Mikalo Ny Tsiaro

20/12/2022

Ny tena fahasambarako ✍🏻

Tsy ilay ianao manaiky be fahatany ny hisalotra ny anarako
Na ianao manaiky tsy miambatra ny ho tantanako

Tsy ilay ianao manaiky hatrany ny ho malalako
Na ianao manaiky ny ho ravaky ny tokatranoko
No tena fahasambarako

Fa ...

Ianao manaiky ny ho tokam-po
S' ianao tsy hitambarako ihany koa

Ianao mihezaka mafy , sy mitolona am-bavaka
Mba hahatonga ilay fiarahantsika iny hiavaka
tsy ho lavon-drafahotana
Na ho difotry ny ditran'adalana

Fa...

Ianao mihitsy akia malala No tena fahasambarako
Ianao mihitsy no tokana mba fiadanako

Fanaperana✍🏻

15/10/2020

Ianao...

Eto an-tany, tsy manana afa-tsy ianao
Eny, tokako hatrizay ka hatrizao
Tsy mba nisy ianteherana
Amin'izay rehetra atrehina

Eto, an-tany, ianao no fitarainako
Eny, ianao no mbola iainako
Tsy misy ankoatranao , na dia tokana
Mba hany fifaliako, fiangotiako

Anefa, raha ianao ilay tokako
No tsy anampy ahy raha misy ny olako
Eny, tsapako , mipaika anaty foko
Hoe inona tokoa moa zany no ahavelomako

Ts'isy angamba ka, ts'isy na dia bitika
Fa aleoko zaho andeha, hisitaka
Analavitra , tsy anakaiky ny tany
Mantsy, raha tsy ianao, efa ela no nataoko zany

Nïy Safidy

29/09/2020

❤

VAVAKY NY RESY

Ray o
Iangaviako ianao
Ataovy toy ny tsy misy aho anio
Iangaviako ianao
Hadinoy vetivety aho
Fa androany fotsiny ihany
Hinia handika ny didinao
Handà ny lalanao
Tsy ankatoa ny sitrakao
Mitalaho aho Tompo o
Anio fotsiny ihany
Aza jerena izay fahotako androany
Aza atao ho anisan'ny vitako hatrizay

Fa androany mantsy...
Ity fon-janakao
Toa efa saika vaky
Noratrain'ny ankaso
Anio ilay mpankatoa anao
No voadona mafy
Tototry ny ranomaso
Anio ilay sakaizanao
Ilay tsy mahafoy anao
No nahatsapa fa nijaly loatra
Anio ilay maherifonao
No nilavo lefona
Maniry hiala amin'ity tany
Fonenan'alahelo sy tomany

Nïy Safidy

16/01/2020

Ny fiainako

Tamin'izany...
Ara-bakiteny hoe mbola zaza
Tsy nahalala ny teto an-tany
Eny , na ny tsy fisiana aza
Tsy fantatro akory 'zany
Fa ny mangataka foana
Eny , mangataka hatrany
Raha mbola misy koa fotoana
Fotoana fohy ihany anefa
Vao iny aho nahatsiaro saina
Na ireo zavatra rehetra
Nangatahina no tanisaina
Dia efa nahatsiaro ho naharary
Na dia tsy ny avy ao am-paosiko ary
Hoe: eny na dia ariary aza
Na dia ny amidy vary
Sy izay rehetra mba sahaza
Tsy mora ny mitady azy
Fa tena fahoriana
Nanomboka teo aho, tsy vazy
no nahalala izany fihafiana
Nahatsapa hatrany hatrany
Hoe ny fiainana eto an-tany
Tsy natao ho an'ny mora kivy
Na koa ho an'ireo fatra-pifidy
Ny lala-mora mba ho aleha
Fa ho an'ny ireo zay vonona
Ho an'ireo izay mahare
Ny ngindin'ny fiainana
Nefa tsy mitsahatra mitady
Isan'andro izay mahasoa
Eny, isan'ora miady, miady
Mba hananana ny soa..
Ny tena fiainana amiko
Dia ny niady ka naharesy
Io tsy fiainana nindramiko
Efa ahy...taona maro nifanesy
Na ho tsara io na ho mafy
Rehefa vokatry ny tanako, tiako
Satria koa aho efa zatra niafy
Ka zay fiainako , ifaliako

Nïy Safidy

06/11/2019

Tsy anjara....

Rehefa sambatra eny ianao
Dia....
Aza misaina akory ny amiko
Modio tsy fantatrao
Na ny misy ahy sy ny akaniko

Ny hasambatranao
Ny tanjoko hatrin'ny ela
Na tsy ho malalanao
Dia adinoy aleo tavela

Ireny lasa vitantsika
Avaloko ho tantara
F'izany no midika
Fa ny antsika roa tsy anjara

Na mafy sy mafaitra
Ny ngidin'ny ratra nosotroina
Zary toa takaitra
Tsy sitrana tsaboina

Dia hiafiko samirery
Mantsy ianao tsy foiko
Ny FO mitson'ny pery
Ny endrika toloko

Ny endriko mitsiky
Fa ny foko mitomany
Fa toa sasatra mikiky
Ny heriko mihalany...

