12/11/2022
كلنا راضيين على التشكيلة ديال المونديال
ولكن أنا شخصيا والله أعلم
مرضياش أولا على بعض العناصر فالدفاع نعلم أن الدفاع أكثر حاجة يا تهرسك يا تهزك وخصوصا ضد بلجيكا إسماعيل قندوس أكثر واحد يستحق يكون بين هاد الثلاثة (داري بانون الياميق ) لاعب مهاري كيفتك الكرة باحترافية حسن من هادو خصوصا أن داري مؤخرا ولا أسوء لاعب في فريقه بانون غير جاهز تماما ، وحنا عارفين أن سايس واكرد اكبر خطأ العبو بجوج حيث بجوج برجل يسارية الا فحالة دخلنا بتشكيلة 5/4/2
الأظهرة: الركراكي دا 3 الأظهرة مفهمتش والا تصابو على الأقل تدي مزراوي وحكيمي وظهير أيمن وظهير أيسر حيث عارف راسك غتلعب مزراوي ليسر وحكيمي ليمن
وسط الميدان : اكبر خطأ جبران حنا منديوش لاعب غير باش نحطوه فالاحتياط وانما لاعب اعاونا ونعلو عليه جبران لاعب زوين ولكن غير فالدوي المحلي وميقدرش على الضغط والمستوى العالي ديال المنافسين لو كان مكانو محمد ربيعة اكثر واحد يستحق التواجد
المهاجمين مزيان من غير ريان مايي وامين سلامة اظنهما كانا يستحقان احسن من النصيري
على أي التشكيلة تختارت وحنا ماعلينا إلا نشجعو منتخبنا اللهم يسر وفالنهاية تبقى اختيارات المدرب
