06/07/2023
တွေးထားသလို ဖြစ်မလာတဲ့ ဇာတ်သိမ်း...
နီးပြီးမှတော့ ဘယ်သူက ဝေးချင်မှာလဲ... ပြီးတော့ ပိုင်ဆိုင်ပြီးမှတော့ ဘယ်သူက ဆုံးရှုံးချင်မှာလဲ... တစ်ခါတစ်လေကျတော့ လောကကြီးက ဆန်းကျယ်တယ် လူတွေက လှည့်စားတတ်လွန်းတယ် တစ်ထစ်ချကြီးမျှော်လင့်ခဲ့ပြီးမှ သေသေချာချာကြီး လွဲချော်ခဲ့ရတာတွေမှ အများကြီးပါပဲ ။
ဒီလူတော့... ငါ့ကို နားလည်ပေးမှာပါဆိုပြီး ယုံကြည်ခဲ့မိတာ သူတော့ ငါ့အနားတစ်သက်လုံးရှိနေမှာဆိုပြီး မျှော်လင့်ခဲ့မိတာ တခြား ဘယ်သူမှ မရှိချင် နေပါစေ သူတော့ ငါ့အနားရှိနေမှာဆိုပြီး တစ်လောကလုံးကို ပုန်ကန်ခဲ့မိတာလေ ။
ဒါပေမယ့်... အိပ်မက်တွေ အရှည်ကြီးမက်ရသလောက် ပြတ်တောက်သွားဖို့ကျပြန်တော့လဲ လွယ်လိုက်တာ... စကားလုံးတစ်ခွန်းနဲ့လဲ အေးစက်ချင် အေးစက်သွားတတ်တာပဲ... အချိန်ကာလလေး နာ်းနည်းလေးနဲ့လဲ နှစ်တွေအကြာကြီး ပျက်စီးချင် ပျက်စီးသွားတတ်ပါပဲ ။
အခုလေ... ပျော်ရွှင်စွာပေါင်းဖက်ရလေခြင်းဆိုပြီး ကြိုမျှော်လင့်ထားမိတဲ့ ဇာတ်လမ်းလေးတစ်ပုဒ်က ဆက်လျှောက်နေရင်းက အဆုံးသတ်သွားခဲ့ရတယ် ။ ကိုယ်မျှော်လင့်ထားသလို ကိုယ်တွေးထားသလို သူနဲ့ကိုယ်နဲ့ ပေါင်းဖက်ပြီး ဇာတ်သိမ်းခဲ့ရတာမျိုး မဟုတ်ဘူးလေ ။ သူစိမ်းတွေလိုမျိုး တစ်ယောက်တစ်လမ်းစီနဲ့ တစ်ယောက်ကို တစ်ယောက် ကျောခိုင်းပြီး ဇာတ်သိမ်းသွားခဲ့တာ ။
မျှော်ချင်ပါသေးတယ်ဆိုရင်တောင် သေချာပါတယ် သူ ပြန်မလာတော့ဘူး ။ ကိုယ်မရှိတဲ့အရပ်မှာ သူက ပိုပြီးတော့ ပျော်နေပြီ ။ သိပ်ချစ်တာပဲလို့ အကျယ်ကြီးအော်ရင်တောင် သူမကြားတော့ဘူး ကိုယ်နဲ့ပတ်သက်သမျှ အရာအားလုံးကို သူ Block လုပ်ထားခဲ့ပြီ ။
အရာရာက တကယ်ပဲ အဆုံးသတ်သွားခဲ့ပါပြီ ။ ကိုယ်တွေးထားသလို မဖြစ်ခဲ့တာလေ တစ်ခုပါပဲ ။ ခုလေ... ဇာတ်ကားတစ်ကားမကြည့်ခင် အဆုံးသတ်ကို ကြိုပြီးတော့ ကြည့်တယ် မပေါင်းရဘူးဆို အဲ့ဒီဇာတ်ကား မကြည့်ချင်တော့ဘူး ဝတ္ထုတစ်အုပ်မဖတ်ခင်လဲ အဲ့အတိုင်းပဲ ။ သီချင်းဆိုလဲ အရမ်းဆွေးတဲ့ သီချင်းသံတွေဆို နားထောင်နိုင်လောက်တဲ့ ထိ မျက်ရည် မခိုင်တော့ဘူး ။
ကိုယ် ကွဲကြေခဲ့ရတဲ့ ဇာတ်လမ်းမျိုး နောက်တစ်ခေါက် ပြန်နားမထောင်နိုင်လောက်တဲ့ အင်အားတွေက ရှိမနေဘူးလေ ။ နောက်တစ်ခေါက်ပြန်နာကျင်ရမှာကို ကြောက်နေမိတာ။
#ကျေးကို
(ရင်နှင့်ရင်း၍ ရေးသည်)
