Meja

03/09/2021

ADALANAO
Tsy mbola haiko ianao
na iza na iza..
na avy aiza na avy aiza
na haninona aty
dia niriko ho ahy sahady
adala aho
fa niriko ho sakaiza
omeko ny fitia
kanefa olona tsy fantatro
adala aho...adalanao
ka satriko hihaona isika
satriko hiresaka
satriko hiara-dia
fa iza loatra ianao e!?
tsy haiko nefa tiako
tiako hotantanana
tiako hiantsampazana
etsy aho orohy
tia anao aho orohy
fa mila anao ho namana
mila anao fitiavana
tsy mbola haiko ianao
fa tiako tsotr'izao
Hasambarana
Meja

17/08/2021

Misy anao hatrany
anaty nofiko
misy bitsikao
mitohaka ny sofiko
dia feno anao ny misiko
ry zazavavy iny
Ka sarotra hatony
Ny amiko mihitsy no babonao daholo

10/10/2020

AMBO
Raha mbola tsy nangalatra
nametsy ireo vahoaka
tsy maintsy tonga lafatra
tsy maintsy tafavoaka
anaty adi-sarotra
Raha mbola koa voafatotra
handià ny lala-marina
tsy maintsy hoe tafarina
anaty rotoroto
hatreto hitompoko
fa ny kely ananako eto
raha tsy manao ratsy
ampy tena ampy
hahatonga ahy... ho mpanefoefo
MEJA (27-06-2017)

21/09/2020

TSY FANTATRAO

Voatery handao anao
na aza hoe malaina
mihisatra fandeha
Fa sendra rivo-bao
mendrika antenaina
sy mahavita be
Kanefa...ampahalalako ihany
aoka dia ho tsorina,
tsy fantatrao ny molony
ka mitandrema ihany!

Meja 28.07.2017

Send a message to learn more