R Jasmin Darmond

R Jasmin Darmond Hanoratsa aho, dia hiteny; raha tsy hitany io dia ho reny... Penina Lany Ranomainty Tononkako, sombitantara, taratasy misokatra...

Nitsikiako ianao, nitsikiakoNitsikiako kanefa nangarikaFihetsika iray tena tiakoFihetsika tena mahasarika.Nokotiako iana...
05/03/2026

Nitsikiako ianao, nitsikiako
Nitsikiako kanefa nangarika
Fihetsika iray tena tiako
Fihetsika tena mahasarika.
Nokotiako ianao, nokotiako
Nokotiako kanefa nanda
Izay 'lay zavatra tsy isangiako
Maharomotra fatratra an'ahy
Notineriko ianao, notineriko
Notineriko hanaiky ny foko
Kinajo tsy takatry ny heriko
'Lay fikanao 'zay vavim-boto!
Hionona ve sa hisisika?.. nefa raha voadaroka eo?
Ny tenako manko ka bitika
Izy efa tsy hanaiky rahateo!
14,5
Jasmin Darmond Randriamandamintsoa
Penina Lany Ranomainty

DIA AHOANA IZANY? Izay ange malala no tsy voako aminao eHeverinao mandainga foana aho rehefa hilaza vaovaoEfa niova ho'...
22/02/2026

DIA AHOANA IZANY?
Izay ange malala no tsy voako aminao e
Heverinao mandainga foana aho rehefa hilaza vaovao
Efa niova ho'aho ny toetrako mpandainga fahiny ireny
Fa misy antony ankehitriny mahatoa aho miteny
Io tsy finoanao ahy io mba asio ihany fetra
Rehefa mba ny marina no alazako aza dia be etsetra
Fa tsy ranomasina aho akory ka tsy hanam-paharitrana
Tena aleoko miala rehefa tsy hainao ny hitana
Vaovao marim-pototra no saika ho lazaiko
Dia eso sady harika no hany mba tsenaiko
Rehefa tsy hino ianao dia aferanao ny sisa
Afa-nenina aho fa aza dia ilana kisa...
Ka efa hoe nipoaka ho'aho ny aferako hatrizay
Azoko ny loka momba ny tanananay
Aho no voasarika handeha ho any ampita
Sady nahazo lelavola an-tapitrisa..
R Jasmin Darmond

LE SILENCELe silence ne fuit pas le mondeIl en connaît la part profondeQuand les mots se brisent en excèsLui seul demeur...
06/01/2026

LE SILENCE

Le silence ne fuit pas le monde
Il en connaît la part profonde
Quand les mots se brisent en excès
Lui seul demeure, calme et vrai.
Il ne promet, il ne trahit
Il tient sa place dans la nuit
Plus lourd que l’or des déclarations
Il garde intacte l’intention.
Force invisible, loi sans bruit
Il éclaire l’ombre de l’esprit
Là où la parole se défend
Le silence, lui, comprend.
Il n’élève ni murs ni cris
Mais fonde ce qui survit
Car tout ce qui dure et s’élance
Naît un jour dans le silence.
PLR
Jasmin Darmond Randriamandamintsoa

TONONKALO NY FIAINAKOTononkalo ny ahy ny fiainako ,Tononkalo tsy hita lanyTononkalo no mamehy sy mameno ny fisainakoTono...
01/01/2026

