)နာရီခန့်ချိန်တွင်လည်း စစ်ကောင်စီတပ်မှ တအာင်းတပ်မတော် TNLA ရှိရာ မိုးကုတ်နှင့် မိုးမိတ်ကြား ၈ မိုင်သို့ လာရောက်ထိုးစစ်ဆင်တိုက်ခိုက်ခဲ့သောကြောင့် တိုက်ပွဲဖြစ်ပွားခဲ့သည်။ တိုက်ပွဲအတွင်း စစ်ကောင်စီတပ်၏ လက်နက် (၄)လက် သိမ်းဆည်းရခဲ့မိသည်။

/TNLA
#သတင်းနှင့်ပြန်ကြားရေးဌာန

22/01/2024

မိုးကုတ်မြို့နယ်တွင် စစ်ကောင်စီတပ်မှ တအာင်းတပ်မတော် TNLA ရှိရာသို့ ထိုးစစ်ဆင်တိုက်ခိုက်

တအာင်းပြည်နယ်၊ ဇန်န၀ါရီ ၂၂ ရက်
၁၀၂၇စစ်ဆင်ရေး

တအာင်းပြည်နယ်၊ တပ်မဟာ(၂)စစ်ဒေသ မိုးကုတ်မြို့နယ်တွင် စစ်ကောင်စီတပ်မှ တအာင်းတပ်မတော် TNLA ရှိရာသို့ လာရောက်ထိုးစစ်ဆင်တိုက်ခိုက်မှုကြောင့် တိုက်ပွဲဖြစ်ပွားခဲ့သည်။

ယမန်နေ့ ည(၈း၀၀)နာရီခန့်ချိန်တွင် စစ်ကောင်စီတပ်မှ တအာင်းတပ်မတော် TNLA ရှိရာ မိုးကုတ်နှင့် မိုးမိတ်ကြား ၈ မိုင်သို့ လာရောက်ထိုးစစ်ဆင်တိုက်ခိုက်ခဲ့သည်။ တိုက်ပွဲအတွင်း စစ်ကောင်စီတပ်၏ လက်နက် (၃)လက် သိမ်းဆည်းရခဲ့မိသည်။

လွန်ခဲ့သည့် ဇန်နဝါရီလ ၁၃ ရက်နေ့တွင်လည်း တပ်မဟာ(၂)စစ်ဒေသ ကျောက်မဲမြို့တွင် စစ်ကောင်စီ ၅၀၁-၅၀၂ တပ်စခန်းမှ အင်အားအလုံးအရင်းဖြင့် တအာင်းတပ်မတော် PSLF/TNLA တည်ရှိရာ ငြိမ်းချမ်းရေးကုန်းသို့ လာရောက်ထိုးစစ်ဆင် တိုက်ခိုက်ခဲ့သည်။ တအာင်းတပ်မတော် PSLF/TNLA မှ အခြေချတပ်စွဲထားသော ငြိမ်ချမ်းရေးကုန်းကို မိဘပြည်သူများ စစ်ဘေးဒဏ်သင့်မည် ဖြစ်၍နှင့် ဆုံးရှုံးမှုများမည်စိုးရိမ်းသောကြောင့် ယာယီ နောက်ဆုတ်ပေးခဲ့ရသည်။

ဇန်နဝါလရီလ ၁၁ ရက်နေ့တွင် အပစ်ခတ်ရပ်စဲရေးလက်မှတ် ထိုးခဲ့ပြီးနောက်၊ ယနေ့ ဇန်နဝါရီလ ၂၂ ရက်နေ့အထိ စစ်ကောင်စီတပ်မှ မိုးမိတ်၊ ကျောက်မဲ၊ မိုးကုတ်၊ နမ့်ခမ်း၊ လားရှိုးမြို့နယ်သို့ ထိုးစစ်ဆင် တိုက်ခိုက်လာခြင်း၊ လက်နက်ကြီးနှင့် လေကြောင်းတိုက်ခိုက်မှု ပြုလုပ်လျက်ရှိသည်။ စစ်ကောင်စီ၏ လုပ်ရပ်သည် အပစ်ခတ်ရပ်စဲရေးလက်မှတ်ကို အကြိမ်ကြိမ်ချိုးဖောက်ခြင်းဖြစ်သည်။

