13/04/2026
اللي حصل النهاردة في مباراة الوداد و المغرب الفاسي في الدوري المغربي ده شئ من الخيال حرفيا !
النتيجة كانت تعادل سلبي لحد الدقيقه 80 و لو كانت انتهت تعادل كان الوداد هيتصدر الدوري لكن ادريس الجبلي مدافع المغرب الفاسي اتجنن رسمي و سجل هدف الفوز بالطريقه الخياليه اللي قدامك دي ، هدف رابونا بمرجحه رجل كلها حرفنه و ريحته كلها جائزه بوشكاش !
المبهر بقي هي تفاصيل الهدف نفسه ، اولا ادريس الجبلي ده مدافع مش جناح ولا مهاجم ، ثانيا انت في الدقيقه 80 و النتيجة تعادل يعني المنطقي تلعب علي المضمون ، ثالثا الهدف ده خلي المغرب الفاسي يتصدر الدوري ، القرار بطريقه اتقانه و توقيته و شجاعته و تأثيره عظيم بكل المقاييس !
دوري فيه كل الانديه بتكسب بعض ، دوري فيه نسق المباريات في اعلي مستوي ممكن ، دوري فيه اجواء جماهيريه مرعبه ، كمان عندك 5 انديه بينافسوا علي اللقب ، اجواء كلها هربانه من البريميرليج !
الدوري المغربي السنة دي ممتع بدرجه لا توصف حقيقي 👏❤️
