https://www.facebook.com/421848361714125/

Ny Ako

Aza dia variana amin'ny zavatra mandalo,
fa mba saino ihany ilay efa namonjy anao
koa raha anio iana

Anaro izay tsy mitoetra tsara ampaherezo ny malemy saina, mandefera

15/02/2026

Folo taona izay

Folo taona izay no lasa,
Nihezaka aho ny nanadino
Folo taona tena ratsy,
Ny izao mbola tsy mino.
Any izay ianao efa sambatra sy tretrika,
Izaho kosa ety rera-tsaina ka miheritreritra,
Valabalaka sy ketraka.

Toa tsaroako ery, dimy ambinifolo febroary,
Antso iray nampitaraina, naha valaketraka ny fo.
Hoe lasa hono ianao, tsy hafa-miverina intsony,
Dia navelanao teto aho, hitomany samy irery.

Mafy anie ka mafy e, nefa mba ho aiza moa ?
Tsiaro foana no miverina, rehefa andro toy izao.
Folo taona izay no lasa, fa ny tsiaro mbola eo foana.

Dimy ambinifolo febroary enina ambinifolo sy roa arivo,
Folo tao katroka androany anie e,
aza manahy ianao akory, fa ho avy aho,
Eny na dia tsy afa-miresaka akory aza.
Fa hanolo-bonikazo ho fahatsiarovana anao.

15/02/2026 02:25

15/06/2024

Tiako ny ahy no tiako

12/06/2024

Manoratra aho androany.

Manoratra aho androany, satria tsy ho haiko ny ampitso,
Satria izao alina izao aho dia mahatsapa ho maharary.
Tsy haiko hoe anao ahoana no hiafaran'izato diako
Fa ilay veloma nataonao no farany antsaina ka zary mankarary.

Ataoko ahoana moa, fa dia mihonona ny tena
Tsy haiko anefa izay ho avy fa dia miandry ny maraina.
Koa manoratra aho izao,
Hoe misaotra anao hatrany ry ilay mpanala ny taraina.

Izao alina izao anefa tsapako dia tsapako,
fa miha kely ny izany heriko
Tsy noho ianao akory izany fa efa kosa anjara ratsiko

Ko inty no hany hafatro, raha toa ka maty aho,
Aza asiana ranomaso, fa aoka ianao ho faly.
Aoka ho hitan'ny rehetra izany fihetsikao izany,
amin'izay ho hitan'izy ireo hoe tena sambatra aho fa afa-jaly.

Zarako aza moa, afaka amin'izao setrasetra maro izao,
Satria haiko tsara ianao fa tena niaro ahy, nanavotra ihany koa.
Ka dia manoratra aho androany hoe, misaotra anao rahavako.
Aza manahy akory ianao fa raha tonga izany
izaho akory tsy ho aiza fa mitsinjo anao hatrany.

Ny Ako

12/12/2023

Mety hoe :
Fifaliana foana no tazana Amin'ny endriko,
Eny endrika sariaka, mirana Eny foana.
Tsy laviko izany fa izao no ataovy an-tsaina,
Ny tsapako ao anaty, tsy hainao ho zakaina.

Eny e, mety hoe :
Tsy misoritra amin'ny endriko ny aritina ao anatiko,
fa raha ianao no miaina sy maka indray ny toerako,
dia hiteny ianao hoe :
Mafy koa raha mafy izao entinao izao.

Fa amin'izao aloha hiteny hoe :
Mahereza, mitraka fa tsy vao ianao irery no miravaka izao.
Any ho any aza anie misy...mbola mafy noho ny anao.

Dia hoy aho hoe :
Eny any mbola misy mafy noho ny ahy,
saingy...
Ny ahy ankehitriny no hitako sy tsapako.
Reraka ny haiko, kely koa ny heriko;
vizana ny saiko misaina foana hoe :
Kely sisa dia ho tapitra, ho foana teo ny amiko.
Eny e, ekeko hoe tsy mora,
satria miha-maizina ny androko, amin'izao fotoana izao.
Fa hiezaka hifaly sy hitondra indray ny tsiky,
Mba ho tsaroinao foana rehefa iny aho ka dify.

Ny Ako

14/02/2023

Miarahaba ny mpifankatia rehetra dia mirary soa ihany koa.