/TNLA
#သတင်းနှင့်ပြန်ကြားရေးဌာန

21/01/2024

တအာင်းပြည်နယ်အတွင်း ၁၀၂၇ စစ်ဆင်ရေး၏ ဇန်န၀ါရီလ (၂၁)ရက်နေ့တွင် စစ်ကောင်စီတပ်မှ လူထုအား ပစ်မှတ်ထားတိုက်ခိုက်နေမှု

တအာင်းပြည်နယ်၊ ဇန်န၀ါရီလ ၂၁ ရက်
၁၀၂၇စစ်ဆင်ရေး

၁) တပ်မဟာ(၁)စစ်ဒေသ၊ နမ့်ခမ်းမြို့နယ် စစ်ကောင်စီတပ်မှ ယနေ့ နံနက် (၁၀◌း၂၈)နာရီအချိန်တွင် မန်ဝိန်းနှင့် နောင်မကြီးကျေးရွာသို့ Jet Fighter ဖြင့် (၄)ကြိမ် လာရောက်ပစ်ခတ်တိုက်ခိုက်ခဲ့သည်။ စစ်ကောင်စီ၏ လေကြောင်းတိုက်ခိုက်မှုကြောင့် ပြည်သူ (၂)ဦး ကျည်စထိမှန် ဒဏ်ရာပြင်းထန်ရခဲ့သည်။

၂) တပ်မဟာ(၂)စစ်ဒေသ၊ မိုးကုတ်မြို့နယ် စစ်ကောင်စီတပ်မှ ယနေ့ ညနေ (၆း၀၀)နာရီအချိန်တွင် အထက်ပိန်ပြစ်ကျေးရွာ ဘုန်းကြီးကျောင်းသို့ လက်နက်ကြီးဖြင့် (၃)ကြိမ် ပစ်ခတ်တိုက်ခိုက်ခဲ့သည်။

လွန်ခဲ့သည့် ဇန်နဝါလရီလ ၁၁ ရက်နေ့တွင် အပစ်ခတ်ရပ်စဲရေးလက်မှတ် ထိုးခဲ့ပြီးနောက်၊ ယနေ့ ဇန်နဝါရီလ ၂၁ ရက်နေ့အထိ စစ်ကောင်စီတပ်မှ မိုးမိတ်၊ ကျောက်မဲ၊ မိုးကုတ်၊ နမ့်ခမ်း၊ လားရှိုးမြို့နယ်သို့ လက်နက်ကြီးနှင့် လေကြောင်းတိုက်ခိုက်မှု ပြုလုပ်လျက်ရှိသည်။ စစ်ကောင်စီ၏ လုပ်ရပ်သည် အပစ်ခတ်ရပ်စဲရေးလက်မှတ်ကို အကြိမ်ကြိမ်ချိုးဖောက်ခြင်းဖြစ်သည်။

/TNLA
#သတင်းနှင့်ပြန်ကြားရေးဌာန

19/01/2024

ပလောင်ပြည်နယ်လွတ်မြောက်ရေးတပ်ဦး PSLF/TNLA ၏ အထွေထွေအတွင်းရေးမှူး ဗိုလ်မှူးချုပ် တားဘုန်းကျော်၊ တွဲဖက်အထွေထွေအတွင်းရေးမှူး(၁) ဗိုလ်မှူးကြီး တားအိုမ်တမာဝ်းနှင့် အုပ်ချုပ်ရေးဌာနမှူး ဗိုလ်မှူးကြီး တားဂူဇားတို့ နမ္မတူမြို့နယ်အတွင်းသွားရောက်ကြည့်ရှု့ကြီးကြပ်သည့် ပုံရိပ်

/TNLA
#သတင်းနှင့်ပြန်ကြားရေးဌာန

08/01/2024

မြို့သစ်ကျေးရွာတွင် တိုက်ပွဲဖြစ်ပွားခြင်းမရှိဘဲ စစ်ကောင်စီတပ်မှ လေကြောင်းတိုက်ခိုက်မှုဖြင့် ဒုတိယအကြိမ် လာရောက်ပစ်ခတ်တိုက်ခိုက်

