Atelier Foliage

Home
Macedonia
Skopje
Atelier Foliage

Contact information, map and directions, contact form, opening hours, services, ratings, photos, videos and announcements from Atelier Foliage, Arts & Crafts Store, Skopje.

Креативно студио
• Зачувување на букети во форма на уметничка слика
• Изработка на слики од хербаризирани растенија
• Декоративни производи од самостврднувачка глина

01/08/2026

Кога нарачката гласи "Направи ми ја буквата Н за бебе родено во подножјето на Шар Планина" секако дека ќе искористам планински цветови, а дел од нив собрани токму од таму. 🏔

Реакцијата на овој подарок за крштевка, како што ми беше отпосле кажано, била неизмерно емотивна и бил прогласен за најдобар подарок на денот. 💚

30/07/2026

Сите досегашни реконструкции на букети во една објава - разложени по цветови и фотографија од изгледот на букетот.

За некого можеби незначително, но како за прва година што ја нудам оваа услуга, за мене овие 13 зачувувања на ваши букети ми донесоа многу искуство, самодоверба и знак дека ја имам и вашата доверба. Секој донесен букет ми беше нова радост, возбуда и со нетрпение чекав да се пресуваат цветовите за да ги работам сликите.

28/07/2026

За Елена и Симон 💐

Бидермаерот на Елена беше нежна класика, со шампањ боја на рози и бисерен додаток. Освен бидермаерот, парот донесоа и икебана од невестинската маса за зачувување. За цветовите од икебаната направив реконструкција во сличен стил како што изгледаат кога стојат поставени на маса (хоризонтално линиско поставување) а бидермаерот одлучив да го поставам во традиционален - фронтален стил, за да се зачува и мал детал од бисерот.

Нека ви е вечна љубовта! 🤍

22/07/2026

Секоја темјанушка на оваа слика еднаш тивко цветаше, високо на планинските полјани. Овие цветови го завршија својот животен циклус на планина, но продолжија да ја раскажуваат својата приказна на поинаков начин.

Собрани со трпение, благодарност и почит кон природата - планинските темјанушки се потсетник дека најубавите нешта не секогаш се големи или гласни.

Оваа слика е мал спомен од планината, зачуван во рамка - тивка уметност што ја чува убавината на еден миг.

Слика изработена од пресувани цветови и листови од планински темјанушки, рачно набрани.

21/07/2026

За Ивана и Бобан 💐 6.6.2026 🗓

Не секој букет раскажува приказна, но овој зборува за игривост и нежност. Неговата природна форма, зеленило, белите цветови и суптилната гипсофила создаваат романтична хармонија што совршено се вклопува со магијата на овој ден.

Букетот не е само детал – тој е симбол на љубов, надеж и нови почетоци. Со својата свежина и романтичност, зачуван како слика во рамка, тој совршено ги пренесува спомените на овој незаборавен ден. 🤍

Нека ви е вечна љубовта! 🫶

19/07/2026

За Ивана и Кристијан 💐

Букетот на Ивана беше во асиметричен стил, но полн со елеганција и нежност. Ивана одлучи да го зачува во модерен стил и не згреши. Сликата испадна прекрасно, иако не е класична реконструкција на букетот, стилот и цветовите ги пренесуваат истите спомени од денот. 🤍💚

Нека ви е вечна љубовта!

18/07/2026

Нема веќе оправдувања :) Ти нудиме три различни опции кои можеш да ги направиш доколку ја имаш оваа дилема.

Препрати го на твојот партнер ако планирате свадба наскоро. 🤍

Сподели го со пријатели што те имаат покането на свадба или знаеш дека планираат. 🌸

17/07/2026

Верувај во себе 🍀

Ви споделувам впечатоци од работилницата со пресувани цветови, иако фотографиите не може целосно да го доловат процесот и убавината на вечерта. ✨️

Морав да споделам слика од секоја изработка затоа што навистина заслужуваат да бидат прикажани. Со многу вложен труд, внимание и љубов кон креирањето и уметноста, сите учесници изработија прекрасна слика која не може да се препознае дека е направена од човек што првпат работи со оваа техника. 🥰

Благодарност до Bloom Room за просторот, атмосферата, професионалната соработка и превкусните коктели кои не' освежуваа во текот на работата. 🫶

И многу голема благодарност до сите кои се пријавија за работилницата и интересот за ваквите изработки. Се надевам дека сите си отидоа задоволни и научија нешто ново. 🌸

14/07/2026

За Матеа и Диме 💐

Вистинска класика која не излегува од мода - бидермаер од бели рози и минимално зеленило околу нив. 🤍🌿

Букетот на Матеа зрачи со елеганција и безвременски шарм. Едноставност која остава силен впечаток, а сега, со зачувување на букетот во рамка, парот ќе може да го доживува овој впечаток одново, секој ден.

Нека ви е вечна љубовта 🤍💚

09/07/2026

Зачувани цветови од бидермаерот на Тамара во стилот - цветен круг 💐

Бидермаерот на Тамара беше составен од специфичен вид на бела, крупна орхидеа, бели рози и гипсофила, но за жал зачувувањето на орхидејата беше неуспешен. Поради тоа, направивме слика од оние цветови кои беа успешно зачувани, која претставува мал спомен од нивниот прекрасен ден. 🤍

Ова го споделувам како потсетник дека пресувањето на цветовите е целосно природен процес, кој од различни причини некогаш може да биде и неуспешен (вклучувајќи го и видот на цветот или неговото одгледување и свежина).

Address

Skopje
1000

Website

https://instagram.com/atelierfoliage?igshid=1xa7hj6oxc371

Alerts

Be the first to know and let us send you an email when Atelier Foliage posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Atelier Foliage:

Want your establishment to be the top-listed Arts & Entertainment in Skopje?