Arabaina manokana i Jessi'ca Riella 😍❤😘

07/10/2022

Notiaviko teny aminy

Izy ilay mitsiky sy malefaka fijery,
No nanombohan'ity foko te hiteny taminy
Fa 'lay feony sy 'lay angolan-teniny,
No notiaviko teny aminy

'Lay maso baribary manendrika ny tavany,
Sy ilay orona matsoko mandravaka ny endriny
Ary koa ny vavany manonona ny anarany,
No notiaviko teny aminy

Ny bika meva sy kanto manintona ny saina,
sy ny toetra soa lalaina
Ary ireo tantara sy fiainana tena maminy,
No notiaviko teny aminy

Fa ny lalana nalehany izay nandehanany irery,
Dia tiako raha hiarahana aminy
Sady hotiaviko eny aminy
Ny Ako(faniry Rajaobelina)

22/08/2022

Tiako ny ahy iny

Tiako ny ahy iny
Na dia lazainao fa ratsy aza
Hoe tsy manendrika ahy
Dia tiako foana satria taminy no nahitako
Toetra tsara sy miavaka amin'ny maro
Taminy ihany koa no nahalalako atao hoe fitiavana tena izy

Tiako ny ahy iny,
Na lazainao fa hoe tsy mitovy firazanana amiko,
Dia hajaiko sy koloiko satria nahitako ny hasambarana
na lazainao fa miavona sy be longilongy
dia tiako foana iny satria efa natolotra ahy

Tiako ny ahy iny,
Na ataonao hoe kizitina sy mihafahafa hoe miavaka amin'ny samy vehivavy,
Izay mihitsy izy ilay miavaka no tena hitiavako azy,
Satria miavaka amin'ny tsara izy.

Tiako ny ahy iny,
Na lazainao fa mahantra sy mavomavo,
Dia ahy izany fa tsy anao,
Ny azonao atao dia mitazana fotsiny ny fivoarany atsy ho atsy
Satria tsy ho mavomavo foana iny fa mbola hisondrotra amin'ny fiainana.

Tiako ny ahy iny,
Dia ho tiaviko eny foana

Ny Ako

25/07/2022

Tantaraiko

19/06/2022

Misy

Misy olona any ho any, mitaraina sy mijaly
Mihari-dava ny hatsiaka, ary miady amin'ny mosary.
Misy anefa any, ravoravo lalan-dava
Toa tsy mba andalovan'olana fa feno foana ny ati-vava.

Misy koa any, tsy mba manana honenana,
fa dia eny rehetra eny mitady fialofana
Misy koa anefa, tsy mba mahalala oniny
fa dia manao ankeriny, sy mibodo izay mba kely eo ampela-tanan'olona.

Any izao misy olon-droa vao hanangana fitia,
dia nametraka ny tanjony fa tena hiara-dia
Misy anefa any, efa an-dalam-paharavana ilay teny ho doria,
sonia sisa no andrasana dia vita eo ny mandrakizainy

Misy fo zao any, miramirana sy faly fa tsara kolokolo
misy kosa nefa any, an-dalam-pihatoana fa leo ny latsa sy vono.
Misy olona any, salama tsara sy mifaly,
any anefa izao misy, osaosa lava efa tsy manan-kery intsony miandry hahafatesany.

Misy any izao mihebohebo ery, fa minana izao sy izao,
misy kosa anefa, ny arapany anio dia eny an-daba-pako no tadiavina.
Misy any tena faly, fa hanany ny rehetra,
misy nefa malahelo, satria ahilikilika sy lazaina ho voretra.

Misy any olona any amin'ny firenena hafa,
mifanampy eny foana mba hiakarana ho avo
Ny eto amintsika kosa, toa hifandetika hatrany
Ka aiza moa ny firenena no tsy hitohoka amin'ny tany

Ny Ako

13/05/2022

Tiako sady mamiko izany eo anilanao,
Tena haiko sady laniko ny mombamomba anao
Malala o, mankasitraka indrindra nankahery indray ny saiko,
Misaotra anao hatrany miray amin'ny aiko
Ny Ako

03/05/2022

Ny tiana ve no tsara sa ny tsara no ho tiavina?

Toa hafahafa ihany ny mandinika izany hoe,
Ny tiana ve no tsara sa izay tsara no ho tiavina?

Raha amiko manokana dia izay tsara no ho tiaviko,
nefa raha nandinika aho toa tsy mety indray izany
ny tsara mantsy toa misy heviny ankiroa,
Ny iray dia tsara hivelany, ny iray kosa ao antiny.

Dia nihova indray ny hevitro, izay tiako kay no tsara,
Satria ny hatsarana hivelany hono sarisary fotsiny ihany,
Fa toe-tsaina, toe-panahy izay no tena ilaina,

Kanefa na izany mbola fanina ny saiko,
Mbola manontany tena amin'izay mety ho tiaviko
Koa raha aminao mamaky iza no tena marina,
Ny tiana ve no tsara sa izay tsara no ho tiavina?

Ny Ako

02/05/2022

Jessi'ca Riella
Ianao ilay tena izy, ary ianao no tena mamy😍

Address

Route Digue
Antananarivo
105

Telephone

+261344011009

Website

facebook.com

Alerts

Be the first to know and let us send you an email when Ny Ako posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Ny Ako:

Shortcuts

Want your establishment to be the top-listed Arts & Entertainment in Antananarivo?