Teatar Jordan H.K. Dzinot- Veles

20/05/2026

🎭 „ЗАТВОРЕНИЧКИ“

📸 Фотосесија: Крсте Шупев
🎬 Видеото е од фотосесијата за претставата

🎭 Режија: Елеонора Теова
👗 Костимографија: Катерина Чукниева
🎨 Сценографија: Филип Коруновски
💃 Сценски движења и кореографија: Кренаре Невзати – Кери
🎵 Автор на сонг: Сашко Костов

👥 Актери:
Сандра Танчева
Јанка Лефкова
Димитрина Мицкоска
Кире Ацевски

13/05/2026

На 18 мај (понеделник), со почеток во 20:00 часот, на сцената на НУ Театар „Јордан Хаџи Константинов – Џинот“ во Велес ќе гостува монодрамата „Прима Фацие“. Современ драмски текст од австралиската авторка и поранешна адвокатка Сузи Милер, е еден од најизведуваните и најактуелни драмски текстови во последните години, во Европа и пошироко. Станува збор за правен трилер кој ја следи приказната на Теса Енслер, успешна адвокатка-бранителка, која многу често работи на случаи на полов напад, бранејќи ги обвинетите, сè додека еден личен настан не ја принуди да се соочи со системот во кој длабоко верувала. Претставата отвора значајни прашања за правдата, согласноста, моќта, родовата нееднаквост и односот помеѓу правната и личната вистина.Претставата е во продукција на Здружението ТЕСА – Скопје, преводот е на Благој Б. Бошковски, режијата е на Драгана Гунин, улогата на Теса Енслер ја толкува Сара Анастасовска, а изборот на музика е на Душко Вељановски.По завршувањето на претставата ќе се одржи кратка јавна дискусија со психолог од Асоцијација ХЕРА и адвокат од Македонското здружение на млади правници, посветена на темите што ги отвора претставата.Овој проект е поддржан во рамки на проектот „Култура за развој“ на Владата на Швајцарија, кој се имплементира од Хартефакт Фон

12/05/2026

Денес роденден слави актерот Жарко Спасовски , долгогодишен член на ансамблот на Народниот театар „Јордан Хаџи Константинов Џинот“ . Дипломираше на Факултетот за драмски уметности во Скопје, во класата на проф. Владимир Милчин во 2013 година, во истата година станува дел од ансамблот на Театар „Џинот“ во Велес и до сега има одиграно околу 40 улоги. Од август 2024 е именуван за директор на театарот.

11/05/2026

Оваа недела на репертоар:
-среда, 13 мај- „НЕ МОЖЕМЕ ДА ПЛАТИМЕ, НЕМА ДА ПЛАТИМЕ“ (распродадена)
- четврток,14 мај - „ГОСПОЃА МИНИСТЕРКА“
- сабота,16 мај - „МАЛО НЕВИНО УБИСТВО“

07/05/2026

🎭 Претставата „Вечера за глупаци“ гостуваше на сцената на Драмски театар Скопје во рамките на одбележувањето на 80-годишниот јубилеј.

Благодарност до публиката која што ја исполни салата до последно место, за топлиот прием и незаборавната атмосфера. ❤️

Секое гостување е чест, а оваа вечер ќе остане запаметена како вистинска театарска магија.

Режија: Ненад Витанов

🎭 Улоги:
ПИЊОН ФРАНСОА – Фаик Мефаилоски
ПЈЕР – Жарко Спасовски
КРИСТИНА – Сандра Танчeва
АРШАМБО – Јордан Витанов
ЛЕБЛАН САМО – Благојчо Стојанов
МАРЛЕНА – Талија Настова
КОЊАЛ ЛИСЈЕН – Кире Ацевски
ГЛАСОТ НА МЕНО – Сашко Костов

🎭 Театар „Јордан Х.К. Џинот“ – Велес

07/05/2026

,,ЗАТВОРЕНИЧКИ,,
Режија : Елеонора Теова.
Костимограф : Катерина Чукниева
Сценограф : Филип Коруновски
Сценски движења и кореографија: Кренаре Невзати – Кери
Автор на сонг: Сашко Костов
Фото: Крсте Шупев

Во претставата играат : Сандра Танчева, Јанка Лефкова , Димитрина Мицкоска и Кире Ацевски

- премиера 08.05.2026 г. (петок)

„Затворенички“ е крик против тишината што убива
Во општество во кое вестите за фемицид и насилство врз жените стануваат застрашувачко секојдневие, театарската претстава „Затворенички“ не нуди утеха, туку соочување.
Создадена како колективно авторство, претставата носи на сцена три жени. Три различни приказни. Три борби за опстанок. Силни, но оттурнати. Оставени без поддршка, без заштита, без систем што ќе застане зад нив — тие се приморани сами да ја преземат контролата врз сопствениот живот, по цена што ги доведува зад решетки.
Но затворот не е крај — тој е продолжение.
Во затворскиот простор, насилството не исчезнува. Само ја менува формата. Преку односот со стражарот и системот што повторно ги остава без глас и без права, „Затворенички“ ја разоткрива суровата вистина: дека за многу жени, безбедно место не постои — ниту надвор, ниту внатре.
Оваа претстава не е само приказна. Таа е прашање упатено кон сите нас:
Колку уште ќе молчиме пред да биде предоцна?
Со „Затворенички“, нашата намера не е само да прикажеме реалност, туку да придонесеме за промена. Да отвориме простор за гласност, за одговорност и за систем во кој жените ќе бидат заштитени пред да станат статистика.
Затоа што секоја тишина има цена.
И затоа што ова не е само нивна приказна — ова е приказна на едно општество што мора да се разбуди.
Елеонора Теова.

29/04/2026

29/04/2026

Почитувани ве молиме сите што сте заинтересирани да купите билети за некоја од претставите на репертоарот да го направите тоа на билетарата на театарот , бидејки не сме во можност да правиме резервирање на билети по пат на телефоски повик. Работното време на билетарата е од 10 до 14 часот и од 18 до 20 часот. Ви благодариме на разбирањето.

23/04/2026

,,Не можеме да платиме – нема да платиме“
Режија: Елеонора Теова

Актери:
Талија Настова
Фаик Мефаилоски
Сандра Танчева
Благојчо Стојанов
Кире Ацевски

📅 23 април | 20:00
🎟 Претставата е РАСПРОДАДЕНА

Ви благодариме за интересот – се гледаме во театар! 🎭

20/04/2026

„Мало невино убиство“

Режија: Деан Дамјановски

На сцената:
✨ Васил Зафирчев
✨ Кети Борисовска
✨ Талија Настова

Комедија со неочекувани пресврти, динамика и изненадувања што ќе ве држат во неизвесност до самиот крај. 🎭

📅 25 април (сабота)
🕗 20:00

🎟 Билетара:
10:00–14:00
18:00–20:00

✨ Ве очекуваме!