တအာင်းပြည်နယ်၊ ဇန်နဝါရီ ၈ ရက်
၁၀၂၇ စစ်ဆင်ရေး

တအာင်းပြည်နယ်၊ တပ်မဟာ(၂)စစ်ဒေသ၊ နမ့်ဆန်မြို့နယ် မြို့သစ်ကျေးရွာတွင် တိုက်ပွဲဖြစ်ပွားခြင်းမရှိဘဲ ဇန်နဝါရီလ ၇ ရက်နေ့တွင် စစ်ကောင်စီတပ်မှ လေကြောင်းတိုက်ခိုက်မှု Jet Fighter ဖြင့် ဒုတိယအကြိမ် ထပ်မံလာရောက် ပစ်ခတ်တိုက်ခိုက်ခဲ့သည်။

ယမန့်နေ ဇန်နဝါရီလ ၇ ရက်နေ့ နေ့လည် (၂း၃၅)နာရီအချိန်တွင် စစ်ကောင်စီတပ်မှ မြို့သစ်ကျေးရွာတွင် Jet Fighter ဖြင့် (၂)ကြိမ်၊ ဗုံး (၅)လုံးဖြင့် ပြည်သူလူထုများကို ဦးတည်ပစ်ခတ်ခိုက်ခဲ့သည်။ စစ်ကောင်စီတပ်မှ ပစ်ခတ်လိုက်သော ဗုံးသီး ကြောင့် မြို့သစ်ကျေးရွာ စာသင်ကျောင်းနှင့် လူနေအိမ်ပေါ်တွင် ကျရောက်ပေါက်ကွဲခဲ့သည်။ စာသင်ကျောင်းအတွင်း TNEC ကျောင်းဆရာ/ဆရာမ လွေးလှာမျံမ်၊ လွေးနန်းဒီတ်၊ လွေးမိုးအေး၊ မိုင်းအမှုန်း၊ မိုင်းယဲထိုည် တို့ စုစုပေါင်း (၅)ဦး သေဆုံးခဲ့ပြီး၊ ယာအေနေ၊ ယာအေမို၊ ယာမူ၊ လွေးမျစိန်၊ တာဆိုမြတ်၊ တာကျော်လွန်တို့ စုစုပေါင်း (၆)ဦး ကျည်စထိမှန် ဒဏ်ရာပြင်းထန်ရခဲ့သည်။ ထိုပြင် စာသင်ကျောင်းနှင့် လူနေအိမ် (၇)လုံးလည်း ကျည်စထိမှန် ပျက်စီးခဲ့ရသည်။

လွန်ခဲ့သည့် ၂၀၂၃ ခုနှစ် နိုဝင်ဘာလ ၁၉ ရက်နေ့တွင်လည်း စစ်ကောင်စီတပ်မှ မြို့သစ်ကျေးရွာကို လေကြောင်းတိုက်ခိုက်မှု ဖျက်အားပြင်း ပေါင် (၅၀၀)ဗုံးဖြင့် ပစ်ခတ်တိုက်ခိုက်ခဲ့ရာမှာ ပြည်သူ (၂)ဦးသေဆုံးခဲ့ပြီး၊ ပြည်သူ (၇)ဦး ကျည်စထိမှန် ဒဏ်ရာရခဲ့သည်။ လူနေအိမ် (၂)လုံးလည်း မီးလောင်ပျက်စီခဲ့ပြီး၊ လူနေအိမ် (၂၃)လုံး ကျည်စထိမှန် ပျက်စီးခဲ့သည်။

/TNLA
#သတင်းနှင့်ပြန်ကြားရေးဌာန

06/01/2024

(၂) လားရှိးအခြေစိုက် “(၆၈) ဂိတ်တပ်စခန်း” မှ ဟိုလောင်ကျေးရွာ၊ ပန်ဟုံကျေးရွာနှင့် ကုန်းညောင်ကျေးရွာများသို့ လက်နက်ကြီးဖြင့် (၄၈) ကြိမ်တိုင်တိုင် ပစ်ခတ်တိုက်ခိုက်ခဲ့သည်။ မိုးမိတ်မြို့ရှိ စစ်ကောင်စီတပ်မှလည်း အထက် ညောင်ကုန်းကျေးရွာသို့ လက်နက်ကြီးဖြင့် (၁၂) ကြိမ်တိုင်တိုင် ပစ်ခတ်တိုက်ခိုက်ခဲ့သည်။ ထို့အတူ ရန်သူသည် ဂျက်ဖိုက်တာ၊ Y12 လေယာဉ်များဖြင့် နမ္မတူမြို့နယ်၊ မန်ဆာကျေးရွာသို့ စုစုပေါင်း (၃) ကြိမ်တိုင် လာရောက်ပစ်ခတ် တိုက်ခိုက်ခဲ့သည်။

