INDRY Miaiky

INDRY Miaiky Literatiora
Asa soratra, kanto , poezia...

Henoko omaly hoe nandalondalo ka nahoana no tsy mba nivily ?Sa efa noraisina ho fahavalo ilay hakàny nitaiza fahiny ?Efa...
19/06/2026

Henoko omaly hoe nandalondalo ka nahoana no tsy mba nivily ?
Sa efa noraisina ho fahavalo ilay hakàny nitaiza fahiny ?

Efa tody soa eny amin'ny tanjona ve dia nitsipa ny laka nitàna ?
Efa manan-tsakaiza hisakambina ve dia adino ny fahazazana ?

Sa efa betsaka atao dia maimaika sy tsy afaka niandry ?
Sa mba sendra anareo roa kely nampiaraka sy nanalazy ?

Sa mba natsiaro ilay Tsiadana kely niara-nidola taloha
Mba namerina kely ilay tsiaro sy sangy fanaotsika roa

Fa nandalondalo ny hakàny dia tsy mba mivily anh
Sa mataotra ve hoe raha hiaona dia hiverina hanao fahiny ?
INDRY Miaiky

Mivahiny ao amin'ny fandaharana "HAY-KANTO" , Natiora radio 98.2 rahariva amin'ny 05 ora i INDRY Miaiky. Mihainoa finari...
19/06/2026

Mivahiny ao amin'ny fandaharana "HAY-KANTO" , Natiora radio 98.2 rahariva amin'ny 05 ora i INDRY Miaiky. Mihainoa finaritra o❤️

Tia mitsiky ianao hita soritra eny izany Tia mizara fifaliana mba hanafenana tomany Tia mitsiky ianao no mankafia manani...
18/06/2026

Tia mitsiky ianao hita soritra eny izany
Tia mizara fifaliana mba hanafenana tomany
Tia mitsiky ianao no mankafia mananihany
Tena be fitiavana any anaty fonao any
INDRY Miaiky

...LALA-MAHITSY...Hoaiza amin'ity tany malama no hirehareha tsy ho solafaka mihitsy.Mihevi-teny tsy misy Mpahary ka mana...
16/06/2026

...LALA-MAHITSY...
Hoaiza amin'ity tany malama no hirehareha tsy ho solafaka mihitsy.
Mihevi-teny tsy misy Mpahary ka manao tsinontsinona lala-mahitsy.

Mbola milolo lanitra ihany ve dia mihevi-tena tsy hisy tomany.
Mba nitsikiany vintana kely dia io fa tsy menatra ny manambany.

Mba sendra ny maraina vao dia mihevitra tsy ho tratran'ny alina intsony.
Mahatoky ny saina maranitra loatra dia io fa tsy miheno ny fony.

Notahiany tafiakatra ambony dia mampisotro maloto ny ambany.
Efa feno ny vola ao ampaosy dia tsy mino an'izay tody izany.

Fa kodiaran-tsarety ny fiainana no tantely amam-bahona koa.
Ka raha mbola velona ihany tsy aleo laniana amin'ny fanaovan-tsoa

Aza mitoky tsy misy mpahita ka manao Zanahary tsy misy.
Hafa ihany ny manao ny tsara sy mizotra ny lala-mahitsy.
INDRY Miaiky

🇲??

Misy fitia tsy sahy ambara fa mody atao hoe sangisangyMisy hafatra any atsipy an-kolaka ao anaty vazivazy Misy aty mba m...
15/06/2026

Misy fitia tsy sahy ambara fa mody atao hoe sangisangy
Misy hafatra any atsipy an-kolaka ao anaty vazivazy
Misy aty mba mody boto nefa mataotra vehivavy
Ka tsy mahasy mamboraka fa manahy sao very anazy
INDRY Miaiky

Aza vakina eo himasony boky nosoratako,fa sao ianao lazainy hoe mbola tia ahy indray.Aza tantaraina mihitsy na hanonona ...
13/06/2026

Aza vakina eo himasony boky nosoratako,
fa sao ianao lazainy hoe mbola tia ahy indray.
Aza tantaraina mihitsy na hanonona ny anarako,
fa sao ho saropiaro izy raha sendra misy izay.
INDRY Miaiky

....MIARAMILA RESY...Tsy hino ny fitiavako mihitsy raha ianao, rariny ihany angamba.Fa ho fatoranao tamin'ny sangiko hat...
10/06/2026

....MIARAMILA RESY...
Tsy hino ny fitiavako mihitsy raha ianao, rariny ihany angamba.
Fa ho fatoranao tamin'ny sangiko hatrizay aho na efa matotra aza.
Ny sangiko mahery, ny hanihany lava efa mila hampitroatra.
Fomba nanafenako ny fitiavako mamay tsy sahako navoaka.
Masiaka ery ny fihetsiko, ny resaka lazaiko toa hoe mitory hery.
Saingy fahalemena ezahana afenina no ambadik'izy ireny.
Tsy noho ianao akory, tsy tahotra be loatra ka nahatonga ahy tsy niteny.
Fa noho ireo ratra azo dia lasa nihevitra aho hoe rehefa tia, malemy.
Raha ho vonjenao nefa ity miaramila resy izay tsy sahy mijoro akory.
Dia mety mba hivaky ilay tena revirevy manenika ny fony.
Tsy mody hanafinafina izay mety ho fahatsapany anaty sangisangy.
Fa handray ny tananao, hiteny moramora hoe ianao no alainy ho vady.....Zara Ainga

Mirary nofy mamy aloha fa rahampitso aho mitondra fanazavana 😘
09/06/2026

Mirary nofy mamy aloha fa rahampitso aho mitondra fanazavana 😘

Faniriana moa ny hitazona anao mandrakizay Fa ny lahatra sy anjara io misangy ratsy kayIanao efa te hanidina dia andao f...
07/06/2026

Faniriana moa ny hitazona anao mandrakizay
Fa ny lahatra sy anjara io misangy ratsy kay
Ianao efa te hanidina dia andao fa tsy manahy
Satria na lafatra ny Raozy, mbola mandratra io indraindray
INDRY Miaiky

...FANTARO...Raha voa ianao manomboka mianatra mitia.Aza ianao matoky ny karaza lela mamy.Mila ianao mahalala fa mamy ny...
06/06/2026

...FANTARO...
Raha voa ianao manomboka mianatra mitia.
Aza ianao matoky ny karaza lela mamy.
Mila ianao mahalala fa mamy ny fitia an.
Fa tsy ialan'izay mangidy any antenantenany any.

Eto tsisy tonga lafatra toa ilay tadiavinao.
Fa misy sedra kely hitsapana anao ho mafy
Mety ianao voaratra ka ketraka sy lao.
Ka mihevitena ho resy, hilavo lefona tsy satry.

Raha misy nefa ratsy dia misy tsara ihany.
Tadidio fa misy tsiky aorinan'ny tomany.
Raha misy ny mangidy dia ao koa misy mamy.
Tsarovy fa toa izany ny fiainana eto antany.

Ka rehefa hoe mitia dia mila ianao mahatsapa.
Fa raha mandeha anjambany Io tsy maintsy hoe mandratra.
Ka tandrovy tsara ny fonao sao ho resy.
Fa tsy izay mifankatia rehetra eto no mpandresy.
INDRY Miaiky

Address

Antananarivo

Telephone

+261344678039

Website

Alerts

Be the first to know and let us send you an email when INDRY Miaiky posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to INDRY Miaiky:

Shortcuts

Share

Category