TONONKALO NY FIAINAKO
Tononkalo ny ahy ny fiainako ,Tononkalo tsy hita lany
Tononkalo no mamehy sy mameno ny fisainako
Tonokalo tsy mifidy fa zinarako mazàna
Omeko antsitrapo ,Omeko ara-dalana.
Tononkalo ny ahy no fiainako
Tononkako no vaovaon'ny tontolom-pihavanako
Io no ahafahako manjehy ny andro iainako
Tononkalo koa ny ahy no anehoako ny hamaivanako.
Tononkalo?
Io no fanehoako ny ritsodritso-poko
Io no ilazako ny sisa mba tsaroako
Tononkalo no fiventiko rehefa mitomany
Tononkaloko avokoa aloha izany rehetra izany.
Tononkalo?
Naman-tsy mahafoy na inona manjo
Tononkalo no sakaizako am-vetsovetsopo
Ny tononkalo ny ahy no hevitra entiko miaina
Tononkalo irery ny ahy dia ampy hampisaina.
Tononkalo?
Tononkalo koa no hany mampihetsika ny aretiko
Tononkalo koa ny ahy no entana mba entiko
Tsisy hafatsy tononkalo no rediredim-piainako
Tononkalo koa ny ahy no namana itarainako
PLR

💩 RESA-TAY 💩 Raha mandany 5 ka hatramin'ny 10 minitra ianao isaky ny mangery (1/jour) dia fantaro fa:👉 30 hatramin'ny 60...
18/12/2025

💩 RESA-TAY 💩

Raha mandany 5 ka hatramin'ny 10 minitra ianao isaky ny mangery (1/jour) dia fantaro fa:
👉 30 hatramin'ny 60 ora isan-taona ianao ao amin'ny WC ( 30 à 60h/an laninao amin'ny fangerena) 🚾
Ary ahoana ny lanjan'ny tainao isaky ny mangery? 😜 :
👉 150 à 200g isaky ny mangery.

Raha atao kajy tsotra:
150 g × 365 andro = 54,7 kg isan-taona
200 g × 365 andro = 73 kg isan-taona

👉 Izany hoe eo anelanelan’ny 55 ka hatramin’ny 75 kg isan-taona eo ho eo ny tay ngerezinao. 💩 😜

ARY NY AMANY MBA AHOANA?

👉 300–400 ml isaky ny mamany
👉 3- 5 fois par jour

Izany hoe 1,2–2 litatra isan’andro ny amaninao.
👉 10–30 segondra eo ho eo no fotoana laninao isaky ny mamany

Izany hoe :
-mandany 24 à 40h/an eo am-pamakiana ianao
- 430 à 730 litre/an ny fa fatran'ny amaninao! 😜💩

Kajikajy manokan'i Jasmin Darmond Randriamandamintsoa sy Penina Lany Ranomainty 🥰🥰

🔴𝗙𝗔 𝗠𝗔𝗡𝗜𝗡𝗢𝗡𝗔 𝗡𝗬 𝗟𝗘𝗛𝗜𝗟𝗔𝗛𝗬 𝗡𝗢 𝗦𝗢𝗠𝗔𝗥𝗬 𝗠𝗜𝗛𝗔𝗧𝗔𝗞𝗔𝗧𝗔𝗞𝗔 𝗥𝗘𝗛𝗘𝗙𝗔 𝗩𝗜𝗧𝗔 𝗡𝗬 𝗙𝗜𝗥𝗔𝗜𝗦𝗔𝗡𝗔 ?Maro ny vehivavy no mieritreritra hoe azony iz...
11/12/2025

🔴𝗙𝗔 𝗠𝗔𝗡𝗜𝗡𝗢𝗡𝗔 𝗡𝗬 𝗟𝗘𝗛𝗜𝗟𝗔𝗛𝗬 𝗡𝗢 𝗦𝗢𝗠𝗔𝗥𝗬 𝗠𝗜𝗛𝗔𝗧𝗔𝗞𝗔𝗧𝗔𝗞𝗔 𝗥𝗘𝗛𝗘𝗙𝗔 𝗩𝗜𝗧𝗔 𝗡𝗬 𝗙𝗜𝗥𝗔𝗜𝗦𝗔𝗡𝗔 ?