(၃) ရက္ခိုင်နှင့် ပလက်ဝဒေသရှိ စစ်ကောင်စီ၏ တပ်စခန်းတစ်ခုမျှမကျန် အပြီးသတ်သိမ်းပိုက်နိုင်ရေးအတွက် ယနေ့တွင်လည်း ရက္ခိုင့်တပ်တော် (AA) နှင့် စစ်ကောင်စီတို့ကြား နှစ်ဘက်အပြန်အလှန်တိုက်ပွဲများနှင့်အတူ တိုက်ပွဲအရှိန် သည်လည်း ဆက်လက်မြင့်တက်လျက်ရှိသည်။

(၄) ယနေ့၊ ညနေ (၄) နာရီဝန်းကျင်မှ (၅) နာရီခွဲထိ စစ်ကောင်စီ၏ စစ်တွေအခြေစိုက်” အမှတ် (၁၂) ရဲတပ်ရင်း” မှ စစ်တွေမြို့အနီးရှိ ကျေးရွာများအပါအဝင် ပေါက်တောမြို့အတွင်းသို လက်နက်ကြီးများဖြင့် (၁၀) ကြိမ်ထက်မနည်း ပစ်ခတ်တိုက်ခိုက်မှုများကြောင့် ပေါက်တောမြို့နယ်၊ တောင်းဖူးကျေးရွာမှ ဒေသခံအမျိုးသမီး (၂) ဦးတို့မှာ လက်နက်ကြီး ကျည်များ ထိမှန်၍ ဒဏ်ရာရရှိခဲ့သည်။

(၅) ရက္ခိုင်ပြည်၊ ဘူးသီးတောင်အခြေစိုက် စစ်ကောင်စီ၏ “စကခ (၁၅)” လက်အောက်ခံတပ်ရင်း “ခမရ (၅၆၅)” မှ အရပ်သားပြည်သူများနေထိုင်ရာ ကျေးရွာများသို့ လက်နက်ကြီးများဖြင့် ယနေ့၊ နေ့လယ် (၁) နာရီဝန်းကျင်အချိန်တွင် တမင်တကာရည်ရွယ်ချက်ရှိရှိဖြင့် ပစ်ခတ်တိုက်ခိုက်ခဲ့သည်။ ဤသို့ ပစ်ခတ်တိုက်ခိုက်မှုကြောင့် ဘူးသီးတောင်မြို့နယ်၊ စံညှင်းဝေအုပ်စု၊ ကွန်တိုင် (ရက္ခိုင်) ကျေးရွာသို့ လက်နက်ကြီးကျည်များ ကျရောက်ပေါက်ကွဲခဲ့သည်။ ထို့ကြောင့် အသက် (၆၇) နှစ်အရွယ် ဒေသခံသက်ကြီးပိုင်း အမျိုးသမီး (၁) ဦး၏ ဘယ်ဘက်ပုခုံးတွင် လက်နက်ကြီးကျည်စဖောက်ဝင်ခဲ့၍ ပြင်းထန်သော ဒဏ်ရာရရှိခဲ့သည်။

(၆) ယမန်နေ့၊ ဇန်နဝါရီလ(၄) ရက်၊ ည (၈) နာရီ (၁၀) မိနစ်ခန့်တွင် ရက္ခိုင်ပြည်၊ ရသေ့တောင်မြို့နယ်၌ မည့်သည့်တိုက်ပွဲမျှ ဖြစ်ပွားခြင်းအလျဉ်းမရှိဘဲ စစ်ကောင်စီ၏ “ရီစိုးချောင်းဗျူဟာ” မှ ၎င်းပတ်ဝန်းကျင်ရှိ ကျေးရွာများသို့ လက်နက်ကြီး များဖြင့် တမင်တကာ လူမဆန်စွာ ပစ်ခတ်တိုက်ခိုက်ခဲ့သောကြောင့် ရသေ့တောင်မြို့နယ်၊ ခရုချောင်းကျေးရွာသို လက်နက်ကြီးကျည်များ ကျရောက်ပေါက်ကွဲခဲ့သည်။ ထို့ကြောင့် ရသေ့တောင်မြို့နယ်၊ ရီစိုးချောင်းကျေးရွာမှ အသက် (၁၈) နှစ်အရွယ် တက္ကသိုလ်ကျောင်းသူ (၁) ဦး သေဆုံးခဲ့ကာ ဒေသခံအမျိုးသား (၁) ဦးလည်း ထိခိုက်ဒဏ်ရာရရှိခဲ့သည်။

