Ravaka rhsh

09/12/2025

Hifarana ny taona, asa mba tena mifamela tokoa ve ireny hoe ndao hifamela ireny? Mba tena mihavana tokoa ve ireny milaza hoe ndao hihavana ireny? Mba tena miova tokoa ve ireny hoe ndao hiova ireny?
Ilay mpiteny isantaona hoe "ndao atao taona feno firasainkina sy fifankatiavana 'ty taona 'ty"mba efa nanahoana 'zay?
Dia fa maninona no isaky ny akaiky hifarana ny taona dia mitamberimberina ao an-tsaina foana 'zany? Dia fa maninona raha mifety fotsiny dia vita fa tsy mifananananatra be dia avy eo tsisy mihaino akory fa ny eo ihany no eo? Sofina efa samy leo mihaino "moral" sy saina leo rotoroto aby no vokisanao fananarana firy taonina? Vatana efa reraky ny fiainana andavanandro no mbola vesaranao resabe ihany! Misakafo, mifety, misitaka amin'ny mahazatra, "manalazy", ny ankoatr'izay " HENOY IZANY RY HAZON-DAMOSIKO"🤣🤣🤣🤣

08/12/2025

(...)
Raha hoe 'zay teny foana voaravaka haiteny fy sy mamy imolotra
No entinao ho ahiko, dia hiangaviako indrindra, any an-kafa hatolotra
F'izaho tsy mila 'zany!
Rav...

06/12/2025

Oh lehiretsy e, marina ve fa tsisy asa ratsy 'zany fa tsara foana rehefa ahazoam-bola? 🤔 Hoatran'ny tsy mino ny saiko 😀

22/11/2025

Isanandro vaky dia manorata foana
Na heverinao fa tsisy dikany aza
Fa rahatrizay, ho avy ny fotoana
Dia hiaiky ianao fa hay mpanoratra malaza 😁😁

FIADANANA HAFAHAFA

Any efitrano iray, mitokantokana irery
Efitrano teritery toa tsy maha-te hijery
Efitrano iray mangina, efitrano mahonena
Nefa kosa efitrano tena fandinihan-tena

Misamonomonona ao, hirahira hafa kely
Ataon'ny voronkely maro, nefa kosa tsy tantely
O! Ny fanaka tsy misy, toko roa no ijoroana
Tena efitrano tsotra, eo an-dàlam-pandrosoana

Irony hanitry ny làsana? Ao no tena hiely fatratra
Ny taolambalon'ny fahiny, indreny hita hiampatrampatra
Nefa, misikina hery, dia hidio ny varavarana
Sao dia hisy any ho any, olona manarangarana ...!,

Eny an-tànanao tsinjovy,fa gazety no vimbinina
Aforiporitra hafahafa, toa fiazina, fihinina
Mba hamantaranao kokoa, ny fiantombohan'ny tantara
sy ny zavatra hatao, hatreo dia raiso ny sigara

Tsy maintsy miditra ao ianao, indray mandeha raha kely indrindra
Amin'ny andro anankiray, amin'izay ianao mamindra
Toy ny olo-maimaika te hahita fiadanana
Fa ny toerana eo ivelany eo, tsy ho azonao ho namana .

Satria handini-tena ianao, dia herezo re ny saina
Izay mangejangeja anao, ô esory sombinaina
Mivonona mba hiady; Ary aza mba mitsoaka,
na ho basy no hitefoka, na tafondro no hipoaka !,

Miovaova ny eto an-tany, misy andro maha-mirana
Fa ity indray mandeha ity, feno zava-manahirana
Ary rehefa injay manery, ilay fotoana be ankaso
Ireo tsy mahatanty "saoka" dia mandrotsa-dranomaso

Hmm!.. Injay misento tokana ianao, mieritreritra ny lasana
Raha mijery ity efitrano toa mi-tokontanim-pasana
Dia tsarovana avokoa izay rehetra niaremana
Ny goavy sy sakay, eo vao samy hanenenana !

