02/04/2025
Tsy mijanona amin'ny fanoratako tononkalo ihany ny tenako😍📝🙏🏻, fa sady manoratra tantara sy horonantsary ary tononkira ihany koa🖊🎤.
Araho ary, ao amin'ny pejy ProD Art Vision ny tantara antsoratra nosoratako🎬📝🙏🏻
Tantara an-tsoratra📝
Ho arahinao eto amin'ny pejy isaky ny Talata hariva😍
Tantara mampalahelo, trangam-piainana tena nisy, mitondra lesona, mifono anatra🙏🏻
❤TANDRIFY❤
Toerana manan-tantara, toerana manan-jina sy manan-kasina.🏞
Mbola mitandro ny fomba ao aminy, sahabo eo amin'ny 30 tafo eo ary afaka 4 kilaometra vao mahita tanàna iray indray⛰....voandidina ala sy tampok'havoana, saingy toerana hanjakan'ny ratsy tanteraka Vohidahy❌.
Tovovavy iray, 21taona, mipetra-drery, mbola tsy manana olontiana, lavitra fianankavina, sahirana aram-pivelomana, monina ao Vohidahy...antsoina hoe "Tandrify"🙍🏻, malahelo lava, tia mitokatokana, maontina sy mivavaka ary tena matotra amin'ny fiainany🙏🏻. Manana namana tovovavy tena akaiky azy izy, mifanohana sy mifanampy aminy amin'ny fiainana, "Diary" no anarany, io no mampifaly azy ary tena akaikin'ny fony💗. Indroa na intelo ao anatin'ny herinandro izy roa vavy ireo no manihika ka izay no entin'i Tandrify mivelona amin'ny fiainany✨.
Indray andro ary, nisy nanafika Vohidahy, dahalo 12lahy mirongo fitaovam-piadiana no nandromba an'ity toerana iray ity, ary anisan'izany ny tao amin'ny tokantranokelin'i Tandrify, tsy nisy na inona azon'ireo norobaina anefa tao ka saika ho vonoina i Tandrify, fa ny iray tamin'ireo jiolahy no nanankana izany saingy...nanamparany ny filan-dratsiny kosa🫢...nikorontana ny mponina tao anatin'io alina mainty ho azy ireo io, tao ny maty, tao ny naratra mafy sy voaroba fananana efa nokoloina an-taonany maro, ny zaza amam-behivavy koa niharan'ny filan-dratsin'ireo tsy mataho-tody avokoa😭, lasa nihorohoro ny mponina😢.
Narary mafy i Tandrify ny ampitson'iny, fotoanan'izy sy Diary handeha hanihika anefa io fotoana io, nanantena izy fa ho haka azy ao i Diary, toy ny fanaony...saingy indrisy😢...anadahin'i Diary no tonga nandondona tao aminy, nampilaza azy fa maty i Diary, rehefa nahita ny dahalo niditra tao antranon'i Tandrify ka nihazakahaza handeha ho ao amin'i Tandrify no notofirin'ny dahalo😭. Dia lasa ilay hany namany fizarany ny manjo azy rehetra, lasa hojohojony samirery sisa no namakivaky ny fiainana🚶🏻♀️, feno fahoriana ny tanàna, tomany sy kiakiaka ny ataon'ireto mponina sy ny havany, fa i Tandrify kosa...mitomany irery mangina, tsy mba misy mampangina, tsy mba misy mampitraka😢. Tsy mba navela akory i Tandrify na dia indray mitopy maso hijery ny vata-mangatsiaka an'ity namany aza, tsy nandevina ihany koa😢, satria be ireo mpankahala sy mandrara ny fiarahan'izy roa vavy, eny fa na ny fiainankavin'i Diary ary😶.
🖊Nosoratan'i Fitia RASOANIRINA📝
Androany : 02 Aprily 2025💗
❤TANDRIFY❤_ Mbola hitohy...