(၇) စစ်ကောင်စီ၏ လူ့အခွင့်အရေးချိုးဖောက်မှုမှတ်တမ်းများထဲမှ တစ်ခုအနေဖြင့် လွန်ခဲ့သောရက်များဖြစ်သော ဇန်နဝါရီလ (၂) ရက်နေ့၊ နံနက် (၁၀) နာရီအချိန်တွင် စစ်ကောင်စီ၏ အင်အား (၈၀) ခန့်ပါရှိသော တပ်ဖွဲ့ဝင်များသည် စစ်တွေမြို့နယ်၊ ချီလိုင်ဖင်းကျေးရွာသို အကြမ်းဖက်ဝင်ရောက်ကာ ၎င်းကျေးရွာအတွင်းရှိ လူနေအိမ်အချို့ကို တမင်တကာ ရည်ရွယ်ချက်ရှိရှိ ဖျက်ဆီးခဲ့သည်။ ထို့နောက် ဒေသခံများအား လက်နက်ငယ်များဖြင့် ပစ်ခတ်တိုက်ခိုက်ခဲ့ကာ စစ်ရာဇဝတ်မှုများကို ဆက်လက်ကျူးလွန်နေခဲ့သည်။ စစ်ကောင်စီ၏ ဤကဲ့သို့ကျူးလွန်မှုအတွင်း အသက် (၂၃) နှစ် အရွယ် ကျောင်းဆရာလူငယ် (၁) ဦးမှာ သေဆုံးခဲ့ရပြီး ရွာလုံးကျွတ် ထွက်ပြေးခဲ့ရသည်။

(၈) မိမိတို့၏ စစ်ဆင်‌ရေးနှင့် ယခင်ရက်များ၏ တိုက်ပွဲနောက်ဆက်တွဲသတင်းများအား ဆက်လက်ဖော်ပြပေးသွားပါမည်။

ညီနောင်မဟာမိတ် (၃) ဖွဲ့
MNDAA + TNLA + AA

https://twitter.com/operation1027
https://vk.com/mndaa_tnla_aa

01/01/2024

မိုင်းငေါ့မြို့ရှိ စစ်ကောင်စီတပ်စခန်းကို အပြီးသတ်ရှင်းလင်းချေမှုန်း သိမ်းပိုက်နိုင်ခဲ့

တအာင်းပြည်နယ်၊ ၂၀၂၄ ခုနှစ် ဇန်နဝါရီ ၁ ရက်
၁၀၂၇ စစ်ဆင်ရေး

တအာင်းပြည်နယ် တပ်မဟာ(၂)စစ်ဒေသ၊ မိုင်းငေါ့မြို့ရှိ စစ်ကောင်စီ ဗျူဟာမှူးအခြေချ ကွပ်ကဲနေသည့် တပ်စခန်းတို့ကို တအာင်းတပ်မတော် PSLF/TNLA မှ အလုံးစုံ ဝင်ရောက်ရှင်းလင်း ချေမှုန်းသိမ်းပိုက်နိုင်ခဲ့သည်။
မိုင်းငေါ့မြို့နယ် စစ်ကောင်စီတပ်စခန်းများကို တအာင်းတပ်မတော် PSLF/TNLA က ၁၀၂၇ စစ်ဆင်ရေးအတွင်း ဒီဇင်ဘာ ၂၉ ရက်နေ့မှ စတင်တိုက်ခိုက်ခဲ့ပြီး (၃)ရက်ကြာ ဒီဇင်ဘာ ၃၁ ရက်နေ့ ည(၁၁း၄၅)နာရီ အချိန်တွင် စစ်ကောင်စီ မိုင်းငေါ့မြို့တပ်စခန်း ဗျုဟာကုန်းအပါအဝင် ၊ ရဲစခန်းနှင့် စကစ ဌာနဆိုင်ရာရုံးများ အလုံးစုံသိမ်းပိုက်ရရှိခဲ့ပါသည်။

