06/05/2026
بغيتي #تربح الوقت #وتحافظ على #الماكينة ديالك؟
جرب هاد لاستيس (Astuce) فبرنامج RDWorks! ✂️🔥بزاف منا ملي كيكون عندو شي كوموند كبيرة فيها بزاف ديال الميداليات أو أشكال مكررة، كيطيح فواحد المشكل:
الماكينة كتدوز على نفس الخط جوج مرات! 🤦♂️ هادشي كيتسمى Overlap.
علاش هاد المورصو ديال "الخطوط المعاودة" خايب؟
1️⃣ كيضيع ليك الوقت بزاف (لي كان ممكن تقطع فيه الدوبل).
2️⃣ كيستهلك الأنبوبة (Tube) والعدسة على والو 💡.
3️⃣ الحواف ديال الخشب أو الأكريليك كيتحرقو بزايد وكيخسرو الديكور 🛑.
💡 الحل السهل: خاصية "Delete Overlap"هاد اللعيبة فـ RDWorks كتمسح أوتوماتيكياً أي خط فوق خط، وكتخلي الليزر يدوز غير مرة وحدة فالبلايص المشتركة.🛠️ كيفاش تخدم بها؟سيلكسيوني (Select) التصميم ديالك كامل.طلع للفوق لقائمة Handle.ورك على Delete overlap.البرنامج غيسولك على المسافة (Tolerance)، خليها غالباً 0.1 أو 0.05 ودر Ok.
✅ شنو غتستافد؟
🔹 الماكينة غتولي خفيفة ومغتبقاش تعاود الطريق.
🔹 غتحافظ على الـ Tube ديالك يضرب مدة أطول 🛠️.
🔹 الفينيسيون (Finishing) غتخرج نقية ومافيهاش الحروق ديال قوة الليزر.
📌 #نصيحة من عند " #الصنايعي": ديما قبل ما تلونصي الخدمة، دير Preview (هاديك اللعيبة ديال التلفزة الصغيرة) وشوف واش الليزر باقي كيتعطل فشي بلاصة ولا داز نيشان.
جربوها وردو عليا لخبار، وقولولي شحال ديال الوقت وليتو كتربحو! 👇
#المغرب
