21/12/2022
وصلوا الأسود، الآلاف استقبلوهوم واخا دازو بحال الصالير فراس الشهر ودابا ندوزوا للمعقول :
عاد قريت جملة رائعة اكتبها صديقي نبيل وبتصرف " شحال من وليد خاصوا يشد البوسط وشحال من بودريقة خاصو يمشي لعكاشة "
لاكوپ الصغيرة جايا تلعب عندنا، نكملوا فنيتنا و مانحاولوش نصنعوا شي حاجة هجينة، تبارك الله عندنا سينوغرافيين و كوريڭراف خداوا جوائز عالمية، عندنا مخرجين مسرحيين داروا ميسا مؤخرا، عندنا موسيقيين يا سلام
من جهة أخرى، بزاف ديال الناس عرفوا المغرب فين جا، و شافوا التصاور والفيديوات علينا واحنا عارفين أنه الإقبال غادي يتزاد و بأفكار صغيرة ممكن نربحوا شلا لعاقة ونزيدوا نجروا ناس اخرين خاص غير نقلبوا علي فين ماكان شي ركراكي نديروه بلاصتو، وفين مكان شي شناق عبيد الهموز نعلقوه من صبع رجلو الصغير، داك لوفيس ديال التوريزم يدير شي فورماسين ديال الماركوتينڭ، وليدات ديالنا تعطاهم فرصة راه كايصنعوا العجب، واحنا المواطنين نقصوا من الغش (نحيدو عافاكم) البياعة يديرو أثمنة باينة و معقولة واللي احصل كاينصب تاهو نعلقوه من صبع رجلو الصغير فسريج البڭر
وقبل هادشي نتحاسبو مع اللي كانو غادي يضربو كلشي فالزيرو باش يبيروا جوج ديال لي تيكي وشلا مايدار
عارف تحمست ولكن الغالب الله، خرج علينا الركراكي وتقنا أنه ممكن وكاين معامن .
#منقول
#برطاج