Maro ny vehivavy no mieritreritra hoe azony izay nilainy dia nomeny lamosina aho,na hoe mampirafy ahy angamba izy,nohon'ny tsy fahafantarana ny toetoetra ara-pananahan'ny lehilahy,izay ho ampahafantarina anao etsy ambany:

1. 𝗠𝗶𝗮𝗹𝗼𝗵𝗮𝗻'𝗻𝘆 𝗳𝗶𝗿𝗮𝗶𝘀𝗮𝗻𝗮:
Miakatra be ny désir sexuel sy ny excitation nohon'ny Testostérone (tsirimpanentana maha izy azy ny lehilahy) , ary eo indrindra no mitady fifampikasohana ny lehilahy ka miroso amin'ny firaisana raha tsy misy sakana ka mitohy mandritra ny firaisana izany.

2. 𝗔𝗼𝗿𝗶𝗮𝗻'𝗻𝘆 é𝗷𝗮𝗰𝘂𝗹𝗮𝘁𝗶𝗼𝗻:
Midina avy hatrany ny tahan'ny testostérone (ao anatin'ny fotoana voafetra).
Miakatra ny prolactine izay manova ny vatana ho lasa mode relaxation tanteraka, vokany lasa mihena ny désir, mitady fitoniana tanteraka ny vatana ary mety ho sondrian-tory.

Ka izay indrindra no mahatonga ny lehilahy tsy dia be resaka, somary mihatakataka, tsy taitra firy ao anatin'ny fotoana voafetra. Miverina tsikelikely ny zavatra rehetra rehefa afaka minitra na ora vitsivitsy, na mety aorian'ny torimaso.

10/12/2025

Zanaka Zanaka Mpanoratra��
Zanak zanaka Poeta ��

IZAY NY LEHILAHYMitanondrika ndriako fa lasa ilay tianaNanjohy voahangy efa soa maharavoNdraiky marary eo ambony fandria...
10/12/2025

IZAY NY LEHILAHY
Mitanondrika ndriako fa lasa ilay tiana
Nanjohy voahangy efa soa maharavo
Ndraiky marary eo ambony fandriana
Manaiky ho resy mety halavolavo?
Fa iny va reitsy no kanton'ny tany?
Iny tokoa ve no tena mba lafatra?
Tsy tokony ho iny no hampitomany
Mpiserana ireny, mpametraka hafatra!
Raha sanatria ka manahy ho very
Aho jerena fa haiko ny tohiny
Miaraka amiko ndriako mahery
Sitraniko tsara izay nokapohiny.
Dia izao aza hadino, hafarako sahady
Tsy misy lehilahy tonga lafatra izany
Fa rehefa mba hita ilay mety haka vady
Tazomy sy hajao dia tiavo avy hatrany
Na ahoana na ahona dia ndry hanan-drafy
Na toaka na loka na sipa na daroka
Na sitrapo amin-javatra hafa..anjaranao iny raha toa ka hikaroka
Ka raha tsy hahazaka dia aleo tokan-tena
Tsy hanaiky lehilahy na hiova taranja
Io tsy taovan_kena ka ho vonjivonjena
Fa izahay lehilahy, mahita foana ny manja.
14,5

-----MISITERIKO-----®Aza manontany mihintsy izay ao ampoko aoFeno zava- miafina ao tsy tokony ho fantatraoAza miezaka ma...
02/12/2025

-----MISITERIKO-----
®
Aza manontany mihintsy izay ao ampoko ao
Feno zava- miafina ao tsy tokony ho fantatrao
Aza miezaka manakatra izay zavatra alazako
Fa zava-tsarotra tokoa no filazan'ito vavako
®
Aza misisika mamaky ireo asasoratra afeniko
Ionony ho ampy anao izay rehetra noteneniko
Ary aza mba mandany andro manaraka ny diako
Fa tsy ho hitanao akory izay seranam-pitodiako
®
Aza mampijaly tena haka fanahy ahy
Tsy ho azonao amin'izany ny aty fa lehilahy
Aza mba kely asa hitsikilo izay ataoko
Tsy ho tazanao velively izay zavatra fanaoko
®
Aza manandrakandrana mikasika ny tenako
Ny fahavoazanao,tompokovavy,tsy hisy hanenenako
Ataovy zafa-pady ny hamantatra ny fiainako
Misiteriko ahy irery izany,ahitako ny fiadanako!!!
®
R.Jasmin Darmond
17 novembre 2015

