Litera

23/02/2026

💫Секој град во себе крие безброј убави приказни вредни за раскажување. Приказни кои срамежливо се кријат и чекаат да ја видат светлината на денот.

Литера не би била Литера ако не се впушти во уште една супер голема авантура низ која ќе ја откриеме автентичноста и убавината на македонските градови и луѓето кои живеат таму.

👉Осмото издание на Литера ќе биде магично.
Ќе патуваме, ќе откриваме приказни, ќе се дружиме на работилници, една супер голема регионална конференција и многу, многу други активности.

🎨Првпат ЛИТЕРА ќе се јави како издавач на шест нови сликовници за деца за шест наши градови.
Затоа што ЛИТЕРА е мисија! ❤
А во кои градови ќе патуваме, ќе ви откриеме наскоро!

Дизајн и илустрација на постер: Анастасија Јованова

#Литера #литературазадеца #градовиполниприказни

01/01/2026

Ви посакуваме година исполнета со инспирација, креативност, радост и безброј нови приказни.

Нека 2026 биде година на читање, пишување, соништа и храбри детски гласови што ја менуваат иднината 📚

Ви благодариме што сте дел од нашата заедница. Продолжуваме заедно со уште повеќе прекрасни моменти, насмевки и магија!

Среќна и успешна 2026! 💫

#Литера #МеѓународенФестивал #Млади #Деца

03/12/2025

Со секој нов чекор што го правиме, сè појасно гледаме колку порасна Литера. Од првите идеи до денес, зад фестивалот стојат многу труд, визија и љубов. А кога ќе погледнеме наназад, тешко е да не се почувствуваме гордо што сме дел од тим што создава нешто вредно, нешто што вистински допира до луѓето.

Литера денес е фестивал силен по дух и по квалитет, препознаен од меѓународната заедница. А тоа само нè мотивира уште повеќе.

Ова видео е мал потсетник на еден од нашите омилени моменти, оддавањето почит на ликовниот великан Димитар Кондовски и можноста да се нурнеме во неговиот свет, да го почувствуваме неговиот визуелен јазик и да се инспирираме од неговото дело.

Во неговите многубројни илустрации за книги и во неговите цртежи за сликовници е видлива творечката радост на цртањето и сликањето. Оваа потценета (дури и денес) форма на уметничко изразување рано го привлече вниманието на Кондовски.

Тој знаеше дека уметниците можат да откријат други светови внатре во нашиот свет. И тој го побара тој волшебен свет. Работата на детски сликовници и илустрации за книги му ја дадоа можноста да ја ослободи сопствената имагинација надвор од рамките на сликата и да го напушти со правила и закони ограниченото подрачје на стварноста што ја истражува во сликарството и смело да се упати во непознатата земја на фантазијата.

Следете нè!
👉 Многу новитети се на прагот… останете со нас!

#Литера #МеѓународенФестивал #Млади #Деца

Едукативна работилница за ликовниот уметник Димитар Кондовски

23/11/2025

✨ Музиката понекогаш знае да остави трага и без звук.

Ова дело е создадено со техника колографија, каде ритамот, емоцијата и движењето се претвораат во слоеви боја и текстура.

Секое дело носи дел од мелодијата како вибрации, тивки премини и невидлива енергија преточена на хартија. 🎨

Уметност што не ја слушаш, туку ја чувствуваш.🎼

#Литера #МеѓународенФестивал #Млади #Деца #Илустрација #Колографија #Литера2025

21/11/2025

На „Литера“ ја откривме наједноставната тајна на детската среќа, простор да создаваат и само неколку боички во рацете. 🎨

Кога ќе им дадеш слобода, децата создаваат магија.💛

#Литера #МеѓународенФестивал #Млади #Деца #Илустрација #ОрдеМанески #Литера2025

14/11/2025

👧 „Мамо како да станам и јас илустратор?“

Прашање што го слушнавме на овогодинешната „Литера“.📚

🖼 Изговорено со восхит пред делата на Орде Манески, со очи што го гледаат светот токму онака како што ние, возрасните, одамна сме заборавиле.

Најубавиот момент е кога уметноста некој ќе ја почувствува како свој пат, а тоа го прават само децата.✨

#Литера #МеѓународенФестивал #Млади #Деца #Илустрација #ОрдеМанески #Литера2025

12/11/2025

На „Литера“, страниците мирисаат на боја и детство. 🎨

Тука зборовите се претвораат во цртежи, а цртежите во приказни.📖

На овогодинешната „Литера“ секое дете стана автор на својата прва сликовница.💫

#Литера #МеѓународенФестивал #Млади #Деца #Илустрација #Мисија #Литера2025 #Сликовница

06/11/2025

Секоја страница во ноември крие дел од магијата на детството. 🍂

Месец кога приказните оживуваат, а секоја книга станува мало чудо што ја буди фантазијата и отвора нови светови. 📚

Време е за читање и создавање приказни што остануваат засекогаш во срцето. ❤️

#Литера #МеѓународенФестивал #Млади #Деца #Илустрација #Мисија #Литера2025 #Активности

23/09/2025

Каков впечаток ви остави овогодинешната изложба на „Литера 2025“?🤔

🎨 Изложбата беше посветена на Орде Манески, доајенот на македонската илустрација.

Неговите илустрации нè потсетија зошто книгите од детството ги носиме со себе цел живот.😊

#Литера #МеѓународенФестивал #Млади #Деца #Илустрација #Мисија #Литера2025 #Активности

11/09/2025

📚Софија Семенпеева, директорката на фестивалот, истакна дека Фестивалот „Литера“ остана верен на својата мисија – да ја поттикне љубовта кон книгите, да го промовира значењето на илустрацијата и да создаде простор каде што приказните можат да патуваат без граници.🌍✨

🎉Со ова заврши уште едно успешно издание на Литера фестивалот, носејќи радост и инспирација на сите учесници и посетители.😊

🖌️📚Фестивалот Литера, со својата разновидна програма и учесници, успеа да привлече голем број посетители и да создаде платформа за промоција на детската литература и илустрација. Преку различните активности и работилници. Литера поттикна креативност и љубов кон читањето кај младите генерации, оставајќи длабок печат на културната сцена во Македонија.✨

#Литера #МеѓународенФестивал #Млади #Деца #Илустрација #Мисија #Литера2025 #Активности