မိုင်းငေါ့မြို့ စစ်ကောင်စီတပ်စခန်းသည် တပ်မ-၁၀၁ လက်အောက်ခံ ခလရ-၂၅၃/ ခလရ-၂၃၅ တို့မှ လာရောက်ထိုးစစ်ဆင် အခြေချလှုပ်ရှားသည့် တပ်ဖြစ်သည်။

မိုင်းငေါ့မြို့ရှိ စစ်ကောင်စီ တပ်စခန်းများကို တိုက်ခိုက်နေစဥ်အတွင်း စစ်ကောင်စီတပ်ဘက်မှ Jet Fighter ဖြင့် (၅)ကြိမ် ၊ Y12 လေယာဥ်ဖြင့် (၁၉)ကြိမ် အသုံးပြု ခုခံပစ်ခတ်တိုက်ခိုက်ခဲ့သည်။ မိုင်းငေါ့မြို့တိုက်ပွဲအတွင်း စစ်ကောင်စီမိုင်းငေါ့တပ်စခန်းမှ လက်နက်ကြီးဖြင့် (၃၀)ကြိမ် ထက်မနည်း မိုင်းငေါ့မြို့နယ် ပတ်ဝန်ကျင်နှင့် မိုင်းငေါ့မြို့တွင်းသို့ ပစ်ခတ်တိုက်ခိုက်ခဲ့သည်။ စစ်ကောင်စီကျောက်မဲတပ်စခန်းမှလည်း မိုင်းငေါ့မြို့သို့ လက်နက်ကြီးဖြင့် (၁၅)ကြိမ် ပစ်ခတ်တိုက်ခိုက်ခဲ့သည်။ ထို့အပြင် စစ်ကောင်စီတပ်မှ Mi17 ထောက်ပို့ယာဥ်ဖြင့် စစ်ကူလူအင်အားနှင့် လက်နက်ခဲယမ်းများ (၃)ကြိမ် မိုင်းငေါ့တပ်စခန်းကုန်းတွင်း တိုက်ပွဲမဖြစ်ပွားခင် လာရောက်ပို့ချခဲ့သည်။

မိုင်းငေါ့မြို့ စခန်းသိမ်းတိုက်ပွဲ (၃)ရက်သာ ကာလအတွင်း စစ်ကောင်စီတပ်မှ လေကြောင်းတိုက်ခိုက်မှု စုစုပေါင်း ( ၂၄)ကြိမ်၊ ဗုံးကြဲချမှု အကြိမ်ပေါင်း (၁၀၃)ကြိမ်၊ လက်နက်ကြီး ပစ်ခတ်မှု (၄၅)ကြိမ် ထက်မနည်း အသုံးပြု တိုက်ခိုက်ခဲ့သည်။

စစ်ကောင်စီ မိုင်းငေါ့တပ်စခန်းကို တအာင်းတပ်မတော် PSLF/TNLA က တိုက်ခိုက်နေစဥ်အတွင်း စစ်ကောင်စီ၏ အရပ်ဖက် ဦးတည်တိုက်ခိုက်မှုကြောင့် မိုင်းငေါ့မြို့နယ် ဒေသခံ (၂)ဦးသေဆုံးခဲ့ပြီး၊ (၅)ဦး ဒဏ်ရာ ရရှိကာ၊ ဘာသာရေးအဆောက်အဦး ဘုရားကျောင်းကန်များ၊ လူနေအိမ် (၁၄)လုံး လက်နက်ကြီးနှင့် လေယာဥ်ဗုံးစ ထိမှန်ပျက်စီးခြင်း နှင့် လူနေအိမ် (၅) လုံး မီးလောင်ပျက်စီးခဲ့သည်။

တိုက်ပွဲကာလအတွင်း စစ်ကောင်စီ၏ လက်နက်ခဲယမ်းများ၊ ဟောင်ဝစ်ဇာအမြောက်အပါအဝင်၊ လက်နက်မျိုးစုံ၊ မိုင်း၊ ခဲယမ်းမျိုးစုံနှင့် စစ်သုံးဆောင်ပစ္စည်းများရှင်းလင်းသိမ်းဆည်းရမိခဲ့သည်။

