Mbola avela tsy hahalala ve ny tsy mahalala?? Miandry anao, miandry antsika ny FAHAFAHANA ao amin'ny Tompo. Andao hiara-hientana hahatonga olon'afaka. Sahia hiara-hiteny aminay GRAAF hoe:" Inty aho, iraho aho"isaia: 6: 8b
Ny GRAAF dia alavaina amin'ny hoe: "Groupe Artistika Akon'ny Fanantenana", ivondronan'ny olona rehetra mino an'Andriamanitra sy Jeso Kristy maty ho famonjena antsika ka nitsanga
na hanome antsika fiainam-baovao, olona vonona ny hitory: hampahafantatra ireo mbola tsy mahalala, hanafaka ireo mbola voageja (sampy....) amin'ny alalan'ny talenta maro isan-karazany: hira sy mozika, dihy, teatra, comedie, mime....
Izany hoe: tsy mifidy antokom-pinoana fa rehefa vonona ianao, dia roso ny dia ho amin'ny firaisan-kina amin'ny asa fitoriana ny filazantsara.
11 taona amin'ity taona ity izao no niorenan'ny GRAAF, tanora tao amin'ny ZAFIAFA (ZAnakam-pielezana Ambodivato FAnantenana) no niandohany fa noho ny fahatsapana ny maha zava-dehibe ny maha iray antsika ao amin'ny Tompo sy ny tokony iraisantsika hina handresena ilay ratsy no antony nanokafana ny GRAAF ho fikambanana tsy miankina amin'ny fiangonana ka afaka miditra avokoa izay te hiara-hientana rehetra amin'ny asa fitoriana. Maro ny asa efa vita nandritran'izay fotoana izay: tafika masina alavitra (Maevatanana-majunga, Vatomandry, Ankilizato-Morondava, sns....), tafika masina akaiky ( Mananjara, Ambodivato, Rasalama, Anjozorobe, Ankazobe, Amboasary kely, Ampitatafika sns ..... ), asa sosialy (famangiana ny voafonja, fizarร na: fitafiana, akanjo, kojakoja) fa mbola maro be koa ny asa miandry antsika manoloana izao zava-misy rehetra izao. "Inty aho, iraho aho", io no teny faneva ato amin'ny GRAAF. Afaka miara-miasa amin'ny endrika isan-karazany ihany koa ny GRAAF raha mitondra mankany amin'ny tanjona hatrany izany.
![Entre tes mains j'abandonneTout ce que j'appelle mien.Oh ! ne permets ร personne,Seigneur, d'en reprendre rien ![C]Oui, ...](https://img3.glartent.com/768/288/844607877682889.jpg)
