Kulturen Manifest Krusevo

06/04/2026

Почитувани, денеска по покана на Книжевниот кружок "Васил Иљоски" на гости ни беше најчитаниот современ македонски автор за деца и тинејџери Горјан Петревски. Како дел од активностите за настанот под организација на ООУ "Никола Карев" Крушево и професорките по македонски јазик Маја Митева Петроска и Александра Ангелеска се оддржа час по македонски јазик со ученици од VIII и IX одделение на кој во присуство на авторот се обработуваше лектирата Марта. Целиот настан беше исполнет со многи емоции, дискусии и прашања од страна на креативните ученици до познатиот писател.
Исто така како дел од активностите беше реализирана средба на авторот со дел од членовите на книжевниот кружок на која беше разговарано за многубројните авторски идеи и спомени како неминовна креативна инспирација за сите создадени дела кои ги задоволуваат сите љубопитни читатели на сите возрасти, особено помладата публика.
Овој пристап на интеракција помеѓу автор-читател е доста корисна и инспиративна, а во иднина тоа ќе ни биде поттик за повеќе идни и успешни книжевни средби и настани.

10/12/2025

Почитувани сограѓани, со гордост сакаме да ве информираме дека Здружението за афирмација на култура, екологија и рурален туризам КУЛТУРЕН МАНИФЕСТ Крушево, заедно со Општина Крушево, е организатор на манифестацијата "Празничен шепот на крушевската чаршија".
Му се заблагодаруваме на тимот на манифестацијата за нивната креативност и посветеност кои ја даваат за успешна реализација на овој настан.

21/11/2025

Почитувани, Ве информираме и покануваме да присуствувате на промоцијата на книгата "Ѕвездите светат бесконечно" посветена на трагедијата во Кочани.
Книгата е издание на Книжевен кружок "Васил Иљоски" Крушево кое функционира во склоп на Здружение за афирмација на култура, екологија и рурален туризам КУЛТУРЕН МАНИФЕСТ Крушево.
МЕСТО : НУ ЦК "Бели мугри" Кочани
ДАТУМ : 25.11.2025 година
ВРЕМЕ : 18:00 часот
Книгата ќе се продава во износ од 200 денари, со хуманитарен карактер за помош на поврдените.

03/10/2025

27/09/2025

https://www.facebook.com/photo/?fbid=765407003074211&set=gm.971919825099921&idorvanity=900084722283432

Send a message to learn more

29/08/2025

Здружението за афирмација на култура, екологија и рурален туризам КУЛТУРЕН МАНИФЕСТ Крушево, во склоп на примарните програмски задачи за активно вклучување на младите за исполнување на своите цели, зеде активно учество во целиот процес на формирање на новиот Локален младински совет на општина Крушево, така што денеска на состанокот на локалното собрание беше изгласен новиот совет, меѓу кои и нашата кандидатка Марија Котеска.
Му пожелуваме успешна работа и многу реализирани проекти.

28/06/2025

Почитувани пријатели, писатели и хуманитарци, првенствено сакаме да ви се заблагодариме за големиот интерес во врска со хуманитарниот литературен конкурс "Ѕвездите светат бесконечно" посветени на трагедијата во Кочани. Исто така сакаме да ве известиме дека сите творби од конкурсот се прифатени, а дополнително од уредниците ќе се уредуваат и лектирираат. Во месец јули сите подеталано ќе ве исконтактираме.
Повторно, благодариме

Send a message to learn more

22/06/2025

На 21.06.2025 година во Градскиот парк Крушево, под организција на Здружението за афирмација на култура, екологија и рурален туризам КУЛТУРЕН МАНИФЕСТ Крушево, а во соработка со познатиот и афирмиран музичар, првенствено крушевчанец Виктор Илиески, се одржа спектакуларен и невообичаен концерт во кој учество зедоа учениците од хорот на Француското интернационално училиште ЕФИС - Скопје, младиот хорнист Кирил Митрески, како и нашите сограѓанки Ребека и Леона. Низ прекрасните вокални способности на младите интерпретатори ги слушнавме преубавите француски шансони, заедно со неколку македонски и влашки песни. Виктор како ментор и музичар успешно ја долови целата замисла на настанот, што можеше да се забележи и од големата посетеност од страна на наши сограѓани и туристи.

16/06/2025

Здружението за афирмација на култура, екологија и рурален туризам КУЛТУРЕН МАНИФЕСТ Крушево, како дел од своите програмски активности за организирање на музички настани и манифестации, ве поканува да присуствувате на 21-ви јуни, сабота во 20 часот во Градскиот Парк, каде што ќе се одржи концертот "Со душа за Крушево" на детскиот хор на француското Интернационално Училиште Ефис под водство на филхармоничарот - уметник Виктор Илиески, кој воедно ќе ги придружува младите интерпретатори на пијано со изведба на прекрасни француски, англиски и македонски песни.
Децата од хорот кои доаѓаат од најразлични држави од Светот и пеат на 3 јазици, преку песните испраќаат пораки за мир во светот, заедништво, меѓусебно разбирање љубов и почитување.
На концертот ќе ни се придружи и победничката за 2025 година на француски шансони во Македонија - Нина Лазаревска.
На концертот ќе настапи и младиот хорнист Кирил Митрески, делото е изненадување за публиката.
Концертот е поддржан од Општина Крушево, помогнат од ТТК Банка, а се организира од Виктор Илиески заедно со Здружението на граѓани КУЛТУРЕН МАНИФЕСТ Крушево.

04/06/2025

Здружението за афирмација на култура, екологија и рурален туризам КУЛТУРЕН МАНИФЕСТ Крушево како дел од своите долгорочни програмски активности на 31.05.2025 го основаше првиот литературен круг во Општина Крушево, кој ќе го носи името на еден од најголемите македонски драмски писатели, крушевчанецот Васил Иљоски.
Како составен дел на литературниот круг ќе функционира и читетелскиот клуб со повеќе членови од Крушево, Битола и други градови од нашата татковина. Основна цел на овој кружок ќе биде да ја афирмира литературата во целина, со објавување на годишни трудови, читателски и книжевни средби, доделување на признанија на реномирани автори и дебитанти, поттикнување на книжевната свест кај младите преку разни конкурси и слично.
За прв претседател е избран Валентин Тасески.

29/05/2025

Почитувани, Здружението за афирмација на култура, екологија и рурален туризам КУЛТУРЕН МАНИФЕСТ Крушево ве поканува да го посетете еднодневниот саем на книги во соработка со Бата прес Скопје и Sveti Nikola Boutique Hotel Крушево.
Ве очекуваме☺️