04/06/2026
ПОКАНА
Почитувани,
Фондација Божиновски Битола Ве поканува на јавниот завршен настан на проектот „Прва уметничка бригада“.
Настанот ќе се одржи на 04 јуни 2026 година (четврток) со почеток во 19:30 часот, пред Центар за култура Битола.
„Прва уметничка бригада“ претставува платформа која ги вклучува младите од Битола и руралните средини во креативен процес, користејќи ја уметноста како средство за граѓански активизам. Преку уметнички работилници, јавни интервенции и презентации, проектот поттикнува критичко размислување, активно учество и општествена одговорност кај младите.
Во текот на проектот посебен акцент беше ставен на социјалната инклузија, децентрализацијата и еколошката свесност, со цел создавање простор за активно учество и изразување на младите во заедницата.
На завршниот настан, преку (НЕ)изложба, уметничка поставка, како форма на изразување, ќе бидат претставени ставовите, мислењата и предизвиците со кои се соочуваат младите, како и резултатите и креативните продукти произлезени од процесот на работа.
Иницијативата Прва уметничка бригада ја реализира Фондација Божиновски во соработка со Центар за култура Битола и ЗГ Солак.
Проектот се реализира со поддршка во рамки на проектот „Култура за развој“ на Владата на Швајцарија, имплементиран од Хартефакт Фонд.
Ве очекуваме.
Со почит,
Фондација Божиновски Битола
