12/11/2025
🎭Започнува 50. издание на Млад Отворен Театар — педесет години современ дух, уметничка слобода и театар кој менува!
✨Од 1976 година до денес, #МОТ е повеќе од фестивал — тоа е културен континуитет, сцена на нови гласови и простор каде младоста, визијата и уметноста се среќаваат во експеримент, ризик и страст. Основан како иницијатива на младите уметници и интелектуалци кои веруваа во силата на театарот како општествен импулс, #МОТ израсна во препознатлив симбол на автентична, храбра и слободна театарска мисла.
💫50. издание на МОТ го посветуваме на македонските автори, режисери и актери кои творат надвор од границите на Македонија, а чии дела го носат духот на нашата култура на светските сцени. МОТ ги слави тие гласови — храбри, автентични и непредвидливи — гласови кои ја спојуваат изворната сензибилност со меѓународниот контекст, создавајќи театар кој зборува универзално, но ја дише нашата култура.
50. издание на МОТ е и празник на театарот во сите негови форми — експериментален, документарен, визуелен, младински, алтернативен. И толку години подоцна, МОТ сè уште гори со истиот пламен: на љубопитност, на храброст да се биде и да се каже но и на едната, унверзална, уметничка вистина.
👉Целосната програма е достапна на веб страната: mot.mk. Билетите се во продажба од 13.11 (четврток) на веб страната на фестивалот.
Да живее #МОТ!
#МОТ50 | #МладОтворенТеатар
Дизајн: Кристина Горовска
JDP
Regionalno pozoriste Novi Pazar
SPAM Studios
Újvidéki Színház
Teatri ODA
Agnes Nokshiqi
Narodno pozorište Niš
Teatri Adriana - Ferizaj