D'Y ART NOFY. 06:01. 24/10/2019

02/10/2019

Ovay ny foko

Ianao no mahalala
Izay rehetra ao am-poko ao
Na ny ratsy, na ny tsara
Tsy misy miafina aminao
Ianao ilay mpizara
Ianao ilay mpanome
Na hafaliana , na tomany
Na alahelo, be dia be
Ianao no mpandahatra
Ny anio sy ny ampitsoko
Ianao no tsy mitsahatra
Miantso foana ity foko
Mba tsy analavitra anao,
Tsy andika ny didinao
Mba hanao izay sitrakao
Mba hankatoa ny lalànao
Hanaraka ny lalanao..kanefa, izay ataoko rehetra
Mampanalavitra ahy anao
Ary ota maro tsy voafetra
No mba namaliako Anao
Tsy mba nohenoiko akory
Ianao raha niantso ahy ho Anao
Ary tsy noekeko tsotra izao
Nolaviko zay sitrakao..koa diovy re ny foko
Ny saiko sy ny vavako
Mba tsy ho lavo aho fa ho tafarina
Tompo oh! Tsotra ny fivavako
"OVAY NY FOKO HO MORA ANARINA"

Nïy Safidy

29/09/2019

VAVAKY NY RESY

Ray o
Iangaviako ianao
Ataovy toy ny tsy misy aho anio
Iangaviako ianao
Hadinoy vetivety aho
Fa androany fotsiny ihany
Hinia handika ny didinao
Handà ny lalanao
Tsy ankatoa ny sitrakao
Mitalaho aho Tompo o
Anio fotsiny ihany
Aza jerena izay fahotako androany
Aza atao ho anisan'ny vitako hatrizay

Fa androany mantsy...
Ity fon-janakao
Toa efa saika vaky
Noratrain'ny ankaso
Anio ilay mpankatoa anao
No voadona mafy
Tototry ny ranomaso
Anio ilay sakaizanao
Ilay tsy mahafoy anao
No nahatsapa fa nijaly loatra
Anio ilay maherifonao
No nilavo lefona
Maniry hiala amin'ity tany
Fonenan'alahelo sy tomany

Nïy Safidy

20/07/2019

Hotiaviko mangina

Indrisy mantsy
angamba ny fontsika roa
tsy natao mba hifandray
fa toa sarotra tokoa
eny tsy vita aza indraindray
ny hiresaka aminao iny
ny hiteny teny tsotra
ny anontany izay faniriany
matahotra sao ho tratra
mantsy sao ho hainao eo
f'ity foko mbola zaza
dia isan'andro efa leo
leo ny tsy milaza
f'efa hatry ny ela hono
Mantsy, tena notazomiko
f'iza no tsy moteny hitony
ny anaranao lasa voatonoko
Satria tiany loatra hono ianao
sady efa ela no niriny
eny,mbola hatramn'izao
ianao no ha'y tiany
saingy, ny saiko toa tsy sahy
hilaza izay mba faniriana
hiafiako eny aloha mandrapa....
angamba, ho tiaviko mangina

Safidy

17/06/2019

Impiry...?😰😿

Malala ah
Impiry moa izaho
No nilaza taminao
Fa hoe tofoky ny vita
Nitady dia nahita?
Impiry aho no nandratra
Nanao izay tsy zaka?
Impiry aho tsy miraharaha
Rehefa ianao mba mila anah?
Impiry ianao no efa nolaviko?
Impiry ilay tsikinao no naleviko
Tanaty ranomaso lalina
Efa saika tsy tafarina?
Impiry aho no tsy nety nino
Izay zavatra lazainao?
Impiry aho no nanadino
Rehefa lavitra anao?
Tsy aiko...
Tsy ho voatanisa angamba
Fa ny fiainanao mety ho banga
Raha vao tsy misy ahy
Mitoetra ao am-ponao
K'anefa, izany rehetra izany
Ireo ditra maro sesilany
Nampilatsaka tomany..tsy nanarinao ahy hatrany
Satria ,angamba, isika roa
Ilay natambatry ny fo
Natao mba hifamatotra
Anorina fitia matotra
Natao tsy isaraka mandrakizay
Fa efa ela no natao ho iray
F'izaho mintsy no adala...

💔Safidy💔

14/06/2019

🎁🎊Fetiko anio🎁🎂

Tsy hitahita akory dia feno roapolo
Ilay taona nahariako tanaty ny tontolo
Nandalo sy niserana ny andro fahazazana
Ny rendrarendram-piainako fahatanorana

Fa tsy ho azoko adinoina i Dada sy i Neny
Satria tsy mba nisy tety aho raha tsy izy ireny
Lay hany reraka nitaiza sy niahy
Tsy nisasatra anefa aha-vanona ahy

Dia nitombo iray indray ny taonan'ny fisiako
Ka fetiko anio izay androm-pifaliako
Ny tena firariana dia mba hahatratra indray
Ny fotoana izay manaraka,hitomboany taona anakiray

🎉Ny Tsiaro😊🎉
05/06/19

11/06/2019

FITIA ANDRANA
🌹Tsy menatra akory ity ianao
🌹Midradradradra milaza ny hoe andao
🌹Raha sendra misy ireny adiady kely
🌹Dia izany foana no ambetin-teny

🌹Ny tena moa tia ka dia tena adala
🌹Misisika hatrany ny hiantso anao hoe malala
🌹Mantsy ianao efa niova fikasa
🌊Ka nikopa-kelatra lasa any an-kafa🌹

🌹Dia niaritra ny ditranao tenh aho
🌹Na dia narary sy nahavaky fo
🌹Mantsy efa anjarako hoy aho
🌹Ka hiaretako satria efa nofinidiko

🌹Fa ankehitriny kosa malala a!
🌹Hiova amin'izay ilay rasa
👋👋Veloma mandrapihaona no apetrako aminao 👋👋
🌊F'izaho hikopak'elatra hitady vaovao 🌊

💔Efa ela nijaliana ka mety ahita fifaliana😊😊
😱😱Efa ela niaretaka ka nahazo fandresena👊💪💪
🎀Efa ela nitadiavana ka tojo ilay nandrasana 💏💑
👋👋Dia veloma hatreo ilay fitia andrakandrana 👋👋
❤MIKALO❤