31/05/2016
الجزء 3:
قصتي مع #كوثر :
وخرجت ولكن يالله بغيت نسد لباب سمعت الواليدة كاتعيط. ابرآهيم.. نعام.. أجي أولدي عاوني فواحد الخدمة.. هي اللولة. عاونتها وسالينا ديك الخدمة وجلست نراجع الدروس ماخرجتش. بقيت كانراجع حتى ليل. يالله بغيت نعس هزيت تيليفون نتكونكطا شوية لقيت كوثر مسيفطا شي 10 دلميساجات.ابراهيم.. جاوب.. ياك.. حشومة عليك.. ماعرفتش مالها ولكن قلتلها راه ماكنتش مكونيكطي.. قالتلي ماشي مشكل صهرنا شويا.. حسيت بالنعاس بدا كايغلب عليا .. قلتلها بونوي غانسد دابا.. قالتلي بﻵتي..تسنا . شنو؟! .. غدا ماقارينش فالصباح نجي عندك وﻵ تجي عندي للدار.. هععهع ماتلها الحوت وﻵت غير تقول.. ولكن أنا مابقيتش كانفكر بزاف فالامور وقلتلها بدون تردد أجي نتي .. ونعست.. فالصباح حليت عيني لقيتها مسيفطة ميساج وكاتسناني حدا الدار.. قلتلها دخلي.. دخلات ومشيت دوشت بزربة وجبت العصير وجيت نگلس حداها .. كانت جايبة معاها بليزة.. قلتلها مسافرة؟!. ﻵ .. وشنو جايبة فالبليزة؟! .. الدفاتر لي غانراجعو فيهوم.. شداتني الضحكة من رجلي ولكن جمعتها باش مانحرجهاش ههههع قالتلي باش نبداو؟! قلتلها نتي تعرفي.. جبدات الفلسفة وجلسنا نراجعو فيها بجوج موهيم خدمنا صباح كامل القراية والضحك والحماق مرة مرة كنت كانغفلها ونظربها بمخدة ونقلبوها حرب المخدات لتكسير الملل.. شوية صوناليها التيليفون .. وقالتلي بابا كايصوني وصل معايا عافاك غا شوية .. وصلت معاها.. وأنا راجع تلاقيت عمر.. واحد دري مدة ماشفتو منين كنا صغار تفارقنا.. كتر من خويا.. مهم بﻵ مقدمات دوزنا بزاف.. وبقينا تانهضرو.. سولتو فين وصل قاليا الباك حتى هو غير هو معاود السيزيام .. وقالي بلي عاول ينقل فالوطني ويديه بالغش.. بصراحة ماوافقتش على الفكرة ولكن كل واحد وطريقو.. فاش سالينا الهضرة تفرقنا ورجعت بحالي للدار.. ولقيت كوثر مسيفطاليا ميساجات.. ابراهيم وصلتي بيخير.. جاوبني غانبقا مرتاحة.. ماعرفتش أنا واش كانبانلها مكونيكطي وﻵ كيفاش .. كيفاش بغاتني نجاوبها وأنا ماشي أون ﻵين. السيدة وﻵت كاتهمتم بيا بزاف.. قلتلها وي أنا فالدار دابا.. قالتلي رتاحليك شوية باش فالعشية نزيدو نخدمو .. قلتلها واخا.. فالعشية تعطلات وماسيفطاتش ميساج .. عرفت القضية حامضة مايمكنش ماتجيش وأنا عارف كوثر عندها الكلمة.. سيفطتلها ميساج فواطسآاب وماجاوباتش ماحالاش.. صونيت عليها.. وفاش جاوبات قالتلي:.......
#الخيبراطور.
