04/09/2019
Valizy mena ho any ny tanora ty.
TANTARAN NY VALIZY MENA
Ny Valizy Mena dia karazana valizy nalaza teto Madagasika tamin'andro taloha. Ny malagasy tamin'izany andro izany dia tsy mpividy valizy raha tsy handeha lavitra na hanambady, ka io valizy io dia tsy nisy loko hafa tamin'izany andro izany afa tsy loko mena ihany no betsaka sady nalaza tamin'izany andro izany. Ka rehefa hanambady ny vehivavy iray fahiny dia io valizy mena io no fanomezana amaboninahitra omen'ny fianakavian-drenin'ilay vehivavy an'ilay zazavavy aminâny andro handehanany hanambady, mba hametrahany ny lambany.
Nisy ny fanadihadiana lalina natao tamin'ny fomba rehetra momba ny fanambadiana malagasy ka saika hita tamin'ny fomba ny malagasy rehetra ny fifanarahana na accord de mariage entre les deux familles; ka tamin'ny andro taloha dia ny ray amandreny hono no manolotra ny zanany vavy hanambady ary nisy koa ny fianakaviany lahy manantona ny fianakaviany vavy raha misy tovovavy mendrika hatao vady ao anatin'ny fianakaviana iray, fa tsy ny tanora no mifanaraka toin'ny fataon-tsika ankehitriny.
Araka ny fitsipika mifehy ny fanambadiagna (contrat de mariage) tamin'ny andro taloha ary saika hita manerana ny Nosy dia voalaza fa raha misy zavatra tsy ifanarahana eo anivon'ny mpivady ao anatin'ny 1 na 2 taona izay nifanarahana dia afaka misaraka ny mpifady roa ary izany no atao hoe " TODY VOLAM-BITA". Aminâizay fotoana izay dia manana fahefana feno ny vehivavy haka ny anjaram-pananany izay niarahany nitady niaraka tamin'ny vadiny nandritra ny taona nifanarahana. Raha tsy feno kosa ny taona izay nifanarahana dia tsy mahazo mitondra fananana ilay vehivavy, afa-tsy ny lambany ihany no entiny mody, ka ilay valizy mena nomeny reniny azy tamin'ny hanam-bady iny ihany no entiny mody any amin'ny ray amandreniny.
Araka ny fomba sy fahendrena ny malagasy fahiny teo anivon'ny fikarakarana ny fombam-panambadiana dia zavatra roa lehibe no tsy maintsy takiana ary dinihin'ireo fianakaviana roa tonta ka ny zavatra resahaina voalohany dia ny "MOLETRY" na "MAHARY" na "VODIONDRY" ka ny "omby" sy ny "vola" no miresaka eo. Tamin'izany andro izany dia misy ny ady varotra amin'ireo ray amandreny roa tonta ka raha ohatra mbola tovovavy ilay vehivavy hanambady dia omby maromaro no takian'ny ray amandreny fa raha vehivavy efa be taona kosa dia omby roa no kely indrindra ary folo kosa no betsaka indrindra hoan'ny vehivavy izay mbola tsy niaraka tamin'olona fa misy ny manome mihoatra ny roapolo
Tamin'izany andro izany anefa dia nisy ny fifanararaotana sy fitiavan-tena teo amin'ny ray amandren'ny vehivavy sasany nohon'ilay fifanaraham-panambadiana, ka ny vehivavy tsy nipetraka tao anatin'ny tokatranony taorian'ilay fifanarahana 1 na 2 taona no niteraka ilay fitenenena hoe "VALIZY MENA".
Tamin'izany andro izany ka hatramin'izao dia nisy ihany ny hetraketraka izay mihoampefy fataon'ny lehilahy amin'ny vehivavy ka ny vehivavy no voa mafy ka voatery tsy maintsy miaritra ny zava-misy ao antaokatrano mandritra ny fepotoana ny vehivavy mba hanajana ny fifanaraham-panambadiana 1 na 2 taona, izay efa natao satria raha mody any amin'ny ray amndreniny izy dia tsisy zavatra azony na dia iray aza, tsy azony intsony ny harena izay namatorana ny fanambadiana, fa tsy maintsy miverina any amin'ny lehilahy vadiny ny "vodiondry" izay nomena ny ray amandreniny raha mody alohany fotoana izy. Rehefa tapitra kosa ny fepotoana izay nifanarana dia manantsafidy amin'izay ny vehivavy tamin'izany andro izany raha te hipetraka izy na te hody, ka arakaraka ny zavatra niainany tao anatin'ny feptoanam-panambadiana no hakany fanapakevitra.
Ny zavatra nisy anefa dia betsaka ny ray amandreny tamin'izany mamporisika ny zanany vavy hisaraka amin'ny vadiny mba hikarohana vady hafa vaovao indray mba hahazoana "VODIONDRY na "MAHARY" na "MOLETRY" vaovao.... Nisy koa ny vehivavy manangona harena fotsiny ho azy ka vao tapitra ny fifanarahana dia raofiny anaty valizy mena ny entana dia lasa izy mandeha mody any amin'ny ray amandreniny.
Raha mody kosa ilay vehivavy rehefa afaka fepotoana nifanaraha kanefa mbola te hamerina azy ny vadiny, dia manolotra "FADY" toin'ny "AZAFADY" aminâny ray aman-dreninâilay vehivavy ka tsy maintsy manolotra aomby, na vola indray ary asakasakan'ilay vehivavy hiverina na tsia fa efa tsisy intsony ny fepotoanam-panambadiana fa anjarany no manapakevitra raha hiverina na tsia.
Ankehitriny dia mbola hita betsaka any ambanivohitra sasantsasany manerana an i Madagasikara ny fomba fisarahana nentimpaharazana rehefa feno fepotoana ny fanambadiana. Ka noho izany dia diso tanteraka ny fiheveran' olona fa hoe ratsy ny "valizy mena" satria tsy ny "valizy mena" no ratsy fa ny lehilahy manitsakitsa-bady sy mampijaly vehivavy no ratsy ary izany fanitsakitsahana izany no mahatonga ny vehivavy voatery mody any amin'ny ray amandreniny rehefa tapitra ny fepotoanam-panambadiana.