Vita izay, ô tsaroana afaka entana ka faly
Injay fa maivana ny tena, afaka ota, afa-jaly
Ilay gazety, indro ariana, vita mantsy ny adidiny
Ny fehikibo indro alaina, mba haverina amin'ny hidiny

Dimy minitra monja izay, nefa dimy minitra lafo
Azoazo moramora tao ambanin'ity tafo
Raha toa tsy fantatrao izay voalazako androany
Rahampitso vao maraina dia ho fantatrao izany

RADO

*Azo zaraina raha sitrakao 😊

21/11/2025

Ianao irery ihany"

Ory ve ianao ?
Aza manantena fa hisy hanolo-tena ka hoe hiarak'ory
Aza sasa-miandry sy tsy tafandry mandry fa ny hafa resin-tory
Ianao no reraka eo, fa ny hafa anie ka leo ny feonao retsiana e!
Ianao no 'ndeha mionona, fa ny hafa tsy ho vonona (hiara-)hizaka fahoriana
Sy hiaraka aminao, fa miezaka mandao sy mihevitra ny asany
K'hevero izay heverina dia aza miala nenina fa (ny) tsapanao tsy tsapany!
(...)
Ravakiniony...✍️

25/09/2025

Aza tsiny...
Raha holazaiko anao ny marina ato an-dohako
Dia hanontany ianao hoe " rongony angaha no fohako?"
Ny marina mazàna manebaka mandratra
Ka mampisavoamboana ny doboka ao an-tratra
Koa aza tsiny indrindra raha nosafidiako
Ny hiatsaravelatsihy...Tena fanahiniako
Koa aza tsiny indrindra...

Rav...✍️ (25/09/25)

23/09/2025

ANIO...

Fa mbola manantena fa misy "anio" lafatra any ananona any
Misy "anio" voaravaka hatsaram-panahy, lavitry ny ankaso
Misy " anio" mendrika mihoatra noho ny mendrika!
Misy " anio" tanteraka sy tena fanaperana!

Fa ny " anio" aloha, ezahana ho tsara na dia hoe tsy tsara
Ezahana ho lafatra na dia hoe tsy lafatra
Ezahana ho mendrika, na dia hoe tsy mendrika!
" ANIO" ianao no miaina
" Anio" ihany koa no afaka manova ny ampitso ho lasa " anio" modely lafatra sy fatratra
Rav...

21/09/2025

(...)
Eny ianao mantsy iny,
Ilay nandray anjara tao anatin'ny tantarako
'lay hany nosalorako ny anarana hoe " Malalako"
Fa hay ianao tsy ahy fa lala hitambarana
Ka aleoko izaho no miala: hidio ny varavarana
(...)
Rav...

16/09/2025

Any izay ilay olona " nana"zefa"" ahy, asa nanahoana a?
Mb'efa niova ihany ve ilay anarako any sa mbola izany foana?

15/09/2025

Ataoko ahoana moa no handeha hifona nefa izaho tsy diso?
Tsy ilaiko akory ny teny famelana nefa izaho tsy meloka
Ny resam-pibebahana angamba koa mipirina rehefa tsy nanota....

Rav...

13/09/2025

Tena niomehy vao maraina aho marina...🤣🤣🤣

( FARANY 2.0 )
Ireny aloha tsy tantaraina fa efa tena nihoatra fefy.
Tao Analavory anefa nikirimba hatrany Ampefy.
Afenimpenina ihany koa fa ahiana hampigadra,
Na ilay teny Ambohimamory, na ilay teny Ambohimalaza.
Samy zaza mantsy ireny, zaza nanariako lamba.
Orokoraka nandavo, toy ilay tany Mahajanga.

Izaho tsy tany Toliara fa aza dia mandainga kosa..
Moa ilay zanak'Antsohihy, tena nialako fa bevohoka.
Madagasikara izany tsy voatety vetivety..
Sarotra ny ho matikambo anefa ianao mbola tsy nety..😏