Теренот е лоциран на 100 метри од влезот на населбата Драчево, а се протега на 4100 квадратни метри.
Пушка, воена униформа, топчиња полни со боја и подготвен терен се неопходни предуслови за да почне адреналинската игра пеинтбол. Адреналин до максимум, многу забава, валкање со многу боја, губење многу калории и понекоја модринка се карактеристиките на оваа спортска и забавна активност. Играчите се
натпреваруваат во тимови или индивидуално за да ги елиминираат противниците со погодување со капсули што содржат раствори од вода и боја. Фаќање на знамето, елиминација, одбрана или напад на одредена точка или област се дел од игрите што се применуваат.
Во зависност од играта, забавата може да трае од секунди до неколку часа. Во повеќето области каде што се игра пеинтбол, играчите се бара да носат заштитни маски и правилата на играта строго се спроведуваат. Во светот се организираат лиги и турнири во пеинтбол со професионални тимови и играчи. А оваа игра се користи и од воените сили и безбедносни организации во дополнителната воена обука.
Препреките и базите се направени од различни материјали, како палети, метални препреки, сено, гуми. Опремата се состои од комбинезон, заштитен елек, кацига за пеинтбол, ракавици, како и пеинтбол-пушка.
За една извонредна игра потребни се добар тим и добар противнички тим, каде што играчите максимално би биле внесени во играта. Нашиот клуб ќе понуди добро осмислена патека (мапа), која два-три пати ќе се менува во текот на месецот за да се избегне монотонијата
Бидејќи може да се стави во групата адреналински или екстремни спортови, лимитот за учество треба да биде над 9 години.
Предвидено е во еден термин да играат по две екипи од по пет играчи.