ယနေ့ ၂၀၂၄ ခုနှစ်၊ ဇန်နဝါရီလ ၁ ရက်နေ့အထိ တအာင်းတပ်မတော် PSLF/TNLA က နမ့်ဆန်မြို့၊ နမ့်ခမ်းမြို့၊ မန်တုံမြို့၊ နမ္မတူမြို့၊ မိုင်းလုံမြို့တို့ကို သိမ်းပိုက်ခဲ့ပြီးနောက် ဆဌမမြောက်မြို့အဖြစ် မိုင်းငေါ့မြို့ကို အလုံးစုံ ထိန်းချုပ်ထားပြီးဖြစ်သည်။

/TNLA
#သတင်းနှင့်ပြန်ကြားရေးဌာန

01/01/2024

လားရှိုး-နမ္မတူ-မန်တုံ-နမ့်ဆန်မြို့တို့အား အဓိကဆက်သွယ်ထားသည့် အီနိုင်းတံတားအား လားရှိုးမြို့မှ ထိုးစစ်ဆင်လာသည့် စစ်ကောင်စီတပ်က ယမန်နေ့ ဒီဇင်ဘာလ ၃၁ ရက်နေ့ ညနေ(၃း၀၀)အချိန်တွင် လာရောက်မိုင်းခွဲဖျက်ဆီးပစ်ခဲ့သည်။

အီနိုင်းချောင်းတံတားသည် လားရှိုး - နမ္မတူ - မန်တုံ - နမ့်ဆန်မြို့ကို အဓိကဆက်သွယ်ထားသည့် တံတားဖြစ်သည်။

/TNLA
#သတင်းနှင့်ပြန်ကြားရေးဌာန

28/12/2023

နမ္မတူမြို့ရှိ စစ်ကောင်စီတပ်စခန်းကို အပြီးသတ်ရှင်းလင်းချေမှုန်း သိမ်းပိုက်နိုင်ခဲ့

တအာင်းပြည်နယ်၊ ဒီဇင်ဘာ ၂၈ ရက်
၁၀၂၇ စစ်ဆင်ရေး

တအာင်းပြည်နယ် တပ်မဟာ(၄)စစ်ဒေသ၊ နမ္မတူမြို့ရှိ စစ်ကောင်စီ ဗျုဟာမှူးအခြေချ ကွပ်ကဲနေသည့် တပ်စခန်းတို့ကို တအာင်းတပ်မတော် PSLF/TNLA မှ အလုံးစုံ ဝင်ရောက်ရှင်းလင်း ချေမှုန်းသိမ်းပိုက်နိုင်ခဲ့သည်။
နမ္မတူမြို့နယ် စစ်ကောင်စီတပ်စခန်းများကို တအာင်းတပ်မတော် PSLF/TNLA က ၁၀၂၇ စစ်ဆင်ရေးအတွင်း ဒီဇင်ဘာ ၂၅ ရက်နေ့မှ စတင်တိုက်ခိုက်ခဲ့ပြီး (၄)ရက်ကြာ ဒီဇင်ဘာ ၂၈ ရက်နေ့ နံနက်(၁း၃၀)နာရီ အချိန်တွင် စစ်ကောင်စီ ခမရ-၃၂၄ ဗျုဟာကုန်းအပါအဝင် တပ်စခန်းများဖြစ်သည့် မန်စံတပ်စခန်း၊ ပန်သပြေတပ်စခန်း၊ နောင်ဆိုင်ကင်းစခန်း၊ ရဲစခန်းနှင့် စကစ ဌာနဆိုင်ရာရုံးများ အလုံးစုံသိမ်းပိုက်ရရှိခဲ့ပါသည်။

နမ္မတူမြို့ စစ်ကောင်စီတပ်စခန်းသည် စစ်ဗျုဟာ-၂ လက်အောက်ခံ ခမရ-၃၂၄၊ ခလရ-၂၅၆ တို့မှ လာရောက်ထိုးစစ်ဆင် အခြေချလှုပ်ရှားသည့် တပ်ဖြစ်သည်။

