Linah Razz

Linah Razz Contact information, map and directions, contact form, opening hours, services, ratings, photos, videos and announcements from Linah Razz, Art, Antananarivo.

13/05/2026

Shout out to my newest followers! Excited to have you onboard! Tsiry Navalona, Noro Sue Rajerison

07/05/2026

Misy fotoanany ny zava-drehetra

Hizara aminareo tononkira indray aho androany
Efa tamin'ny 2021 tany no namoronana azy fa androany aho no tapakevitra hamoaka azy.

Noho ny sedra niainana, fahalasan'ny reny niteraka tamin'ny fotoana tsy noeritreretina, misy koa ny namana akaikin'ny fo izay namoy ny zanany, ny tranga rehetra tsy takatry ny saina nefa zaka foana ihany
Fombam-piainana koa ny fisian'ny mpamingana isaky ny misy ahafahany manao izany...

SEDRA

N'inona lalovanao
Amin'izao ora izao
Na mifaly
Na mijaly
Tsy voatery ho sitrakao
Aza reraka mandroso
Miandry ao ambadika ao
Ilay masoandro mibaliaka
Anjaranao

Ref:
Sedra sy ny fitsapana
Samy handrafitra ny fiainanao,
Ny lalanao
Ireo mpamingana halaviro
Sanatriavo koa ny valifaty
Tsy anjaranao io

Aza ela mitanondrika
Tsy fotoanany intsony izao
Mitafia herintsaina
Hanavao ny herinao
Aza mety ho resy intsony
Raiso ny ampinganao
Gihizo ny fanantenana
Handresy ny finoanao

Linah RAZZ
2021

01/05/2026

30 AVRIL 2026

Célébrons ensemble la journée internationale du jazz à travers cette balade nostalgique de Henry Mancini (1961)🎼🎹🎶

MOON RIVER ❤️

04/01/2026

Faly toa anareo koa aho hamakivaky ity taona vaovao ity indray 🎉
Androany no ho asiana feony ilay tononkalo nalefako teto farany 🎤
Tsy mpamoron-kira aho fa noho ny fiatrehana ny fiainana taorian'ny fahalasanan'ny reny niteraka, izay tena nanamarika iny taona lasa iny, dia lasa nikononkonona ho azy an'ity hira ity izahay mianaka 🤗🎸
Kenda kely tamin'ny faramparany noho ny fihetseham-po🥲... Fa atolotra am-pitiavana foana ☺️🎶

Mihainoa finaritra ary !✨

07/11/2025

Faly tafahaona aminareo indray eto amin'ny pejy
Tonon-kira no hozaraiko aminareo androany sady hotantaraiko ny niforonany
Iray volana mahery izay dia nodimandry ny reny niteraka anay. Isaky ny mody avy miasa iny aho, mandeha tongotra amin'ny 6 hariva eo, efa maizimaizina, no tena mavesatra ny tsiaro an'i mama, sady latsa-dranomaso ary miteny irery mihitsy aza, mbola miantso mangina ilay tsy eo intsony.
Dia nielielo niforona tsikelikely teny hira iray izay atolotro anareo ny tonony, nofaranako izao hariva izao.

LASA

Dia lasa tsy nifoha intsony ianao
Tsy nisy nanampo ny hifandao
Naniry mbola hihaona indray
Toy ny niarahana hatrizay
Hiara-hiraria
Handresy sedra mahamay

Tsy azo nidifirana tokoa
Na marary, na vaky koa ny fo
Ekenay am-pinoana
Raha izay no voasoratra
Vita ny adidinao
Ny Tsitoha, tsy handao anay
Navelanao

Andriamanitra ô !
Na dia lasanao izy
Ny fanantenanay tsy ho very
Handova ny lanitrao
Ka misaotra anao nanome
Reny ho anay, tsy nahafoy anao
Nampigoka mamy, tsiaro be dia be
Ireo taizany marobe
Nobeaziny
Nosoaviny
Notiaviny7

Ka misaotra anao nanome
Mama, Mamie
Handry am-piadanana
Ny fanahiny

Linah Razz
07/11/2025

14/01/2025

Miarahaba anao mpanaraka ny pejy nahatratra ny taona vaovao 2025🎉😊

Mankasitraka hatrany 🙏🙂

12/01/2025

🙂Sitraka isan'andro

15/06/2024

Ho an'ny ray rehetra❤️
na ireo mbola miaraka amintsika na ireo efa lasa any ankoatra🙏

Isaorana ny Mpahary nanome antsika RAY
Be fitia, mpiahy
Izay namporisika hatrany hizara sy ho sahisahy
Sy handresy ahiahy

Fiankinana, nampianatra
Sy nitaiza ny fanahy
Sady tokiko, fialofako
Fiantorahana, mpanarina ahy

Isaorana ny Mpahary nanome antsika RAY
Be fitia, mpiahy
Nanabe, namolavola aha-zanaka vanona anay
Tsy hoe tonga lafatra, fa sitrakay

Dia anjaranay, ny mampifaly indray
Ho tomady ianao, mirary soa
Ka ho sambatra, tsy harofy koa
Indro ny FITIA, ho valisoa

Linah RAZZ
Fetin'ny ray 2024

11/12/2023

SITRAKA ISAN'ANDRO
Standard de jazz hatrany, natao tonony amin'ny teny malagasy,
Ho fideràna amin'izao vanim-potoana fahatsiarovana ny nahaterahan'Ilay Mpamonjy izao.

Manasa anao hankafy 😊😊




Address

Antananarivo
101

Website

Alerts

Be the first to know and let us send you an email when Linah Razz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category