TANILA_Ampy himamoako ny ranomasoko atoAmpy handihizako ny nofoko mihenaHo inona ny amiko raha varavaram-batoNo hanakana...
25/11/2025

TANILA
_
Ampy himamoako ny ranomasoko ato
Ampy handihizako ny nofoko mihena
Ho inona ny amiko raha varavaram-bato
No hanakana ity foko efa tena mahonena?
-
Miangatra ny fiainana, manao fijery ila
Ny efa resy hatrany no asaina mitsikofona
Rano efa mitosaka no mbola atanila
Nofo efa lo no mbola ampiana fofona
_
Ilay mba hany kely fananako tsy foiko
Zanak'hitsikitsika fisangiko maraina
Lolo tsara bika sy efa nofofoiko
No lasana niridana any an-tany karakaina
_
Nilentika sahady ilay masoandro vao niposaka
Kitroka tanteraka ilay mitatao vovonana
Fa ilay tsy foiko ho haingon'ankohonana
No lavo sy efa resiny tanaty hotakotaka
_
Herinandro monja mialoha ny fotoana
Herinandro monja tsy hahato ny voady
No indro fa nirodana ilay manda hijoroana
Montsana ho raraka, hatelin'ny hady
_
Adala ianao ry fiainana, miangatra, mihetraka
Nampitambazinao ny foko efa nipetraka
Aleoko dia mijoro ho fahavalo f'efa resy
Tsy mila mpampahery aho, tsy mila koa kofesy
_
Ampy himamoako ny ranomasoko ato
Ampy handihizako ny nofoko mihena
Ho inona ny amiko raha varavaram-bato
No hanakana ity foko efa tena mahonena?
_
R Jasmin Darmond

NIHINANA NY FATIKO...Natahotra sao dia handratra ahodia naleoko nisary pretraNohidiako tsara ny zetra.. Nijalijaly vao z...
28/09/2025

NIHINANA NY FATIKO...
Natahotra sao dia handratra aho
dia naleoko nisary pretra
Nohidiako tsara ny zetra.. Nijalijaly vao zatra
Ny akamako nandravarava
Nitety izay hitan'ny masony
Naparitany mihitsy ny ankasony.. Sady mendrika moa izy no lava
Aho nanjetoka nanaja an'ianona
Tsy nihila na ino-nisarika
Maika aza aho mba nangarika.. Hay ikalako tena tsy vanona!
Aho izao no voaratraratra
Tahak'izay nampirafy
Ranon'aina be azo nafafy
Te hamono aho nefa matahotra!
Penina Lany Ranomainty

MBA NIARAKA NEFA...-Mba niaraka anie hono isika e!Iray volana nefa dia ravaNa oroka iray aza tsy nisyNefa impiry nifanat...
09/08/2025

MBA NIARAKA NEFA...
-
Mba niaraka anie hono isika e!
Iray volana nefa dia rava
Na oroka iray aza tsy nisy
Nefa impiry nifanatri-tava?
Niangolako fitia dia nieny
Ny sisa, hono mandeha miandalana
Oh, ny foko nirebika ombieny.. nefa ikala aza nihalangalana
Mba nisisika hanoroka ihany
Nihodinany sady niondrehany
Nefa ilay ratsana kely ao ambany
Andray izay fipelipelehany e!..ny tena moa tena tanora
Te hihaotra ny mangidihidy
Izy kosa tsy nanaiky mora
Malaina izy hanefa adidy
Nisaraka no niafarany e!
Nitady dobo hafa handroana
Eee, nafoiko teo ny hatsarany.. hatr’izao izy mbola tsaroana!
14,5

Address

Fianarantsoa

Telephone

+261340756873

Website

Alerts

Be the first to know and let us send you an email when R Jasmin Darmond posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to R Jasmin Darmond:

Shortcuts

Share