02/09/2023
#လူငယ်တစ်ယောက်ရဲ့တန်ဖိုး
လူငယ်တစ်ဦး ဖြစ်နေလျှက်နဲ့
အယူသီး လွန်းနေရင်
အတွေးအခေါ်နည်းရာ ရောက်တယ်
လူငယ်တစ်ဦးဖြစ်နေလျှက်နဲ့
အတ္တတွေကြီးလွန်းနေလျှင်
အသိဥာဏ်နည်းရာ ရောက်တယ်
လူငယ်တစ်ဦး ဖြစ်နေလျှက်နဲ့
အာဃာတတွေ များလွန်းနေလျှင်
သဘောထားမပြည့်ရာ ရောက်တယ်..
လူငယ်တစ်ယောက် ဖြစ်နေလျှက်နဲ့
ငါ့ကျမှ ကံဆိုးလေခြင်းဆိုပြီး
တညည်းညည်းတညူညူ
အတွေးတွေနဲ့
လက်ရှော့အရှုံးပေးနေရင်
စိတ်ဓာတ်ပျော့ညံ့ရာရောက်တယ်
လူငယ်တစ်ဦး ဖြစ်နေလျှင်နဲ့
ဖြစ်သမျှအကြောင်း အကောင်းပေါ့လေဆိုပြီး
ကံကြမ္မာရဲ့ အမိန့်အောက်မှာ
ဒူးထောက်ပေးနေခဲ့ရင်
ကိုယ်ဇွဲလုံလကို မယုံကြည်ရာ ရောက်တယ်
ပုဇွန်လုံးမှာ ဦးခေါင်းမပါဘူး
သိုပေမယ့် ချမ်းချမ်း သာသာနေဖို့အတွက်
ကိုယ်တွင်းကိုယ်တူးတက်တယ်
ဦးခေါင်းပါတဲ့ လူက
နေရာတကာ ဟိုလူမှီခို ဒီလူမှီခို လိုက်လုပ်နေရင်
ပုဇွန်လုံးကို အားနာဖို့ကောင်းတယ်
ဘဝဆုတ်ယုတ်နေတဲ့
လူငယ်တွေကို အကဲခတ်ကြည့်
ရှေ့မဆက်နိုင်ဘဲ စိတ်ပျက်နေသူတွေရှိတယ်
အဆိုးလောကဓံနှိပ်စက်ခံရလို့
လက်လျော့အရှုံးပေးနေသူတွေရှိတယ်
တခါရှုံးရုံနဲ့ လုံးဝရှုံးသွားပြီလို့
သတ်မှတ်လိုက်ရင်
တိုးတက် ဖို့ အခွင့်ဆိုတာ
ပျောက်ကွယ်သွားမှာပါ
အတောင်ပံမခတ်တဲ့ ပိုးစုံကြူးမှာ
အရောင်ထွက်ဖို့ ခက်တယ်
ရည်းမှန်းချက်နဲ့ကြိုးစားမှုမရှိတဲ့
လူငယ်မှာလည်း တိုးတက် လာဖို့ခက်မှာပါဘဲ
လူငယ်တစ်ယောက်ရဲ့
အနှစ် အမြုတေဆိုတာ
မျော်လင့်ချက်နဲ့အိမ်မက်ပါ
ဘဝမှာမော့ကြည့်ရတဲ့ အိမ်မက်မျိုးတော့
လူငယ်မှန်သမျှ မက်သင့်ကြတာပေါ့
ထူးချွန်ထက်မြက်တဲ့ လူငယ်ဆိုတာ
ကိုယ်ဘဝကိုလည်း မြှင့်တင်နိုင်သလို
သူတပါးတို့ရဲ့ ဘဝကိုလည်း
မြှင့်တင်ပေးနိုင်စွမ်းရှိတယ်
စာနာစိတ်ရှိတဲ့လူငယ်ဆိုတာ
တစ်ကိုယ်ကောင်းဆန်စိတ် နည်းပါးသလို
တစ်ပါးသူတို့ရဲ့ စိတ်ပင်းပန်းမှုကိုလည်း
မျှဝေခံစားပေးနိုင်တက်ကြတယ်
အသားဖြူခြင်း……မဖြူခြင်း
ရုပ်ရည်လှခြင်း……မလှခြင်းတွေက
လူငယ်တစ်ယောက်ရဲ့ တန်ဖိုးမဟုတ်ပါဘူး
ဘယ်လောက်အစွမ်းအစရှိမရှိ
ဘယ်လောက် လုပ်နိုင်……မလုပ်နိုင်ဆိုတာကမှ
လူငယ်တစ်ယောက်ရဲ့ တန်ဖိုးပါ
#ဆရာကြီးဦးအောင်သင်း