နမ္မတူမြို့ရှိ စစ်ကောင်စီ တပ်စခန်းများကို တိုက်ခိုက်နေစဥ်အတွင်း စစ်ကောင်စီတပ်ဘက်မှ Jet Fighter ဖြင့် (၂၅)ကြိမ် ၊ Y12 လေယာဥ်ဖြင့် (၂၇)ကြိမ် နှင့် တိုက်ခိုက်ရေး ရဟတ်ယာဥ် Mi35 ဖြင့် (၉)ကြိမ် အသုံးပြု ခုခံပစ်ခတ်တိုက်ခိုက်ခဲ့သည်။ နမ္မတူမြို့တိုက်ပွဲအတွင်း စစ်ကောင်စီ ခမရ-၃၂၄ တပ်စခန်းမှ ဟောင်ဝစ်ဇာလက်နက်ကြီးဖြင့် (၉၃)ကြိမ် ထက်မနည်း နမ္မတူမြို့တွင်းသို့ ပစ်ခတ်တိုက်ခိုက်ခဲ့သည်။ ထို့အပြင် စစ်ကောင်စီတပ်မှ Mi17 ထောက်ပို့ယာဥ်ဖြင့် စစ်ကူအင်အားနှင့် လက်နက်ခဲယမ်းများ (၂)ကြိမ် နမ္မတူတပ်စခန်းကုန်းတွင် လာရောက် ပစ်ချထောက်ပံ့ပေးခဲ့သည်။

နမ္မတူမြို့ စခန်းသိမ်းတိုက်ပွဲ (၄)ရက်သာ ကာလအတွင်း စစ်ကောင်စီတပ်မှ လေကြောင်းတိုက်ခိုက်မှု စုစုပေါင်း ( ၆၁)ကြိမ်၊ ဗုံးကြဲချမှု အကြိမ်ပေါင်း (၂၁၈)ကြိမ်၊ လက်နက်ကြီး ပစ်ခတ်မှု (၉၃)ကြိမ် ထက်မနည်း အသုံးပြု တိုက်ခိုက်ခဲ့သည်။

စစ်ကောင်စီ နမ္မတူတပ်စခန်းကို တအာင်းတပ်မတော် PSLF/TNLA က တိုက်ခိုက်နေစဥ်အတွင်း စစ်ကောင်စီ၏ အရပ်ဖက် ဦးတည်တိုက်ခိုက်မှုကြောင့် နမ္မတူမြို့နယ် ဒေသခံ (၂)ဦးသေဆုံးခဲ့ပြီး၊ (၈)ဦး ဒဏ်ရာ ရရှိကာ၊ ဗလီကျောင်း၊ ဘာသာရေးအဆောက်အဦး ဘုရားကျောင်းကန်များ၊ လူနေအိမ် (၇)လုံး လက်နက်ကြီးနှင့် လေယာဥ်ဗုံးစ ထိမှန်ပျက်စီးခြင်း နှင့် လူနေအိမ် (၁) လုံး မီးလောင်ပျက်စီးခဲ့သည်။

တိုက်ပွဲကာလအတွင်း စစ်ကောင်စီ၏ လက်နက်ခဲယမ်းများ၊ ဟောင်ဝစ်ဇာအမြောက်အပါအဝင်၊ လက်နက်မျိုးစုံ၊ မိုင်း၊ ခဲယမ်းမျိုးစုံနှင့် စစ်သုံးဆောင်ပစ္စည်းများရှင်းလင်းသိမ်းဆည်းရမိခဲ့သည်။

ယနေ့ ဒီဇင်ဘာ ၂၈ ရက်နေ့အထိ တအာင်းတပ်မတော် PSLF/TNLA က နမ့်ဆန်မြို့၊ နမ့်ခမ်းမြို့၊ မန်တုံမြို့၊ မိုင်းလုံမြို့တို့ကို သိမ်းပိုက်ခဲ့ပြီးနောက် ပဥ္စမမြောက်မြို့အဖြစ် နမ္မတူမြို့ကို အလုံးစုံ ထိန်းချုပ်ထားပြီးဖြစ်သည်။

/TNLA
#သတင်းနှင့်ပြန်ကြားရေးဌာန

Ta'ang Artist Group - TAG

06/02/2024

25/01/2024

23/01/2024

22/01/2024

21/01/2024

19/01/2024

08/01/2024

06/01/2024

01/01/2024

01/01/2024

28/12/2023

Address

Telephone

Website

Alerts

Contact The Establishment

Shortcuts

Share

Category